جىنىستىق جاقتاعى پارىقتى سىلتاۋراتىپ ايەلدەردى قىزمەتكە قابىلداماعان جاعدايدا، ەڭ جوعارى بولعاندا 50 مىڭ يۋان اقشالاي ايىپ سالۋعا بولادى
2023.02.03 14:49 كەلۋ قاينارى : حالىق تورابى
بەيجيڭ جاستار گازەتىنىڭ ءتىلشىسى جيە لي حابارلايدى. «جۇڭحۋا حالىق رەسپۋبليكاسىنىڭ ايەلدەردىڭ ۇقىق – مۇددەسىن قورعاۋ زاڭىن» تياناقتاندىرۋ، ايەلدەردىڭ ەڭبەك جانە الەۋمەتتىك جاقتاعى ۇقىق – مۇددەسىن قامتاماسىزداندىرۋ، جۇمىستانۋ جاعىندا جىنىستىق كەمسىتۋدى الاستاۋ، ادام كۇشى بايلىعى جانە قوعامدىق قامتاماسىزداندىرۋ سالاسىنا ساياتىن اكىمشىلىك جازالاۋ ارەكەتتەرىن ارناعا ءتۇسىرۋ ءۇشىن، جۋىردا بەيجيڭ قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى «‹بەيجيڭ قالاسىنىڭ ادام كۇشى بايلىعى جانە قوعامدىق قامتاماسىزداندىرۋعا ساياتىن اكىمشىلىك جازانى بەلگىلەۋ نەگىزگى ولشەمىن (ايەلدەردىڭ ۇقىق – مۇددەسىن قامتاماسىزداندىرۋعا ساياتىن ءبولىمىن)› باسىپ تاراتۋ جونىندەگى ۇقتىرۋىن» جاريالادى. ۇقتىرۋدا مىنالار ايقىندالعان: ادام ىستەتۋشى ورىندار قىزمەتكەر قابىلداۋ بارىسىندا جىنىسىن سىلتاۋ ەتىپ، ايەلدەردى قىزمەتكە قابىلداماسا نەمەسە ايەلدەردى قىزمەتكە قابىلداۋدا پارىقتى تۇردە جوعارىلاتىلعان ولشەم قولدانسا، ياكي، ۇيلەنۋ، جۇكتى بولۋ، تۋىت دەمالىسى، بالا ەمىزۋ قاتارلى ىستەرگە بايلانىستى ايەل قىزمەتكەرلەردىڭ ەڭبەكاقىسى مەن يگىلىك تۇرلەرى قاتارلىلاردى تومەندەتسە، ەڭ جوعارى بولعاندا 50 مىڭ يۋان اقشالاي ايىپ سالۋعا بولادى.
قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى مىنانى اتاپ كورسەتتى: 2022 – جىلى 10 – ايدىڭ 30 – كۇنى، 13 – كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 37 – رەتكى ءماجىلىسى جاڭادان وزگەرىس ەنگىزىلگەن ايەلدەردىڭ ۇقىق – مۇددەسىن قامتاماسىزداندىرۋ زاڭىن قاراپ ماقۇلداعان. «جۇڭحۋا حالىق رەسپۋبليكاسىنىڭ ايەلدەردىڭ ۇقىق – مۇددەسىن قامتاماسىزداندىرۋ زاڭى» 2023 – جىلى 1 – ايدىڭ 1 – كۇنىنەن باستاپ اتقارىلدى. جاڭادان وزگەرىس ەنگىزىلگەن ايەلدەردىڭ ۇقىق – مۇددەسىن قامتاماسىزداندىرۋ زاڭىندا جۇمىستاندىرۋ جاعىندا جىنىستىق كەمسىتۋ سىندى جاعدايعا باغىتتاي وتىرىپ تيىم سالۋ سيپاتىندىق بەلگىلەمەلە ورتاعا قويىلعان، قىزمەتىن ءوسىرۋ، دارەجەسىن ءوسىرۋ، كاسىپتىك تەحنيكالىق اتاعىن باعالاۋ جانە قىزمەت مىندەتى، كۋرسقا قاتىناستىرۋ قاتارلى جاقتاردا ايەلدەر مەن ەرلەر تەڭ بولۋ پرينسيبىنە تاباندى بولۋ كەرەك ەكەندىگى، ايەلدەردى كەمسىتۋگە بولمايتىندىعى ايقىن بەلگىلەنگەن.
ءار دارەجەلى حالىق ۇكىمەتى مەن قاتىستى تاراۋلاردىڭ جۇمىستاندىرۋ جاعىنداعى قامتاماسىزداندىرۋدىڭ ساياساتتىق شارالارىن كەمەلدەندىرۋى كەرەك ەكەندىگى، جۇمىستانۋ جاعىنداعى جىنىستىق كەمسىتۋدەن ساقتانۋى جانە تۇزەتۋى كەرەك ەكەندىگى، ايەلدەردىڭ جۇمىستانۋىنا، شارۋاشىلىق قۇرۋىنا ءادىل ورتا جاراتۋى كەرەك ەكەندىگى ايقىن بەلگىلەنگەن. قىزمەتكەر ىزدەۋ، قىزمەتكەر قابىلداۋ، قىزمەت دارەجەسىن ءوسىرۋ، قىزمەتتەن بوساتۋ قاتارلى بارىستاردا جىنىستىق كەمسىتۋ ىستەرى ەڭبەككە قاتىستى قامتاماسىزداندىرۋدى باقىلاۋ كولەمىنە ەنگىزىلگەن.
ال، وسى رەت جاڭادان جاريالانعان «جازا بەلگىلەۋ نەگىزگى ولشەمىندە (ايەلدەردىڭ ۇقىق – مۇددەسىن قامتاماسىزداندىرۋعا ساياتىن ءبولىمى)» «ايەلدەردىڭ ۇقىق – مۇددەسىن قامتاماسىزداندىرۋ» زاڭىنداعى بەس ءتۇرلى اكىمشىلىك جازا بەرۋ قىزمەتتىك ۇقىعىن بەلگىلەۋ ولشەمى قامتىلعان، مۇندا ءتورت ءتۇر جاڭادان قوسىلعان، ءبىر تۇرگە رەتتەۋ جۇرگىزىلگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
