فۋجيان ولكەسىنىڭ ساپالى دامۋ قادامى نىعايدى (ساپالى دامۋ جونىندەگى تەكسەرىپ – زەرتتەۋ ساپارى)
«حالىق گازەتىنىڭ» تىلشىلەرى جياڭ شىڭياڭ، فۋ ۋىن
2023.07.03 16:30 كەلۋ قاينارى : حالىق تورابى
دۇڭحاي تەڭىزىنىڭ قايراڭى، شاڭچي توبى فۋجيان نيڭدى ءوندىرىس بازاسىندا اۆتوموبيل تۇتاستاي جاسالىپ، قاربالاس جۇمىس ىستەلۋدە؛ شيشي وزەنى بويىندا جيۋمۋ اس ءۇي، تازالىق بولمەسى بۇيىمدارى توبى نان - ان زەردەلى زاۆودىنىڭ ءوندىرىس جەلىسى اۆتوماتتى جۇمىس جۇرگىزۋدە؛ ۋحۋ تاۋىنىڭ ەتەگىندە، شىعىس وڭتۇستىك اۆتوموبيل توبى مينحوۋ ءوندىرىس جەلىسىن زەردەلىلەندىرىپ جاڭالاۋ جەدەل جۇرگىزىلۋدە... فۋجياننىڭ بايتاق دالاسىن ارالاپ، فۋجياننىڭ ساپالى دامۋ قادامىنىڭ بەرىك، پارمەندى ەكەنىن تەرەڭ سەزىندىك.
2021 - جىلى 3 - ايدا باس شۋجي شي جينپيڭ فۋجياندا قىزمەت تەكسەرىپ، فۋجياننىڭ ساپالى دامۋدى جان - جاقتى ىلگەرىلەتۋدە تىڭ ناتيجەگە قول جەتكىزۋىن ءۇمىت ەتتى. باس شۋجيدىڭ تاپسىرماسىن ەستە بەرىك ساقتاعان فۋجيان ەكونوميكانى دامىتۋدىڭ كۇش سالۋ ءتۇيىنىن ناقتى ەكونوميكاعا اۋدارىپ، جاساۋ كاسىبىنىڭ جوعارى دەڭگەيلى، زەردەلىلەنگەن، جاسىلدانعان دامۋىن جەدەل ىلگەرىلەتىپ، جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، ساپالى دامۋدىڭ تىڭ ونىمدىلىككە قول جەتكىزۋىن قۇلشىنا ىلگەرىلەتتى.
جاساۋ كاسىبىنىڭ جوعارى دەڭگەيلى، زەردەلى، جاسىل دامۋىن جەدەل ىلگەرىلەتتى
فۋجوۋ قالاسىنداعى دۇڭنان (فۋجيان) اۆتوموبيل ونەركاسىبى شەكتى جارنا سەرىكتەستىگىنىڭ دانەكەرلەۋ سەحىندا جابدىقتاردى كرانمەن قۇراستىرۋ، سىناقتان وتكىزۋ تارتىپپەن ورىستەتىلۋدە. سەرىكتەستىكتىڭ باس ديرەكتورى ۋىڭ ۋ - چۋان بىلاي دەپ تانىستىردى: ”ءوندىرىس جەلىسى زەردەلىلەنىپ جاڭالانىپ جاتىر، جاڭالانعاننان كەيىن ءبىر ۋاقىتتا 4 ءتۇرلى اۆتوكولىك ۇلگىسىن وندىرۋگە بولادى، بۇل ءوندىرىس ونىمدىلىگى مەن ءونىم ساپاسىن كورنەكتى جوعارىلاتادى“.
ۋىڭ ۋ - چۋاننىڭ مىعىم نەگىزى 2 ميلليارد 100 ميلليون يۋان وزگەرتۋ قارجىسىنان عانا ەمەس، تاپسىرىس كولەمىنىڭ تەز كەڭەيۋىنەن دە كەلگەن. ”بيىل تاپسىرىس ءبىرشاما زور مولشەردە ارتاتىنى مەجەلەنىپ وتىر“. ۋىڭ ۋ - چۋان بىلاي دەدى: جاڭا ۇلگىدەگى دالالىق اۆتوموبيل 6 - ايدىڭ سوڭىنان باستاپ سىناق رەتىندە وندىرىلەدى، 4 - توقساندا مولشەر بويىنشا بازارعا شىعارىلادى.
وزگەرتۋ بارىسىندا اۆتوموبيلدى دانەكەرلەۋ سەحىنا 258 قۇلتەمىر جانە 70 تەن استام اۆتوماتتى تاسىمالداۋ شاعىن اۆتوموبيلى ورناتىلادى. ”ءارقايسى جۇمىس ءتارتىبى سەنزور، كامەرا، ينتەرنەت سياقتىلار ارقىلى ءوندىرىس ينفورماتسيالارىن جيناپ، تەكسەرىپ، تولىمسىز بولشەكتەردىڭ كەلەسى جۇمىس تارتىبىنە كىرمەۋىنە شىنايى كەپىلدىك ەتتى“ دەدى ۋىڭ ۋ- چۋان.
جاساۋ كاسىبىنىڭ جوعارى دەڭگەيلى، زەردەلىلەنگەن، جاسىلدانعان دامۋىن ىلگەرىلەتۋدىڭ نەگىزگى قامال الۋ باعىتىن بەلگىلەۋدى كوزدەگەن فۋجيان ولكەسى جاڭا تەحنيكانى بار كۇشپەن ەنگىزىپ، كاسىپ سالاسىنىڭ زەردەلىلەنۋىنە دەم بەرىپ، تيبىن وزگەرتىپ، دارەجەسىن جوعارىلاتۋدا كورنەكتى ونىمدىلىككە قول جەتكىزدى.
توقىماشىلىق، كيىم - كەشەك − فۋجيان ولكەسىندەگى 4 تىرەكتى كاسىپتىڭ ءبىرى، سونداي - اق ولكە بويىنشا ءونىم قۇنى ەڭ الدىمەن ءبىر تريلليون يۋاننان اسقان كاسىپ. جينجياڭ قالاسى حۋايۇي جىڭيىڭ توبىنىڭ زەردەلى ءوندىرۋ سەحىنا كىرگەنىمىزدە، مىڭنان استام ءجىپ ءيىرۋ ماشيناسىنىڭ جوعارى جىلدامدىقپەن اينالىپ جاتقانىن كوردىك، توقىماشىلىق جۇمىسشىلارى سيرەك ەكەن. ”2015 – جىلدىڭ وزىندە – اق ءبىز 5G تورابى، ءىرى ساندى مالىمەت، بۇلتتىق ەسەپتەۋ سياقتى تەحنيكالاردان پايدالانىپ سيفرلاندىرۋ دارەجەسىن جوعارىلاتتىق. قازىر ءاربىر ءجىپ ءيىرۋ ماشيناسىنىڭ جۇمىس جاعدايىن وتە انىق كورۋگە بولادى. ءبىر جۇمىسشى بۇرىن ءبىر - ەكى ماشيناعا عانا جاۋاپتى بولاتىن، قازىر 20 عا جۋىق ماشيناعا جاۋاپتى بولىپ، ءوندىرىس ونىمدىلىگى بارىنشا جوعارىلادى“ دەدى توپتىڭ اتقارۋشى ءتوراعاسى سۋ چىڭيۇي.
قازىر فۋجيان ولكەسىندەگى كولەمدەنگەن كاسىپورىنداردىڭ شەشۋشى كاسىپتىك بۋىندارىنىڭ جاپپاي سيفرلانۋ شاماسى %64.7 كە جەتىپ، بۇكىل ەل بويىنشا الدىڭعى قاتارعا ءوتتى. سونىمەن بىرگە، فۋجيان ولكەسى كاسىپ سالاسىنىڭ جاسىل دامۋىن زور كۇشپەن ىلگەرىلەتىپ، كاسىپورىنداردىڭ ەنەرگيا ۇنەمدەۋ جاعىنان جاڭالاۋىنا قولداۋ كورسەتىپ، ەنەرگيا ونىمدىلىگىندە سەركەلىك رول اتقارۋ قيمىلىن جاپپاي ورىستەتىپ، 2022 - جىلى ەنەرگيا ونىمدىلىگى دەڭگەيىندە بۇكىل ەلدىڭ الدىڭعى لەگىنە ءوتتى.
جاڭجوۋ قالاسى شياڭچىڭ رايونىندا سانباۋ توبى 2 ميلليارد يۋانعا جۋىق قارجى قوسىپ، بىلعانىشتى بارىنشا از شىعارۋعا جانە تەحنولوگيانى جوعارىلاتۋعا جۇمساپ، بىلعانىشتى وسىدان بۇرىنعىمەن سالىستىرعاندا %50 كە جۋىق ازايتتى. ”ءبىر توننا بولات وندىرۋدە ىعىستىراتىن كومىر قىشقىل گازىمىز ورتا ەسەپپەن 1.25 توننا بولىپ، ۇزىن اينالىمدى بولات زاۆودىنىڭ ورتاشا ورەسىنەن زور دارەجەدە تومەندەدى“. توپ پارتكومىنىڭ شۋجيى لين جۇن بىلاي دەپ تانىستىردى: سەرىكتەستىگىمىز جاراقسىز بولاتتى ۇزدىكسىز قوسۋ جانە الدىن الا جىلۋ بەرۋ، قالدىق جىلۋمەن توك تاراتۋ، زەردەلى قورىتۋ سياقتى وزىق تەحنيكالاردان پايدالانىپ، ءداستۇرلى ەلەكتر پەشپەن سالىستىرعاندا %20 – 15 ەنەرگيا ۇنەمدەپ وتىر.
فۋجياندا سانباۋ سياقتى مەملەكەت دارەجەلى 161 جاسىل زاۆود بار.ساندى مالىمەتتە كورسەتىلۋىنشە، 2021 – جىلدان 2022 – جىلعا دەيىن كولەمدەنگەن ونەركاسىپ ورىندارىنىڭ ارتقان قۇن ەنەرگيا قۇراۋى جالپى 9.4 پايىز تومەندەگەن.
”ءبىز جاساۋ كاسىبىن الۋەتتەندىرۋدى، ساپالىلاندىرۋدى ۇزاق ۋاقىت تاباندى بولاتىن قىزمەت ءتۇيىنى ەتىپ، كاسىپ سالاسى تىزبەگىنىڭ ورتاشا جوعارى دەڭگەيگە قادام تاستاۋىن كۇش سالا جەبەپ، كاسىپ سالاسى باسەكەسىنىڭ بيىك تۇرعىسىن يەلەيمىز“ دەدى فۋجيان ولكەلىك ونەركاسىپ جانە ينفورماتسيالاندىرۋ مەڭگەرمەسى پارتيا باسشىلىق گرۋپپاسىنىڭ مۇشەسى، باس ينجەنەر شى حۇيساي.
جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقاردى
ءبىر سەكۋندتا ءبىر ەلەكتر چيپ وندىرىلەدى، كىنارات شاماسى ءبىر ميللياردتىڭ ءبىر ۇلەسىندەي عانا. 2021 - جىلى نيڭدى شىداي جاڭا ەنەرگيا عىلىم - تەحنيكا جارنا شەكتى سەرىكتەستىگى قازىرگى دۇنيە جۇزىلىك جاساۋ كاسىبى سالاسىنداعى زەردەلى جاساۋ مەن سيفرلاندىرۋدىڭ وزىق دەڭگەيىندەگى ”ماياك زاۆودىنا“ ۋاكىل بولىپ سايلاندى. 2022 – جىلى نيڭدى شىداي سەرىكتەستىگىنىڭ شارۋاشىلىق سوماسى 328 ميلليارد 594 ميلليون يۋانعا جەتىپ، سايكەس مەزگىلدەگىدەن %152.1 ارتتى، ونىڭ باتەرياسىنىڭ پايدالانۋ مولشەرى ءۇرتىس 6 جىل دۇنيە ءجۇزى بويىنشا ءبىرىنشى بولدى.
كوزدىڭ جاۋىن الاتىن ناتيجە تالونىنىڭ استارىندا نيڭدى شىداي سەرىكتەستىگىنىڭ مىعىم عىلمي زەرتتەۋ قۋاتى جاتىر، زەرتتەۋ - اشۋ قىزمەتكەرلەرى 16 مىڭ ادامنان اسىپ، قول جەتكىزگەن جانە ءوتىنىش ەتىپ جاتقان ەل ءىشى - سىرتىنداعى پاتەنت سانى 14 مىڭ 40 قا جەتىپ، ەل ءىشى – سىرتىنداعى ولشەمدى جاساۋعا نەمەسە وزگەرتۋگە قاتىناسۋ ءتۇرى 80 نەن استى، مۇنىڭ ىشىندە C21 جاڭالىق اشۋ تاجىريبەحاناسى دۇنيە جۇزىندەگى ەنەرگيا ساقتاۋىن وندىرگىش كۇشكە اينالدىرۋدىڭ الدىڭعى لەكتىك تەحنيكاسىن زەرتتەۋ - اشۋ بيىگىنە اينالدى.
نان - ان قالاسى جيۋمۋ توبىنىڭ سيفرلانعان سۋلياۋ زاۆودىندا تاپسىرىس اۆتوماتتى قاتارعا تۇرعىزىلىپ، زەردەلى قۇلتەمىر دەربەس تاسىمالداپ، دايىن ءونىم زەردەلى قامباعا ەنگىزىلىپ جاتىر. ”كاسىپورىننىڭ دامىپ زورايۋ - زورايماۋى، سايىپ كەلگەندە، جاڭالىق اشۋ قابىلەتىنە بايلانىستى“. توپ القالار مەكەمەسىنىڭ ءتوراعاسى لين شياۋفا بىلاي دەدى: سەرىكتەستىگىمىز بۇكىل دۇنيە جۇزىندە 16 زەرتتەۋ - اشۋ ورتالىعىن قۇردى، بىلتىر 2 ميلليارد يۋان زەرتتەۋ - اشۋ قاراجاتىن سالىپ، تۇرلىشە كاسىپتەردىڭ باس كاسىپورىندارىمەن بىرلەسىپ زەرتتەۋ - اشۋ جۇرگىزىپ، جاڭالىق اشۋ جەتىستىكتەرى ارقىلى بازاردى ۇزدىكسىز يەلەدى.
جەمىس - جيدەك، كوكونىس داقىلدارىنىڭ ءوسۋى كۇن نۇرى مەن توپىراقتى قاجەت ەتپەيدى، بۇكىلدەي LED وسىمدىك ءوسىرۋ شىراعى مەن دەربەس زەرتتەپ جاسالعان قورەكتىك سۇيىقتىعىنا سۇيەنەدى. چۋانجوۋ قالاسى انشي اۋدانىنداعى فۋجيان ولكەسى جۇڭكى بيولوگيالىق جارنا شەكتى سەرىكتەستىگىنىڭ ادامسىز وسىمدىك زاۆودى ادامدى قايران قالدىرادى. ”ءبىز داقىلداردىڭ ەرەكشەلىگىنە قاراي وعان قاجەتتى جارىقتى بەلگىلەپ، ءوسۋ پەريودىن قىسقارتتىق“. سەرىكتەستىك القاسى لي ياڭ بىلاي دەپ تانىستىردى: جۇڭگو عىلىم اكادەمياسى وسىمدىك زەرتتەۋ ورنى فۋجيان سان - ان توبى شەكتى سەرىكتەستىگىمەن سەلبەسىپ، ءارقايسىسىنىڭ زەرتتەۋ - اشۋ جەتىستىكتەرىن وپتيكالىق بيولوگيالىق تەحنيكا نەگىزىندە تۇرلەندىرىپ، وسى زامانعى قۇرىلعىلى اۋىل شارۋاشىلىعى مەن بيولوگيالىق ءدارى جاساۋ سالاسىنا قولداندى.
”ءۇشىنشى ۇرپاق ادامسىز وسىمدىك زاۆودى تۇتاس بارىستىق قۇلتەمىر ارقىلى اۆتوماتتاندىرىپ ەگۋدى، باسقارۋدى، ءۇزىپ الۋدى، تايلاۋدى جۇزەگە اسىردى“. لي ياڭ بىلاي دەدى: قازىر بۇل جابدىق پەن تەحنيكا 33 مەملەكەت پەن رايونعا ەكسپورت ەتىلدى، كاسىپ سالالانۋ دەڭگەيى مەن كولەمى دۇنيە ءجۇزى بويىنشا الدىڭعى ورىندا تۇرادى.
جاڭالىق اشۋ − دامۋعا جەتەكشىلىك ەتەتىن ءبىرىنشى قوزعاۋشى كۇش. فۋجيان ولكەسى جاڭالىق اشۋ ارقىلى دامۋعا قوزعاۋشىلىق ەتۋ ستراتەگياسىن ىشكەرىلەي اتقارىپ، كاسىپورىندى نەگىزگى تۇلعا، بازاردى جەتەكشى ەتكەن، ءوندىرۋ، وقىتۋ، زەرتتەۋ ءوزارا ۇشتاستىرىلعان تەحنيكالىق جاڭالىق اشۋ جۇيەسىن كۇش سالا قۇردى.
بىلتىر 8 - ايدا جۇڭگو بىلعارى جانە اياق كيىم ونەركاسىبىن زەرتتەۋ ورنى (جينجياڭ) شەكتى سەرىكتەستىگى (تومەندە قىسقاشا ”جينجياڭ زەرتتەۋ ورنى“ دەلىنەدى) باس بولىپ قۇرعان فۋجيان ولكەسىنىڭ جوعارى دەڭگەيلى جاسىل اياق كيىم جانە كيىم - كەشەك جاساۋ كاسىبىندە جاڭالىق اشۋ ورتالىعى ولكە دارەجەلى جاساۋ كاسىبىندە جاڭالىق اشۋ ورتالىعىنا تاڭدالدى.
”جاڭالىق اشۋ ورتالىعى ’سەرىكتەستىك + وداق‘ ۇلگىسى بويىنشا، جينجياڭ زەرتتەۋ ورنىن باستاماشى ورىن جانە شارۋاشىلىق سەرىكتەستىگى ەتىپ، انتا سياقتى اياق كيىم، كيىم - كەشەك سالاسى تىزبەگىندەگى ابزالدىققا يە كاسىپورىندارمەن بىرلەسىپ، سونداي - اق جۇڭگو توقىماشىلىق مەكەمەسى حايشي زەرتتەۋ ورنى سياقتى ورىندارمەن، تەكسەرۋ - ولشەۋ، كۋالاندىرۋ قۇرىلىمدارىمەن جانە كاسىپتىك ۇيىمدارمەن بىرلەسىپ قۇرىپ، شەشۋشى جالپىلىق سيپاتتى تەحنيكالىق تاقىرىپتاردى زەرتتەۋدى ءتۇيىندى تۇردە ورىستەتتى، بىلتىر 600 دەن استام كاسىپورىنعا قىزمەت وتەدى“دەدى جينجياڭ زەرتتەۋ ورنىنىڭ جاۋاپتىسى ۋاڭ ۋىنچي.
كاسىپ سالاسىن دامىتۋداعى تەحنيكالىق قيىن ماسەلەلەردى شەشۋ ءۇشىن، تاياۋداعى 5 جىلدان بەرى فۋجيان ولكەسى 105 عىلىم - تەحنيكالىق كەلەلى ارناۋلى نىساندى اتقاردى. نيڭدى شىداي سەرىكتەستىگى جاڭا بۋىن ناتري يوندى باتەريا زەرتتەپ جاسادى، شىڭنۇڭ توبى باييۇي سويىس تاۋىعىن ءساتتى جەتىلدىردى، جاۋيۋان فوتوەلەكترى تۇتاس ءتۇستى جوعارى كەسكىن ەلەمەنتى تىعىزدىعىنداعى Micro LED چيپىنەن قامال الدى... ءبىر توپ شەشۋشى تەحنيكالىق زەرتتەۋ نىسانىندا تىڭ ىلگەرىلەۋشىلىكتەرگە قول جەتتى، ءبىر توپ كەلەلى عىلمي زەرتتەۋ جەتىستىگى تياناقتانىپ كادەگە جاراتىلدى.
”13 – بەس جىلدىق“ كەزىندە فۋجيان ولكەسىنىڭ تۇتاس قوعامدىق زەرتتەۋ – اشۋ ۇسىنىلىمى جىلىنا ورتا ەسەپپەن ٪18.4 ارتىپ، بۇكىل ەلدىڭ ورتاشا ورەسىنەن 6.2 پايىز جوعارى بولدى. فۋجيان ولكەسىندەگى مەملەكەتتىك جوعارى، جاڭا تەحنيكالىق كاسىپورىنداردىڭ جالپى سانى بىلتىر 10 مىڭنان اسىپ، 2017 - جىلداعىنىڭ 3.27 ەسەسىندەي بولدى.
ساۋدا ورتاسىن ۇزدىكسىز ساپالىلاندىردى
”شيامىننىڭ تاماشا شارۋاشىلىق - ساۋدا ورتاسى حالىقتىق كاسىپورىنداردىڭ جەدەل دامۋىنا شارت - جاعداي ازىرلەدى“ دەدى حايچىن ەنەرگيا ساقتاۋ باتەرياسى دامۋ شەكتى سەرىكتەستىگىنىڭ باس ديرەكتورى ۋاڭ پىڭچىڭ.
2019 - جىلى 12 - ايدا حايچىن ەنەرگيا ساقتاۋ باتەرياسى توبى تىركەلىپ قۇرىلدى؛ 2020 - جىلى 11 - ايدا ليتي ەلەكترىن زەرتتەۋ - اشۋ جانە زەردەلى جاساۋ نىسانى ىرگە قالادى؛ 2021 - جىلى 10 - ايدا ليتي ەلەكترىن زەردەلى جاساۋ ءوندىرىس جەلىسى رەسمي وندىرىسكە قوسىلدى؛ 2022 - جىلى حايچىن ەنەرگيا ساقتاۋ باتەرياسى توبى باتەريادا ”قوس بىرىنشىلىكتى“ جۇزەگە اسىردى: جۇڭگونىڭ ەلەكتر ەنەرگياسى ەنەرگيا ساقتاۋ باتەرياسىن تاپسىرۋ تۇرىندە ءبىرىنشى ورىندا، شىعارىلاتىن زات مولشەرىنىڭ ارتۋىندا ءبىرىنشى ورىندا تۇردى.
فۋجيان ولكەلىك پارتكوم، ولكەلىك ۇكىمەت مىنانى العا قويدى: ”ەكىدەن تيتتەي دە اۋىتقىماۋدى“ شىنايى تياناقتاندىرىپ، حالىقتىق كاسىپورىنداردىڭ ويلاعانىن ويلاپ، حالىقتىق كاسىپورىنداردىڭ اسىققانىنا اسىعىپ، قىسىلعاندا قارايلاساتىن، قيىنشىلىعىن شەشەتىن ناقتى ىستەردى كوبىرەك ىستەۋ كەرەك.
3 - ايدىڭ 15 - كۇنى مىڭ اۆتوموبيل نيڭدى پورت وتكەلى ساندۋ - اۋ پورت رايونىنىڭ جاڭۋان جۇمىس رايونى 7 - ءنومىرلى كەمەجايىنان ەكسپورت ەتىلدى. بۇل شاڭحاي اۆتوموبيل توبى نيڭدى بازاسىنىڭ تۇڭعىش رەت وسى پورتتا اۆتوموبيلدى تۇتاستاي ەكسپورت ەتۋى.
”نيڭدى جاساعان“ اۆتوكولىكتى تۇتاستاي پورتتان شىعارۋدى جۇزەگە اسىرۋ ءۇشىن، نيڭدى قالاسى جاڭا ەنەرگيالى اۆتوكولىك كاسىبى قىزمەت ارناۋلى توبى الدىن الا كىرىسىپ، ءوندىرىس، ساۋدا، زات اينالىمى كاسىپورىندارىمەن تالاي رەت بايلانىس جاسادى، سونىمەن بىرگە، كەدەن، تەڭىز ىستەرى، شەكارالىق تەكسەرۋ سياقتى 3 تەكسەرۋ تاراۋىن سايكەستىرىپ جان - جاقتى قىزمەت وتەپ، اۆتوكولىكتىڭ جاڭۋانداعى جۇمىس رايونىندا اينالمالى تيەپ ەكسپورت ەتۋ كاسىبىنىڭ ۇدايىلانۋىن جەبەدى. 5 – ايدىڭ 31 – كۇنىنە دەيىن شاڭحاي اۆتوموبيل توبى نيڭدى بازاسى وسى پورتتا جيىنى 4 مىڭعا جۋىق اۆتوموبيلدى تۇتاستاي ەكسپورت ەتتى.
قىزمەت وتەۋ تيبىندەگى ۇكىمەت قۇرىلىسىن ىشكەرىلەي ىلگەرىلەتىپ، ساۋدا ورتاسىن ۇزدىكسىز ساپالىلاندىرۋ فۋجياننىڭ ءار دارەجەلى ۇكىمەت تاراۋلارىنىڭ ارەكەت سانالىلىعىنا اينالدى. فۋجيان ولكە بويىنشا قورشاعان ورتانى قورعاۋدى تەكسەرىپ بەكىتۋدە ”4 دارەجەلى، 4 ۇقساس“ بولۋدى جۇزەگە اسىرىپ، ءتۇيىنى كوپ، كولەمى كەڭ، ۇقساس تۇردەگى حالىق تۇرمىسى نەگىزدىك قۇرىلعى نىساندارىنا ”كوتەرمەگە الۋ“ بويىنشا تەكسەرىپ بەكىتۋ جۇرگىزىپ، قالا جولدارى سياقتى 75 تۇردەگى نىساننىڭ قورشاعان ورتاعا ىقپالىن باعالاۋدى كەشىرىم ەتىپ، قورشاعان ورتاعا ىقپالدى باعالاۋدى تەكسەرىپ بەكىتۋ ۋاقىت شەگىن زاڭدا بەلگىلەنگەن ۋاقىت شەگىنىڭ %50 ىنە قىسقارتتى.
عىلمي زەرتتەۋ دارىندىلارىنىڭ ولقىلىعىن تولىقتاۋدى جەدەلدەتۋ ءۇشىن، فۋجيان ولكەلىك عىلىم - تەحنيكا مەڭگەرمەسى ءتۇيىندى مەكتەپتەر مەن عىلمي زەرتتەۋ ورىندارىنان عىلىم - تەحنيكا ارناۋلى قىزمەتكەرلەرىن تاڭداپ جىبەرىپ، حالىقتىق كاسىپورىنداردىڭ عىلمي زەرتتەۋدە قامال الۋىنا كومەكتەستى، قازىر ونەركاسىپ سالاسىنا جيىنى 8 مىڭ 600 دەن استام عىلىم - تەحنيكا ارناۋلى قىزمەتكەرىن تاڭداپ جىبەرىپ، قىزمەت وتەگەن كاسىپورىندارى 10 مىڭنان استى. 2022 – جىلى 12 –ايدا فۋجيان ولكەسى كاسىپ سالاسىنداعى ولكە دارەجەلى عىلىم – تەحنيكا ارناۋلى قىزمەتكەرلەرىن جىبەرۋ جۇمىسىن باستادى.
ىشكەرىلەي ۇيرەنىپ، ۇزدىك بولۋعا تالپىنىپ، ناقتى ىستەپ، ونىمدىلىككە قول جەتكىزۋدە فۋجيانداعى قالىڭ كادر - جۇرتشىلىق ”قۇلشىنۋ“ رۋحىمەن، ”اتوي سالۋ“ ارىنىمەن، ”شىنايى“ قايراتپەن ساپالى دامۋدى ىلگەرىلەتۋدە اناعۇرلىم زور ناتيجەگە قول جەتكىزدى.
(«حالىق گازەتىنىڭ» تىلشىلەرى ۋىڭ يۇيفەي، ۋاڭ جيڭدي، جاڭ بولان تىلشىلىككە قاتىناستى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
