وقۋ - اعارتۋ مينيسترلىگى جوعارى مەكتەپ ستۋدەنتتەرىنە قارجىلاي كومەك بەرۋ قىزمەتى جونىندەگى جازدىق دەمالىستاعى ىركىلىسسىز لەنيانى اشتى
2023.07.03 14:59 كەلۋ قاينارى : حالىق تورابى
وقۋ - اعارتۋ مينيسترلىگى 7 - ايدىڭ 2 - كۇنى جوعارى مەكتەپ ستۋدەنتتەرىنە قارجىلاي كومەك بەرۋ قىزمەتى جونىندەگى جازدىق دەمالىستاعى ىركىلىسسىز لەنيانى اشتى، اتالعان لەنيا 19 جىلدان بەرى جىل سايىن اشىلىپ كەلەدى. تەلەفون ءنومىرى: 66097980-010، 66096590-010. جاز مەزگىلىندە شوعىرلى تۇردە قابىلداۋ ۋاقىتى سول كۇننەن باستاپ، 9 - ايدىڭ 15 - كۇنى اياقتايدى، جيىنى 77 كۇن، قابىلداۋ ۋاقىتى ءار كۇنى (سەنبى، جەكسەنبى كۇندەردى قامتيدى) ساعات 8 دەن ساعات 20 عا دەيىن.
وقۋ - اعارتۋ مينيسترلىگىنىڭ ستۋدەنتتەرگە قارجىلاي كومەك بەرۋ قىزمەتى جونىندەگى تۇتاس جىلدىق ىركىلىسسىز لەنياسى مەن ستۋدەنتتەرگە قارجىلاي كومەك بەرۋ قىزمەتى جونىندەگى جازدىق دەمالىستاعى ىركىلىسسىز لەنياسىنىڭ ءنومىرى ۇقساس، باسقا مەزگىلدە ستۋدەنتتەر مەن اتا - انالار ستۋدەنتتەرگە قارجىلاي كومەك بەرۋ ساياساتى جونىندە كەڭەس سۇراۋدى نەمەسە شاعىمدانۋدى قاجەت ەتسە دە، وسى تەلەفون نومىرىنە حابارلاسۋىنا بولادى.
وقۋ - اعارتۋ مينيسترلىگىنىڭ جوعارى مەكتەپ ستۋدەنتتەرىنە قارجىلاي كومەك بەرۋ قىزمەتى جونىندەگى ىركىلىسسىز لەنياسى اشىلعان 19 جىلدان بەرى، قوعامداعىلار باستان - اياق كەڭ كولەمدى نازار اۋدارىپ، ستۋدەنتتەر مەن اتا - انالاردىڭ مەملەكەتتىڭ ستۋدەنتتەرگە قارجىلاي كومەك بەرۋ جونىندەگى ساياساتتارىن دۇرىس بىلۋىنە كومەكتەسىپ، ولاردىڭ تۇسىنبەگەن ماسەلەرىن ءتۇسىندىرىپ، ولاردى قيىنشىلىقتان ارىلتۋ قاتارلى جاقتاردا بەلسەندى رول اتقاردى. بيىل ستۋدەنتتەر مەن اتا - انالارعا اناعۇرلىم جوعارى ءونىمدى، قولايلى قىزمەت وتەۋ جانە كومەكتەسۋ ءۇشىن، وقۋ - اعارتۋ مينيسترلىگى ىركىلىسسىز لەنيانى اشۋ كولەمىن جاپپاي كەڭەيتىپ، ورتالىقتاعى مينيسترلىكتەرگە قاراستى ءارقايسى جوعارى مەكتەپتەردەن، بۇكىل ەلىمىزدەگى ءارقايسى ولكەلەردەن (اۆتونوميالى رايون، توتە قاراستى قالا)، سونداي - اق، ولارعا قاراستى جوعارى مەكتەپتەردەن، قالالاردان (ايماق، وبىلىس)، اۋدانداردان (قالا، رايون، حوشۋن) جوعارى مەكتەپ ستۋدەنتتەرىنە قارجىلاي كومەك بەرۋ قىزمەتى جونىندەگى ىركىلىسسىز لەنيانى جالپى بەتتىك اشۋدى تالاپ ەتكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved