بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

حان جىڭ جۇڭگو دامۋ جوعارى دارەجەلىلەر تالقى مىنبەرىنىڭ 2023 - جىلعى جىلدىق جينالىسىنا قاتىناسۋعا كەلگەن ءبىر ءبولىم ەل ارالىق سەرىكتەستىكتەردىڭ جاۋاپتىلارىمەن كەزدەستى

2023.03.30 16:39     كەلۋ قاينارى : حالىق تورابى

  «حالىق گازەتى»، 3 - ايدىڭ 29 – كۇنى، بەيجيڭ. 3 – ايدىڭ 27 -، 29 - كۇندەرى مەملەكەت ءتوراعاسىنىڭ ورىنباسارى حان جىڭ بەيجيڭدە جۇڭگو دامۋ جوعارى دارەجەلىلەر تالقى مىنبەرىنىڭ 2023 - جىلعى جىلدىق جينالىسىنا قاتىناسۋعا كەلگەن حۇيفىڭ توبىنىڭ اكىمشىلىك باس القاسى نويل كۋين، تايگۋ توبىنىڭ اكىمشىلىك باس القاسى مەرلين سۋير، ياپەي سەرىكتەستىگىنىڭ باس جوراسى روبەرت فورد، انليان توبى جورالار القاسىنىڭ ءتوراعاسى بەت، شنايدەر ەلەكتر سەرىكتەستىگى جورالار القاسىنىڭ ءتوراعاسى جاۋ گوحۋالارمەن جەكە - جەكە كەزدەستى.

  حان جىڭ مىنانى ءبىلدىردى: ەل ارالىق سەرىكتەستىكتەر كوپ جىلدان بەرى جۇڭگو ەكونوميكاسىنىڭ دامۋىنا بەلسەندى ۇلەس قوستى، جۇڭگونىڭ رەفورما جاساپ، ەسىك اشۋىنىڭ كۋاگەرى، ات سالىسۋشىسى بولىپ، وزدەرى دە وراسان زور دامۋعا قول جەتكىزدى. ءتوراعا شي جينپيڭ تالاي رەت: جۇڭگو سىرتقا ەسىك اشۋ سىندى نەگىزگى مەملەكەت ساياساتىندا تاباندى بولىپ، ءوزارا تيىمدىلىك جەتكىزىپ، تەڭ يگىلىككە كەنەلەتىن ەسىك اشۋ ستراتەگياسىن باتىل اتقارادى، − دەپ دارىپتەدى. بيىل − جۇڭگونىڭ رەفورما جاساپ، ەسىك اشقانىنىڭ 45 جىلدىعى، اماليات رەفورما جاساپ، ەسىك اشۋدىڭ جۇڭگونىڭ دامۋىن بارىنشا جەبەگەنىن تولىق دالەلدەدى. حالىقارالىق جاعداي قالاي وزگەرسە دە، جۇڭگونىڭ اشىق ەسىگى بارعان سايىن ايقارا اشىلادى. ج ك پ - نىڭ 20 - قۇرىلتايىندا جۇڭگونىڭ الداعى ءبىر مەزگىلدەگى دامۋى جونىندە ستراتەگيالىق ورنالاستىرۋ جاسالدى، جۇڭگو جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە كۇش سالادى. وسى تاريحي بارىستا جوعارى دەڭگەيدەگى سىرتقا ەسىك اشۋدى تاباندىلىقپەن ىلگەرىلەتىپ، ەل ءىشى - سىرتىنداعى ساياساتتاردىڭ ۇلاسپالىلىعى مەن ورنىقتىلىعىن ساقتاپ، دۇنيە جۇزىلىك كاسىپتەردىڭ جۇمىس ءبولىسى مەن سەلبەستىگىنە ىشكەرىلەي ات سالىسىپ، بازارلانعان، زاڭمەن باسقارىلاتىن، حالىقارالانعان ماڭداي الدى ساۋدا ورتاسىن كۇش سالا قالىپتاستىرىپ، ءار ەل كاسىپورىندارىنا اناعۇرلىم كوپ وراي ازىرلەيدى.

  حان جىڭ مىنانى ءبىلدىردى: ساپالى دامۋ − جۇڭگونىڭ جاپپاي سوتسياليستىك وسىزاماندانعان مەملەكەت قۇرۋداعى ماڭداي الدى مىندەتى، جۇڭگونىڭ ساپالى دامۋى حالىقارالىق سەلبەستىكتەن ايرىلا المايدى، ەل ارالىق سەرىكتەستىكتەردى قامتىعان ءتۇرلى بازار تۇلعالارىنىڭ ات سالىسۋىنان ايرىلا المايدى. قازىر حالىقارالىق جاعداي كۇردەلى دە قۇبىلمالى بولىپ وتىر، جۇڭگو مەن شەتەلدىڭ كاسىپورىن سالاسىنداعىلارىنىڭ اۋىس - كۇيىستى، سەلبەستىكتى كۇشەيتۋى توتەنشە ماڭىزدى. بيىل جىل باسىنان بەرى جۇڭگو ەكونوميكاسى ورنىقتى ورلەپ، 1 - ايدان 2 - ايعا دەيىن ناقتى پايدالانىلعان شەتەل قارجىسى 40 ميلليارد دوللارعا تاياپ، ارتۋ جاعدايىن ۇزدىكسىز جالعاستىردى. جۇڭگو ەكونوميكاسىنىڭ ۇزاق ۋاقىت جاقسارۋ نەگىزگى جاعدايى وزگەرگەن جوق، بيىل %5 اينالاسىنداعى ەكونوميكالىق ارتۋدىڭ مەجەلى نىساناسىن جۇزەگە اسىرۋعا سەنىمىمىز كامىل. ءار ەل كاسىپورىندارىنىڭ جۇڭگومەن قارجى قوسۋ سەلبەستىك سەنىمىن بەكەمدەپ، جۇڭگو بازارىنا تامىر تارتىپ، جۇڭگونىڭ جاڭا دامۋى الا كەلگەن جاڭا ورايدان بىرگە يگىلىكتەنۋىن ءۇمىت ەتەمىن.

  نويل كۋين قاتارلىلار مىنالاردى ءبىلدىردى: جۇڭگونىڭ رەفورما جاساپ، ەسىك اشۋى سۇبەلى تابىستارعا قول جەتكىزدى، تاياۋ جىلداردان بەرى جۇڭگو ەكونوميكاسىنىڭ دامۋى باستان - اياق دۇنيە ءجۇزى ەكونوميكاسىنىڭ ەڭ ماڭىزدى ورنىقتىرعىشى بولىپ كەلەدى. كوپتەگەن ەل ارالىق سەرىكتەستىك جۇڭگونىڭ رەفورما جاساپ، ەسىك اشۋىنان يگىلىككە كەنەلدى ءارى ءساتتى دامىدى. جۇڭگو ۇكىمەتىنىڭ ۇزاق ۋاقىتتان بەرى ءتۇزىلىس، مەحانيزم رەفورماسىن ىلگەرىلەتىپ، ساۋدا ورتاسىن جاقسارتۋعا جانە شەتەل ساۋداگەرلەرىنىڭ قارجى قوسۋ ۇقىق - مۇددەسىن قورعاۋعا ءمان بەرگەنىنە العىس ايتامىز. جۇڭگو ەكونوميكاسىنىڭ ارتۋ كومەسكى كۇشىن، جاڭالىق اشۋ ومىرشەڭدىك كۇشىن جانە قارجى قوسۋ ورايىن بايقاپ وتىرمىز، جۇڭگوعا قوسىلىمدى ارتتىرىپ، تەڭ يگىلىككە كەنەلەتىن دامۋدى جۇزەگە اسىرامىز.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى