شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 6 - رەتكى توپتىق ۇيرەنۋىندە بىلاي دەپ باسا دارىپتەدى
پارتيانىڭ نازاريالىق جاسامپازدىعىنىڭ زاڭدىلىعى جونىندەگى تانىمدى ۇزدىكسىز تەرەڭدەتىپ، جاڭا داۋىردەگى جاڭا جورىقتا اناعۇرلىم سۇبەلى نازاريالىق جاسامپازدىق جەتىستىكتەرىنە قول جەتكىزۋ كەرەك
2023.07.03 15:38 كەلۋ قاينارى : شينجياڭ گازەتى
شينحۋا اگەنتتىگىنىڭ 7 - ايدىڭ 1 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 6 - ايدىڭ 30 - كۇنى تۇستەن كەيىن ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن اشۋ جونىندە 6 - رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن اشۋ كەلەلى مىندەتى − زامانىمىزداعى جۇڭگو كوممۋنيستەرىنىڭ ايبىندى تاريحي جاۋاپكەرشىلىگى. پارتيا 20 - قۇرىلتايىنىڭ بايانداماسى تاريحي تاجىريبەلەردى قورىتىندىلاۋ نەگىزىندە، ”ەكى ۇشتاستىرۋ“، ”التىعا، ءسوز جوق، تاباندى بولۋ“ سياقتى نازاريالىق جاسامپازدىقتى ىلگەرىلەتەتىن عىلمي ادىستەردى العا قويىپ ءارى ءتۇسىندىرىپ، پارتيانىڭ نازاريالىق جاسامپازدىعىن ۇزدىكسىز ىلگەرىلەتۋگە ءتۇبىرلى بويسۇنۋ ولشەمىن ازىرلەدى، بۇعان ويداعىداي تاباندى بولۋىمىز، ونان ويداعىداي پايدالانۋىمىز كەرەك.
ورتالىق كوميتەت پارتيا مەكتەبىنىڭ (مەملەكەتتىك اكىمشىلىك شۋەيۋانى) ورىنباسار (شۋەيۋان) باستىعى لي ۋىنتاڭ وسى ماسەلە جونىندە تۇسىندىرمە جاساپ، قىزمەت ۇسىنىسىن العا قويدى. ورتالىق كوميتەت ساياسي بيۋروسىنداعى جولداستار تۇسىندىرمەنى دەن قويا تىڭدادى ءارى تالقى ورىستەتتى.
شي جينپيڭ تۇسىندىرمەنى جانە تالقىنى تىڭداعاننان كەيىن ماڭىزدى ءسوز سويلەدى. ول بىلاي دەپ اتاپ كورسەتتى: پارتيانىڭ 100 جىلدىق كۇرەس تاريحىنا قايىرىلا قاراساق، پارتيامىزدىڭ توڭكەرىستىڭ، قۇرىلىستىڭ، رەفورمانىڭ ءارقايسى تاريحي مەزگىلىندە كەلەلى تابىستارعا قول جەتكىزە الۋىنىڭ، حالىققا باسشىلىق ەتىپ، جۇڭگوداعى وزگە ساياسي كۇشتەر ورىنداي المايتىن جاپالى مىندەتتى ورىنداي الۋىنىڭ ءتۇبىرلى سەبەبى ماركسيزمنىڭ عىلمي نازارياسىن يگەرىپ ءارى ونى جاڭا ءىس جۇزىندىك جاعدايلارمەن ۇزدىكسىز ۇشتاستىرىپ نازاريالىق جاسامپازدىقتى ىلگەرىلەتىپ، ماۋ زىدۇڭ يدەياسى، دىڭ شياۋپيڭ نازارياسى، ”ۇشكە ۋاكىلدىك ەتۋ“ ماڭىزدى يدەياسى، عىلمي دامۋ كوزقاراسى، جاڭا ءداۋىر جۇڭگوشا سوتسياليزم يدەياسى سياقتى كەلەلى نازاريالىق جەتىستىكتەرگە قول جەتكىزىپ، باستان - اياق يدەيانى ازات ەتۋگە، شىندىقتى ءىس جۇزىنەن ىزدەۋگە، داۋىرمەن بىرگە ىلگەرىلەۋگە، شىندىققا جۇگىنىپ ناقتى ءىس ىستەۋگە تاباندى بولىپ، ماركسيزمنىڭ جۇڭگودا كۇشتى ومىرشەڭدىك كۇش قاۋلاتۋىنا، پارتيانىڭ مىعىم اقيقات كۇشىن يگەرۋىنە مۇمكىندىك جاساعاندىعىندا. جۇڭگو كوممۋنيستىك پارتياسىنىڭ نە ءۇشىن ىسكەر بولۋى، جۇڭگوشا سوتسياليزمنىڭ نە ءۇشىن جاقسى بولۋى، سايىپ كەلگەندە، ماركسيزمنىڭ جارامدى بولۋىندا، جۇڭگوشالانعان، زامانالانعان ماركسيزمنىڭ جارامدى بولۋىندا. بۇل تاريحتىڭ قورىتىندىسى. ءبىز پارتيانىڭ نازاريالىق جاسامپازدىعىنىڭ زاڭدىلىعى جونىندەگى تانىمدى ۇزدىكسىز تەرەڭدەتىپ، جاڭا داۋىردەگى جاڭا جورىقتا اناعۇرلىم سۇبەلى نازاريالىق جاسامپازدىق جەتىستىكتەرىنە قول جەتكىزۋىمىز كەرەك.
شي جينپيڭ بىلاي دەپ باسا دارىپتەدى: ماركسيزمنىڭ جۇڭگوشالانۋى، زامانالانۋى سىندى كەلەلى تاقىرىپتىڭ ءوزى ءبىزدىڭ ماركسيزم سىندى رۋح تامىردان استە كەشۋىمىزگە، جۇڭحۋانىڭ تاڭداۋلى ءداستۇرلى مادەنيەتى سىندى جان تامىردان استە كەشۋىمىزگە بولمايتىندىعىن بەلگىلەگەن. وسى رۋح پەن جانعا تاباندى بولۋ − نازاريالىق جاسامپازدىقتىڭ نەگىزى جانە العى شارتى. نازاريالىق جاسامپازدىقتا، ءسوز جوق، جاڭا ايتىلىم بولۋ كەرەك، ايتسەدە اتا تەكتەن ايرىلۋعا بولمايدى، تەگىن ۇمىتۋ رۋح تامىرى مەن جان تامىرىن ءۇزىپ تاستاعانمەن بىردەي، اقىرىندا رۋح تامىرى مەن جان تامىرىنان ايرىلاتىن اۋدارىپ تاستاۋ سيپاتتى قاتەلىك وتكىزەمىز. ءبىز، ءسوز جوق، ماركسيزم سىندى پارتيا قۇرۋ، مەملەكەت قۇرۋ، پارتيانى گۇلدەندىرۋ، مەملەكەتتى گۇلدەندىرۋ نەگىزىنە بۇلجىماي تاباندى بولىپ، ءوز وتانىمىزدىڭ، ءوز ۇلتىمىزدىڭ تاريحي مادەنيەت قۇنارلى القابىنا تەرەڭ تامىر تارتىپ، ماركسيزمدى توقتاۋسىز دامىتۋعا تاباندى بولىپ، تاريح سەنىمىن، مادەنيەت سەنىمىن بەكەمدەپ، ەرتەدەگىنى بۇگىنگىگە پايدالانۋعا، كونەنى تاستاپ، جاڭانى جارىققا شىعارۋعا تاباندى بولىپ، ماركسيزمدى جەتەكشى ەتىپ، جۇڭحۋانىڭ بەس مىڭ نەشە جىلدىق وركەنيەت اسىل قازىناسىن جاپپاي كادەگە جاراتىپ، ماركسيزم ارقىلى جۇڭحۋانىڭ تاڭداۋلى ءداستۇرلى مادەنيەتىندەگى ومىرشەڭدىك كۇشكە باي تاڭداۋلى فاكتورلاردى جانداندىرىپ ءارى وعان جاڭا داۋىرلىك ءمان ۇستەپ، جۇڭحۋا ۇلتىنىڭ ۇلى رۋحى مەن باي اقىل - پاراساتىن ماركسيزمگە اناعۇرلىم تەرەڭ ءسىڭىرىپ، ماركسيزم يدەياسىنىڭ جاۋھارىن جۇڭحۋانىڭ تاڭداۋلى ءداستۇرلى مادەنيەتىنىڭ جاۋھارىمەن ءونىمدى تۇردە ۇشتاستىرىپ، جاڭا نازاريالىق باسىمدىققا اينالدىرىپ، جاڭا يدەيالىق بيىككە ۇزدىكسىز شىعۋىمىز كەرەك. ءبىز نازاريالىق كوز ايانى كەڭەيتىپ، ادامزات قوعامىنداعى بارلىق تاڭداۋلى وركەنيەت جەتىستىگىنەن دارقان، اشىق پەيىلمەن ۇيرەنىپ جانە ودان ۇلگى الىپ، ”ادامزات بىلىمدەرىنىڭ جيىنتىعىنان“ تاڭداۋلى يدەيا - مادەنيەت بايلىعىن قابىلداپ، پارتيانىڭ نازارياسىن جاڭالاپ جانە دامىتىپ، ءبارىن تۇگەل قامتىعان، كوپتىڭ اقىل - پاراساتىن توپتاعان نازاريالىق جالپى ارنانى، كەلەلى جاعدايدى قالىپتاستىرۋىمىز كەرەك.
شي جينپيڭ بىلاي دەپ اتاپ كورسەتتى: داۋىرلىك جاڭا تاقىرىپتارعا دەر كەزىندە عىلمي جاۋاپ بەرۋ كەرەك. ءداۋىر − يدەيانىڭ اناسى، اماليات − نازاريانىڭ قاينارى. ءداۋىر بولگىش نازاريا اتاۋلىنىڭ ءبارى − ءداۋىر قاجەتىن قاناعاتتاندىرۋدىڭ تۋىندىسى. ءداۋىردى بارلايتىن، ءداۋىردى يگەرەتىن، داۋىرگە جەتەكشىلىك ەتەتىن نازاريادان پايدالانعاندا، ءسوز جوق، ءداۋىر ءۇنىن اڭىس ەتۋ كەرەك، ءومىر ءسۇرىپ وتىرعان ءداۋىر امالياتىنان استە ايرىلۋعا بولمايدى، ءسوز جوق، اماليات تاجىريبەلەرىن ۇزدىكسىز قورىتىندىلاپ، ونى داۋىرلىك يدەيانىڭ جاۋھارىنا اينالدىرۋ كەرەك. ءبىزدىڭ نازاريالىق جاسامپازدىقتى ىلگەرىلەتۋىمىز اماليات نەگىزىندەگى نازاريالىق جاسامپازدىق، ءىس جۇزىندىكتەن الشاقتاعان قۇر قيال ەمەس، ءسوز جوق، اماليات بارىسىندا اقيقاتتى بايقاۋعا، اقيقاتتى دامىتۋعا تاباندى بولىپ، اماليات ارقىلى اقيقاتتى جۇزەگە اسىرۋىمىز، اقيقاتتى سىننان وتكىزۋىمىز كەرەك. ”ەكى كەلەلى جاعداي“ جەدەل وزگەرگەن ءارى تەرەڭ ىقپالداسقان ءداۋىر استارىندا ادامزات قوعامى شۇعىل شەشۋدى قاجەت ەتەتىن كوپتەگەن ورتاق ماسەلەلەرگە ءدوپ كەلدى، ەلىمىز رەفورما، دامۋ، ورنىقتىلىق، ىشكى ساياسات، ديپلوماتيا، مەملەكەت قورعانىسى، پارتيانى باسقارۋ، مەملەكەتتى باسقارۋ، ارميانى باسقارۋ سياقتى ءارقايسى سالادا دا ءبىر قىدىرۋ جاڭا كەلەلى تاقىرىپتارعا ءدوپ كەلىپ وتىر، جۇڭگو سۇراۋى، دۇنيە ءجۇزى سۇراۋى، حالىق سۇراۋى، ءداۋىر سۇراۋى بىزگە قويعان جاڭا ەمتيحان سۇراۋلارى بۇرىنعىدان الدەقايدا كۇردەلى، الدەقايدا قيىن، ءبىزدىڭ نازاريا مەن امالياتتى ۇشتاستىرۋ تۇرعىسىنان جاۋاپ بەرۋىمىزدى شۇعىل قاجەت ەتەدى. ۇلكەن تاريح كوزقاراسىن بەرىك ورناتىپ، اناعۇرلىم كەڭ كوز ايامەن، اناعۇرلىم ۇزاق بولاشاقتى كوزدەيتىن كورەگەندىكپەن دۇنيە ءجۇزى تاريحىنىڭ دامۋ جۇلگەسى مەن دۇرىس بەتالىسىن يگەرىپ، ەلىمىزدىڭ قوعامدىق دامۋىنىڭ، ادامزات قوعامى دامۋىنىڭ ۇلكەن لوگيكاسىن، ۇلكەن اۋقىمىن جەتە تانىپ، جۇڭگو ۇلگىسىندەگى وسىزامانداندىرۋدىڭ تاريحي وزگەرىسى مەن امالياتتىق تالابىن يگەرىپ، جاڭا كەزەكتى عىلىم - تەحنيكا وزگەرىسى، الەمدىك ەكونوميكانىڭ دامۋ جالپى ارناسى جانە ەلىمىز دامۋىنىڭ كەزەڭدىك ەرەكشەلىگى بارىسىندا جوعارى ساپالى دامۋدى ىلگەرىلەتۋ، جاڭا دامۋ ارناسىن قالىپتاستىرۋ زاڭدىلىعى جونىندەگى تانىمدى تەرەڭدەتىپ، دۇنيە جۇزىندەگى ماركسيزمدىك ساياسي پارتيالاردىڭ تاعدىرىن سالىستىرۋ جانە پارتيامىزدىڭ ۇزاق ۋاقىت بيلىك جۇرگىزۋى ءدوپ كەلگەن رەال سىناقتار بارىسىندا پارتيامىزدىڭ وزىنە - ءوزى توڭكەرىس جاساۋ ستراتەگيالىق يدەياسىنىڭ زاڭدىلىعى جونىندەگى تانىمدى تەرەڭدەتىپ، رەال ماسەلەلەردى شەشۋدىڭ عىلمي ۇستانىمىن، ءونىمدى شاراسىن جاپپاي جۇيەلى العا قويىپ، زامانىمىزداعى جۇڭگو ماركسيزمىنىڭ، 21 - عاسىر ماركسيزمىنىڭ اناعۇرلىم كۇشتى، اناعۇرلىم يلاندىرۋ قۋاتىنا يە اقيقات كۇشىن ايگىلەۋىنە مۇمكىندىك جاساۋىمىز كەرەك.
شي جينپيڭ بىلاي دەپ باسا دارىپتەدى: نازاريانىڭ جۇيەلىلەنۋىن، عىلمي نازاريالانۋىن ىلگەرىلەتۋ − نازاريالىق جاسامپازدىقتىڭ ىشكى تالابى جانە ماڭىزدى جولى. ماركسيزمنىڭ ىقپالىنىڭ تەرەڭ بولۋىنداعى سەبەپ ول تەرەڭ عىلمي نازاريامەن ادامزات قوعامى دامۋىنىڭ اقيقات سيپاتىن اشىپ، كەمەلدى جۇيەمەن ءوز نازارياسىنىڭ عىلميلىعىن دالەلدەدى. جاڭا داۋىردەگى جۇڭگوشا سوتسياليزم يدەياسىنىڭ دامۋى ۇزدىكسىز بايىتىلۋ، كەڭەيتىلۋ ءارى ۇزدىكسىز جۇيەلىلەندىرىلۋ، عىلمي نازاريالاندىرىلۋ بارىسى بولىپ تابىلادى. ماركسيزم نازارياسىن زەرتتەۋ جانە قۇرۋ ينجەنەرياسى نازاريالىق زەرتتەۋدى، ءتۇسىندىرۋدى ۇزدىكسىز تەرەڭدەتىپ، پارتيامىز العا قويعان جاڭا ۇستانىمداعى، جاڭا تۇجىرىمداعى قاعيدا سيپاتتى نازاريالىق جەتىستىكتەردى ءتۇيىندى تۇردە زەرتتەپ، ءتۇسىندىرىپ، ءوزارا ىشكى بايلانىسىن يگەرىپ، بۇكىل پارتيانى، بۇكىل ەلدى جاڭا داۋىردەگى جۇڭگوشا سوتسياليزم يدەياسىنىڭ نازاريالىق جۇيەسىن اناعۇرلىم ويداعىداي ۇيرەنۋگە، يگەرۋگە تاربيەلەۋ، جەتەكتەۋ كەرەك.
شي جينپيڭ بىلاي دەپ اتاپ كورسەتتى: حالىق بۇقاراسىنىڭ جاسامپازدىعىنان نازاريالىق جاسامپازدىق اقىل - پاراساتىن قابىلداۋعا ءمان بەرۋ كەرەك. ماركسيزم حالىققا ۋاكىلدىك ەتەتىن، حالىقتىڭ ءسوزىن سويلەيتىن نازاريا، حالىقتىڭ تاعدىرىن وزگەرتۋ ءۇشىن جاراتىلعان، حالىقتى ازات ەتۋگە تالپىنۋ امالياتى بارىسىندا بايىتىلعان جانە دامىتىلعان. حالىقتىڭ جاسامپازدىق سيپاتتى امالياتى − ماركسيزمنىڭ نازاريالىق جاسامپازدىعىنىڭ سارقىلماس قاينارى. حالىق تاريحتى جاراتۋشى رەتىندە، ماتەريالدىق بايلىقتى جاراتۋشى عانا ەمەس، رۋحاني بايلىقتى دا جاراتۋشى. ماركسيزمنىڭ جۇڭگوشالانۋ، زامانالانۋ جەتىستىكتەرىنىڭ ءبارى پارتيا مەن حالىقتىڭ امالياتتىق تاجىريبەلەرى مەن كوللەكتيۆ اقىل - پاراساتىنىڭ جاۋھارى. مەيلى ماۋ زىدۇڭ يدەياسى، جۇڭگوشا سوتسياليزم نازاريالىق جۇيەسى، الدە جاڭا ءداۋىر جۇڭگوشا سوتسياليزم يدەياسى بولسىن، ءبارى دە حالىقتىڭ اقىل - پاراساتىنان، حالىقتىڭ ىزدەنىسىنەن، حالىقتىڭ جاسامپازدىعىنان باستاۋ العان. پارتيانىڭ نازاريالىق جاسامپازدىعىن ۇزدىكسىز ىلگەرىلەتۋدە، ءسوز جوق، بۇقارالىق لۋشيانمەن ويداعىداي ءجۇرۋ كەرەك، استە سىرتتاي تون پىشۋگە، جەل ءسوزدىڭ مايىن تامىزۋعا، قۇر قيالعا سالىنۋعا بولمايدى. حالىقتىڭ العاشقى جاسامپازدىق رۋحىنا قۇرمەت ەتىپ، حالىقتىڭ جاسامپازدىق سيپاتتى امالياتىنان جاڭا تاجىريبە قورىتىندىلاۋعا ءمان بەرىپ، ونى اقىلدىق تانىمعا كوتەرىپ، جاڭا نازاريالىق جەتىستىكتەردى سۇرىپتاپ شىعىپ، پارتيانىڭ جاسامپاز نازارياسىن ميلليارد حالىقتىڭ جۇرەگىنە ۇيالاتىپ، حالىققا جاناسىمدى، حالىقتىڭ اقىل - پاراساتىن ۇيىستىرعان، ەل رايىنا سايكەسكەن، حالىقتىڭ قالاۋىنان شىققان نازارياعا اينالدىرۋعا كۇش سالۋ كەرەك.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
