اۋىل شارۋاشىلىعىن، اۋىل – قىستاقتى وسىزامانداندىرۋدا ارشىندى قادام تاستالدى (جاڭا ءداۋىر، جاڭا جورىق، جاڭا ۇلى ءىس − ساپالى دامۋدى بۇلجىماستان ىلگەرىلەتۋ)
«حالىق گازەتىنىڭ» تىلشىلەرى گاۋ يۇنساي، گۋ جۇڭياڭ، چاڭ چين، لي شياۋچيڭ
2023.03.30 16:37 كەلۋ قاينارى : حالىق تورابى
مەملەكەتتى قۇدىرەتتەندىرۋ ءۇشىن، ءسوز جوق، الدىمەن اۋىل شارۋاشىلىعىن كۇشەيتۋ كەرەك، اۋىل شارۋاشىلىعى قۇدىرەتتى بولعاندا عانا، مەملەكەتتى قۇدىرەتتەندىرۋگە بولادى.
باس شۋجي شي جينپيڭ مەملەكەتتىك 14 - كەزەكتى حالىق قۇرىلتايىنىڭ 1 - ماجىلىسىندە جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا: ” اۋىل شارۋاشىلىعىندا قۋاتتى ەل بولۋ − سوتسياليستىك وسىزاماندانعان قۋاتتى ەل بولۋدىڭ نەگىزى، اۋىل شارۋاشىلىعىن وسىزامانداندىرۋدى ىلگەرىلەتۋ − ساپالى دامۋدى جۇزەگە اسىرۋدىڭ قاجەتتى تالابى“ دەپ دارىپتەدى.
بيىلعى «ۇكىمەت قىزمەتىنەن باياندامادا» اۋىل شارۋاشىلىعىن كۇشەيتۋ، اۋىل شارۋاشىلىعىنا تيىمدىلىك جاساۋ ساياساتىن كەمەلدەندىرىپ، اۋىل شارۋاشىلىق ءوندىرىسىن ۇزدىكسىز مىقتى يگەرىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتۋ ورتاعا قويىلدى.
كوكتەم سامالى ەسىپ، جاڭبىر جاۋىپ، ەگىنشىلىك جۇمىسى قاۋىرت جۇرگىزىلدى. پارتيانىڭ اۋىل شارۋاشىلىعىن كۇشەيتۋ، اۋىل - قىستاققا تيىمدىلىك جاساۋ، شارۋالاردى اۋقاتتاندىرۋ ساياساتىنىڭ جەبەۋىندە، ءجۇز ميلليونداعان شارۋا قايراتتى تاسقىنداتىپ، اۋىل شارۋاشىلىعىندا قۋاتتى ەل قۇرۋدى جەدەلدەتۋ جولىندا قۇلشىنا كۇرەس جۇرگىزدى. جياڭسۋ ولكەسى جىنجياڭ قالاسى جىنجياڭ جاڭا رايونى يۇڭشيڭ اۋىل شارۋاشىلىق ماشينالارى، ماشينالاندىرۋ كاسىپتىك سەلبەستىك كووپەراتيۆىنىڭ القا باستىعى ۋەي چياۋ بىلاي دەدى: ”سەلبەستىك كووپەراتيۆى اتىزدى سيفرلاندىرىپ ەگۋ ۇلگىسىن قاراستىرىپ، باسقارۋ ونىمدىلىگىن جوعارىلاتتى، بىلتىر ءبىز 20 مىڭ مۋدان استام جەرگە كۇرىش ەگىپ، مۋ باسىندىق ءتۇسىمىن ءبىر مىڭ 100 جىڭعا جەتكىزىپ، توڭىرەكتەگى شارۋالاردىڭ كىرىسىن ارتتىرۋىن جەبەدىك. بيىل تاعى دا قايراتتانا ىستەپ، العا ۇمتىلۋىمىز كەرەك!“
قالىڭ كادر - جۇرتشىلىق مىنالاردى ءبىلدىردى: پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، مەملەكەتتىك ەكى ءماجىلىستىڭ ورنالاستىرۋلارىن تىڭعىلىقتى تۇردە ناقتاپ تياناقتاندىرىپ، اۋىل شارۋاشىلىعىندا قۋاتتى ەل قۇرۋ نىساناسىن تۇراقتاندىرىپ، بايلىق پەن كۇشتى شوعىرلاندىرا وتىرىپ اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىن، اۋىل - قىستاقتى وسىزامانداندىرۋ اياق الىسىن جەدەلدەتەمىز.
ەگىن ەگۋدە ”التىن اپكەش“ كوتەرىپ، اۋىل شارۋاشىلىعىنىڭ عىلىم - تەحنيكالىق دەڭگەيىن بارىنشا جوعارىلاتۋ كەرەك
اۋىل شارۋاشىلىعىن وسىزامانداندىرۋدا عىلىم - تەحنيكانى وسىزامانداندىرۋعا سۇيەنۋ كەرەك.
باس شۋجي شي جينپيڭ بىلاي دەپ دارىپتەدى: ”اۋىل شارۋاشىلىعىندا قۋاتتى ەل قۇرۋدىڭ قارۋى عىلىم - تەحنيكادا، تەتىگى رەفورماعا سۇيەنۋدە“. ”دۇنيە ءجۇزى اۋىل شارۋاشىلىعى عىلىم - تەحنيكاسىنىڭ الدىڭعى لەگىنە قاداعالاي نازار اۋدارىپ، ەلىمىزدىڭ اۋىل شارۋاشىلىعى عىلىم - تەحنيكاسىنىڭ دەڭگەيىن كۇش سالا جوعارىلاتىپ، جوعارى دەڭگەيلى اۋىل شارۋاشىلىق عىلىم - تەحنيكاسىندا ءوز كۇشىنە سۇيەنۋدى، ءوزىن الۋەتتەندىرۋدى جەدەل جۇزەگە اسىرۋ كەرەك“.
بيىل − اۋىل شارۋاشىلىعىندا قۋاتتى ەل قۇرۋدى جەدەلدەتۋدىڭ العاشقى جىلى، استىقپەن جانە ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋدى قامتاماسىزداندىرۋ ەرەكشە ماڭىزدى مانگە يە. جەر - جەر، تاراۋلار استىق ءوندىرىسىن اۋىل شارۋاشىلىعى، اۋىل - قىستاق، شارۋالار قىزمەتىنىڭ ماڭداي الدى مىندەتى ەتۋدە تاباندى بولىپ، جاڭا كەزەكتى 100 ميلليارد جىڭ استىق ءوندىرىس قۋاتىن جوعارىلاتۋ ارەكەتىن تۇتقا ەتىپ، استىق ءوندىرىسىن ورنىقتى ارتتىرۋدىڭ تاماشا جاعدايىن ساقتادى.
− تاماشا وراي دەمەپ، وسى زامانعى اۋىل شارۋاشىلىعى قارقىنىن تەزدەتتى.
كوكتەمگى ەگىس جۇمىسىنىڭ قاربالاس كەزى، گۇيجوۋ ولكەسى شيفىڭ اۋدانى شياۋجايبا قالاشىعى ۋىڭشا قىستاعىنداعى كۇرىش پەن كوكونىستى اۋىستىرىپ ەگۋدەن ۇلگى كورسەتۋ بازاسى، اۋىل شارۋاشىلىق ماشينالارىن جۇرگىزۋشىلەر ءىرى تۇرپاتتى اينالمالى جەر جىرتۋ ماشيناسىن جۇرگىزىپ، اتىزدا ارلى - بەرلى قايشالىستى. ”10 مينۋتتا ءبىر مۋ جەردى جىرتىپ بولۋعا بولادى، ماشينالاندىرۋدىڭ دەم بەرۋىندە اۋىل شارۋاشىلىعى ءوندىرىس قۋاتى ارتا ءتۇستى“دەدى ۋىڭشا قىستاعى پارتيا ياچەيكاسىنىڭ شۋجيى حۋاڭ كاييۋە.
قازىر ەلىمىزدە ءبيداي، جۇگەرى، كۇرىش سىندى ءۇش ءىرى استىق داقىلىن ەگۋ، جيناۋدىڭ ماشينالانۋ شاماسى جەكە - جەكە %97 تەن، %90 تەن جانە %85 تەن استى. بيىل ەلىمىز ءىرى تۇرپاتتى زەردەلى اۋىل شارۋاشىلىق ماشينالارى جابدىقتارىن، ادىرلى، تاۋلى رايونداردا قولدانىلاتىن شاعىن تۇرپاتتى ماشينالار مەن باۋ - باقشا ماشينالارىن جەدەل زەرتتەپ جاساپ، جەتىقاراقشى زەردەلى باقىلاۋ - ولشەۋ تەرمينالى مەن قوسىمشا جۇرگىزۋشىلىك جۇيەسىن شوعىرلى قولدانۋعا قولداۋ كورسەتەدى.
− سورتتى تۇقىمدى مىقتاپ يگەرۋ، جۇڭگولىقتاردىڭ ىرىزدىعىن ءوز قولىمىزدا مىقتاپ ۇستاۋىمىز كەرەك.
حيلۇڭجياڭ بەيداحۋاڭ توبىنىڭ كىنفىڭ تۇقىم كاسىبى حۇڭۋەي ەگىس الاڭى تارماق سەرىكتەستىگى تۇقىم تەكسەرۋ بولمەسىنە باردىق، زەردەلى جەتىلدىرۋ ساندىعىندا قىزىل ءتۇستى كۇرىش تۇقىمىنان اق ءتۇستى شاشاق تامىر، جاسىل ءتۇستى بۇرشىك ءوسىپ شىققان. تەحنيك يۇي يۇڭ بىلاي دەدى: ”دالمە - ءدال تاجىريبە ساندى مالىمەتتەرى جەتىلدىرىلگەن تۇقىمنىڭ ساپاسىنىڭ جاقسارۋىنا كەپىلدىك ەتىپ، استىق ەگەتىن ەگىنشىلەردىڭ الاڭسىز ساتىپ الىپ ەگۋىنە مۇمكىندىك جاسادى“. سەرىكتەستىك تۇتاس جىلدا ەگىمشىلىك وتباسىلارىن 2 مىڭ 200 توننادان استام كۇرىش تۇقىمىمەن قامدايدى ەكەن.
قازىر ەلىمىزدە ەگىس داقىلدارىنىڭ سورتتى تۇقىمىنىڭ قامتۋ شاماسى %96 تەن جوعارى بولىپ، وزدەرى تاڭداپ جەتىلدىرگەن سورتتاردىڭ سالىستىرماسى %95 تەن استى. تۇقىم شارۋاشىلىعىن گۇلدەندىرۋ ارەكەتى ىشكەرىلەي اتقارىلىپ، بۇكىل ەل بويىنشا اۋىل شارۋاشىلىعىنىڭ ساپالى تۇقىم بايلىعىن جاپپاي تەكسەرۋ ورىندالىپ، مەملەكەتتىڭ ساپالى تۇقىم جەتىلدىرۋدە بىرلەسىپ قامال الۋ جانە مال، قۇستىڭ تۇقىم قۋالاۋىن ساپالىلاندىرۋ جوسپارى تىڭعىلىقتى ىلگەرىلەتىلىپ، جوعارى ءتۇسىمدى، مايلى سويا بۇرشاق، جەتىلگىش قىشى، سورتاڭعا ءتوزىمدى داقىلدار سياقتى جاڭا سورتتار جەدەل جەتىلدىرىلدى.
− قۇنارلى اتىزدى جاقسى باپتادى، وسى زامانعى اۋىل شارۋاشىلىعىنا ”سيفرلى قوزعالتقىش“ ورناتىلدى.
جىجياڭ ولكەسى حۋجوۋ قالاسى دىچيڭ اۋدانى لوشى قالاشىعىنىڭ جوعارى ولشەمدى اتىزىندا، باسقارۋشى قىزمەتكەرلەر تەك ەكرانعا قاراپ، ءبيدايدى سۋارۋ، تىڭايتقىش بەرۋ قاجەت پە، جوق پا دەگەندى ءبىلىپ، الىستان مەڭگەرۋ جابدىعىنىڭ كنوپكاسىن باسىپ، سۋ مەن تىڭايتقىش اتىزداعى قۇبىر تورابى ارقىلى ءبيداي اتىزىنا جەتكىزىلەتىن بولدى. دىچيڭ اۋداندىق سۋ يگىلىگى مەكەمەسىنىڭ باستىعى حوۋ حايميڭ بىلاي دەپ تانىستىردى: زەردەلى سۋارۋ ارقىلى ءار مۋ جەردەگى ءبيدايدى سۋارۋدا 100 توننا سۋ ۇنەمدەۋگە بولادى.
جوعارى ولشەمدى ەگىنجايلاردا ءىرى ساندى مالىمەت، زات ينتەرنەتى سياقتى جاڭا تەحنيكالار اۋىل شارۋاشىلىعى وندىرىسىمەن تەرەڭ بايلانىسىپ، اۋىل شارۋاشىلىعىنىڭ ”سيفرلى قوزعالتقىشىن“ قالىپتاستىردى. جوعارى ولشەمدى ەگىس اتىزى قۇرىلىسى جاعىندا 45 ميلليون مۋ جەر جاڭادان سالىنادى، 35 ميلليون مۋ جەر وزگەرتىلىپ، دارەجەسى جوعارىلاتىلادى. ءبىر ميلليارد 800 ميلليون مۋ ەگىستىك جەردىڭ قىزىل سىزىعىن باتىل ساقتاۋ ءۇشىن، ەلىمىز ءبىر ميلليارد 546 ميلليون مۋ ماڭگىلىك نەگىزگى ەگىنجايدى تۇگەلدەي جوعارى ولشەمدى ەگىنجاي ەتىپ قۇرۋدى جەدەلدەتەدى.
شارۋالاردى باستاپ ىستەپ، شارۋالاردىڭ اقشا تابۋىنا كومەكتەسىپ، اۋىل شارۋاشىلىعىنىڭ، اۋىل - قىستاقتىڭ دامۋىنا قوزعاۋشى كۇش ۇستەدى
باس شۋجي شي جينپيڭ جياڭسۋ ۋاكىلدەر ۇيىرمەسىنىڭ تالقىسىنا قاتىناسقاندا بىلاي دەپ اتاپ كورسەتتى: ”اۋىل - قىستاقتىڭ نەگىزگى تيجارات ءتۇزىمىن بەكەمدەۋ جانە كەمەلدەندىرۋ كەرەك“، ”جاڭاشا اۋىل شارۋاشىلىعى تيجارات تۇلعالارى مەن قوعامدانعان قىزمەت وتەۋدى دامىتىپ، اۋىل - قىستاقتىڭ ۇيلەسىمدى كولەمدەگى تيجاراتىن دامىتىپ، اۋىل شارۋاشىلىعىنىڭ، اۋىل - قىستاقتىڭ دامۋىنا قوزعاۋشى كۇش ۇستەپ، ومىرشەڭدىك كۇش ۇستەۋ كەرەك“.
بيىلعى «ۇكىمەت قىزمەتىنەن باياندامادا» الۋان ءتۇرلى فورماداعى، لايىقتى كولەمدەگى شارۋاشىلىقتى ورنىقتى ىلگەرىلەتىپ، وتباسىلىق ەگىس الاڭدارى مەن شارۋالار سەلبەستىك كووپەراتيۆىنىڭ دامۋىن مىقتى يگەرىپ، اۋىل شارۋاشىلىعىنا قوعامدانعان قىزمەت وتەۋدى جەدەل دامىتۋ ورتاعا قويىلدى.
قازىر بۇكىل ەل بويىنشا 3 ميلليون 914 مىڭ وتباسىلدىق ەگىس الاڭى، 2 ميلليون 222 مىڭ شارۋالار سەلبەستىك كووپەراتيۆى بار، اۋدان دارەجەلىدەن جوعارى باستاماشى كاسىپورىندار ءتۇرلى اۋىل شارۋاشىلىعىن كاسىپ سالالاندىرۋ ۇيىمدارىنا جەتەكشىلىك ەتىپ، 120 ميلليوننان استام شارۋا وتباسىنا ىقپال ەتىپ جانە جەتەكتەپ، اۋىل - قىستاق ەڭبەككۇشتەرىنىڭ %70 كە جۋىعىن جۇمىسقا ورنالاستىردى.
جەر - جەر، تاراۋلار جاڭاشا اۋىل شارۋاشىلىق تيجارات تۇلعالارىن جەدەل جەتىلدىرىپ، اۋىل شارۋاشىلىعىنىڭ ۇيلەسىمدى كولەمدەگى تيجاراتىنا جەتەكشىلىك ەتىپ، اۋىل شارۋاشىلىعىنداعى ءىرى ەلدەن اۋىل شارۋاشىلىعىنداعى قۋاتتى ەلگە قادام تاستاۋدى جەدەلدەتۋگە ءتيىمدى شارت - جاعداي ازىرلەپ، اۋىل شارۋاشىلىعىنىڭ، اۋىل - قىستاقتىڭ دامۋىنا جاڭا قوزعاۋشى كۇش قوسۋى كەرەك.
− تيجارات تاسىلىندە جاڭالىق اشىپ، وتباسىلىق ەگىس الاڭدارىن، شارۋالار سەلبەستىك كووپەراتيۆىن ويداعىداي جەتىلدىرۋ كەرەك.
كۇرىش سۇرىپتاۋ، قابىعىن ارشۋ، دارەجەگە ءبولىپ قوراپتاۋ ارقىلى ۇلكەن ەرەن بازارلارعا تاسىلدى... جياڭشي ولكەسى رۇيجين قالاسى شينتيان اۋىل شارۋاشىلىق كاسىپتىك سەلبەستىك كووپەراتيۆىنىڭ كۇرىش مانەرلەۋ سەحى قاربالاستىققا ءتۇستى. ”سەحتار اتىزدارمەن جالعاسىپ، ساياساتتىڭ سۇيەمەلدەۋىندە، سەلبەستىك كووپەراتيۆى مايسا جەتىلدىرۋ زاۆودىن قۇرىپ، ءتىپتى دە كوپ اۋىلداستاردى توپتاسىپ استىق ەگۋگە جەتەكتەدى“ دەپ تانىستىردى سەلبەستىك كووپەراتيۆىنىڭ جاۋاپتىسى جاڭ چۇنلين.
مۇددەلەردى بايلانىستىرۋ مەحانيزمىن ورناتتى، كەمەلدەندىردى، قازىرگە دەيىن بۇكىل ەل بويىنشا 2 ميلليون 220 مىڭ شارۋالار سەلبەستىك كووپەراتيۆى جەتىلدىرىلدى. بيىل جاڭاشا اۋىل شارۋاشىلىق تيجارات تۇلعالارىنىڭ دەڭگەيىن جوعارىلاتۋ قيمىلى ىشكەرىلەي ورىستەتىلىپ، وتباسىلىق ەگىس الاڭدارىنىڭ شارۋالار سەلبەستىك كووپەراتيۆىن قۇرۋىنا، سەلبەستىك كووپەراتيۆىنىڭ قاجەتكە قاراي كاسىپورىن قۇرۋىنا قولداۋ كورسەتىلىپ، ۇساق شارۋا وتباسىلارىنىڭ سەلبەسىپ تيجارات جۇرگىزۋىنە، سەلبەسىپ كىرىستى ارتتىرۋىنا جەتەكشىلىك ەتىلەدى.
− ارنايىلانعان قوعامدانعان قىزمەت وتەۋ جۇيەسىن اقاۋسىزداندىرىپ، كاسىپتىك ادامداردىڭ كاسىپتىك جۇمىسپەن شۇعىلدانۋىنا مۇمكىندىك جاساۋ كەرەك.
جياڭسۋ ولكەسى كۇنشان قالاسىنىڭ ەگىنشىسى ليۋ دي تاياۋدا كوكتەمگى ەگىس جۇمىسىنا بار ىنتاسىمەن كىرىستى، شوفەرسىز تۇقىم سەبۋ ماشيناسى، ءىرى تۇرپاتتى ءدارى شاشاتىن ۇشقىشسىز ۇشاق، تراكتور كەزەكپەن جۇمىسقا قوسىلدى. بىلتىر سەلبەستىك كووپەراتيۆى توڭىرەكتەگى 100 گە جۋىق شارۋا وتباسىنا قىزمەت وتەدى، اۋىل شارۋاشىلىعى ماشينالارىنىڭ قىزمەت وتەۋ اۋماعى 100 مىڭ مۋدان (رەت) استى. ليۋ دي اۋىلداستارىنىڭ ”اتىز كومەكشىسىنە“ اينالدى، بيىل تاپسىرىس ءتىپتى دە كوبەيدى. ”جەردى باسقارۋعا العاننان كەيىن، اۋىل شارۋاشىلىعى ءوندىرىس قۇرال - جابدىقتارىنىڭ وزىندىك قۇنى تومەندەدى، ەگىمشىلىكتى باسقارۋدان الاڭسىز بولدىق، استىق ءونىمى ارتىپ، باعاسى جوعارىلادى“.
بۇكىل ەل بويىنشا قازىر اۋىل شارۋاشىلىعىنا قوعامدانعان قىزمەت وتەۋ ۇيىمدارى ءبىر ميلليون 41 مىڭ بولىپ، قىزمەت وتەۋ كولەمى ءبىر ميلليارد 870 ميلليون مۋعا جەتىپ، قىزمەت وتەۋ ارقىلى جەتەكتەلەتىن ۇساق شارۋا وتباسى 89 ميلليوننان استى. بيىل اۋىل شارۋاشىلىعىنا قوعامدانعان قىزمەت وتەۋدى جەبەۋ ارەكەتى اتقارىلىپ، جەر جىرتىپ، ەگىن ەگۋ، ۋاكىلەتتى باسقارۋ، ۋاكىلەتتى جيىپ الۋ، تۇتاس بارىستى باسقارۋعا الۋ سياقتى قوعامدانعان قىزمەت وتەۋ زور كۇشپەن دامىتىلىپ، وڭىرلىك جالپىلىق قىزمەت وتەۋ تۇعىرى قۇرىلىسىنا دەم بەرىلىپ، اۋىل شارۋاشىلىعىنىڭ وزىندىك قۇنىن تەجەپ، ونىمدىلىگىن ارتتىرۋ، ساپاسىن جوعارىلاتىپ، ونىمدىلىگىن ارتتىرۋ، تيجارات ونىمدىلىگىن ارتتىرۋ جەبەلەدى.
− شارۋالاردىڭ اۋىل شارۋاشىلىق ءوندىرىس تەحنيكاسى مەن باسقارۋ قابىلەتىن جەتىلدىرۋدى كۇشەيتىپ، باسقارۋدىڭ وسىزاماندانۋىن جەبەۋ كەرەك.
”جۇمىس باسىندا تۇسىنىك جاسادى، كۇرىشتى كولەمدەندىرىپ ەگۋ، جوعارى ءونىمدى ەگۋ، ماشينامەن وتىرعىزىپ ەگۋ سياقتىلار تاربيەلەنۋشىلەردىڭ قارسى الۋىنا يە بولدى“ دەدى حۋبەي ولكەسى گۋاڭشۇي قالاسى ليديان قالاشىعى جاڭياڭ قىستاعى پارتيا ياچەيكاسىنىڭ شۋجيى حۋاڭ چۇنشىڭ. تاياۋدا گۋاڭشۇي قالاسىندا 2023 - جىلعى 1 - كەزەكتى ساپالى شارۋالاردى تاربيەلەۋ كلاسىندا وقۋ باستالدى، 70 نەشە استىق ەگەتىن ءىرى وتباسى تاربيەلەنىپ، اۋىل شارۋاشىلىق ساياساتى، زاڭ - ەرەجەلەرى مەن وزىق ءوندىرىس تەحنيكاسىن ۇيرەندى.
اۋىل - قىستاق كاسىپ سالاسى دارىندىلارىن باۋلۋ كۇشەيتىلدى، قازىر قاتىستى تاراۋلاردىڭ ساپالى شارۋالاردى باۋلۋى 7 ميلليون ادام - رەتتەن استى. 2025 - جىلعا بارعاندا، وتباسىلىق ەگىس الاڭى قوجايىنى، شارۋالار سەلبەستىك كووپەراتيۆىنىڭ القا باستىعى سياقتى اۋىل - قىستاق كاسىپ سالاسىن گۇلدەندىرۋدىڭ جەتەكشىلەرىنەن 100 مىڭ ادام جەتىلدىرىلەدى.
ەگىنشىلەردى باستاپ ىستەپ، ەگىنشىلەردىڭ اقشا تابۋىنا كومەكتەستى. اۋىل شارۋاشىلىعى، اۋىل - قىستاق مينيسترلىگى مىنانى ءبىلدىردى: كەلەسى قادامدا وسى زامانعى اۋىل شارۋاشىلىق عىلىم - تەحنيكاسىن جالپىلاستىرۋ، قولدانۋ جانە تەحنيكالىق جاقتان باۋلۋدى كۇشەيتىپ، استىق ەگەتىن ءىرى وتباسىلارىن ۇيىمداستىرىپ، جاسىل اۋىل شارۋاشىلىعىن، ەكولوگيالىق اۋىل شارۋاشىلىعىن، جوعارى ءونىمدى اۋىل شارۋاشىلىعىن بەلسەنە دامىتامىز.
اۋىل شارۋاشىلىعى مەن اۋىل - قىستاقتىڭ وسىزاماندانۋىن ءبىر تۇلعالاندىرىپ، شارۋالاردىڭ سول جەردىڭ وزىندە وسى زامانعى وركەنيەتتى تۇرمىس كەشىرۋىنە مۇمكىندىك جاساۋ كەرەك
باس شۋجي شي جينپيڭ جياڭسۋ ۋاكىلدەر ۇيىرمەسىنىڭ تالقىسىنا قاتىناسقاندا بىلاي دەپ اتاپ كورسەتتى: ”قالاشىق، قىستاقتىڭ ورنالاسۋىن، جوباسىن ساپالىلاندىرىپ، اۋىل - قىستاقتىڭ نەگىزدىك قۇرىلعى جانە الەۋمەتتىك قىزمەت وتەۋ جۇيەسى قۇرىلىسىن ءبىر تۇتاس جوسپارلاپ، اۋىل - قىستاقتىڭ قونىس ورتاسىن رەتتەۋ - وڭاۋ، دەڭگەيىن جوعارىلاتۋ ارەكەتىن ىشكەرىلەي اتقارىپ، قونىستانۋعا جايلى، كاسىپكە قولايلى ءارى كورىكتى اۋىل - قىستاق قۇرۋدى جەدەلدەتۋ كەرەك“.
اۋىل - قىستاقتى وسىزامانداندىرۋ − اۋىل شارۋاشىلىعىندا قۋاتتى ەل قۇرۋدىڭ ىشكى تالابى جانە قاجەتتى شارتى، قونىستانۋعا، كاسىپكە قولايلى ءارى كورىكتى اۋىل - قىستاق قۇرۋ − اۋىل شارۋاشىلىعىندا قۋاتتى ەل قۇرۋدىڭ ءتيىستى مازمۇنى.
جەر - جەر، تاراۋلار اۋىل - قىستاق قۇرىلىسى قيمىلىن كۇش سالا اتقارىپ، اۋىل - قىستاقتىڭ نەگىزدىك قۇرىلعىلارىنىڭ كەمەلدىلىگىن، الەۋمەتتىك قىزمەت وتەۋدىڭ قولايلىلىعىن، تۇرعىن ءۇي ورتاسىنىڭ جايلىلىعىن جوعارىلاتىپ، اۋىل - قىستاقتىڭ سىرتقى كورىنىسى مەن ىشكى كورىنىسى، ءپىشىنى مەن جۇرت اۋانى بىردەي بولۋىن جاپپاي جوعارىلاتۋدى جەبەپ، شارۋالاردىڭ سول جەردىڭ وزىندە وسى زامانعى وركەنيەتتى تۇرمىس كەشىرۋىنە مۇمكىندىك جاساۋ كەرەك.
− نەگىزدىك قۇرىلعىلاردىڭ دارەجەسىن جوعارىلاتىپ، اۋىل - قىستاقتى اناعۇرلىم كورىكتى، جانعا جايلى ەتۋ كەرەك.
حىنان ولكەسى شينساي اۋدانى شىزىكوۋ قىستاعىنداعى شاعىن سەيىل باقشاسىندا قىستاق تۇرعىنى ۋ گۇيحۋا اپەكە - سىڭلىلەرىمەن بىرگە مۋزىكا ورىنداپ، الاڭ ءبيىن بيلەدى، ”كولشىكتەر جونگە سالىنىپ، قوقىر - قوقسىق تازالاندى، مادەنيەت الاڭدارى جاڭادان سالىنىپ، دەنە شىنىقتىرۋ اسپاپتارى تولىقتاندى، قىستاقتىڭ ورتاسى كورىكتەندى“. دەدى ولار.
بىلتىردان بەرى شينساي اۋدانى ءبىر مىڭ 800 دەن استام كولشىكتى تازالاپ، 11 مىڭنان استام وتباسىنىڭ دارەتحاناسىن وزگەرتىپ، 116 اۋىل - قىستاق شاعىن باقشاسىن قۇردى. ”قونىس ورتاسىن رەتتەۋ - جونگە سالۋ ارقىلى قىستاق - قىستاقتىڭ بەت - بەينەسى شىت جاڭا تۇسكە ەندى“. شينساي اۋداندىق پارتكومنىڭ شۋجيى شاۋ فىڭگۇڭ بىلاي دەدى: كەلەسى قادامدا جونگە سالۋ ونىمدىلىگىن بەكەمدەپ، جوعارىلاتىپ، تازا، رەتتى بولۋدان كوركەم، جانعا جايلى بولۋعا قاراي قادام تاستايمىز.
شاعىن قىستاقتا زور وزگەرىس بولدى. بۇكىل ەلگە كوز جىبەرسەك، سۋ، ەلەكتر، جول جەلىسىنىڭ نەگىزدىك قۇرىلعىلارىنداعى ولقىلىقتار جەدەل تولىقتانىپ، اۋىل - قىستاقتىڭ ءوندىرىس، تۇرمىس شارت - جاعدايى ۇزدىكسىز جاقساردى. بۇكىل ەل بويىنشا اۋىل - قىستاقتا تازا دارەتحانالاردىڭ جالپىلاسۋ شاماسى %73 تەن اسىپ، تابيعي قىستاقتاردىڭ %91 تەن استام تۇرمىستىق قوقىر - قوقسىعى جيناپ الىپ، تاسىپ ءبىر جاقتى ەتىلەتىن بولدى. اۋىل شارۋاشىلىعى، اۋىل - قىستاق مينيسترلىگى مىنالاردى العا قويدى: كەلەسى قادامدا قازىرگى ونىمدىلىكتى بەكەمدەۋ نەگىزىندە، باياندى مەحانيزم قۇرىلىسىن كۇشەيتىپ، اۋىل - قىستاقتىڭ قونىس ورتاسىن جونگە سالۋدىڭ، دەڭگەيىن جوعارىلاتۋدىڭ 5 جىلدىق ارەكەت جوباسىنىڭ تياناقتانۋىن ۇزدىكسىز ىلگەرىلەتۋ كەرەك.
− الەۋمەتتىك قىزمەت وتەۋدىڭ ولشەمىن جوعارىلاتىپ، كولەمىن كەڭەيتتى، اۋىلداستار اۋىل - قىستاقتىڭ باقىتتى تۇرمىسىنان ءلاززات الدى.
كاسىپ سالاسى جولىن جوندەدى، ينتەرنەتتەن پايدالاندى، ىرگەدە مىقتى شيپاگەرلەرگە كورىنەتىن بولدى… حالىق تۇرمىسىنا قاتىستى ناقتى ىستەر جۇڭگونىڭ بايتاق دالاسىنداعى تاۋلى اۋىلدىڭ وراسان زور وزگەرىسىنە اينالدى. بۇكىل ەلدەگى 2 مىڭ 895 اۋدان مىندەتتى وقۋ - اعارتۋدى نەگىزىنەن بىركەلكىلەندىرىپ، اۋدان، اۋىل، قىستاق دارەجەلى ەمدەۋ، دەنساۋلىق ساقتاۋ قۇرىلىمدارى جاپپاي قامتىلىپ، زەينەتكەرلىككە قىزمەت وتەۋ تورابى جەدەل قۇرىلىپ، اۋىلداستاردىڭ ءجۇرىس - تۇرىسىنا، ەمدەلۋىنە، بالا وقىتۋىىنا، جۇمىس بىتىرۋىنە ءتىپتى دە قولايلى بولدى.
اۋىل شارۋاشىلىعى، اۋىل - قىستاق مينيسترلىگى مىنانى ءبىلدىردى: الەۋمەتتىك نەگىزدىك قۇرىلعىلار مەن الەۋمەتتىك قىزمەت وتەۋدىڭ قىستاقتارعا كەڭەيۋىن، وتباسىلارىنا دەيىن جالپىلاسۋىن ىلگەرىلەتىپ، كۇشتى شوعىرلاندىرا وتىرىپ جالپىعا ءتيىمدى، نەگىزدىك، ەڭ تومەنگى شەكتەن تۇسىرمەيتىن حالىق تۇرمىسى قۇرىلىسىن مىقتى يگەرىپ، تۇرمىسقا قولايلى ءارى ءوندىرىستى جەبەيتىن نىسانداردى الدىمەن قۇرىپ، اۋىل - قىستاقتىڭ ءوندىرىس، تۇرمىس شارت - جاعدايىنداعى ولقىلىقتاردى جەدەل تولىقتايمىز.
− اۋىل - قىستاقتى جونگە سالۋ جاقسارىپ، دارەجەسى جوعارىلاپ، اۋىل - قىستاق وركەنيەتى تىڭ بەينەگە ەندى.
”قىستاق تۇرعىنى جاڭ شيۋيىڭ جاسىلداندىرۋ قيمىلى بارىسىندا مىندەتتى تۇردە 5 كۇن جۇمىس ىستەپ، 10 ءنومىر الدى... “ شاندۇڭ ولكەسى يۇيچىڭ قالاسى انرىن قالاشىعى ۋاڭزىفۋ قىستاعىنداعى وركەنيەت جاعىنان ءنومىر جيناقتاۋ ەرەن بازارىندا ”ەسەپ قاعازى“ انىق كورىندى، مۇندا ءنومىر جيناقتاپ تۇرمىستىق بۇيىمداردى اۋىستىرىپ الۋعا بولادى. ”ءنومىر جيناقتاۋ ءتۇزىمى“ اتقارىلعاننان بەرى يۇيچىڭداعى كوپتەگەن قىستاق تۇرعىنى ءتۇرلى وركەنيەتتى امالياتتا ايگىلەۋ قيمىلىنا بەلسەندى، ىرىقتى تۇردە ات سالىساتىن بولدى.
قازىر بۇكىل ەل بويىنشا اۋىل - قىستاقتى جونگە سالۋدان ۇلگى كورسەتەتىن 199 اۋىل - قالاشىق، ءبىر مىڭ 992 ۇلگى قىستاعى قۇرىلىپ، اۋىل - قىستاقتىڭ شەبەرلىكپەن جونگە سالۋ ورەسى كورنەكتى جوعارىلادى. اۋىل شارۋاشىلىعى، اۋىل - قىستاق مينيسترلىگى مىنانى العا قويدى: اۋىل - قىستاقتى جونگە سالۋدى اناعۇرلىم كۇشەيتىپ جانە جاقسارتىپ، اۋىل - قىستاقتىڭ رۋحاني وركەنيەت قۇرىلىسىن ىشكەرىلەي ىلگەرىلەتىپ، كەڭ - بايتاق اۋىل - قىستاقتا ”زاتتىق جاقتاعى“ وسىزامانداندىرۋدى جۇزەگە اسىرۋمەن بىرگە، ”ادامنىڭ“ وسىزاماندانۋىن، اۋىل - قىستاقتى جونگە سالۋ جۇيەسى مەن جونگە سالۋ قۋاتىنىڭ وسىزاماندانۋىن جۇزەگە اسىرۋ كەرەك.
كوكتەمگى جۇڭگو، كوكتەمگى قادام. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۋىل شارۋاشىلىعىندا قۋاتتى ەل قۇرۋدى جەدەلدەتىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جۇزەگە اسىرۋ جولىندا قاجىماي - تالماي كۇرەس جۇرگىزىپ، اۋىل شارۋاشىلىعىنىڭ جاپپاي جوعارىلاۋىن، اۋىل - قىستاقتىڭ جاپپاي العا باسۋىن، شارۋالاردىڭ جاپپاي دامۋىن ىلگەرىلەتىپ، اۋىل شارۋاشىلىعىن، اۋىل - قىستاقتى وسىزامانداندىرۋدى ۇزدىكسىز تىڭ قوزعاۋشى كۇش ەتىپ، اۋىلداستاردىڭ تۇرمىسىن بارعان سايىن جاقسارتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
