2023 – جىلعى ورتا، باستاۋىش مەكتەپ، بالا باقشا وقىتۋشىلارىن اشىق قابىلداۋعا قاتىستى، ەكى تاراۋ قۇجات شىعارىپ ورنالاستىرۋ جاسادى
2023.04.03 14:26 كەلۋ قاينارى : حالىق تورابى
ادام كۇشى بايلىعى جانە قوعامدىق قامتاماسىزداندىرۋ مينيسترلىگى، وقۋ – اعارتۋ مينيسترلىگى تاياۋدا «2023 – جىلعى ورتا، باستاۋىش مەكتەپ، بالا باقشا وقىتۋشىلارىن اشىق قابىلداۋ قىزمەتىن جاقسى ىستەۋ جونىندەگى ۇقتىرۋدى» باسىپ تاراتىپ، وقىتۋشىلاردى قابىلداۋ قىزمەتىن ويداعىداي ىستەۋ، جوعارى مەكتەپ بىتىرگەن وقۋشىلاردىڭ كاسىپتەنۋىن جەبەۋ جونىندە ورنالاستىرۋ جاسادى.
«ۇقتىرۋدا» مىنالار ورتاعا قويىلدى: وقىتۋشىلاردى قابىلداۋ مەن جوعارى مەكتەپ بىتىرگەن وقۋشىلاردىڭ كاسىپتەنۋىن ءبىرتۇتاس جوسپارلاپ، ءارقايسى وقۋ ساتىسىنداعى عىلىمي اتاق قاجەتى، قالا مەن اۋىلدىڭ وڭىرلىك پارقى، وقۋ جاسىنداعى جان سانىنىڭ وزگەرىسى سياقتى جاعدايلارمەن تولىق ۇشتاستىرىپ، وقىتۋشىلار قوسىنىن ۇيلەسىمدى ورنالاستىرۋ كەرەك. جوعارى مەكتەپ بىتىرگەن وقۋشىلاردى قابىلداۋ كولەمىن ورنىقتىرىپ، جوعارى مەكتەپ بىتىرگەن وقۋشىلاردى نەگىزگى ساتىداعى ورتا، باستاۋىش مەكتەپتەرگە، بالالار باقشاسىنا بارۋعا شابىتتاندىرۋ جانە جەتەكتەۋ كەرەك. بالا باقشا وقىتۋشىلارىن جەتكىلىكتى تولىقتاپ ورنالاستىرىپ، مەكتەپكە دەيىنگى تاربيەنىڭ دامۋىن قولداۋ كەرەك. كاسىپتىك مەكتەپ وقىتۋشىلارىن ورنالاستىرۋدى كۇشەيتىپ، كاسىپتىك وقۋ - اعارتۋدىڭ جوعارى ساپالى دامۋىن ىلگەرىلەتۋ كەرەك.
«ۇقتىرۋدا» مىنالار ايقىن بەلگىلەندى: جەر – جەر وقىتۋشىلاردى قابىلداۋ وتكەلىن ويداعىداي يگەرىپ، وقىتۋشىلىق ءمورالدى تەكسەرۋ جانە قابىلداۋ شارتىن قاتايتىپ، ۇسىنىس ەتۋ رەسميەتىن وتەۋدەن بۇرىن ورتا، باستاۋىش مەكتەپ، بالالار باقشاسى وقىتۋشىلارىنىڭ تولىمدىلىق كۋالىگىن الۋى كەرەك. نەگىزگى ساتىنىڭ قىزمەتكەر قابىلداۋ ادىسىندە جاڭالىق اشىپ، مەملەكەتتىڭ اۋىل ـ قىستاقتى گۇلدەندىرۋ بويىنشا ءتۇيىندى تۇردە سۇيەمەلدەنەتىن اۋدان، اۋىل ـ قىستاق ورتا، باستاۋىش مەكتەپ، بالالار باقشاسىنىڭ قىزمەتكەر قابىلداۋ شارتىن لايىقتى كەڭەيتىپ، اۋىل ـ قىستاقتى گۇلدەندىرۋ دارىندىلارىنىڭ قاينارىن كەڭەيتۋ كەرەك. «ەرەكشە قىزمەت ورنى جوسپارىن» ىشكەرىلەي ىلگەرىلەتىپ، قىزمەتكەر قابىلداۋ، اتقارۋ قىزمەتىن ساپالىلاندىرۋ كەرەك.
«ۇقتىرۋدا» مىنالار تالاپ ەتىلدى: جەر – جەر ايرىقشا ءمان بەرىپ، قىزمەتكەر قابىلداۋ جوسپارىن عىلىمي جاساپ، تاپشى ءپان وقىتۋشىلارىنىڭ قاجەتىن ءتۇيىندى تۇردە قامتاماسىزداندىرۋى كەرەك. وقىتۋشىلاردى اشىق قابىلداۋ قىزمەتىن بەلسەنە ىلگەرىلەتىپ، ءتۇرلى جولدارمەن قىزمەتكەر قابىلداۋ ينفورماتسياسىن كەڭ كولەمدە تانىستىرۋ كەرەك. قىزمەتكە جەتەكشىلىك ەتۋ مەن باسقارۋدى، باقىلاۋدى كۇشەيتىپ، ەمتيحان ىستەرىن ۇيىمداستىرۋدى قاتايتىپ، قابىلداۋ قىزمەتىنىڭ قاتاڭ، جۇيەلى، حاۋىپسىز، ءتارتىپتى بولۋىنا كەپىلدىك ەتۋ العى شارتىندا قىزمەتكەر قابىلداۋ اياق الىسىن جەدەلدەتىپ، وقىتۋشىلاردى قابىلداۋ مىندەتىن ورىنداۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
