شي جينپيڭ يسپانيانىڭ پاتشاسى فيليپ Ⅵ مەن جۇڭگو مەن يسپانيانىڭ ديپلوماتيالىق قارىم - قاتىناس ورناتقانىنىڭ 50 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى
2023.03.10 14:25 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 9 - كۇنى، بەيجيڭ. 3 - ايدىڭ 9 - كۇنى مەملەكەت ءتوراعاسى شي جينپيڭ يسپانيانىڭ پاتشاسى فيليپ Ⅵ مەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 50 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو يسپانيامەن ديپلوماتيالىق قارىم - قاتىناس ورناتقان جارتى عاسىردان بەرى ەكى جاق ءوزارا قۇرمەت ەتۋ، تەڭ تۇرعىدا ءوزارا پايدا جەتكىزۋ رۋحىن ۇستانىپ، دوستىقتى تەرەڭدەتىپ، سەلبەستىكتى جەبەپ، جالپى بەتتىك ستراتەگيالىق سەرىكتەستىك قارىم - قاتىناس ورناتىپ جانە دامىتىپ، ەكى ەل حالىقتارىنا ناقتى قۇت - ىرىس اكەلدى.
شي جينپيڭ بىلاي دەپ دارىپتەدى: مەن جۇڭگو - يسپانيا قارىم - قاتىناسىنىڭ دامۋىنا ايرىقشا ءمان بەرەمىن، پاتشا فيليپ Ⅵ مەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 50 جىلدىعىن تىڭ باستاما ەتىپ، ساياسي ءوزارا سەنىمدىلىكتى بەكەمدەپ، ءوزارا ءتيىمدى سەلبەستىكتى كەڭەيتىپ، حالىق تىلەگىنىڭ تاتۋلىعىن نىعايتىپ، جۇڭگو - يسپانيا دوستىعىنىڭ، سەلبەستىگىنىڭ جاڭا تاراۋىن بىرگە جازۋدى قالايمىن.
فيليپ Ⅵ مىنالاردى ءبىلدىردى: ديپلوماتيالىق قارىم - قاتىناس ورناتقان 50 جىلدان بەرى يسپانيا - جۇڭگو قارىم - قاتىناسىنىڭ دامۋى ورنىقتى، ءساتتى بولدى، ءار سالاداعى سەلبەستىك ۇزدىكسىز ىلگەرىلەدى، حالىقتاردىڭ دوستىعى ۇزدىكسىز تەرەڭدەدى. ەكى ەلدىڭ ديپلوماتيالىق قارىم - قاتىناس ورناتۋدىڭ 50 جىلدىعىن قۇتتىقتاۋدى وراي ەتىپ، دوستىق بارىس - كەلىس پەن ناقتى سەلبەستىكتى جاپپاي كەڭەيتىپ، كليمات وزگەرىسى سياقتى دۇنيە جۇزىلىك سايىستارعا تىزە قوسا توتەپ بەرەتىنىنە سەنەمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
