لي چياڭ حايناندا تەكسەرۋ - زەرتتەۋ جۇرگىزگەندە مىنانى دارىپتەدى
جۇڭگوشا ەركىن ساۋدا پورتىن قۇرۋدى جەدەلدەتىپ، رەفورما جاساپ، ەسىك اشۋدى تەرەڭدەتۋ بارىسىندا حالىقتىڭ ىرىس - قۇتىن ارتتىرۋ كەرەك
2023.03.30 16:40 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 29 – كۇنى، حايكوۋ. 3 - ايدىڭ 29 - كۇنى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ حايناندا تەكسەرۋ - زەرتتەۋ جۇرگىزدى. ول بىلاي دەپ دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، رەفورما جاساپ، ەسىك اشۋدا تاباندى بولىپ، حاينان ەركىن ساۋدا پورتىن جوعارى ساپامەن، جوعارى ولشەممەن قۇرىپ، حالىقتى وزەك ەتكەن دامۋ يدەياسىن امالياتتا ايگىلەپ، زەينەتكەرلىك، ەمدەۋ سياقتى حالىق تۇرمىسى قىزمەتىن شىن پەيىلمەن، شىنايى سۇيىسپەنشىلىكپەن كۇش سالا جاقسى ىستەپ، حالىقتىڭ تۇرمىس ساپاسىن جوعارىلاتۋ كەرەك.
لي چياڭ الدىمەن حايكوۋ شينحاي كەمەجايى جولاۋشى تاسىمال تورابى نىسانىنىڭ ناق مايدانىنا كەلىپ، كەدەندىك جابىق جۇمىس نىسانىنىڭ اياق الىسى سياقتى مالىمەتتەردى تىڭدادى. ول بىلاي دەپ دارىپتەدى: حاينان ەركىن ساۋدا پورتىن قۇرۋ − باس شۋجي شي جينپيڭ ءوزى جوبالاعان، ءوزى ورنالاستىرعان، ءوزى ىلگەرىلەتكەن رەفورما جاساپ، ەسىك اشۋدىڭ ماڭىزدى شاراسى. باس شۋجي شي جينپيڭنىڭ ماڭىزدى نۇسقاۋىنىڭ، بەكىتۋىنىڭ رۋحىن مۇقيات دايەكتىلەندىرىپ، جاۋاپكەرلىك سەزىمدى، كوكەي تەستىلىك سەزىمدى كۇشەيتىپ، تۇزىمدە شوعىرلى جاڭالىق اشۋدى كورنەكتىلەندىرىپ، تۇزىمدىك ەسىك اشۋدى ورنىقتى كەڭەيتىپ، دۇنيە جۇزىلىك ىقپالعا يە جۇڭگوشا ەركىن ساۋدا پورتىن قۇرۋدى جەدەلدەتۋ كەرەك. لي چياڭ بىلاي دەپ اتاپ كورسەتتى: تەك باسقارا بىلگەندە عانا، اشۋدى ءساتتى جۇرگىزۋگە بولادى، جۇمساق، قاتتى بولشەك قۇرىلىسىن ىلگەرىلەتىپ، ”ءبىرىنشى شەپتە ەركىنە قويا بەرۋ، ەكىنشى شەپتە باسقارۋ“ سىندى قىسىم سىناعىن ىشكەرىلەي ورىستەتىپ، جاساندى زەردە، ءىرى ساندى مالىمەت، زات ينتەرنەتى سياقتى ينفورماتسيا تەحنيكاسى مەن تاسىلدەرىنەن پايدالانىپ، اقىل - پاراساتتى، جوعارى ءونىمدى، سايكەستى باقىلاۋ - باسقارۋ قابىلەتىن زور كۇشپەن جوعارىلاتىپ، 2025 - جىلدىڭ سوڭىندا تۇتاس ارالدىڭ جابىق جۇمىس جۇرگىزۋىنە بەرىك نەگىز قالاۋ كەرەك.
لي چياڭ وسىدان كەيىن حۋاباڭ كورىكتى مەكەن (حايكوۋ) وپالىلىق باقشاسىنا كەلىپ، حاينان ولكەسىنىڭ زەينەتكەرلىك ىستەرىنىڭ دامۋى جانە زەينەتكەرلىك قۇرىلىمدارىنىڭ اينالىم جاعدايىن ۇعىستى. ول بىلاي دەپ دارىپتەدى: حالىق سانىنىڭ قارتتانۋىنا بەلسەنە توتەپ بەرەتىن مەملەكەت ستراتەگياسىن اتقارىپ، زەينەتكەرلىككە قىزمەت وتەۋدى قامتاماسىزداندىرۋدى كۇشەيتۋ كەرەك. قارتتاردى ۇيدە كۇتىمدەۋ − ەلىمىزدىڭ ەڭ باستى زەينەتكەرلىك فورماسى، قارتتاردىڭ ارمان - تىلەگىن ارقاۋ ەتىپ، الەۋمەتتىك اۋماقتىڭ كىرىكپەلى زەينەتكەرلىككە قىزمەت وتەۋى جونىندە بەلسەنە ىزدەنىس جاساپ، قىزمەت وتەۋ قۇرىلعىلارىن كەمەلدەندىرىپ، قارتتاردىڭ تاماقتانۋ، ەمدەلۋ سياقتى قاجەتىن ويداعىداي شەشۋ كەرەك. قارتتار جونىندە بەلسەندى كوزقاراس ورناتىپ، زەينەتكەرلىككە قىزمەت وتەۋدى ساتىعا، تۇرگە ءبولىپ ويداعىداي ىستەپ، جاسى ۇلعايعان، قابىلەتىنەن ايرىلعان قارتتاردىڭ قارتايعاندا كۇتىمدەلەتىن ورنى بولۋىنا، جاسى كىشى ساۋ قارتتاردىڭ قارتايعاندا رولىن ساۋلەلەندىرۋىنە مۇمكىندىك جاساۋ كەرەك. لي چياڭ قارتتاردىڭ قيمىل بولمەسىنە، قارتتاردى كۇتىمدەۋ بولمەسىنە كىرىپ، قارتتارمەن ىقىلاسپەن اڭگىمەلەسىپ، ولاردىڭ دەنساۋلىعىنىڭ مىقتى، ۇمىتكەر، عۇمىرىنىڭ ۇزاق بولۋىن، تۇرمىسىنىڭ بارعان سايىن جاقسارۋىن تىلەدى. قارتتاردى كۇتىمگە الۋ قۇرىلىمدارىنىڭ جاۋاپتىلارىمەن جانە كۇتىمدەۋشىلەرىمەن اڭگىمەلەسكەندە، ول بىلاي دەپ اتاپ كورسەتتى: قارتتاردى كۇتىمگە الۋعا ءبىر توپ ارنايىلانعان كاسىپتىك دارىندى قاجەت، حالىقارالىق وزىق تاجىريبەلەردى ۇيرەنىپ جانە ودان ۇلگى الىپ، ونەرگە باۋلۋدى كۇشەيتىپ، ولشەمدەنگەن قىزمەت وتەۋ دەڭگەيىن جوعارىلاتۋ كەرەك.
حاينان ولكەلىك جۇڭگوشا شيپاحانانىڭ جياڭدۇڭ شيپاحانا رايونىندا لي چياڭ حاينان ولكەسىنىڭ ەمدەۋ، دەنساۋلىق ساقتاۋ ىستەرىن دامىتۋ، باسقا جەردە ەمدەلۋدى ەسەپتەن كوتەرۋ جانە جۇڭگوشا شيپاحانالاردىڭ جاعدايى جونىندەگى مالىمەتىن تىڭدادى. ول بىلاي دەپ دارىپتەدى: ەمدەۋ - دەنساۋلىق ساقتاۋ بويىنشا قىزمەت وتەۋ جۇيەسى قۇرىلىسىن كۇشەيتىپ، ساپالى ەمدەۋ بايلىقتارىنىڭ تومەنگە ءتۇسۋىن ىلگەرىلەتىپ، باسقا جەردە ەمدەلگەندە تىكەلەي ەسەپ جابۋ مەحانيزمىن كەمەلدەندىرىپ، وڭىرلىك ەمدەۋ ورتالىعى قۇرىلىسىن ىلگەرىلەتىپ، بۇقارانى اناعۇرلىم قولايلى، اناعۇرلىم ءتيىمدى ەمدەۋ قىزمەت وتەۋىنەن يگىلىكتەندىرۋ كەرەك. لي چياڭ ليزۋ ءدارى - دارمەك امبۋلاتورياسىن كوزدەن كەشىرىپ، جەرگىلىكتى جۇڭگوشا شيپاگەرلىك ماماندارىمەن اڭگىمەلەستى. ول بىلاي دەدى: ليزۋ شيپاگەرلىگىن، دارىگەرلىگىن قامتىعان جۇڭگوشا شيپاگەرلىك، دارىگەرلىك − جۇڭحۋا ۇلتىنىڭ جاۋھارى، مۇراگەرلىك ەتۋدە، جاڭالىق اشۋدا، اشىق، سيىسىمدى بولۋدا، جۇڭگو مەن باتىستى ۇشتاستىرۋدا تاباندى بولىپ، جۇڭگوشا شيپاگەرلىك، دارىگەرلىكتىڭ اۋرۋدان ساقتانۋ جانە ونى ەمدەۋدەگى وزگەشە ابزالدىعى مەن رولىن تولىق ساۋلەلەندىرۋ كەرەك. لي چياڭ بىلاي دەپ اتاپ كورسەتتى: 3 جىلدان بەرى قالىڭ ەمدەۋ قىزمەتكەرلەرى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا وراسان زور قۇلشىنىس جاساپ، ەرەكشە ۇلەس قوستى، كوپشىلىككە شىن جۇرەكتەن العىس ايتامىن.
لي چياڭ حايناننىڭ ەكونوميكالىق، قوعامدىق دامۋدا قول جەتكىزگەن تابىستارىن تولىق تۇراقتاندىرىپ، حايناننىڭ باس شۋجي شي جينپيڭنىڭ حاينان قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، رەفورما جاساپ، ەسىك اشۋدىڭ جانە وسىزامانداندىرۋ قۇرىلىسىنىڭ جاڭا تاراۋىن جازۋىن ءۇمىت ەتتى.ۋ جىڭلۇڭ تەكسەرىپ - زەرتتەۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
