مادەنيەت كاسىبىنىڭ جىلدىق كىرىسى 16 تريلليون 500 ميلليارد يۋاننان استى (جاڭا ساندى مالىمەت، جاڭا ءتۇيىن)
جاڭا كاسىپ سالاسى جەدەل دامىپ، شارۋاشىلىق كىرىسىنىڭ سالىستىرماسى تۇڭعىش رەت %30 تەن استى
2023.07.03 16:28 كەلۋ قاينارى : حالىق تورابى
«حالىق گازەتى»، 7 - ايدىڭ 2 - كۇنى، بەيجيڭ (ءتىلشى ليۋ جىچياڭ). مەملەكەتتىك ساناق مەكەمەسى بىرنەشە كۇننىڭ الدىندا جاريالاعان «2022 - جىلعى مەملەكەتتىك مادەنيەت جانە قاتىستى كاسىپتەردىڭ دامۋ جاعدايى جونىندەگى باياندامادا» كورسەتىلۋىنشە، ەلىمىزدىڭ مادەنيەت جانە قاتىستى كاسىپتەرىنىڭ (تومەندە قىسقاشا ”مادەنيەت كاسىبى“ دەلىنەدى) كولەمى ۇزدىكسىز كەڭەيىپ، 2022 - جىلعى شارۋاشىلىق كىرىسى 16 تريلليون 500 ميلليارد يۋاننان اسىپ، الدىنداعى جىلداعىدان 169 ميلليارد 800 ميلليون يۋان كوبەيىپ، %1.0 ارتقان. سالالار بويىنشا قاراعاندا، اقپارات، ينفورماتسيالىق قىزمەت وتەۋ، مادەنيەت تۇتىنۋ تەرمينالى ءوندىرىسى، مازمۇندىق جاسامپازدىق ءوندىرىسى، مادەنيەتكە قارجى قوسۋ اينالىمى، مادەنيەت تاراتۋ ارناسى سياقتى كاسىپتەردىڭ شارۋاشىلىق كىرىسى الدىنداعى جىلداعىدان جەكە - جەكە %4.0، %2.6، %2.4، %2 جانە %0.4 ارتقان.
كاسىپ قۇرىلىمى ۇزدىكسىز ساپالىلاندى. مەملەكەتتىڭ مادەنيەت ستراتەگياسىنىڭ ىشكەرىلەي اتقارىلۋىنا بايلانىستى، سيفرلانۋدى، توراپتانۋدى، زەيىندەنۋدى نەگىزگى ەرەكشەلىك ەتكەن مادەنيەت جاڭا كاسىپ كۇيىنىڭ جەدەل دامۋى ەلىمىزدىڭ مادەنيەت كاسىبىنىڭ ساپالى دامۋىن ىلگەرىلەتۋدىڭ ماڭىزدى تىرەگىنە اينالدى. 2022 – جىلى مادەنيەت جاڭا كاسىپ كۇيىنىڭ ەرەكشەلىگى ءبىرشاما كورنەكتى 16 كاسىپ سالاسىنىڭ شاعىن تۇرلەرىندە شارۋاشىلىق كىرىسى 5 تريلليون 10 ميلليارد 600 ميلليون يۋان بولىپ، الدىنداعى جىلداعىدان %6.7 ارتىپ، ارتۋ قارقىنى جالپى مادەنيەت كاسىبىنىكىنەن 5.7 پايىز تەز بولدى. مادەنيەت جاڭا كاسىپ سالاسىنىڭ شارۋاشىلىق كىرىسى جالپى مادەنيەت كاسىبى شارۋاشىلىق كىرىسىنىڭ %30.3 ىن ۇستاپ، سالىستىرماسى تۇڭعىش رەت %30 تەن اسىپ، الدىنداعى جىلداعىدان 1.6 پايىز جوعارىلاپ، ەلىمىزدىڭ مادەنيەت كاسىبىنىڭ تيبىن وزگەرتىپ، دارەجەسىن جوعارىلاتۋ مەن قۇرىلىمىن ساپالىلاندىرۋىن پارمەندى ىلگەرىلەتتى.
پايدا ورنىقتى ارتتى.2022 – جىلى ەلىمىزدىڭ مادەنيەت كاسىبىنىڭ جالپى پايدا سوماسى ءبىر تريلليون 270 ميلليارد 700 ميلليون يۋان بولىپ، الدىنداعى جىلداعىدان 34 ميلليارد 100 ميلليون يۋان كوبەيىپ، %2.8 ارتتى.ءىشىنارا ونىمدىلىك كورسەتكىشى الدىنداعى جىلداعىدان جاقسارا باستادى، 2022 – جىلى ەلىمىزدىڭ مادەنيەت كاسىبى شارۋاشىلىق كىرىسىنىڭ پايدا مولشەرى ٪7.7 بولىپ، الدىنداعى جىلداعىدان 0.2 پايىز جوعارىلادى.
مادەنيەت كاسىپورىندارىنىڭ دەربەس جاڭالىق جاراتۋ قابىلەتى ءونىمدى جوعارىلادى. 2022 - جىلى كولەمدەنگەن مادەنيەت كاسىپورىندارىنىڭ زەرتتەۋ جانە تاجىريبە جاساۋ، دامىتۋ (R&D) قارجىسى 152 ميلليارد 900 ميلليون يۋان بولىپ، الدىنداعى جىلداعىدان %6.4 ارتتى؛ كولەمدەنگەن مادەنيەت كاسىپورىندارىنىڭ R&D قاراجاتىنىڭ شارۋاشىلىق كىرىسىندەگى سالىستىرماسى %1.24 بولىپ، الدىنداعى جىلداعىدان 0.07 پايىز جوعارىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
