14 - كەزەكتى مەملەكەتتىك حالىق قۇرىلتايى 1 - ءماجىلىسى ءتوراعالار القاسى تۇراقتى ءتوراعالارىنىڭ 3 - جيىنى وتكىزىلدى، 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ ءتوراعالار القاسى 3 - جيىنىن وتكىزدى
جاۋ لىجي جيىندى باسقاردى
2023.03.10 14:31 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 9 - كۇنى، بەيجيڭ. 14 - كەزەكتى مەملەكەتتىك حالىق قۇرىلتايى 1 - ءماجىلىسى ءتوراعالار القاسى تۇراقتى ءتوراعالارىنىڭ 3 - جيىنى 3 - ايدىڭ 9 - كۇنى تۇستەن بۇرىن بەيجيڭدەگى حالىق سارايىندا وتكىزىلدى. ءماجىلىس ءتوراعالار القاسىنىڭ تۇراقتى ءتوراعاسى جاۋ لىجي جيىندى باسقاردى.
جيىندا مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ مەڭگەرۋشى مۇشەسى شين چۇنيىڭ جاساعان مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ زاڭ شىعارۋ زاڭىنا وزگەرىس ەنگىزۋ جونىندەگى قاۋلى جوباسىنا وزگەرىس ەنگىزۋ پىكىرى جونىندەگى بايانداما تىڭدالدى، زاڭ شىعارۋ زاڭىنا وزگەرىس ەنگىزۋ جونىندەگى قاۋلى جوباسىنىڭ داۋىسقا سالۋ نۇسقاسى قارالدى.
جيىندا ءماجىلىس باس حاتشىسىنىڭ ورىنباسارى ليۋ جۇنچىن جاساعان ءماجىلىس حاتشىلار باسقارماسىنىڭ مەملەكەتتىك كەڭەس قۇرىلىمدارىنا رەفورما جاساۋ جوباسىن قاراۋ جاعدايى، سونداي - اق مەملەكەتتىك كەڭەس قۇرىلىمدارىنا رەفورما جاساۋ جوباسى جونىندەگى قارار جوباسىنىڭ وكىلەتتى دايىندالعان نۇسقاسى جونىندەگى مالىمەتى تىڭدالدى.
جيىندا ليۋ جۇنچىن جاساعان ءماجىلىس حاتشىلار باسقارماسىنىڭ 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ سايلاۋ جانە مىندەتكە تاعايىنداۋدى ۇيعارۋ ءادىسى جوباسىن قاراۋ جاعدايى جونىندەگى مالىمەتى تىڭدالدى.
جيىندا ليۋ جۇنچىن جاساعان ءماجىلىس حاتشىلار باسقارماسىنىڭ ءارقايسى ۋاكىلدەر ۇيىرمەسىنىڭ بەلەت باقىلاۋشىلاردى كورسەتۋ جاعدايى جونىندەگى مالىمەتى تىڭدالدى، باس بەلەت باقىلاۋشىنىڭ ۇسىنىستىق كانديداتى العا قويىلدى.
جيىندا ليۋ جۇنچىن جاساعان ءماجىلىس حاتشىلار باسقارماسىنىڭ 14 - كەزەكتى مەملەكەتتىك حالىق قۇرىلتايى 1 - ءماجىلىسى ءتوراعالار القاسىنىڭ نەگىزگى زاڭ الدىندا سەرت بەرۋدىڭ ۇيىمدىق ءادىسى جوباسىن وكىلەتتى دايىنداۋ نۇسقاسى جونىندەگى مالىمەتى تىڭدالدى.
جيىن قاتىستى بايانداما، جوبا سياقتىلاردى ءماجىلىس ءتوراعالار القاسى جيىنىنىڭ قاراۋىنا ۇسىنۋعا ماقۇل بولدى.ءماجىلىس ءتوراعالار القاسىنىڭ تۇراقتى ءتوراعالارى لي گانجيە، لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا جيىنعا قاتىناستى.
«حالىق گازەتى»، 3 - ايدىڭ 9 - كۇنى، بەيجيڭ (ءتىلشى جاڭ تيانپەي). 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ ءتوراعالار القاسى 3 - ايدىڭ 9 - كۇنى تۇستەن بۇرىن بەيجيڭدەگى حالىق سارايىندا 3 - رەتكى جيىنىن وتكىزدى.
ءتوراعالار القاسىنىڭ تۇراقتى ءتوراعاسى جاۋ لىجي جيىندى باسقاردى. جيىنعا قاتىناسۋعا ءتيىستىسى 192 ادام، قاتىناسقانى 189 ادام، 3 ادام قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
3 - ايدىڭ 8 - كۇنى تۇستەن كەيىن ۋاكىلدەر ۇيىرمەلەرى زاڭ شىعارۋ زاڭىنا وزگەرىس ەنگىزۋ جونىندەگى قارار جوباسىن مۇقيات قارادى. مەملەكەتتىك حالىق قۇرىلتايىنىڭ نەگىزگى زاڭ جانە زاڭدار كوميتەتى ۋاكىلدەر ۇيىرمەلەرىنىڭ قاراۋ پىكىرىنە ساي، قارار جوباسىن قاراپ، قارار جوباسىنىڭ داۋىسقا سالۋ نۇسقاسىن العا قويدى. ءتوراعالار القاسى جيىنى مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ مەڭگەرۋشى مۇشەسى شين چۇنيىڭ جاساعان مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ زاڭ شىعارۋ زاڭىنا وزگەرىس ەنگىزۋ جونىندەگى قارار جوباسىنا وزگەرىس ەنگىزۋ پىكىرى جونىندەگى باياندامانى تىڭدادى. جيىن داۋىسقا سالۋ ارقىلى جوعارىداعى باياندامالار مەن قاۋلى جوبالاردىڭ داۋىسقا سالۋ نۇسقاسىن ماقۇلداپ، زاڭ شىعارۋ زاڭىنا وزگەرىس ەنگىزۋ جونىندەگى قارار جوباسىن ءماجىلىستىڭ جالپى جيىنىندا داۋىسقا سالۋعا ۇسىنۋدى ۇيعاردى.
3 - ايدىڭ 8 - كۇنى تۇستەن كەيىن ۋاكىلدەر ۇيىرمەلەرى مەملەكەتتىك كەڭەس قۇرىلىمدارىنا رەفورما جاساۋ جوباسىن مۇقيات قارادى. ۋاكىلدەر مەملەكەتتىك كەڭەس قۇرىلىمدارىنا جاسالاتىن رەفورما جوباسىن قۇپتاپ، مەملەكەتتىك كەڭەس قۇرىلىمدارىنا جاسالاتىن رەفورما جوباسىنا ءبىر اۋىزدان ماقۇل بولدى. ءتوراعالار القاسىنىڭ جيىنى داۋىسقا سالۋ ارقىلى ءماجىلىستىڭ مەملەكەتتىك كەڭەس قۇرىلىمدارىنا رەفورما جاساۋ جوباسى جونىندەگى قارار جوباسىن ۋاكىلدەر ۇيىرمەلەرىنىڭ قاراۋىنا ۇسىنۋدى ۇيعاردى.
ج ك پ ورتالىق كوميتەتىنىڭ تاپسىرۋىمەن، ورتالىق كوميتەت ۇيىمداستىرۋ ءبولىمىنىڭ باستىعى چىن شي ج ك پ ورتالىق كوميتەتى 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ ءتوراعالار القاسىنا كورسەتكەن جاڭا كەزەكتى مەملەكەت قۇرىلىمدارى قۇرامىنداعىلاردىڭ كانديداتتارىنىڭ ۇسىنىستىق ەسىمدىگى جونىندە تۇسىنىك جاسادى.
چىن شي بىلاي دەدى: جاڭا كەزەكتى مەملەكەت قۇرىلىمدارىنىڭ قۇرامىنداعىلاردى، اسىرەسە، مەملەكەت قۇرىلىمدارىنىڭ باسشىلارىن سايلاۋ جانە مىندەتكە تاعايىنداۋدى ۇيعارۋ − وسى رەتكى ءماجىلىستىڭ باستى مىندەتتەرىنىڭ ءبىرى ءارى جالپى جاعدايعا ساياتىن ءىرى ءىس. باس شۋجي شي جينپيڭ مەن ج ك پ ورتالىق كوميتەتى جاڭا كەزەكتى مەملەكەت قۇرىلىمدارى قۇرامىنداعىلاردىڭ، اسىرەسە، مەملەكەت قۇرىلىمدارى باسشىلارىنىڭ كانديداتتارىن كورسەتۋگە ايرىقشا ءمان بەردى. ج ك پ – نىڭ 20 – قۇرىلتايىندا كادرلاردى ورنالاستىرۋ جونىندە جالپى بەتتىك وي جۇگىرتىلدى. ج ك پ 20 - كەزەكتى ورتالىق كوميتەتىنىڭ باسشىلىق قۇرىلىمدارىنىڭ كانديداتتارىمەن جەكە - جەكە اڭگىمە وتكىزىلىپ، تەكسەرۋ - زەرتتەۋ جۇرگىزىلۋمەن بىرگە، جاڭا كەزەكتى مەملەكەت قۇرىلىمدارى باسشىلارىنىڭ قاتىستى كانديداتتارى جونىنەن پارتيا مەن مەملەكەتتىڭ باسشى جولداستارىنىڭ، ولكە - مينيسترلىك دارەجەلى، ارميانىڭ سوعىس رايونى دارەجەلى باستىقتارىنان جوعارى ج ك پ – عا مۇشە نەگىزگى جاۋاپتى جولداستاردىڭ، ج ك پ 19 - كەزەكتى ورتالىق كوميتەتىنىڭ باسقا دا مۇشەلەرىنىڭ كورسەتۋ پىكىرلەرى جانە قاتىستى ۇسىنىستارى بەتپە - بەت تىڭدالدى. ج ك پ ورتالىق كوميتەتى بىلاي دەپ قارادى: جاڭا كەزەكتى مەملەكەت قۇرىلىمدارى باسشىلارىنىڭ كانديداتتارىن جارىققا شىعارۋدا شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ؛ جۇڭگوشا سوتسياليستىك ساياسي دامۋ جولىنان اۋىتقىماي، پارتيا باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىندە تاباندى بولىپ، مەملەكەتتىك حالىق قۇرىلتايىنىڭ قىزمەتىن كۇشەيتىپ، ءار جاقتاعى كۇشتەردى ىنتىماقتاستىرۋ، ۇيىستىرۋ؛ كادرلاردى پارتيا باسقارۋ پرينسيبىندە تاباندى بولىپ، ءمورالدى دا قابىلەتتى بولۋدا، ءمورالدى الدىڭعى ورىنعا قويۋدا، توڭىرەكتىڭ ءتورت بۇرىشىنان بولۋدا، جارامدىلاردى عانا قىزمەتكە قويۋدا تاباندى بولىپ، جاڭا داۋىردەگى جاقسى كادر ولشەمىن جانە ادال، كىرشىكسىز بولۋ، جاۋاپكەرلىك ارقالاۋ تالابىن تياناقتاندىرىپ، كانديداتتاردىڭ ساياسي وتكەلىن، پاكتىك وتكەلىن، وبراز وتكەلىن قاتاڭ يگەرۋ؛ باسشىلىق القا قۇرىلىسىن بەلسەندى، ورنىقتى ىلگەرىلەتىپ، كانديداتتاردى جاڭادان كورسەتۋدە، باستىسى، سول ادامنىڭ ساپاسى مەن شارت - جاعدايىن ويلاستىرۋ، كانديداتتىڭ ءمورالىنا، قابىلەتىنە جانە داعدىلى بەينەسىنە قاراۋمەن بىرگە، كانديداتتىڭ ستاجىنا، كەشىرمەسىنە جانە ۋاكىلدىك سيپاتىنا دا قاراۋ، سونىمەن بىرگە، قىزمەت قاجەتى مەن قۇرىلىمدىق تالابىن دا ويلاستىرۋ؛ كانديداتتار اراسىندا ءار جاقتاعى باسشى تىرەكتىلەر بولۋ، ارنايى بەلگىلەنگەن جاقتارداعى ۋاكىلدىك سيپاتقا يە ادامدار بولۋ، ايەل جولداستار مەن از ۇلت جولداستار دا بولۋ كەرەك.
چىن شي بىلاي دەدى: ج ك پ ورتالىق كوميتەتى جوعارىداعى پرينسيپ بويىنشا، قىزمەت پەن القا قۇرىلىمىنىڭ قاجەتىنە، سونداي - اق ءىشىنارالىق اڭگىمەلەسۋ، تەكسەرۋ - زەرتتەۋ، پىكىر الۋ جاعدايىنا، ۇيىم ۇعىسقان جاعدايعا نەگىزدەلىپ، قايتا - قايتا سالىستىرىپ تاڭداۋ، ءبىر تۇتاس ويلاستىرۋ، تولىق اقىلداسۋ، كوپ رەت پىكىرلەسۋ، ءار جاققا بىردەي ءمان بەرۋ ارقىلى جاڭا كەزەكتى مەملەكەت قۇرىلىمى باسشىلارىنىڭ كانديداتتارىنىڭ ەسىمدىگىن العا قويدى. ج ك پ – عا مۇشە ەمەس كانديداتتار جونىنەن ج ك پ ورتالىق كوميتەتى بىرلىكساپ ءبولىمىنىڭ جانە دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنان جەكە - جەكە پىكىر الىندى. جاڭادان كورسەتىلەتىن كانديداتتاردا، ج ك پ – عا مۇشە كانديداتتار جونىنەن تەكسەرۋ جۇرگىزىلدى، ج ك پ – عا مۇشە ەمەس كانديداتتار جونىنەن دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ كەزەك اۋىستىرىپ تەكسەرۋى نەگىزىندە تاعى دا ارناۋلى تەكسەرۋ جۇرگىزىلدى، كەيبىرەۋلەرىنە لايىقتى ءتاسىل ارقىلى بەلگىلى كولەمدە پىكىر تىڭدالدى، سونىمەن بىرگە، پارتيا ستيلى، پاكتىك جاعدايى جونىندە ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ پىكىرى تىڭدالدى. ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندە جانە ورتالىق كوميتەت ساياسي بيۋروسىنىڭ ماجىلىسىندە تالقىلاۋ ارقىلى جاڭا كەزەكتى مەملەكەت قۇرىلىمدارى باسشىلارىنىڭ كانديداتتارى قاتارلىلاردىڭ ۇسىنىس ەسىمدىگى ورتاعا قويىلدى. 2 - ايدىڭ 28 - كۇنى ج ك پ ورتالىق كوميتەتى دەموكراتيالىق كەڭەس ءماجىلىسىن اشىپ، كانديداتتاردىڭ ۇسىنىستىق ەسىمدىگى جونىندە دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن كەڭەس وتكىزدى. ج ك پ 20 - كەزەكتى ورتالىق كوميتەتىنىڭ ەكىنشى جالپى ءماجىلىسى كانديداتتاردىڭ ۇسىنىستىق ەسىمدىگىن قاراپ ماقۇلدادى. ءماجىلىس ءتوراعالار القاسىنىڭ قاراۋىنا ۇسىنىلعان 14 - كەزەكتى مەملەكەتتىك حالىق قۇرىلتايى تۇراقتى كوميتەتى مۇشەلەرى كانديداتتارىنىڭ ۇسىنىستىق ەسىمدىگى مەملەكەتتىك حالىق قۇرىلتايى تۇراقتى كوميتەتىنىڭ قىزمەت قاجەتى مەن قۇرىلىمدىق تالابىنا ساي، جەر - جەردىڭ، تاراۋلاردىڭ جانە دەموكراتيالىق پارتيا - توپتاردىڭ، مەملەكەتتىك ساۋدا - ونەركاسىپشىلەر بىرلەستىگىنىڭ، سونداي - اق باسقا دا قاتىستى جاقتاردىڭ كورسەتۋى نەگىزىندە، پارتيا ءىشى - سىرتىنداعىلاردىڭ قايتا - قايتا اقىلداسۋى، كەڭەسۋى ارقىلى ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسى مەن ورتالىق كوميتەت ساياسي بيۋروسىنىڭ ماجىلىسىندە اقىلداسىپ العا قويىلدى. مەملەكەتتىك كەڭەستىڭ باس حاتشىلىعىنا، مينيسترلىكتەردىڭ مينيسترلىگىنە، كوميتەتتەردىڭ مەڭگەرۋشىلىگىنە، جۇڭگو حالىق بانكەسىنىڭ باستىقتىعىنا، قازىنالىق باس باقىلاۋشىعا كورسەتىلگەندەردىڭ ۇسىنىستىق ەسىمدىگى تەكسەرۋ جانە ءار جاقتىڭ پىكىرىن تىڭداۋ نەگىزىندە، ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندە جانە ورتالىق كوميتەت ساياسي بيۋروسىنىڭ ماجىلىسىندە اقىلداسىپ العا قويىلدى.
چىن شي بىلاي دەدى: وسى رەتكى مەملەكەتتىك حالىق قۇرىلتايىنىڭ كەزەك اۋىستىرۋىندا كەيبىر جولداستار جاسىنىڭ ۇلعايۋى نەمەسە قىزمەتىنىڭ وزگەرۋى سياقتى سەبەپتەردەن جالعاستى كورسەتىلمەدى. ۇزاق ۋاقىتتان بەرى ولار پارتيا مەن مەملەكەت ىستەرىنىڭ دامۋى ءۇشىن قاجىرلىلىقپەن قىزمەت ىستەپ، جۇڭگوشا سوتسياليزم ىستەرىنىڭ قۇرىلىسى مەن دامۋىنا بەلسەندى ۇلەستەر قوستى، بۇل رەت تاعى دا ءىس جۇزىندىك ارەكەتتەرى ارقىلى مەملەكەت قۇرىلىمدارىنىڭ قۇرامىنداعىلار اراسىندا قارتتاردىڭ ورنىن جاستاردىڭ باسۋىنا تىڭ ۇلەستەر قوستى. ءبىز ولارعا وسكەلەڭ قۇرمەت بىلدىرەيىك!
ءتوراعالار القاسىنىڭ جيىنى داۋىسقا سالۋ ارقىلى جۇڭحۋا حالىق رەسپۋبليكاسىنىڭ ءتوراعالىعىنا، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعالىعىنا، 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ باستىقتىعىنا، ورىنباسار باستىقتىعىنا، باس حاتشىلىعىنا كورسەتىلگەن ادامداردى، جۇڭحۋا حالىق رەسپۋبليكاسىنىڭ ورىنباسار ءتوراعالىعىنا كورسەتىلگەن ادامداردى ءتوراعالار القاسى اتىنان ءارقايسى ۋاكىلدەر ۇيىرمەسىنىڭ اقىلداسۋىنا، كەڭەسۋىنە ۇسىنۋدى ۇيعاردى.
ءتوراعالار القاسىنىڭ تۇراقتى ءتوراعالارى لي گانجيە، لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا جيىنعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
