ايەلدەردەن اسكەرلىككە ادام قابىلداۋعا تىزىمدەۋ قىزمەتى باستالدى! شاقىرۋ بويىنشا قوسىنعا قابىلداۋ ءتارتىبى مىنالاردى قامتيدى
2023.07.03 14:50 كەلۋ قاينارى : حالىق تورابى
2023 - جىلى سوڭعى جارىم جىلدا ايەلدەردەن اسكەرلىككە ادام قابىلداۋ قىزمەتى 7 - ايدىڭ 1 - كۇنى باستالدى، شاقىرۋعا ساي تىزىمدەلۋ ۋاقىتى 7 - ايدىڭ 1 - كۇنىنەن باستالىپ، 8 - ايدىڭ 10 - كۇنى ساعات 18 دە اياقتايدى، سوڭعى جارىم جىلدا قوسىنعا جاڭادان قابىلدانعانداردىڭ قوسىنعا قابىلدانعانىن تۇراقتاندىرۋ ۋاقىتى 9 - ايدىڭ 1 - كۇنى.
2023 - جىلدىڭ سوڭعى جارىمىندا ايەلدەردەن اسكەرلىككە ادام قابىلداۋ قىزمەتى بارىسىندا ءالى دە ستۋدەنتتەردەن قابىلداۋ نەگىز ەتىلەدى، سوڭعى جارىم جىلدا نەگىزىنەن جاي ورتا مەكتەپتەن بيىل وقۋ تاۋىسقان وقۋشىلار، جاي جوعارى مەكتەپتەر مەن عىلىمي زەرتتەۋ قۇرىلىمدارىنان تولىق كۇندىك ءتۇزىم بويىنشا بيىل وقۋ تاۋىساتىن ستۋدەنتتەر مەن مەكتەپتەگى جاسى 18 دەن 22 جاس ارالىعىنداعى ستۋدەنتتەر قابىلدانادى، تولىق كۇندىك اسپيرانتۋرادان بيىل وقۋ تاۋىساتىن اسپيرانتتار نەمەسە مەكتەپتەگى اسپيرانتتار اسكەرگە قابىلداۋ جاس شەكتەمەسىن 26 جاسقا دەيىن شەگەرۋگە بولادى.
ايەل جاستاردىڭ شاقىرۋ بويىنشا قوسىنعا قاتىناسۋى، باستىسى، ينتەرنەت ارقىلى تىزىمدەلۋ، العاشقى انىقتاۋ - تەكسەرۋ، دەنساۋلىعىن تەكسەرۋ جانە باعالاۋ، ساياسي جاقتان باعالاۋ، اسكەرگە قابىلداۋدى الدىن الا بەلگىلەۋ، اسكەرگە قابىلداۋدى تۇراقتاندىرۋ قاتارلى تارتىپتەردى قامتيدى. تىزىمدەلگەن سوڭ، جۇيە ونىڭ وقۋ تاريحى مەن جوعارى مەكتەپ ەمتيحانىنداعى ەڭ باستاپقى جالپى ءنومىرىن اۆتوماتتى تۇردە تەكسەرىپ، تىزىمدەلۋشىلەردىڭ جوعارى مەكتەپ ەمتيحانىنداعى العان ءنومىرىن جوعارىدان تومەنگە قاراي رەتكە تۇرعىزىپ، ۇزدىكتەرىن اسكەرلىككە قابىلداناتىن كانديداتتار قاتارىنا قوسادى، قوسىنعا قاتىناسۋعا ءوتىنىش ەتكەن ايەل جاستاردىڭ بارلىعى جان - جاقتى ساپاسىن باعالاۋ ءنومىرى بويىنشا جوعارىدان تومەنگە قاراي رەتكە تۇرعىزىلىپ، رەتى بويىنشا اسكەرلىككە قابىلداۋعا الدىن الا تۇراقتاندىرىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
