سىرتقى ساۋدانىڭ ورنىقتىلىق بارىسىندا جاقسارۋ بەتالىسى اناعۇرلىم جالعاستىرىلدى (جاڭا ساندى مالىمەت، جاڭا ءتۇيىن)
الدىڭعى 4 ايدا يمپورت - ەكسپورت جالپى قۇنى سايكەس مەزگىلدەگىدەن %5.8 ارتتى
2023.05.10 16:33 كەلۋ قاينارى : حالىق تورابى
«حالىق گازەتى»، 5 - ايدىڭ 9 - كۇنى، بەيجيڭ (ءتىلشى دۋ حايتاۋ). كەدەن باس مەكەمەسىنىڭ ساناعىنا قاراعاندا، بيىل الدىڭعى 4 ايدا ەلىمىزدىڭ يمپورت - ەكسپورت جالپى قۇنى 13 تريلليون 320 ميلليارد يۋان بولىپ، سايكەس مەزگىلدەگىدەن %5.8 ارتقان. مۇنىڭ ىشىندە ەكسپورت 7 تريلليون 670 ميلليارد يۋان بولىپ، %10.6 ارتقان؛ يمپورت 5 تريلليون 650 ميلليارد يۋان بولىپ، %0.02 ارتقان. 4 – ايدا ەلىمىزدىڭ يمپورت - ەكسپورتى 3 تريلليون 430 ميلليارد يۋان بولىپ، سايكەس مەزگىلدەگىدەن %8.9 ارتقان.
الدىڭعى 4 ايداعى يمپورت - ەكسپورتتىڭ ارتۋ قارقىنى 1 - توقسانداعىدان ءبىر پايىز تەزدەدى. كەدەننىڭ ايلىق تەكسەرۋىندە كورسەتىلۋىنشە، ەكسپورت تاپسىرىسىن ارتتىرعان كاسىپورىنداردىڭ سالىستىرماسى ءۇرتىس 4 اي جوعارىلاعان.
ادەتتەگى ساۋدا يمپورت - ەكسپورتىنىڭ سالىستىرماسى جوعارىلادى. الدىڭعى 4 ايدا ەلىمىزدىڭ ادەتتەگى ساۋدا يمپورت - ەكسپورتى 8 تريلليون 720 ميلليارد يۋان بولىپ، سايكەس مەزگىلدەگىدەن %8.5 ارتىپ، ەلىمىزدىڭ سىرتقى ساۋدا جالپى قۇنىنىڭ %65.4 ىن ۇستاپ، سايكەس مەزگىلدەگىدەن 1.6 پايىز جوعارىلادى.
شىعىس وڭتۇستىك ازيا وداعى تاعى دا ەلىمىزدىڭ ءبىرىنشى ۇلكەن ساۋدا سەرىگى بولىپ وتىر. الدىڭعى 4 ايدا ەلىمىز بەن شىعىس وڭتۇستىك ازيا ەلدەرى وداعىنىڭ ساۋدا جالپى قۇنى 2 تريلليون 90 ميلليارد يۋان بولىپ، %13.9 ارتتى. ەۆروپا وداعى ەلىمىزدىڭ ەكىنشى ۇلكەن ساۋدا سەرىگى بولعان، يمپورت - ەكسپورتتىڭ جالپى قۇنى ءبىر تريلليون 800 ميلليارد يۋان بولىپ، %4.2 ارتتى. ۇقساس مەزگىلدە ەلىمىزدىڭ ”ءبىر بەلدەۋ، ءبىر جول“ بويىنداعى ەلدەرگە يمپورت – ەكسپورتى 4 تريلليون 610 ميلليارد يۋان بولىپ، %16 ارتتى.
حالىقتىق كاسىپورىنداردىڭ يمپورت - ەكسپورت سالىستىرماسى %50 تەن استى. الدىڭعى 4 ايدا حالىقتىق كاسىپورىنداردىڭ يمپورت – ەكسپورتى 7 تريلليون 50 ميلليارد يۋان بولىپ، %15.8 ارتىپ، ەلىمىزدىڭ سىرتقى ساۋدا جالپى قۇنىنىڭ %52.9 ىن ۇستاپ، وتكەن جىلعى ۇقساس مەزگىلدەگىدەن 4.6 پايىز جوعارىلادى. مەملەكەت مەنشىگىندەگى كاسىپورىنداردىڭ يمپورت - ەكسپورتى 2 تريلليون 180 ميلليارد يۋان بولىپ، %5.7 ارتتى.
الدىڭعى 4 ايدا ەلىمىزدىڭ ەكسپورت ەتكەن ماشينا - ەلەكتر ونىمدەرى 4 تريلليون 440 ميلليارد يۋان بولىپ، %10.5 ارتىپ، ەكسپورت جالپى قۇنىنىڭ %57.9 ىن ۇستادى. مۇنىڭ ىشىندە اۆتوموبيلدىڭ ساۋاد مولشەرى 204 ميلليارد 530 ميلليون يۋان بولىپ، %120.3 ارتتى.
كەدەن باس مەكەمەسىنىڭ قاتىستى جاۋاپتىسى مىنانى ءبىلدىردى: ەلىمىزدىڭ سىرتقى ساۋداسىنىڭ ورنىقتىلىق بارىسىندا جاقسارۋ جاعدايى ونان ارى جالعاسادى. مەملەكەتتىك كەڭەس تاياۋدا سىرتقى ساۋدانىڭ كولەمىن ورنىقتىرۋ، قۇرىلىمدى ساپالىلاندىرۋ جونىندەگى جاڭا ساياساتتىق شارالاردى شىعاردى، بۇل سىرتقى ساۋدا كاسىپورىندارىنىڭ سەنىمى مەن ومىرشەڭدىك كۇشىن ارتتىرىپ، تۇتاس جىلداعى سىرتقى ساۋدانىڭ ورنىقتىلىعىن جەبەپ، ساپاسىن جوعارىلاتۋدى ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
