لي چياڭ بو - اۋ ازيا تالقى مىنبەرىنىڭ 2023 - جىلعى جىلدىق ءماجىلىسىنىڭ اشىلۋ سالتىنا قاتىناستى ءارى ارقاۋ ءسوز سويلەدى
2023.03.31 17:30 كەلۋ قاينارى : حالىق تورابى
3 - ايدىڭ 30 - كۇنى تۇستەن بۇرىن مەملەكەتتىك كەڭەستىڭ زۇڭليى لي چياڭ حايناننىڭ بو - اۋىندا بو - اۋ ازيا تالقى مىنبەرىنىڭ 2023 - جىلعى جىلدىق ءماجىلىسىنىڭ اشىلۋ سالتىنا قاتىناستى ءارى «ادامزاتتىڭ تاعدىرلاس ورتاق تۇلعاسى ۇستانىمىن جەتەكشى ەتىپ، دۇنيە ءجۇزىنىڭ بەيبىتشىلىگى مەن دامۋىنا اناعۇرلىم كوپ تۇراقتىلىق ۇستەيىك» دەگەن تاقىرىپتا ارقاۋ ءسوز سويلەدى. سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن
«حالىق گازەتى»، 3 - ايدىڭ 30 – كۇنى، حاينان بو – اۋ (تىلشىلەر گاۋ شى، چىن شاڭۋىن، يۇي ي - چۇن): مەملەكەتتىك كەڭەستىڭ زۇڭليى لي چياڭ 3 - ايدىڭ 30 – كۇنى تۇستەن بۇرىن حايناننىڭ بو - اۋىندا بو - اۋ ازيا تالقى مىنبەرىنىڭ 2023 - جىلعى جىلدىق ءماجىلىسىنىڭ اشىلۋ سالتىنا قاتىناستى ءارى «ادامزاتتىڭ تاعدىرلاس ورتاق تۇلعاسى ۇستانىمىن جەتەكشى ەتىپ، دۇنيە ءجۇزىنىڭ بەيبىتشىلىگى مەن دامۋىنا اناعۇرلىم كوپ تۇراقتىلىق ۇستەيىك» دەگەن تاقىرىپتا ارقاۋ ءسوز سويلەدى (ءسوزدىڭ تولىق ءماتىنىن «حالىق گازەتىنىڭ» 2 – بەتىنەن وقي الاسىزار). سينگاپۋردىڭ زۇڭليى لي شيانلۇڭ، يسپانيانىڭ باس ءۋازىرى سانچەس، مالايزيانىڭ زۇڭليى ءانۋار، كوتديۆۋاردىڭ زۇڭليى اچي، قازاقستان زۇڭليىنىڭ ورىنباسارى قويشىبايەۆ، موڭعۇليا زۇڭليىنىڭ ورىنباسارى، قوسىمشا ەكونوميكالىق دامۋ مينيسترى حۋرىلباتىر، حالىقارالىق اقشا قورى ۇيىمىنىڭ باس القاسى گەورگيەۆا جانە 5 قۇرلىقتاعى 50 نەشە مەملەكەت پەن رايوننان كەلگەن ساياسي سالا، ونەركاسىپ - ساۋدا سالاسى جانە اقىل - پاراسات قويماسى وقىمىستىلارىنىڭ ءبىر مىڭ 500 دەن استام ۋاكىلى قاتىناستى.
لي چياڭ بىلاي دەدى: بۇگىنگى دۇنيەدە ورنىقسىزدىق، تۇراقسىزدىق، بولجاۋ قيىن بولۋ قالىپتى جاعدايعا اينالدى. ادامدار اناعۇرلىم كوپ، اناعۇرلىم قۇدىرەتتى تۇراقتى كۇشتىڭ دۇنيە ءجۇزىنىڭ كوركەم بولاشاققا قاراي العا باسۋىنا جەبەۋشى بولۋىن ءۇمىت ەتتى. 10 جىلدىڭ الدىندا ءتوراعا شي جينپيڭ ادامزاتتىڭ تاعدىرلاس ورتاق تۇلعاسى سىندى ماڭىزدى ۇستانىمدى تۇڭعىش رەت ورتاعا قويدى، وسىدان كەيىن دۇنيە جۇزىلىك دامۋ باستاماسى، دۇنيە جۇزىلىك حاۋىپسىزدىك باستاماسى، دۇنيە جۇزىلىك وركەنيەت باستاماسى ىشكەرىلەي ورتاعا قويىلدى. 10 جىلدان بەرى جۇڭگو ناقتى ارەكەتپەن ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، ءبىرقىدىرۋ كەلەلى امالياتتىق جەتىستىكتەرگە قول جەتكىزدى. اماليات مىنانى دالەلدەدى: ادامزاتتىڭ تاعدىرلاس ورتاق تۇلعاسى ۇستانىمى ءداۋىر اعىمىنا جانە ادامزاتتىڭ العا باسۋىنا جەتەكشىلىك ەتەتىن تۋعا، دۇنيە ءجۇزىنىڭ باياندى بەيبىتشىلىگىن ىلگەرىلەتەتىن، بىرگە گۇلدەنۋىنە جەتەكشىلىك ەتەتىن تۇراقتى كۇش - قۋاتتىڭ قاينارىنا اينالدى.
لي چياڭ مىنالاردى اتاپ كورسەتتى: ادامزاتتىڭ تاعدىرلاس ورتاق تۇلعاسى ۇستانىمى تۋىن بيىك ۇستاپ، ازيا تاعدىرلاس ورتاق تۇلعاسىن قول ۇستاسا قۇرىپ، دۇنيە ءجۇزىنىڭ بەيبىتشىلىگىن، ورنىقتىلىعىن، قوزعاۋشى كۇش قاينارىن، سەلبەستىكتىڭ جاڭا بيىگىن قالىپتاستىرىپ، دۇنيە ءجۇزىنىڭ بەيبىتشىلىگى مەن دامۋىنا اناعۇرلىم كوپ تۇراقتىلىق ۇستەۋ كەرەك. ءبىرىنشى، بەيبىت، ورنىقتى دامۋ ورتاسىن بىرگە قورعاپ، بىلىققان حالىقارالىق جاعدايعا اناعۇرلىم كوپ تۇراقتىلىق ۇستەۋ كەرەك. ەكىنشى، اناعۇرلىم ومىرشەڭدىك كۇشكە يە ارتۋ ورتالىعىن بىرگە قۇرىپ، دۇنيە ءجۇزى ەكونوميكاسىنىڭ قالپىنا كەلۋىنە اناعۇرلىم كوپ تۇراقتىلىق ۇستەۋ كەرەك. ءۇشىنشى، ىنتىماقتاسۋدىڭ، سەلبەستىك جاساۋدىڭ ءونىمدى جولىن بىرگە كەڭەيتىپ، تەرەڭ وزگەرىسكە تولى دۇنيە جۇزىلىك جونگە سالۋعا اناعۇرلىم كوپ تۇراقتىلىق ۇستەۋ كەرەك. ءتورتىنشى، گۋمانيتارلىق اۋىس - كۇيىستىڭ تەرەڭدەۋىن، ناقتىلانۋىن بىرگە ىلگەرىلەتىپ، تۇرلىشە وركەنيەتتىڭ توعىسۋىنا، بىرگە ءومىر سۇرۋىنە اناعۇرلىم كوپ تۇراقتىلىق ۇستەۋ كەرەك.
لي چياڭ مىنالاردى دارىپتەدى: تۇراقسىز دۇنيە جۇزىندە جۇڭگونىڭ تۇراقتىلىعى − دۇنيە ءجۇزىنىڭ بەيبىتشىلىگى مەن دامۋىن قورعاۋداعى تىرەك. بولاشاقتان قاراعاندا، جۇڭگونىڭ دامۋ نىساناسى مەن بولاشاعى بەلگىلى. ج ك پ - نىڭ 20 - قۇرىلتايىندا جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ايقىن ورتاعا قويىلدى. دۇنيە جۇزىندە قانداي وزگەرىس تۋىلسا دا، ءبىز رەفورما جاساپ، ەسىك اشۋدا، جاڭالىق اشۋ ارقىلى دەم بەرۋدە باستان - اياق تاباندى بولامىز. ۇزاق ۋاقىت ورنىقتى بولعان، ءبىر نيەت، ءبىر تىلەكپەن دامىعان جۇڭگو، نىق قاداممەن، ەرلىكپەن العا باسقان جۇڭگو، وزىنە سەنىمدى، اشىق، بىرگە يگىلىكتەنۋگە پەيىل جۇڭگو، ءسوز جوق، دۇنيە ءجۇزىنىڭ گۇلدەنىپ - كوركەيۋىنىڭ، ورنىقتىلىعىنىڭ وراسان زور كۇشى – قۋاتى بولادى. قازىرگى جاعدايدان قاراعاندا، جۇڭگو ەكونوميكاسىنىڭ ارتۋ قوزعاۋشى كۇشى مەن اۋقىمى مىعىم. ءبىزدىڭ جۇڭگو ەكونوميكاسىنىڭ الىپ كەمەسىنىڭ تولقىن جارا ىلگەرىلەپ، نىق قاداممەن الىسقا ساپار شەگۋىن جەبەپ، دۇنيە ءجۇزى ەكونوميكاسىنىڭ دامۋىنا اناعۇرلىم زور ۇلەس قوساتىنىمىزعا سەنىمىمىز كامىل، قۋاتىمىز قاپتال جەتەدى.
لي چياڭ بىلاي دەپ اتاپ كورسەتتى: ءبىز تەك قول ۇستاسىپ، سىن - سايىسقا توتەپ بەرىپ، اشىق، سيىسىمدى بولعاندا عانا، ءسوز جوق، ازياعا، دۇنيە جۇزىنە اناعۇرلىم كوپ تۇراقتىلىق ۇستەپ، ادامزات قوعامىنىڭ اناعۇرلىم كوركەم بولاشاعىن جاراتا الامىز.
اشىلۋ سالتىندا بو - اۋ ازيا تالقى مىنبەرىنىڭ القا مەڭگەرۋشىسى پان كيۋىن قارسى الۋ ءسوزىن سويلەدى. لي شيانلۇڭ، سانچەس، ءانۋار، اچي، گەورگيەۆا جانە ونەركاسىپ - ساۋدا سالاسىنىڭ ۋاكىلدەرى ىلگەرىندى - كەيىندى ارناۋ ءسوز سويلەدى. ولار مىنالاردى ءبىلدىردى: وسى كەزەكتى ازيا تالقى مىنبەرى بۇگىنگى دۇنيە ءجۇزىنىڭ تۇراقسىزدىعىنا توتەپ بەرۋگە ماڭىزدى جەتەكشىلىك ازىرلەپ، ادامزاتتىڭ تاعدىرلاس ورتاق تۇلعاسىن قۇرۋ ۇستانىمىن ىلگەرىلەتىپ، ءار ەلدىڭ سىن - سايىسقا سەلبەسىپ توتەپ بەرۋىنە دۇرىس باعدار كورسەتتى. ءارقايسى جاق تىرەسۋگە، قورعانىمپازدىققا، ءتارتىپسىز باسەكەگە، ەكونوميكانىڭ ۇساقتالۋىنا قارسى تۇرىپ، حالىقارالىق قوعامنىڭ ىنتىماقتى، سەلبەستىكتى كۇشەيتىپ، دۇنيە جۇزىلىك سايىستارعا تىزە قوسا توتەپ بەرۋىن قۋاتتادى. ءارقايسى جاق جۇڭگو جاقتىڭ كوپ جاقتىلىقتى جانە وڭىرلىك سەلبەستىكتى قولداعانىن القادى، جۇڭگو جاقتىڭ سىرتقا ەسىك اشۋدى ۇزدىكسىز ىلگەرىلەتۋىنە ىزگى تىلەك ءبىلدىردى، ىندەتتەن كەيىنگى مەزگىلدە جۇڭگو ەكونوميكاسىنىڭ قارىشتاپ دامۋى الا كەلگەن ورايدى مىقتى يگەرىپ، حالىقارالىق قارجى قوسۋ مەن ساۋدانىڭ قالپىنا كەلۋىن ىلگەرىلەتىپ، ءوڭىردىڭ جانە دۇنيە ءجۇزىنىڭ بەيبىتشىلىگى مەن دامۋىن بىرگە جەبەۋدى ءۇمىت ەتەتىندەرىن ءبىلدىردى.
تيە نيڭ، ۋ جىڭلۇڭ، چين گاڭ، حى حوۋحۋا قاتارلىلار اشىلۋ سالتىنا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
