حان جىڭ 11 - كەزەكتى دۇنيە جۇزىلىك بەيبىتشىلىك تالقى مىنبەرىنىڭ اشىلۋ سالتىنا قاتىناستى ءارى ءسوز سويلەدى
2023.07.03 16:33 كەلۋ قاينارى : حالىق تورابى
«حالىق گازەتى»، 7 - ايدىڭ 2 – كۇنى، بەيجيڭ (ءتىلشى حان شياۋميڭ). مەملەكەت ءتوراعاسىنىڭ ورىنباسارى حان جىڭ 7 - ايدىڭ 2 – كۇنى چيڭحۋا داشۋەسىندە 11 - كەزەكتى دۇنيە جۇزىلىك بەيبىتشىلىك تالقى مىنبەرىنىڭ اشىلۋ سالتىنا قاتىناستى جانە ءسوز سويلەدى. جاڭا اشۋ بانكەسىنىڭ باستىعى، برازيليانىڭ بۇرىنعى زۇڭتۇڭى روسوف، رەسەيدىڭ بۇرىنعى فەدەراتسيالىق حاۋىپسىزدىك كەڭەسىنىڭ حاتشىسى يۆانوۆ، يندونەزيانىڭ بۇرىنعى سىرتقى ىستەر مينيسترى ۆيلايودا قاتارلى شەتەلدىڭ بۇرىنعى ساياسي قايراتكەرلەرى، ءار ەلدىڭ جۇڭگودا تۇراتىن ەلشىلەرى، مامان – وقىمىستىلار قاتارلى 400 دەن استام ادام قاتىناستى.
حان جىڭ مىنالاردى ءبىلدىردى: حالىقارالىق جاعدايدىڭ تەرەڭ وزگەرىسىنە مەڭزەس، ءتوراعا شي جينپيڭ دۇنيە جۇزىلىك دامۋ باستاماسى، دۇنيە جۇزىلىك حاۋىپسىزدىك باستاماسى، دۇنيە جۇزىلىك وركەنيەت باستاماسى سياقتى ءبىرقىدىرۋ كەلەلى باستامانى العا قويىپ، ادامزاتتىڭ تاعدىرلاس ورتاق تۇلعاسىن قۇرۋ يدەياسىنىڭ مازمۇنى مەن امالياتتىق جولىن ۇزدىكسىز بايىتىپ، ادامزات ءدوپ كەلىپ وتىرعان ورتاق ماسەلەلەردى شەشۋگە جۇڭگو اقىل - پاراساتىن، جۇڭگو جوباسىن ارناپ، دۇنيە ءجۇزىنىڭ بەيبىت دامۋىنا پارمەندى وڭ ەنەرگيا ۇستەدى. جۇڭگو ءار ەلمەن بىرگە دۇنيە ءجۇزىنىڭ بەيبىتشىلىگىن، حاۋىپسىزدىگىن بىرگە قورعاپ، دۇنيە ءجۇزىنىڭ دامۋىن، گۇلدەنۋىن بىرگە قاراستىرىپ، وركەنيەتتەردىڭ اۋىس - كۇيىسىن، ءوزارا ۇلگى الۋىن بىرگە دارىپتەپ، ادامزاتتىڭ دامۋ، حاۋىپسىزدىك، وركەنيەت جەتىستىكتەرىنەن بىرگە يگىلىكتەنۋدى قالايدى. حان جىڭ 4 ءتۇيىندى ۇسىنىس قويدى.
ءبىرىنشى، دەربەس، ءوز - وزىنە قوجا بولۋدا، ءوزارا قۇرمەت ەتۋدە تاباندى بولۋ. بارلىق دەربەس، ءوز - وزىنە قوجا بولىپ، دەموكراتيالىق دامۋ جولىن قاراستىرۋ قۇلشىنىسىن قولداۋ، تۇرلىشە ەل حالقىنىڭ قۇندى جۇزەگە اسىرۋ جولى جونىندەگى ىزدەنىسىنە قۇرمەت ەتۋ كەرەك. ادامزاتتىڭ ساياسي وركەنيەتىنىڭ ۇزدىكسىز دامۋىن، العا باسۋىن ىلگەرىلەتىپ، اركىم ءوز كوركەمدىگىن ايگىلەيتىن، كوركەمدىكتەن بىرگە يگىلىكتەنەتىن تاماشا دۇنيە ءجۇزىن قۇرۋ كەرەك.
ەكىنشى، قاقتىعىستى پىكىرلەسۋ، كەڭەسۋ ارقىلى شەشۋ. حالىقارالىق قوعام، اسىرەسە، ىقپالدى ءىرى ەلدەر تۋدى ايقىن ۇستاي وتىرىپ ىسكە قاتىستى ەلدەردىڭ قاجەتى مەن تىلەگىنە قاراي تاتۋلاستىرۋ، كەڭەسۋدى جەبەۋى، پىكىرلەسۋ ارقىلى ءوزارا سەنىمدىلىكتى، پىكىرلەسۋ ارقىلى تالاس - تارتىستى شەشۋى، تىلدەسۋ ارقىلى حاۋىپسىزدىكتى جەبەۋى كەرەك.
ءۇشىنشى، كوپ جاقتىلىقتى امالياتتا ايگىلەۋدى باتىل قورعاۋ. تۇرعى مەن ساياساتتى ءىستىڭ دۇرىس - بۇرىستىعىنا قاراي بەلگىلەۋدە تاباندى بولىپ، بۇكىل دۇنيە جۇزىلىك جونگە سالۋدىڭ اناعۇرلىم ءادىل، ۇيلەسىمدى باعىتقا قاراي دامۋىن ىلگەرىلەتۋ كەرەك.
ءتورتىنشى، سيىسىمدى، جالپىعا ءتيىمدى، ءوزارا ءتيىمدى، تەڭ يگىلىككە كەنەلۋدى ىلگەرىلەتۋ. دۇنيە جۇزىلىك دامۋدىڭ تەپە - تەڭ، سايكەستى، سيىسىمدى جاڭا كەزەڭگە قادام تاستاۋىن بىرگە ىلگەرىلەتىپ، حالىقارالىق دامۋ سەلبەستىگىن جەبەپ، ات سالىسقان ەلدەر حالىقتارىنىڭ ىرىس – قۇتىن ارتتىرىپ، دۇنيە ءجۇزى بەيبىتشىلىگىنىڭ قوعامدىق نەگىزىن بەكەمدەۋ كەرەك.
حان جىڭ بىلاي دەپ دارىپتەدى: جۇڭگو ۇلگىسىندەگى وسىزامانداندىرۋ − بەيبىت دامۋ جولىمەن جۇرگەن وسىزامانداندىرۋ. جۇڭگو بۇلجىماستان دۇنيە ءجۇزى بەيبىتشىلىگىنىڭ دارىپتەۋشىسى، قۇرۋشىسى جانە قورعاۋشىسى بولادى، دۇنيە جۇزىندەگى بەيبىتشىلىكتى سۇيەتىن، دامۋعا كۇش سالاتىن بارلىق مەملەكەتپەن قول ۇستاسا بىرگە ءجۇرىپ، ءبىر جاعادان باس، ءبىر جەڭنەن قول شىعارىپ، باياندى بەيبىتشىلىك پەن جاپپاي حاۋىپسىزدىككە قادام تاستاۋدىڭ داڭعىل جولىمەن ءجۇرىپ، بەيبىتشىلىكتىڭ الاۋىن ۇرپاقتان - ۇرپاققا جالعاستىرۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
