«كوكەيگە قونىمدى سوزدەر − شي جينپيڭ ۇناتاتىن قاناتتى سوزدەردىڭ» 2 – ءبولىمى افريكادا تاراتىلا باستادى
2023.08.21 16:54 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 20 – كۇنى، يوحاننەسبۋرگ (ءتىلشى شيە جياڭ). جۇڭگونىڭ مەملەكەت ءتوراعاسى شي جينپيڭنىڭ بريكس ەلدەرى باسشىلارىنىڭ 15 - رەتكى كەزدەسۋىنە قاتىناسۋى ءارى وڭتۇستىك افريكادا مەملەكەتتىك ساپاردا بولۋى قارساڭىندا ورتالىق راديو - تەلەۆيزيا باس ستانسياسى جاساعان «كوكەيگە قونىمدى سوزدەر − شي جينپيڭ ۇناتاتىن قاناتتى سوزدەردىڭ» 2 – ءبولىمىنىڭ اعىلشىن ءتىلى، فرانسۋز ءتىلى، اراب ءتىلى، حاۋسا ءتىلى، سۋاحيل ءتىلى سياقتى كوپ تىلدەگى نۇسقالارىن جاريالاۋ سالتى 8 - ايدىڭ 20 - كۇنى يوحاننەسبۋرگتە وتكىزىلدى. باعدارلاما بۇگىننەن باستاپ افريكاداعى 38 مەملەكەتتىڭ نەگىزگى اقپارات قۇرالدارىندا تاراتىلدى.
وڭتۇستىك افريكا افريكالىقتار حالىقتىق كەڭەسى ءتوراعاسىنىڭ ورىنباسارى، وڭتۇستىك افريكا زۇڭتۇڭىنىڭ ورىنباسارى ماشاتيل، وڭتۇستىك افريكا حالىقتىق پارلامەنتى باستىعىنىڭ ورىنباسارى تسەنولي جەكە - جەكە جازباشا جانە بەينە ەكران ءسوزىن سويلەپ، «كوكەيگە قونىمدى سوزدەر − شي جينپيڭ ۇناتاتىن قاناتتى سوزدەردىڭ» 2 – ءبولىمىنىڭ افريكادا تاراتىلعانىن قۇتتىقتاپ، ءبىر اۋىزدان بىلاي دەپ قارادى: باعدارلامانىڭ تاراتىلۋى افريكاداعى ءار ەلدىڭ ءتوراعا شي جينپيڭنىڭ ەل باسقارۋ اقىل - پاراساتىن سەزىنىپ، جاڭا داۋىردەگى جۇڭگونىڭ وزگەرىسىنىڭ سەبەبىن تۇسىنۋىندە ماڭىزدى رول اتقارادى. ج ك پ ورتالىق كوميتەتى ۇگىت ءبولىمى باستىعىنىڭ ورىنباسارى، ورتالىق راديو - تەلەۆيزيا باس ستانسياسىنىڭ باستىعى شىن حايشيۇڭ، وڭتۇستىك افريكا زۇڭتۇڭ سارايىنىڭ ايەلدەر، جاستار جانە مۇگەدەكتەردى قامتاماسىزداندىرۋ ءبولىمىنىڭ باستىعى دراميني زۋما، جۇڭگونىڭ وڭتۇستىك افريكادا تۇراتىن باس ەلشىسى چىن شياۋدۇڭ، افريكالىقتار حالىقتىق كەڭەسىنىڭ الەۋمەتتىك قارىم - قاتىناس ءتوراعاسى حوزا، افريكا راديو وداعىنىڭ باس اتقارۋشى ءمانساپتىسى جاكا، وڭتۇستىك افريكانىڭ بريكس ەلدەرى ىستەرىن سايكەستىرۋشىسى سۋكلار، جۇڭگونىڭ يوحاننەسبۋرگتە تۇراتىن باس كونسۋلى تاڭ جۇڭدۇڭ، وڭتۇستىك افريكا راديو سەرىكتەستىگىنىڭ باس اينالىم ءمانساپتىسى پراجەس قاتارلىلار قيمىلعا قاتىناستى.
«كوكەيگە قونىمدى سوزدەر − شي جينپيڭ ۇناتاتىن قاناتتى سوزدەردىڭ» 2 – بولىمىندە ءتوراعا شي جينپيڭنىڭ ماڭىزدى سوزدەرىندە، ماقالالارىندا، اڭگىمەسىندە سيتاتقا كەلتىرىلگەن جۇڭگونىڭ بايىرعى كىتاپتارى مەن كلاسسيكالىق شىعارمالارىنداعى ايگىلى سوزدەر دەن قويا تاڭداپ الىنىپ، ءتوراعا شي جينپيڭنىڭ مول مازمۇندى مادەنيەت مايەگى جانە حالىقتى بارىنەن جوعارى قوياتىن، الەم اياسىن ءبىر شاڭىراق سانايتىن تەرەڭ سۇيىسپەنشىلىگى جاندى بەينەلەنىپ، جۇڭحۋا وركەنيەتىنىڭ وزگەشە رۋحاني بەلگىسى، جاڭا داۋىرلىك ءمانى جانە جاھاندانۋ قۇنى سۇرىپتاپ ءتۇسىندىرىلىپ، تىڭدارمانداردى جۇڭگو مادەنيەتىن، جۇڭگو پاراساتىن، جۇڭگو رۋحىن اناعۇرلىم جاقسى ءتۇسىنىپ، جاڭا داۋىردەگى جۇڭگونىڭ سەنىمدى، سۇيىكتى، قاستەرلى قاسيەتىن سەزىنۋگە باستاپ، جاڭا داۋىردەگى جۇڭگونى جونگە سالۋىنىڭ تابىستى بولۋىنىڭ كىلتى مەن جۇڭگو ۇلگىسىندەگى وسىزامانداندىرۋدىڭ رۋحاني قاينارىن سەزىندىرەدى.
«كوكەيگە قونىمدى سوزدەر − شي جينپيڭ ۇناتاتىن قاناتتى سوزدەردىڭ» 2 – ءبولىمى اعىلشىن ءتىلى، فرانسۋز ءتىلى، اراب ءتىلى، حاۋسا ءتىلى، سۋاحيل ءتىلى سياقتى كوپ تىلگە اۋدارىلىپ، وڭدەلىپ، 8 - ايدىڭ 20 - كۇنىنەن باستاپ وڭتۇستىك افريكا، كەنيا، نيگەريا قاتارلى 38 افريكا مەملەكەتىنىڭ 62 نەگىزگى اقپارات قۇرالىندا تاراتىلدى. بريكس ەلدەرى باسشىلارىنىڭ 15 - رەتكى كەزدەسۋى كەزىندە «كوكەيگە قونىمدى سوزدەر − شي جينپيڭ ۇناتاتىن قاناتتى سوزدەردىڭ» 2 – ءبولىمىنىڭ ءۇندى، تاميل تىلدەرىندەگى نۇسقالارى دا ءۇندىستاننىڭ نەگىزگى اقپارات قۇرالدارىندا تاراتىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
