جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى
«شيۇڭ - ان جاڭا رايونىن جوعارى ولشەممەن، جوعارى ساپامەن قۇرۋعا قولداۋ كورسەتۋدەگى ءبىرقانشا ساياسات - شارا جونىندەگى پىكىردى» قارادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
2023.07.03 15:37 كەلۋ قاينارى : شينجياڭ گازەتى
شينحۋا اگەنتتىگىنىڭ 6 - ايدىڭ 30 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 6 - ايدىڭ 30 - كۇنى ءماجىلىس اشىپ، «شيۇڭ - ان جاڭا رايونىن جوعارى ولشەممەن، جوعارى ساپامەن قۇرۋعا قولداۋ كورسەتۋدەگى ءبىرقانشا ساياسات - شارا جونىندەگى پىكىردى» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس مىنالاردى اتاپ كورسەتتى: شيۇڭ - ان جاڭا رايونىن قۇرۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەيجيڭنىڭ استانالىق ەمەس فۋنكتسيالارىن سەيىلتىپ، بەيجيڭ - تيانجين - حىبەيدىڭ سايكەستى دامۋىن ىشكەرىلەي ىلگەرىلەتۋ ءۇشىن جاساعان كەلەلى شەشىمى، ورنالاستىرۋى، زامانالىق ۇلى جوسپار، مەملەكەتتىڭ ءىرى ءىسى. كەزەكتە شيۇڭ - ان جاڭا رايونىنىڭ قىزمەت ءتۇيىنى جوعارى ساپالى قۇرۋدى، جوعارى دەڭگەيدە باسقارۋدى، جوعارى ساپالى سەيىلتىپ دامىتۋدى قاتار جۇرگىزۋگە ويىسىپ، ءبىر قىدىرۋ قولداۋ ساياساتى شىعارىلدى، بۇل شيۇڭ - ان جاڭا رايونىنىڭ بەيجيڭنىڭ استانالىق ەمەس فۋنكتسيالارىن سەيىلتۋدى مىندەتىنە الۋى جانە كەڭ كولەمدە قۇرىلىس جۇرگىزىپ، دامۋىن ءبىر تۇتاس جوسپارلاپ ىلگەرىلەتۋ، شيۇڭ - ان جاڭا رايونىن جوعارى ولشەممەن، جوعارى ساپامەن قۇرۋ جونىنەن ماڭىزدى ءمان الادى.
ءماجىلىس مىنالاردى باسا دارىپتەدى: شيۇڭ - ان جاڭا رايونىنىڭ قازىرگى كەزەڭدەگى ءىس جۇزىندىك قاجەتىمەن ۇشتاستىرىپ، سەيىلتىلەتىن ادامداردىڭ مۇددەسىنە كوڭىل ءبولۋدى تىعىز ارقاۋ ەتىپ، قولداۋ شارالارىن باعىتتامالى قولدانۋ كەرەك. ورنىقتى، ءتارتىپتى بولۋعا، شاماسىنا قاراي ىستەۋگە تاباندى بولىپ، بەلگى سيپاتتى سەيىلتۋ نىساندارىنىڭ شيۇڭ - ان جاڭا رايونىندا تياناقتانىپ، قۇرىلىس جۇرگىزۋىن ۇزدىكسىز ىلگەرىلەتىپ، قالا قۇرىلىسىنىڭ دامۋ زاڭدىلىعى جونىندە بەلسەنە ىزدەنىس جاساپ جانە وعان بويسۇنىپ، ۇنەمدى، شوعىرلى بولۋدى، جاسىل، تومەن كومىر قىشقىل گازدى بولۋدى كۇشەيتىپ، قۇرىلىس كولەمى مەن ءريتىمىن ۇيلەسىمدى يگەرىپ، ”شيۇڭ - ان ساپاسىن“ جاراتۋ كەرەك. جاڭالىق اشۋ جونىندە ىزدەنىس جاساۋعا، الدىمەن اتقارىپ، الدىمەن سىناق ەتۋگە تاباندى بولىپ، قازىرگى مەن بولاشاقتىڭ، ۇكىمەت پەن بازاردىڭ، ت.ب قاتىناسىن ويداعىداي ءبىر جاقتى ەتىپ، قاتىستى سالالارداعى رەفورما جاساپ، جاڭالىق اشۋ شارالارىنىڭ شيۇڭ - ان جاڭا رايونىندا تياناقتانىپ اتقارىلۋىن باعىتتامالى ىلگەرىلەتىپ، شارۋاشىلىق - ساۋدا ورتاسىن ساپالىلاندىرىپ، عىلىم - تەحنيكادا جاڭالىق اشۋدى كۇشەيتىپ، وزىق، جوعارى، جاڭا كاسىپ سالالارىن دامىتىپ، شيۇڭ - ان جاڭا رايونىنىڭ وزىندىك قۇرىلىسىن دامىتۋ قابىلەتىن ۇزدىكسىز كۇشەيتۋ كەرەك. نازاردى قالانى باسقارۋ قۇرىلىمى، الەۋمەتتىك قىزمەت وتەۋ ءتۇزىمى سياقتىلارعا شوعىرلاندىرىپ، شيۇڭ - ان جاڭا رايونىنىڭ بولاشاقتاعى قالا قۇرىلىسى جۇمىسىن باسقارۋ ءتۇزىلىسىن كورەگەندىكپەن جوبالاۋدى كۇشەيتىپ، جۇڭگو ەرەكشەلىگىنە يە وسىزاماندانعان قالانى باسقارۋدىڭ جاڭا ۇلگىسىن بەلسەنە قاراستىرۋ كەرەك.
ءماجىلىس مىنالاردى تالاپ ەتتى: پارتيانىڭ باسشىلىعىن شيۇڭ - ان جاڭا رايونىن جوعارى ولشەممەن، جوعارى ساپامەن قۇرۋدىڭ تۇتاس بارىسىنا، ءاربىر سالاسىنا، ءاربىر بۋىنىنا ءسىڭىرىپ، شيۇڭ - ان جاڭا رايونىنداعى ءار دارەجەلى پارتيا ۇيىمدارىنىڭ جانە باسشىلىق القانىڭ قۇرىلىسىن كۇشەيتىپ، ادام تاڭداۋدىڭ، ادام ىستەتۋدىڭ دۇرىس باعدارىنا تاباندى بولىپ، ساياسيدا بەرىك، رەفورما جاساۋ تانىمى كۇشتى، قابىلەت دەڭگەيى جوعارى، باتىلدىقپەن اتويلاپ، باتىلدىقپەن ىستەيتىن، پاك، كىرشىكسىز جوعارى ساپالى ماماندانعان كادرلار قوسىنىن قۇرۋ كەرەك. حىبەي ولكەسى تۇلعالىق جاۋاپكەرشىلىكتى شىن مانىندە اتقارىپ، شيۇڭ - ان جاڭا رايونى قاراستى جەر جاۋاپكەرشىلىگىن اتقارىپ، قاتىستى جەرلەر بەلسەنە قولداۋ كورسەتىپ، ورتالىق پەن مەملەكەت ورگاندارىنىڭ قاتىستى تاراۋلارى ىرىقتى تۇردە جەتەكشىلىك ەتىپ، قىزمەت وتەپ، ءبىر باعىتتا كۇش سالىپ، بىرىككەن كۇش قالىپتاستىرىپ، جاسامپازدىقپەن دايەكتىلەندىرىپ، تياناقتاندىرىپ، كەزەڭدىك قورىتىندىلاپ، باعالاپ، ساياساتتاردىڭ تياناقتانىپ ونىمدىلىك كورسەتۋىنە شىنايى كەپىلدىك ەتىپ، شيۇڭ - ان جاڭا رايونىن قۇرۋدا، دامىتۋدا ۇزدىكسىز تىڭ ىلگەرىلەۋشىلىككە قول جەتكىزىپ، تىڭ ساتىعا كوتەرىلۋىن ىلگەرىلەتۋ كەرەك.
ءماجىلىس باسقا دا ىستەردى اقىلداستى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
