مۇشەلەر ءۇنى
شۇي رۇيشيا مۇشە: جايىلىم ەكولوگياسىن قورعاۋ مەن حالىق تۇرمىسىنىڭ ەكەۋىنە دە ءتيىمدى شارالاردى ىلگەرىلەتەيىك
حالىق تورابىنىڭ ءتىلشىسى جين حۇڭحۋا، سۇڭ مەيچي
2023.03.10 13:41 كەلۋ قاينارى : حالىق تورابى
مەملەكەتتىك كەڭەستىڭ مۇشەسى شۇي رۇيشيا. (سۇحبات قابىلداۋشى بەرگەن سۋرەت)
بيىلعى ەكى ماجىلىستە، مەملەكەتتىك ساياسي كەڭەس مۇشەسى، ىشكى موڭعۇل اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ورىنباسار باستىعى شۇي رۇيشيانىڭ اكەلگەن ۇسىنىس جوباسى جايىلىم ەكولوگياسىن قورعاۋمەن تىعىز قاتىستى. ول: ”جايلىم ەكولوگياسىن قورعاۋ جاعىندا قوسىمشا قاراجات بەرىپ سيلاۋ ساياساتى — ەلىمىزدىڭ ساحاراداعى مال شارۋاشىلىعى رايوندارىنداعى قامتيتىن كولەمى ەڭ كەڭ، قامتيتىن ديقان – مالشىلار سانى ەڭ كوپ بولعان، جايىلىمعا دا حالىققا دا پايدالى ساياساتى“، — دەيدى.
شۇي رۇيشيا بىلاي دەپ تانىستىردى: قوسىمشا قاراجات بەرىپ سيلاۋ ساياساتى اتقارىلعاننان بەرى، ديقاندار مەن مالشىلاردان 12 ميلليوننان استام وتباسىن يگىلىككە كەنەلتىپ، 3 ميلليارد 820 ميلليون مۋلىق جايىلىم تىڭايتىلدى، جەتىلدىرىلدى، جايىلىم ەكولوگيالىق ورتاسى ۇزدىكسىز قالپىنا كەلدى.
تاۋ، ورمان، سۋ، اتىز، كول، جايىلىم، ءشولدى ءبىر تۇلعالاندىرىپ قورعاۋ جانە جۇيەلى جونگە سالۋدا تاباندى بولۋ ارقىلى ىشكى موڭعۇلداعى جايىلىم تىڭايتىلدى، جەتىلدىرىلدى، ورگانيزمدەردىڭ الۋان تۇرلىلىگى دە كۇن سايىن مولايدى. شۇي رۇيشا: ”كوپتەگەن مالشىلار كورىكتى ساحاراعا ارقا سۇيەپ، ساياحات كاسىبىن دامىتتى“، — دەدى.
شۇي رۇيشيا: ”جايىلىمداعى اپاتتان قامسىزداندىرۋ مەحانيزمىن ورناتىپ، مالشىلاردىڭ ءوندىرىسى مەن تۇرمىسىنىڭ نەگىزىن قامتاماسىزداندىرۋدى كۇشەيتىپ، جايىلىمداعى تابيعي اپات حاۋپىنە توتەپ بەرۋ قۋاتىن جوعارىلاتىپ، مالشىلاردىڭ ءوندىرىس پەن تۇرمىستاعى ۋايىمدارىن شەشىم ەتۋ كەرەك“، — دەگەن ۇسىنىس بەرگەن.
جايىلىمدى پايدالانباسا بولمايدى، شەكتەن تىس پايدالانسا دا بولمايدى. شۇي رۇيشيا: ”جايىلىمنىڭ ەكولوگيالىق قۇنىنا بايلانىستى تولىقتاپ تولەم بەرۋ نىسانىن كوبەيتىپ، قوسىمشا قاراجات بەرىپ سيلاۋ ونىمدىلىگىن باعالاۋدى ىشكەرىلەي جاقسارتىپ، ’مالعا بايلانىستى‘ باعالاۋدان ’جايىلىمعا بايلانىستى‘ باعالاۋعا قاراي بۇرىلىس جاساۋدى ىلگەرىلەتۋ ءارى ەكولوگيالىق قىزمەت وتەۋ قۇنىنا قاراي قوسىمشا قاراجات بەرۋ پرينسيبىنە ساي، ەكولوگيالىق ورتانى قورعاۋشىلارعا تولىقتاما قاراجات بەرۋ كەرەك“.
مىندەتىن اتقارۋ جوسپارى تۋرالى اڭگىمەلەگەندە شۇي رۇيشيا نىق سەنىممەن: ”كەلەسى قادامدا، جايىلىم ەكولوگياسى مەن حالىق تۇرمىسىنا بىردەي ءتيىمدى شارالاردى ىسكە اسىرۋ جاعىندا بەلسەندى ۇسىنىس بەرۋگە قۇلشىنامىن“، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
