2 تاراۋ قۇجات شىعارىپ، قورا – جاي دەلدالدىق قىزمەت وتەۋىن ارناعا ءتۇسىردى
2023.05.09 14:57 كەلۋ قاينارى : حالىق تورابى
قورا ـ جاي دەلدالدىق قىزمەت وتەۋىن ارناعا ءتۇسىرىپ، قورا ـ جاي بازارىنىڭ اقاۋسىز دامۋىن جەبەۋ ءۇشىن، تۇرعىن ءۇي جانە قالا ـ اۋىل قۇرىلىسى مينيسترلىگى، بازار باقىلاۋ ـ باسقارۋ باس مەكەمەسى تاياۋدا «قورا ـ جاي دەلدالدىق قىزمەت وتەۋىن ارناعا ءتۇسىرۋ جونىندەگى پىكىردى» تاراتىپ، دەلدالدىق قىزمەت وتەۋدەن الىناتىن اقىنى ۇيلەسىمدى بەلگىلەۋدى تالاپ ەتتى.
سوڭعى جىلداردان بەرى، ءبىر ءبولىم قورا - جاي دەلدالدىق قۇرىلىمدارىندا ءۇي قاينارى، جولاۋشى قاينارى ابزالدىلىعىنان پايدالانىپ تىم جوعارى اقى الۋ، باعانى اشىق جازباۋ، بايلاپ اقى الۋ، قاريدارلاردىڭ جەكە ينفورماتسياسىنان بەتالدى پايدالانۋ سياقتى ماسەلەلەر ورىن تەۋىپ، ساۋدالاسۋشىلاردىڭ اۋىرتپالىعىن كوبەيتىپ، ولاردىڭ زاڭدى ۇقىق - مۇددەسىنە زيان جەتكىزدى.
«پىكىردە» مىنالار تالاپ ەتىلدى: قورا – جاي دەلدالدىق قىزمەت وتەۋ اقىسىن ساۋدالاسۋشى جاقتار قىزمەت وتەۋ مازمۇنى، قىزمەت وتەۋ ساپاسى، بازاردىڭ قامداۋ – قاجەتسىنۋ قاتىناسى سياقتى فاكتورلارمەن ۇشتاستىرىپ كەڭەسىپ بەلگىلەيدى. قورا - جاي دەلدالدىق قۇرىلىمدارى تۇرعىن ءۇي ساۋداسى مەن مايعا بەرۋ دەلدالدىق قىزمەت وتەۋ قاراجاتىن ۇيلەسىمدى تومەندەتۋ كەرەك. بىتىسكەن باعا قانشالىق جوعارى بولسا، قىزمەت وتەۋ اقىسى سونشالىقتى تومەن بولۋ پرينسيبى بويىنشا دارەجەگە ءبولىپ باعا بەلگىلەۋگە دەم بەرىلەدى. ەكى جاق دەلدالدىق قىزمەت وتەۋ قاراجاتىن ورتاق ۇستىنە الۋعا جەتەكتەيدى.
«پىكىردە» مىنالار تالاپ ەتىلدى: باعانى اشىق جازىپ قويۋ كەرەك. قورا - جاي دەلدالدىق قۇرىلىمدارى تيجارات دۇكەنى، توراپ بەكەتى، كليەنت سياقتى ورىنداردا نەمەسە ارنالاردا قىزمەت وتەۋ نىساندارىن، قىزمەت وتەۋ مازمۇنىن جانە اقى الۋ ولشەمىن اشىق جاريالاۋى كەرەك، ارالاس باعا قويۋىنا جانە بايلاپ - ماتاپ اقى الۋىنا بولمايدى.
«پىكىردە» تاعى دا نەگىزگى تۇلعالىق باسقارۋدى كۇشەيتۋ تالاپ ەتىلدى. قالالىق، اۋداندىق تۇرعىن ءۇي جانە قالا - اۋىل قۇرىلىسى تاراۋلارى دەلدالدىق كاسىپپەن شۇعىلدانۋشىلاردىڭ شىن اتى - ءجونىن تىزىمگە الۋدى جاپپاي اتقارىپ، دەلدالدىق كاسىپپەن شۇعىلدانۋشىلاردى باسقارۋدى كۇشەيتىپ، دەلدالدىق قىزمەت وتەۋ مازمۇنىن ايقىنداۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
