مەملەكەتتىك كليمات ورتالىعى: بيىل جوعارى تەمپەراتۋرالى كۇن سانى 1961 - جىلدان بەرگى تاريحتاعى وسى مەزگىلدەگىمەن سالىستىرعاندا ەڭ كوپ بولدى
2023.07.03 15:46 كەلۋ قاينارى : حالىق تورابى
بيىل جىل باسىنان بەرى ەلىمىزدە جوعارى تەمپەراتۋرالى كۇن سانى 1961 - جىلدان بەرگى تاريحتاعى وسى مەزگىلدەگىمەن سالىستىرعاندا ەڭ كوپ بولدى. ەلىمىز بويىنشا 4 رەت وڭىرلىك سيپاتتى جوعارى تەمپەراتۋرالى اۋا رايى جارىققا شىقتى، بايقالۋ ۋاقىتى ەرتە بولۋ، شارپىعان ىقپالى كەڭ بولۋ، شەكتەن اسۋ دارەجەسى كورنەكتى بولۋ قاتارلى ەرەكشەلىكتەرگە يە.
6 - ايدا سولتۇستىك جۇڭگو مەن حۋاڭحى - حۋايحى الابىندا جوعارى تەمپەراتۋرا قۇبىلىسى ەڭ كورنەكتى بولدى، بەيجيڭدە جوعارى تەمپەراتۋرالى كۇن سانى 1961 - جىلدان بەرگى تاريحتاعى وسى مەزگىلدەگىمەن سالىستىرعاندا ەڭ كوپ بولدى، حىبەي مەن تيانجين ەكىنشى ورىندا بولدى. بەيجيڭ، تيانجين، حىبەي جانە شينجياڭ سىندى 4 ولكەدە (اۆتونوميالى رايون، توتە قاراستى قالا) 6 - ايداعى ورتاشا تەمپەراتۋرا تاريحتاعى وسى مەزگىلدەگىمەن سالىستىرعاندا ەڭ جوعارى بولدى.
ورتالىق اۋا رايى ستانسياسىنىڭ بولجامىنا قاراعاندا، 7 - ايدىڭ باس شەنىندە سولتۇستىك جۇڭگونىڭ شىعىس بولىگى جانە حۋاڭحى - حۋايحى الابىنىڭ سولتۇستىك بولىگى قاتارلى جەرلەردە جوعارى تەمپەراتۋرالى اۋا رايى ءالى دە جالعاسادى. مۇندا، 7 - ايدىڭ 1 -، 2 - كۇندەرى، سولتۇستىك جۇڭگو، حۋاڭحى - حۋايحى الابى، فىنحى - ۋەيحى جازىعى قاتارلى جەرلەردە كورنەكتى جوعارى تەمپەراتۋرالى اۋا رايى جارىققا شىققان، ءىشىنارا جەرلەردە ەڭ جوعارى تەمپەراتۋرا 40 گرادۋسقا جەتكەن. 7 - ايدىڭ 5 - كۇنىنەن 8 - كۇنىنە دەيىن، سولتۇستىك جۇڭگو، حۋاڭحى - حۋايحى الابى قاتارلى جەرلەردە تاعى ءبىر رەتكى ءۇرتىس جوعارى تەمپەراتۋرالى اۋا رايى جارىققا شىعادى. مۇنان سىرت، 7 - ايدىڭ 6 - كۇنىنەن 9 - كۇنىنە دەيىن، چاڭجياڭنىڭ وڭتۇستىگىندەگى رايونداردىڭ شىعىس بولىگىندە، وڭتۇستىك جۇڭگونىڭ شىعىس بولىگىندە تەمپەراتۋرا جوعارى بولادى.
مەملەكەتتىك كليمات ورتالىعىنىڭ مەجەلەۋىنشە، بيىل شىلدە مەن تامىزدا ەلىمىزدىڭ سولتۇستىك جۇڭگو، ورتا جۇڭگونىڭ ورتا بولىگى جانە وڭتۇستىك بولىگى، باتىس وڭتۇستىكتەگى وڭىرلەردىڭ سولتۇستىك بولىگى قاتارلى جەرلەرىندە تاعى دا كەزەڭدىك سيپاتتى جوعارى تەمپەراتۋرالى اۋا رايى بايقالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
