وسى اپتادا بۇكىل شينجياڭنىڭ باسىم كوپ ساندى رايوندارىندا كۇن اشىق بولادى، ءۇرىمجىنىڭ ەڭ جوعارى تەمپەراتۋراسى مولشەرىمەن 28 سەلتسي گرادۋسقا جەتەدى
2023.05.09 14:59 كەلۋ قاينارى : حالىق تورابى
5 – ايدىڭ 9 – كۇنىنەن (سەيسەنبى) 5 – ايدىڭ 12 – كۇنىنە (جۇما) دەيىن بۇكىل شينجياڭنىڭ باسىم كوپ جەرىندە كۇن اشىق بولىپ، اۋا تەمپەراتۋراسى تەز جوعارىلايدى. 5 - ايدىڭ 13 - كۇنىنەن (سەنبى) 14 – كۇنىنە (جەكسەنبى) دەيىن سولتۇستىك شينجياڭنىڭ كوپ ءبولىم وڭىرىندە، تيانشان تاۋلى رايوندارىندا، قۇمىل قالاسىنىڭ سولتۇستىك بولەگىندە سەبەزگى جاڭبىر جاۋادى (تەڭىز دەڭگەيىنەن بيىك تاۋلى وڭىرلەردە قار جاۋادى)، مۇنىڭ ىشىندە ىلە قازاق اۆتونوميالى وبلىسىنىڭ، تارباعاتاي ايماعىنىڭ، التاي ايماعىنىڭ، تيانشان تاۋلى ءوڭىرىنىڭ ءىشىنارا وڭىرلەرىندە ورتاشا جانە قالىڭ جاڭبىر نەمەسە قار جاۋادى، ءىشىنارا جەرلەردە نوسەر نەمەسە قار جاۋادى، سولتۇستىك شينجياڭنىڭ كوپ ساندى رايوندارىندا، شىعىس شينجياڭدا 5 بال اينالاسىندا باتىس سولتۇستىك جەلى سوعادى، جەل وتتەرىندەگى جەل كۇشى 8 دە 9 بالعا جەتەدى، اۋا تەمپەراتۋراسى 3 تە 5 سەلتسي گرادۋس تومەندەيدى. اپتا سوڭىندا قار - مۇز جانە كۇشتى كونۆەكسيالىق اۋا رايىنىڭ جول قاتىناسى، ەگىن، مال شارۋاشىلىق ءوندىرىسى، ساياحات سياقتىلارعا جاسايتىن ءتيىمسىز ىقپالىنان ساقتانۋ كەرەك.
ءۇرىمجى قالاسىندا وسى اپتادا سۋىق اعىس بولمايدى، اۋا رايى ءبىرشاما جاقسى، جەل كۇشى ءالسىز، اۋا تەمپەراتۋراسى كۇن سايىن جوعارىلايدى دەپ مەجەلەنۋدە. وسى اپتادا نەگىزگى قالا رايونىنىڭ كۇندىك ەڭ تومەنگى تەمپەراتۋراسى 6 دا 17 سەلتسي گرادۋس بولادى، كۇندىك ەڭ جوعارى تەمپەراتۋراسى 15 تە 28 سەلتسي گرادۋس بولادى.
شينجياڭ اۋىل شارۋاشىلىق اۋا رايى ستانسياسى مىنانى ەسكەرتتى: مەجەمەن 5 - ايدىڭ باسىنداعى جاۋىن - شاشىن، سۋىق اعىس، قۇمدى بوران ماقتانىڭ كوكتەۋىنە جانە مايسانىڭ وسۋىنە، جەمىس ورمانىنىڭ گۇل اشىپ، توزاڭدانۋىنا جانە جاس جەمىستەردىڭ وسۋىنە، قۇرىلعىلى اۋىل شارۋاشىلىعى مەن مال شارۋاشىلىق وندىرىسىنە ءتيىمسىز بولادى، قالعان باسىم كوپ ۋاقىتتاعى اۋا رايى شارت - جاعدايى بۇكىل شينجياڭداعى باسىم كوپ ساندى ەگىس داقىلدارىنىڭ وسۋىنە جانە مال شارۋاشىلىق وندىرىسىنە نەگىزىنەن ءتيىمدى بولادى. 5 – اي — دۇمبە ءبيدايىنىڭ ءوسىپ - ونۋىندەگى شەشۋشى مەزگىل، سۋ مەن تىڭايتقىشقا بولعان قاجەت ءبىرشاماز زور، جەر – جەر سۋ مەن تىڭايتقىشتى ۇيلەسىمدى تەڭشەپ، وڭتۇستىك شينجياڭنىڭ باتىس بولەگىندەگى ءبيداي ەگىلەتىن وڭىرلەردە ىستىق جەلدىڭ كۇزدىك ءبيدايدىڭ وسۋىنە جاسايتىن ىقپالىنان ساقتانۋعا كوڭىل ءبولۋ، بۇكىل شينجياڭداعى ماقتا وڭىرلەرىندە اتىز باپتاۋدى كۇشەيتىپ، دەرت - دەربەزدەر مەن زياندى جاندىكتەردەن ساقتانۋدى جانە ونى تىزگىندەۋدى ويداعىداي ىستەۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
