جۇرت تىلەگىن توعىستىرىپ، رۋحتى سومداپ، گۇلدەنۋگە بەت الدى
− شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنىڭ باستالۋى قارساڭىندا
شينحۋا اگەنتتىگىنىڭ تىلشىلەرى جۋ جيچاي، ديڭ شياۋشي، ۋاڭ زىميڭ، گاۋ لەي
2023.04.03 15:56 كەلۋ قاينارى : حالىق تورابى
جۇڭگو كوممۋنيستەرى ۇيرەنۋگە سۇيەنىپ بۇگىنگى كۇنگە جەتتى، ۇيرەنۋ ارقىلى بولاشاققا دا بەت الادى.
3 ـ ايدىڭ 30 ـ كۇنى ج ك پ ورتالىق كوميتەتىنىڭ ساياسي بيۋروسى ءماجىلىس اشىپ، بيىل 4 ـ ايدان باستاپ بۇكىل پارتيادا 2 توپقا ءبولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋدى ۇيعاردى. سول كۇنى تۇستەن كەيىن ج ك پ ورتالىق كوميتەتىنىڭ ساياسي بيۋروسى شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ جونىندە 4 ـ رەتكى توپتىق ۇيرەنۋ جۇرگىزىپ، وسى ارقىلى ۇلگىلىك رولىن ساۋلەلەندىرىپ، بۇكىل پارتيانىڭ نەگىزگى تاقىرىپتىق تاربيەدە شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋىن، دايەكتىلەندىرۋىن ىلگەرىلەتىپ، يدەيالىق ـ نازاريالىق نەگىزدى بەكەمدەدى.
داڭق پەن ارمانعا تولى ۇزاق جورىققا اتتانعان جاڭا داۋىردەگى جۇڭگو كوممۋنيستەرى تاباندىلىقپەن شي جينپيڭ جاڭا ءداۋىر جۇڭگوشا سوتسياليزم يدەياسى ارقىلى زەيىن ـ زەردەنى سومداپ، پارتيانىڭ جاسامپاز نازارياسى ارقىلى يدەيانى، ەرىك ـ جىگەردى، ارەكەتتى بىرلىككە كەلتىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ۇلى نىساناسىنا قاراي ەرلىكپەن العا باستى.
جەڭىسكە جەتۋدىڭ يدەيالىق قۇپيا سيفرى −
”ماركسيزمدىك عىلمي نازاريانىڭ جەتەكشىلىگىنە يە بولۋ − پارتيامىزدىڭ نانىم - سەنىمدى بەكەمدەۋىنىڭ، تاريحي ىرىقتىلىقتى يگەرۋىنىڭ ءتۇبىرلى تياناعى“
يان - انداعى ياڭجياليڭدە ەڭسە كوتەرگەن ورتالىق ۇلكەن زال ۋاقىتتىڭ سىنىنان ءوتىپ، بارعان سايىن اۋىر مىندەت ارقالادى.
زالدا قاتارلانعان ۇستەل، اعاش ورىندىق سول كەزدەگى بەينەسىمەن تۇر. ءتوراعالار مىنبەسىنىڭ جوعارعى جاعىنداعى: ”ماۋ زىدۇڭنىڭ تۋى استىندا جەڭىسپەن العا باسايىق“ دەگەن قىزىل ۇران ەرەكشە كوز تارتادى.
70 قانشا جىلدىڭ الدىندا، جۇڭگو كوممۋنيستىك پارتياسى تۇڭعىش رەت وسى ”ءوزى سالعان ۇيدە“ مەملەكەتتىك قۇرىلتاي اشىپ، ماۋ زىدۇڭ يدەياسىن پارتيا تۋىنا جازدى، جۇڭگو توڭكەرىسى وسىدان باستاپ جەڭىس ارناسىنا ءتۇستى.
2022 ـ جىلى 10 ـ ايدىڭ 27 ـ كۇنى، پارتيانىڭ 20 ـ قۇرىلتايى ەندى عانا جابىلعان سوڭ، باس شۋجي شي جينپيڭ جاڭادان سايلانعان 20 ـ كەزەكتى ورتالىق كوميتەت ساياسي بيۋروسىنىڭ تۇراقتى مۇشەلەرىن باستاپ وسى اراعا كەلىپ، تاريحتىڭ جاڭعىرىعىنا قۇلاق اسىپ، كوممۋنيستەردىڭ كۇرەس جۇرگىزۋ اۋەلگى ماقساتىن، داڭقتى ءداستۇرىن سەزىندى.
ەكىنشى 100 جىلدىق كۇرەس نىساناسىنا جورىق جاساۋدىڭ شەشۋشى ساتىندە، پارتيانىڭ 20 ـ قۇرىلتايى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جاڭا دامۋىن پارتيا ۋستاۆىنا ەنگىزدى، شۇعىلالى تۋ اناعۇرلىم نۇرلانعان اقيقات شۇعىلاسىن شاشىپ، جاڭا ءداۋىردىڭ جاڭا جورىعىنا قۇدىرەتتى جەتەكشىلىك ازىرلەدى.
توڭكەرىستىك نازاريا بولمايىنشا، توڭكەرىستىك قوزعالىس تا بولماق ەمەس. ”ماركسيزمدىكىك عىلمي نازاريانىڭ جەتەكشىلىگىنە يە بولۋ − پارتيامىزدىڭ ناىم - سەنىمدى بەكەمدەۋىنىڭ، تاريحي ىرىقتىلىقتى يگەرۋىنىڭ ءتۇبىرلى تياناعى“.
قيىن ـ قىستاۋ ساتتەرگە تولى 100 جىلدىق سيمفونيانى اشساق، ءار رەتكى كەلەلى تاريحي ساتتە قاشان دا يدەياداعى ورلەۋگە ىلەسىپ، ىستەرىمىزدىڭ جاڭا جەڭىستەرگە جەتۋىنە ۇزدىكسىز جەتەكشىلىپ ەتىلىپ وتىرعان.
پارتيانىڭ 18 ـ قۇرىلتايىنان بەرى شي جينپيڭ جولداستى باستى ۋاكىل ەتكەن جۇڭگو كوممۋنيستەرى ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدا تاباندى بولىپ، وراسان زور ساياسي اقىل ـ پاراساتپەن جانە نازاريالىق باتىلدىقپەن شي جينپيڭ جاڭا ءداۋىر جۇڭگوشا سوتسياليزم يدەياسىن جاراتىپ، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن اشتى.
پارتيانىڭ 19 - قۇرىلتايىندا، پارتيا 19 - كەزەكتى ورتالىق كوميتەتىنىڭ التىنشى جالپى ماجىلىسىندە ”وندى ايقىنداۋ“، ”ون تورتتە تاباندى بولۋ“، ”ون ءۇش جاقتاعى تابىس“ ارقىلى وسى شۇعىلالى يدەيانىڭ باستى مازمۇنىن جيناقتاۋدان پارتيانىڭ 20 - قۇرىلتايىندا ”ەكىنى ۇشتاستىرۋ“، ”التىدا، ءسوز جوق، تاباندى بولۋ“ ارقىلى شي جينپيڭ جاڭا ءداۋىر جۇڭگوشا سوتسياليزم يدەياسىن تەرەڭدەي پايىمدايتىن دۇنيەگە كوزقاراس ءادىسناماسى مەن وعان سىڭىرىلگەن تۇرعى، كوزقاراس، ادىسكە دەيىن... شي جينپيڭ جاڭا ءداۋىر جۇڭگوشا سوتسياليزم يدەياسى ۇزدىكسىز بايىپ، دامىپ، العاشقى جاسامپازدىق سيپاتتى نازاريالىق ۇلەس ارقىلى ماركسيزم دامۋىنىڭ جاڭا بيىگىن كورسەتىپ، جۇڭحۋا ۇلتىنىڭ ۇلى گۇلدەنۋىنىڭ كەرى بۇرۋعا بولمايتىن تاريحي ۇردىسكە قادام تاستاۋىنا جەتەكشىلىك ەتتى.
”جۇڭگو كوممۋنيستىك پارتياسىنىڭ نەلىكتەن ىسكەر بولۋى، جۇڭگوشا سوتسياليزمنىڭ نە ءۇشىن جاقسى بولۋى، سايىپ كەلگەندە، ماركسيزمنىڭ جارامدى بولۋىندا، جۇڭگوشالانعان، زامانالانعان ماركسيزمنىڭ جارامدى بولۋىندا“.
اماليات مىنانى تالاسسىز دالەلدەدى: جاڭا داۋىردەگى 10 جىلدىق ۇلى وزگەرىس، تۇپتەپ كەلگەندە، شي جينپيڭ جولداستىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى رەتىندە رول ۇستاپ، جول باستاۋىندا، تۇپتەپ كەلگەندە، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە بولدى.
2019 - جىلى 3 - ايدىڭ 1 - كۇنى باس شۋجي شي جينپيڭ ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىندا ”ءبىرىنشى ساباقتى“ ءوزى وقىتىپ، پارتيانىڭ جاسامپاز نازارياسىن ۇيرەنۋدى، دايەكتىلەندىرۋدى ارقاۋ ەتىپ مىناداي پايىمداۋ جاسادى:
”جاڭا ءداۋىر جۇڭگوشا سوتسياليزم يدەياسىن ۇيرەنۋدە ونىڭ داۋىرلىك ءمانىن، نازاريالىق ءمانىن، امالياتتىق ءمانىن، دۇنيە جۇزىلىك ءمانىن تەرەڭ تانۋ جانە ءتۇسىنۋ، وزەكتى ءمانىن، رۋحاني ءمانىن، باي مازمۇنىن، امالياتتىق تالابىن تەرەڭ ۇعىنۋ كەرەك“.
عىلىمعا عىلمي پوزيتسيامەن مامىلە جاساپ، اقيقات رۋحىمەن اقيقاتقا تالپىنۋ كەرەك. بۇل — جۇڭگو كوممۋنيستەرىنىڭ باستان - اياق ءداۋىردىڭ الدىڭعى لەگىندە ءجۇرۋىنىڭ يدەيالىق قۇپيا سيفرى —
شي جينپيڭ جاڭا ءداۋىر جۇڭگوشا سوتسياليزم يدەياسىن پارتيا ۋستاۆىنا ەنگىزىپ، نەگىزگى زاڭعا ەنگىزىپ، پارتيا مەن مەملەكەت، ءسوز جوق، ۇزاق ۋاقىت تاباندى بولاتىن جەتەكشى يدەيا ەتىپ، مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋىن ارەكەت باعدارناماسىمەن قامدادى؛
پارتيانىڭ تاريحي قاۋلىسى تاسىلىمەن مىنانى ايقىندادى: شي جينپيڭ جاڭا ءداۋىر جۇڭگوشا سوتسياليزم يدەياسى — ”زامانىمىزداعى جۇڭگونىڭ ماركسيزمى، 21 - عاسىرداعى ماركسيزم، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى“، مىنانى دارىپتەدى: ”ەكىنى تۇراقتاندىرۋ“ جاڭا داۋىردەگى پارتيا مەن مەملەكەت ىستەرىنىڭ دامۋى، جۇڭحۋا ۇلتىنىڭ ۇلى گۇلدەنۋى سىندى تاريحي بارىستى ىلگەرىلەتۋ جونىنەن شەشۋشى مانگە يە؛
پارتيانىڭ 20 - قۇرىلتايىنىڭ بايانداماسىندا ”ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن اشۋ“ جونىندە ارناۋلى تاراۋ ورنالاستىرىلىپ، بۇكىل پارتيادان شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ءادىس نازارياسىن ويداعىداي يگەرىپ، وعان ارقاۋ بولعان مايدان، كوزقاراس، ادىستە تاباندى بولۋدى، ونى ويداعىداي پايدالانۋدى تالاپ ەتتى.
نازاريادا جاڭالىق جاراتۋ ءبىر ادىم ىلگەرىلەگەن سايىن، نازاريامەن قارۋلانۋ دا ىلەسىپ ىلگەرىلەيدى. بۇل — جۇڭگو كوممۋنيستەرىنىڭ ۇيرەنۋگە سۇيەنىپ بولاشاققا بەت الۋداعى نازاريالىق سانالىلىعى −
پارتيا 20 ـ قۇرىلتايىندا مىناۋ العا قويىلدى: شي جينپيڭ جاڭا ءداۋىر جۇڭگوشا سوتسياليزم يدەياسى ارقىلى زەيىن ـ زەردەنى، رۋحتى سومداۋدا تاباندى بولىپ، اۋدان، باسقارما دارەجەلىدەن جوعارى باسشى كادرلاردى ماڭىزدى ءتۇيىن ەتىپ، بۇكىل پارتيادا نەگىزگى تاقىرىپتىق تاربيەنى ىشكەرىلەي ورىستەتۋ كەرەك؛
پارتيا 20 - كەزەكتى ورتالىق كوميتەتىنىڭ ءبىرىنشى جالپى ءماجىلىسى مىنانى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنۋ، جەتە ءتۇسىنۋ، شىنايى تياناقتاندىرۋ كەرەك، مىنانى تالاپ ەتتى: وسى يدەيانى پارتيا مەن مەملەكەت قىزمەتىنىڭ بارلىق جاعىندا دايەكتى تياناقتاندىرۋ كەرەك؛
پارتيا 20 - كەزەكتى ورتالىق كوميتەتىنىڭ ەكىنشى جالپى ءماجىلىسى مىنانى ايقىن بەلگىلەدى: بۇكىل پارتيادا شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتۋدە عىلمي جوبا جاساپ، دەن قويا ۇيىمداستىرىپ، نازاريا ۇيرەنۋ مەن قولدانۋدى كۇشەيتىپ، ناقتى ونىمدىلىككە قول جەتكىزۋ كەرەك.
جالپى جاعدايدى كوزدە ۇستاپ، تەرەڭ تولعاندى.
شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ جەتەكتەۋىندە، ىلگەرىلەتۋىندە، پارتيا 20 ـ قۇرىلتايىنىڭ رۋحىن جاپپاي دايەكتىلەندىرۋ، بۇكىل پارتياداعى جولداستاردى پارتيانىڭ وزەكتى مىندەتىن ورىنداۋ ءۇشىن ىنتىماقتاسا كۇرەس جۇرگىزۋگە جۇمىلدىرۋ ءۇشىن جاسالعان كەلەلى ورنالاستىرۋعا، جاڭا داۋىردەگى پارتيا قۇرىلىسىنىڭ جاڭا دا ۇلى ينجەنەرياسىن ىشكەرىلەي ىلگەرىلەتۋ جونىندەگى كەلەلى ورنالاستىرۋعا جەدەل دايىندىق جاسالىپ، جۇمىس قاۋىرت باستالدى.
دايەكتى جالعاسقان يدەيالىق تازارۋ −
”ءار رەت پارتيا ورتالىق كوميتەتى كەلەلى شەشىم، ورنالاستىرۋ جاساعان سايىن، ءبىز بۇكىل پارتياداعى جولداستاردى ۇيرەنۋدى كۇشەيتۋگە ۇندەيمىز“
كوكتەم سامالى ەسىپ، ءشوپ كوكتەپ، اعاشتار بۇرلەدى. ورتالىق پارتيا مەكتەبى نەگىزگى عيماراتىنىڭ سولتۇستىك الاڭىندا ماركستىڭ ءمۇسىنى مەن ەنگەلستىڭ مۇسىنىنەن قۇرالعان الىپ ءمۇسىن كۇننىڭ شۇلەن شۇعىلاسىنا شومدى.
مەكتەپ اۋلاسىن ارالاپ كوردىك، قابىرعاسى قىزىل، توبەسىنە جاسىل قاڭىلتاق كەرپىش توسەلگەن ۇيلەر، دوعاشا توبەلى، سارى كەرپىش جاپسىرىلعان پارتيا مەكتەبىنىڭ زالى، سولتۇستىك شانشيدەگى جەر تولە ۇلگىسىندەگى قۇرىلىس ستيلى پارتيامىزدىڭ نازاريامەن قارۋلانۋعا باسا ءمان بەرەتىن ايقىن گەنىن ايگىلەدى.
بيىل 2 - ايدا وسى زالدا ”شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسى“ اشىلدى، باس شۋجي شي جينپيڭ جۇڭگو ۇلگىسىندەگى وسىزامانداندىرۋ سىندى عىلمي سوتسياليزمنىڭ ەڭ جاڭا كەلەلى جەتىستىگىن تەرەڭ پايىمدادى.
يدەيالىق قۇرىلىس − پارتيانىڭ نەگىزدىك قۇرىلىسى، پارتيانى يدەيالىق جاقتان قۇرۋ، پارتيانى نازاريالىق جاقتان كۇشەيتۋ − عاسىرلىق ۇلكەن پارتيانىڭ ومىرشەڭدىك قۋاتىن ماڭگى ساقتاۋىنىڭ تەتىگى.
”ماركسيزمنىڭ جۇڭگوشالانۋىنىڭ، زامانالانۋىنىڭ ەڭ جاڭا جەتىستىكتەرىمەن بۇكىل پارتيانى قارۋلاندىرۋدا، امالياتقا جەتەكشىلىك ەتۋدە، قىزمەتتەردى ىلگەرىلەتۋدە تاباندى بولۋ − پارتيامىزدىڭ تاريحتى جاراتۋداعى، شۇعىلالى تابىسقا جەتۋدەگى ماڭىزدى تاجىريبەسى“.
مەيلى يان - ان داۋىرىندە ستيل دۇرىستاۋ قوزعالىسىن جۇرگىزۋ بولسىن، رەفورما جاساپ، ەسىك اشۋدىڭ العاشقى مەزگىلىندە پارتيانى جاپپاي رەتكە سالۋ بولسىن، الدە وتكەن عاسىردىڭ 90 - جىلدارىنداعى ”ءۇشتى دارىپتەۋ“ تاربيەسى بولسىن، نەمەسە جاڭا عاسىردان بەرگى عىلمي دامۋ كوزقاراسىن ىشكەرىلەي ۇيرەنۋ، امالياتتان وتكىزۋ قيمىلى بولسىن، ۇرپاقتان - ۇرپاققا جالعاسقان جۇڭگو كوممۋنيستەرى ۇيرەنۋ - تاربيە بارىسىندا نازاريالىق ورەسى مەن امالياتتىق قابىلەتىن ۇزدىكسىز جوعارىلاتتى.
اقيقاتتىڭ شۇعىلاسى العا باسۋ جولىن نۇرلاندىرىپ، يدەيالىق تازارۋ دايەكتى جالاستى.
2022 ـ جىلى 11 ـ ايدىڭ 9 ـ كۇنى، چاڭشا قالاسى مۋيۇن ءمالى باسقارماسى ليانحۋا قىستاعىنداعى پارتيا مۇشەلەرىنىڭ ۇيرەنۋ بولمەسىنەن ءالسىن ـ ءالى شاپالاق ءۇنى كوتەرىلدى. پارتيا 20 ـ قۇرىلتايىنىڭ رۋحىن ۇيرەنۋ، دايەكتىلەندىرۋ ورتالىق ۇگىت ـ لەكسيا ۇيىرمەسىنىڭ مۇشەلەرى پارتيالى كادرلارمەن، نەگىزگى ساتىداعى بۇقارامەن بىرگە وتىرىپ، نازاريالىق ۇگىت ـ لەكسيا جاسادى. بۇقاراعا جاناسىمدى فورما، جاندى بۇقارالىق ءتىل كۇشتى ۇندەستىك تۋدىردى.
ارت – ارتىنان جالعاسقان پىكىر الماستىرۋ بارىسىندا ورتالىقتىڭ ۇگىت ـ لەكسيا ۇيىرمەسى پارتيا 20 ـ قۇرىلتايىنىڭ رۋحىن، شي جينپيڭ جاڭا ءداۋىر جۇڭگوشا سوتسياليزم يدەياسىن ەگجەي ـ تەگجەيلى ءتۇسىندىرىپ، پارتيانىڭ جاڭالىق اشۋ نازارياسىنىڭ جاي بۇقاراعا جەتكىزىلۋىن ىلگەرىلەتتى.
نازاريا ۇيرەنۋ، يدەيالىق تازارۋدان ءوتۋ — كوممۋنيستەردىڭ مىندەتتى ساباعى، ونان دا ماڭىزدىسى، پارتيا ىشىندەگى شوعىرلى تاربيەنى ورىستەتۋ تاقىرىبىنداعى مازمۇن.
باس شۋجي شي جينپيڭ بىلاي دەپ اتاپ كورسەتتى: ”پارتيانىڭ ءار رەتكى شوعىرلى تاربيە قيمىلدارى تۇگەلدەي يدەيالىق تاربيەدەن باستاپ كىرىسىپ، ۇيرەنۋ تەرەڭ بولماۋ، يدەيا بىرلىككە كەلمەۋ، ارەكەت ىلەسە الماۋ ماسەلەلەرىن كۇش سالا شەشتى“.
پارتيا 18 ـ قۇرىلتايىنان بەرى پارتيا ورتالىق كوميتەتى جاڭا جاعدايعا، جاڭا مىندەتكە، جاڭا سىن ـ سايىسقا بەتپە ـ بەت كەلىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن ـ زەردەنى شوعىرلاندىرىپ، رۋحتى سومداۋدى پارتيانىڭ يدەيالىق قۇرىلىسىنىڭ ءتۇبىرلى مىندەتى ەتىپ، پارتيا ىشىندەگى شوعىرلى تاربيەنىڭ ءبىر ـ بىرىمەن قابىسىپ، رەت - رەتىمەن ورىستەتىلۋىن ىلگەرىلەتتى −
2013 - جىلى حالىق ءۇشىن ناقتى ءىس ىستەۋدى، پاك بولۋدى باستى مازمۇن ەتىپ، پارتيانىڭ بۇقارالىق لۋشيان تاربيەسى امالياتتىق قيمىلى ۇيرەنۋ تاربيەسىمەن باستان - اياق ساباقتاستىرىپ، نازاريامەن قارۋلانۋدى ۇزدىكسىز كۇشەيتىپ، ءىس جۇزىندىك ماسەلەلەردى شەشۋگە رۋحاني قوزعاۋشى كۇش قوستى؛
2015 - جىلى ”ۇشتە قاتاڭ، ۇشتە شىنايى بولۋ“ ارناۋلى تاربيەسى اۋدان، باسقارما دارەجەلىدەن جوعارى باسشى كادرلار اراسىندا ورىستەتىلىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن ۇيرەنۋدى، دايەكتىلەندىرۋدى ەڭ ماڭىزدى ورىنعا قويىپ، ”قاتاڭدىقتى“، ”شىنايىلىقتى“ ومىرلىك داعدىعا جانە سانالى تالپىنىسقا اينالدىردى؛
2016 - جىلى ”ەكىنى ۇيرەنۋ، بىردە تولىمدى بولۋ“ ۇيرەنۋ - تاربيەسى پارتيانىڭ يدەيالىق قۇرىلىسىن ماڭداي الدى ورىنعا قويىپ، پارتيا ىشىندەگى تاربيە ”شەشۋشى ازشىلىقتان“ قالىڭ پارتيا مۇشەلەرىنە كەڭەيىپ، شوعىرلى تاربيەدەن ۇنەمىلىك تاربيەگە كەڭەيدى؛
2019 ـ جىلى جاڭا جۇڭگو قۇرىلعانىنىڭ 70 جىلدىعى قارساڭىندا، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ”نازاريا ۇيرەنۋدە تابىسقا جەتۋدى“ ماڭداي الدى نىسانا ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ پارتيا مۇشەلەرىنىڭ كوڭىل تۇكپىرىندە تامىر تارتۋىن ىلگەرىلەتتى؛
202· - جىلى پارتيا قۇرىلعانىنا 100 جىل تولۋ قارساڭىندا، ”پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشۋدى“ ايقىن تالاپ ەتكەن پارتيا تاريحىن ۇيرەنۋ تاربيەسى ارقىلى بۇكىل پارتياداعى جولداستاردىڭ تاريح جولىنا قايىرىلا قاراۋىنا، تاريحي سەنىمدى بەكەمدەۋىنە، تاريحي ىرىقتىلىقتى يگەرۋىنە، ۇزدىكسىز جاڭا جاعداي اشۋىنا جەتەكشىلىك ەتىلدى.
جاڭا داۋىردەن بەرى ۇزدىكسىز ورىستەتىلگەن پارتيا ىشىندەگى 5 رەتكى شوعىرلى تاربيە ساتىلار بويىنشا ىلگەرىلەتىلىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋمەن، دايەكتىلەندىرۋمەن باستان ـ اياق ساباقتاسىپ، نازاريامەن قارۋلانۋدى ۇزدىكسىز تەرەڭدەتىپ، زەيىن ـ زەردەنى، كۇش ـ قۋاتتى شوعىرلاندىرۋدىڭ ەكپىندەي ىلگەرىلەۋ دابىلىن قاقتى.
نەعۇرلىم كەلەلى تاريحي كەزەڭدە ۇيرەنۋگە سولعۇرلىم ءمان بەرۋ جانە ونى مىقتى يگەرۋ كەرەك.
5 جىلدان استام ۋاقىتتىڭ الدىندا، پارتيانىڭ 19 - قۇرىلتايى جابىلىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە اتوي سالعان ساتتە باس شۋجي شي جينپيڭ: ”جاڭا داۋىردە جۇڭگوشا سوتسياليزمدە تاباندى بولۋ جانە ونى دامىتۋ بۇكىل پارتيادان قاۋىرت ۇيرەنۋدى تالاپ ەتەدى“ دەگەن ۇندەۋ تاستادى.
5 جىلدان كەيىن، پارتيانىڭ 20 - قۇرىلتايى جابىلىپ كوپ وتپەي، جاڭا جورىق باستالعان شەشۋشى ساتتە، باس شۋجي شي جينپيڭ بىلاي دەپ اتاپ كورسەتتى: ”پارتيا ورتالىق كوميتەتى ءار جولى كەلەلى شەشىمدەر مەن ورنالاستىرۋلار جاساعان سايىن، ءبىز بۇكىل پارتياداعى جولداستاردى ۇيرەنۋدى كۇشەيتىپ، بۇكىل پارتيانىڭ يدەياسى مەن ارەكەتىن بىرلىككە كەلتىرىپ، قيىندىقتاردى جەڭىپ، ىنتىماقتاسا العا ۇمتىلاتىن قۇدىرەتتى كۇش توپتاۋعا ۇندەيمىز. بۇل − پارتيانىڭ تابىستى تاجىريبەلەرىنىڭ ءبىرى“.
ۇيرەنۋ ارقىلى رۋحتى سومداۋ، ۇيرەنۋ ارقىلى اقىل - پاراساتتى ارتتىرۋ، ۇيرەنۋ ارقىلى ستيلدى دۇرىستاۋ، ۇيرەنۋ ارقىلى ىستەۋدى جەبەۋ كەرەك.
3 - ايدىڭ 30 - كۇنى اشىلعان ورتالىق كوميتەت ساياسي بيۋروسىنىڭ ءماجىلىسى مىنانى دارىپتەدى: وسى رەتكى نەگىزگى تاقىرىپتىق تاربيەنى ورىستەتۋدىڭ جالپى تالابى − ”يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، جاڭا ەڭبەك ءسىڭىرۋ“، ءتۇبىرلى مىندەتى − ۇيرەنۋدى، وي جۇگىرتۋدى، قولدانۋدى ساباقتاستىرۋدا، تانىمنىڭ، سەنىمنىڭ، ارەكەتتىڭ بىرلىگىندە تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن مۇراتتى بەكەمدەۋدىڭ، پارتيالىلىقتى شىڭداۋدىڭ جانە امالياتقا جەتەكشىلىك ەتۋدىڭ، قىزمەتتى ىلگەرىلەتۋدىڭ قۋاتتى كۇشىنە اينالدىرۋ.
قالىڭ پارتيالى كادرلار وسى رەتكى نەگىزگى تاقىرىپتىق تاربيەنى وراي ەتىپ، قاجىماي ـ تالماي كۇرەس جۇرگىزۋدىڭ قاينارىن، قوزعاۋشى كۇشىن قابىلداپ، ۇيرەنۋ، وي جۇگىرتۋ، امالياتتا ايگىلەۋ سىندى ساياسي اقىل ـ پاراساتتى كۇشەيتىپ، شىرىكتەسۋدەن، ازعىنداۋدان ساقتانۋدىڭ توسپا قورعانىس شەبىن بەكەمدەپ، سول ارقىلى جۇڭگو ۇلگىسىندەگى وسىزامانداندىرۋ جولىمەن اناعۇرلىم تاباندىلىقپەن، اناعۇرلىم مىعىم سەنىممەن، اناعۇرلىم مول پاراساتپەن تاباندىلىقپەن ءجۇرۋى كەرەك.
ارمانعا قۇلاش سەرمەۋدىڭ جويقىن كۇشى −
”جاڭا ساپارعا ەكپىندەي ىلگەرىلەۋگە، جاڭا داۋىرگە ۇلەس قوسۋعا پارمەندى ساياسي جەتەكشىلىك جانە ساياسي كەپىل ازىرلەيدى“
”ءبىز بۇگىن باس شۋجي كورسەتكەن تاماشا جولدى قالاي بويلاپ، قىستاقتىڭ ءىس جۇزىندىك جاعدايىمەن ۇشتاستىرىپ، جەرگىلىكتى جاعدايعا قاراي ءىس كورىپ، دالمە ـ ءدال شارا قولدانىپ، تۇرمىسىمىزدى بارعان سايىن جاقسارتۋ جونىندە وي جۇگىرتىپ وتىرمىز“. ءبىر – بىرىنە ۇلاسقان ۋ - ليڭ تاۋىنىڭ ەتەگىندەگى كوك تاس تاقتا توسەلگەن اۋلا توسپاسىندا حۋنان ولكەسى حۋايۋان اۋدانى شىبادۇڭ قىستاعى پارتيا ياچەيكاسىنىڭ شۋجيى شى جينتۇڭ اۋىلداستارمەن بىرگە يدەيا ۇيرەنىپ، قىستاق جاعدايىن بايانداپ، دامۋدى كوزدەدى.
9 جىلدان استام ۋاقىتتىڭ الدىندا ءدال وسى جەردە باس شۋجي شي جينپيڭ ”كەدەيلەردى دالمە - ءدال سۇيەمەلدەۋ“ ماڭىزدى ۇستانىمىن العاش العا قويىپ، وسى ءبىر تاۋ قويناۋىنداعى مياۋزۋ قىستاعىنا زور وزگەرىس اكەلدى. بۇگىنگى تاڭدا باس شۋجيدىڭ اۋىل ـ قىستاقتى گۇلدەندىرۋ ستراتەگياسىن جاپپاي اتقارۋ جونىندەگى ءبىرقىدىرۋ ماڭىزدى پايىمداۋى كوپشىلىكتىڭ بايۋ جولىنا تۇسۋىندەگى ”التىن كىلتىنە“ اينالدى.
باس شۋجي شي جينپيڭ بىلاي دەپ اتاپ كورسەتتى: ”كادرلارىمىز العا باسۋى، پارتيامىز العا باسۋى، مەملەكەتىمىز العا باسۋى، ۇلتىمىز العا باسۋى ءۇشىن، ءسوز جوق، ۇيرەنۋ ستيلىن بارىنشا ساۋلەلەندىرىپ، ۇيرەن، ۇيرەن جانە ۇيرەننەن جازباي، امالياتتان وتكىزۋدە، تاعى دا امالياتتان وتكىزۋدە تاباندى بولۋىمىز كەرەك“.
قازىر ەلىمىزدىڭ دامۋى جاڭا ستراتەگيالىق ورايعا، جاڭا ستراتەگيالىق مىندەتكە، جاڭا ستراتەگيالىق كەزەڭگە، جاڭا ستراتەگيالىق تالاپقا، جاڭا ستراتەگيالىق ورتاعا ءدوپ كەلىپ وتىر.
ۇلتتىڭ گۇلدەنۋىنىڭ شەشۋشى ساتىندە تۇرمىز، جىلدام ىلگەرىلەگەن 100 جىلدىق وزگەرىس الدىندا بۇرىنعىلار ىستەپ كورمەگەن ۇلى ءىستى ىلگەرىلەتۋدە، تەك عىلمي نازاريامەن وي - سانانى قارۋلاندىرعاندا عانا، نانىم - سەنىمدى بەكەمدەپ، تاريحي ىرىقتىلىقتى يگەرۋگە بولادى؛ تەك اقيقات تۋى استىنا شوعىرلانعاندا عانا، سۇراپىل تولقىننان تايسالماي، باتىلدىقپەن العا باسۋعا بولادى.
شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ − جاڭا ءداۋىر، جاڭا جورىقتا ىستەرىمىز دامۋىنىڭ جاڭا جاعدايىن اشۋدىڭ ءتۇبىرلى تالابى.
ۇيرەنۋدەن بۇرىن باعىتتى ايقىنداۋ كەرەك.
جاسىل جەلەك جامىلعان چينليڭ تاۋى. چينليڭ تاۋىنىڭ ەتەگىندەگى شانشي ولكەسى شي - ان قالاسى حۋ - ي رايونى چينليڭ تاۋىن قورعاۋ باس پۋنكتىنىڭ زالىندا ”تۇنىق سۋ، جاسىل تاۋ − باعالى بايلىق“ دەگەن ۇران ەرەكشە كوز تارتادى.
”سيفرلى چينليڭ“ زەردەلى باسقارۋ - مەڭگەرۋ تۇعىرىنىڭ الدىندا، جاۋاپتى قىزمەتكەر ۋاڭ شيچين اۋماق ىشىندەگى تاۋ ەتەگىندەگى 15 جول ايالداماسىنىڭ ناقتى كورىنىسىن باقىلاپ وتىر، مۇنىسى بەتالدى قۇرىلىس سالۋ، بەتالدى اعاش كەسۋ، بەتالدى اۋلاۋ سياقتى ماسەلەلەردى دەر كەزىندە بايقاۋ جانە ءبىر جاقتى ەتۋ ءۇشىن ەدى.
”ەكولوگيالىق وركەنيەت قۇرىلىسى − جۇڭحۋا ۇلتىنىڭ باياندى دامۋىنا ساياتىن ءتۇبىرلى ۇلى جوسپار. چينليڭ تاۋى −− جۇڭحۋا ۇلتىنىڭ اتا ـ باباسىنا مەكەن بولعان تاۋ، چينليڭ تاۋىن ويداعىداي قورعاۋ ءبىزدىڭ ساياسي مىندەتىمىز“. ۋاڭ شيچين بىلاي دەدى: قىزمەتتەستەرىممەن بىرگە شي جينپيڭ ەكولوگيالىق وركەنيەت يدەياسىن ۇزدىكسىز ىشكەرىلەي ۇيرەنىپ، دايەكتىلەندىرىپ، اناعۇرلىم سانالى ارەكەتىممەن ”چينليڭ تاۋىنىڭ ەكولوگيالىق قورعاۋشىسى“ بولامىن.
ساياسيدا تاباندى بولۋ نازاريالىق جاقتان سەرگەك بولۋدان قول ۇزە المايدى. 1938 - جىلى ماۋ زىدۇڭ جولداس يان - انداعى جاپون شاپقىنشىلارىنا قارسى اسكەري - ساياسي داشۋەسىندە ”جاپون شاپقىنشىلارىنا قارسى اسكەري - ساياسي داشۋەسىندە نەنى ۇيرەنۋ كەرەك“ دەگەن سۇراۋعا جاۋاپ بەرگەن كەزدە ”ەڭ الدىمەن ساياسي بەتالىستى ۇيرەنۋ كەرەك“ دەپ اتاپ كورسەتكەن بولاتىن. باس شۋجي شي جينپيڭ يان ـ ان توڭكەرىسى ەسكەرتكىش ورنىن قۇرمەتپەن كورگەن كەزدە وسى ءسوزدى سيتاتقا كەلتىرىپ، يان ـ ان رۋحىن ۇيرەنۋ جانە ساۋلەلەندىرۋ كەرەكتىگىن ىشكەرىلەي انىقتاپ ايتتى.
شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ۇزدىكسىز تەرەڭدەتۋدە بۇكىل پارتيانىڭ ”ەكىنى تۇراقتاندىرۋدىڭ“ شەشۋشى ءمانىن اناعۇرلىم سانالىلىقپەن، تەرەڭدەي ءتۇسىنۋىن ىلگەرىلەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك.
ۇيرەنۋدە شىندىقتان جازباۋ، ۇيرەنگەندى امالياتتا ايگىلەۋ كەرەك.
باس شۋجي شي جينپيڭنىڭ مەملەكەتتىك ەكى ءماجىلىس كەزىندە سويلەگەن ماڭىزدى سوزدەرىنىڭ رۋحىن ۇيرەنىپ، جەتكىزدى، ”بوگەت بولعان” قيىن ماسەلەلەردەن قامال الۋعا كىرىستى... بەيجيڭنەن قىزمەت ورنىنا قايتىپ كەلگەن مەملەكەتتىك حالىق قۇرىلتايىنىڭ ۋاكىلى، شۇيگۇڭ توبى قۇرىلىس ماشينالارى شەكتى جارنا سەرىكتەستىگىنىڭ باس ينجەنەرى شان زىڭحايدىڭ جۇمىس كۇن ءتارتىبى تىعىز ورنالاستىرىلدى.
”باس شۋجي جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، جوعارى دەڭگەيلى عىلىم - تەحنيكادا ءوز كۇشىنە سۇيەنىپ الۋەتتەنۋدى جەدەل جۇزەگە اسىرۋ − ساپالى دامۋدى ىلگەرىلەتۋدە، ءسوزسىز، باسىپ وتەتىن جول دەپ دارىپتەدى. ءارقانداي ۋاقىتتا جۇڭگودا جاساۋ كاسىبى كەم بولسا بولمايدى“. شان زىڭحاي مىنالاردى ءبىلدىردى: ءبىز باس شۋجي نۇسقاعان دامۋ جولى بويىنشا، كۇش ۇستەپ، شەشۋشى تەحنيكالاردان قامال الىپ، جۇڭگونىڭ اۋىر ماشينا جاعىنداعى دۇنيە جۇزىلىك ورنىنىڭ بارعان سايىن ماڭىزدى بولۋىنا مۇمكىندىك جاسايمىز.نازاريانىڭ قۇنى امالياتقا جەتەكشىلىك ەتۋدە، ۇيرەنۋدىڭ ماقساتى بۇكىلدەي قولدانۋدا.
”پارتيا ورتالىق كوميتەتى بۇكىل پارتيادا تەكسەرۋ ـ زەرتتەۋدى جاپپاي ورىستەتۋدى بۇكىل پارتيادا ورىستەتىلگەن نەگىزگى تاقىرىپتىق تاربيەنىڭ ماڭىزدى مازمۇنى ەتۋدى ۇيعاردى“. تاياۋدا ج ك پ ورتالىق كوميتەتى كەڭسەسى باسىپ تاراتقان «بۇكىل پارتيادا تەكسەرۋ - زەرتتەۋدى بارىنشا ورىستەتۋ جونىندەگى قىزمەت جوباسى» جۇرت نازارىن اۋداردى.
جوبادا ماسەلەنى باعدار ەتۋ مەن نىسانانى باعدار ەتۋ كورنەكتىلەندىرىلىپ، پارتيا 20 ـ قۇرىلتايىنىڭ رۋحىن جاپپاي دايەكتىلەندىرۋ، تياناقتاندىرۋ، ساپالى دامۋدى ىلگەرىلەتۋ تىعىز ارقاۋ ەتىلىپ، 12 جاقتاعى ءتۇيىندى تەكسەرۋ ـ زەرتتەۋ مازمۇنى ايقىن كورسەتىلدى.
ماسەلە − ءداۋىردىڭ ءۇنى، ماسەلەگە جاۋاپ بەرۋ جانە ونى شەشۋگە جەتەكشىلىك ەتۋ − نازاريانىڭ ءتۇبىرلى مىندەتى. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ۇزدىكسىز تەرەڭدەتۋ ءۇشىن، پارتيانىڭ جاسامپاز نازارياسىن يگەرۋدى، قولدانۋدى كۇشەيتىپ، ونى پارتيانىڭ 20 - قۇرىلتايىندا العا قويىلعان كەلەلى ستراتەگيالىق ورنالاستىرۋلاردى دايەكتىلەندىرۋگە، تياناقتاندىرۋعا قولدانىپ، شي جينپيڭ جاڭا ءداۋىر جۇڭگوشا سوتسياليزم يدەياسىن قولدانۋ ارقىلى ءداۋىردى باقىلاۋعا، ءداۋىردى يگەرۋگە، داۋىرگە جەتەكشىلىك ەتۋگە شەبەر بولىپ، وسى يدەيادان پايدالانىپ، جۇڭگو ۇلگىسىندەگى وسىزامانداندىرۋدا تىڭ ىلگەرىلەۋشىلىككە، تىڭ تابىستارعا قول جەتكىزۋگە، وسى يدەيادان پايدالانىپ، ەكونوميكالىق، قوعامدىق دامۋداعى ءتۇرلى قايشىلىقتار مەن ماسەلەلەردى شەشۋگە، وسى يدەيادان پايدالانىپ اۋىر حاۋىپ - قاتەردەن ساقتانۋعا جانە ونى جويۋعا، وسى يدەيادان پايدالانىپ پارتيانى جاپپاي قاتاڭ جونگە سالۋدى ىشكەرىلەي ىلگەرىلەتۋگە شەبەر بولۋ كەرەك.
ۇيرەنۋدىڭ تەتىگى ءوزىن تەجەۋدە. پارتيانى جاپپاي قاتاڭ جونگە سالۋدا، ءسوز جوق، رۋحاني ”كالتسيدى“ تولىقتاپ، يدەيالىق ”رۋحتى“ بەكەمدەۋ كەرەك.
شي جينپيڭ جاڭا ءداۋىر جۇڭگوشا سوتسياليزم يدەياسىندا پارتيانىڭ ەل باسقارۋداعى كەلەلى نازارياسى مەن جالپى جوباسى قامتىلىپ قانا قالماستان، جۇڭگو كوممۋنيستەرىنىڭ ساياسي قاسيەتى، قۇن تالپىنىسى، رۋحاني ۇجدانى، ستيلدىك قۇلقى جونىندەگى تالاپ تا سىڭىرىلگەن، تەرەڭ اقيقات كۇشى، امالياتتىق كۇشى، ادامگەرشىلىك كۇشى بار.
شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ۇزدىكسىز تەرەڭدەتۋ ءۇشىن، پارتيانىڭ وزىنە توڭكەرىس جاساۋىن ىلگەرىلەتىپ، ۇلكەن پارتيادا عانا بولاتىن قيىن ماسەلەلەردى شەشۋدىڭ سەرگەكتىگى مەن تاباندىلىعىن قاي - قاشان دا ساقتاپ، قالىڭ پارتيالى كادرلاردى ءوز يدەياسىن ىرىقتىلىقپەن ەنگىزىپ، پارتيانىڭ جاسامپاز نازارياسىنىڭ مۇرات - سەنىمىن بەكەمدەۋ، يدەيالىق ورەسىن جوعارىلاتۋ، پارتيالىلىق شىنىعۋدى كۇشەيتۋ جونىندەگى ءبىرقىدىرۋ تالابىن ۇيرەنۋگە، يگەرۋگە جەتەكتەۋ كەرەك، كوممۋنيستەردىڭ ساياسي قاسيەتىن باستان ـ اياق ساقتاپ، بىرلىككە كەلگەن يدەيا، بەرىك ەرىك، سايكەستى ارەكەت، قۇدىرەتتى جاۋىنگەرلىك قۋات ارقىلى جاڭا ساپارعا قادام تاستاپ، جاڭا ۇلى ىستەر جاراتۋ كەرەك.
مۇنان بۇرىن كەسەك تابىستارعا قول جەتكىزدىك، مۇنان كەيىن ءتىپتى دە العا باسۋىمىز كەرەك.
اقيقات نۇرى شۇعىلاسىن شاشۋدا، ورگە تالپىنعان، العا باسقان كۇش ءاربىر سۇيەم ومىرشەڭ توپىراقتان ءنار الىپ، بولاشاققا قاراي شەكسىز كەڭەيەدى.
(شينحۋا اگەنتتىگى، 4 - ايدىڭ 2 – كۇنى، بەيجيڭ)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
