ەلىمىزدىڭ ەسەپتەۋ قۋاتىنىڭ جالپى كولەمى 5 جىلعا تاياۋ ۋاقىتتان بەرى جىلىنا ورتا ەسەپپەن %30 كە تاياۋ ارتىپ وتىردى (جاڭا ساندى مالىمەت، جاڭا ءتۇيىن)
2023.08.21 16:55 كەلۋ قاينارى : حالىق تورابى
«حالىق گازەتى»، 8 - ايدىڭ 20 – كۇنى، بەيجيڭ (تىلشىلەر ۋاڭ جىڭ، ليۋ شين). بىرنەشە كۇننىڭ الدىندا جۇڭگو ەسەپتەۋ قۋاتى جينالىسىنان ۇعىسۋىمىزشا، تاياۋ جىلداردان بەرى ەسەپتەۋ قۋاتى نەگىزدىك قۇرىلعىلار قۇرىلىسىن جەدەلدەتۋدى وزەك ەتكەن ەلىمىز ءبىرقىدىرۋ ماڭىزدى ساياساتتىق شارا شىعارىپ، ءبىر توپ كەلەلى ينجەنەريالىق نىساندى اتقارعان. قازىرگە دەيىن ەلىمىزدىڭ ەسەپتەۋ قۋاتىنىڭ جالپى كولەمى دۇنيە ءجۇزى بويىنشا 2 - ورىنعا شىعىپ، تاياۋداعى 5 جىلدا جىلدىق ورتاشا ارتۋ قارقىنى %30 كە تاياعان.
بيىل 6 - ايدىڭ سوڭىنا دەيىن بۇكىل ەل بويىنشا ساندى مالىمەت ورتالىعى سورەسىنىڭ جالپى كولەمى 7 ميلليون 600 مىڭ ولشەمدى سورەدەن اسىپ، ەسەپتەۋ قۋاتىنىڭ جالپى كولەمى سەكۋندىنا 197Exascale گە جەتىپ، ساقتاۋ قۋاتىنىڭ جالپى كولەمى 1080 اي بايتتان اسقان. ەسەپتەۋ تورابى ءتۇيىنىن ارقاۋ ەتىپ، 130 نەگىزگى جەلى وپتيكالىق كابەلى سالىنىپ، ساندى مالىمەتتەردى جەتكىزۋ قۋاتى بارىنشا جاقسارعان.
كاسىپ تىزبەگى كەڭەيىپ، ەسەپتەۋ قۋاتى ەكولوگياسى ساپالىلاندى. ەلىمىزدىڭ ەسەپتەۋ قۋاتى كاسىپ تىزبەگى العاشقى ادىمدا كولەم قالىپتاستىرىپ، ەسەپتەۋ قۋاتى نەگىزدىك قۇرىلعىسى، تۇعىرى، قىزمەت وتەۋى، اينالىم قۋاتى ۇزدىكسىز جوعارىلاپ، كاسىپ سالاسى ەكولوگياسى ۇزدىكسىز ساپالىلاندى. تۇتاس ماشينامەن قامداۋ قۋاتى الدىڭعى ورىندى ساقتادى، امبەباپ قىزمەت وتەگىشتىڭ، جيەكتىك قىزمەت وتەگىشتىڭ قابىلەتى جوعارىلادى، ەلىمىزدە وندىرىلگەن ايگىلى ماركالى قىزمەت وتەۋىشتىڭ باسەكەلىك قۋاتى ۇزدىكسىز كۇشەيدى، قىزمەت وتەۋىش، كومپيۋتەر، زەردەلى قول تەلەفون سياقتى ەسەپتەۋ تۇرىندەگى ونىمدەردىڭ ءونىم مولشەرى دۇنيە ءجۇزى بويىنشا ءبىرىنشى ورىندى يەلەدى، جوعارى ەسەپتەۋ قۋاتى بار چيپتەردىڭ ساپاسى جەدەل جوعارىلادى، ءبىر توپ كاسىپتىك تىرەكتى كاسىپورىن تولىسا ءتۇستى.
ەسەپتەۋ قۋاتى مىعىم كۇش - قۋات توپتاپ، توعىسپالى قولدانىس جەدەل جارىققا شىقتى. سيفرلى ۇكىمەت، ونەركاسىپ ينتەرنەتى، اۆتوماتتى كولىك جۇرگىزۋ، زەردەلى ەمدەۋ... ەسەپتەۋ قۋاتى قارقىنىنىڭ تەزدەۋىنە بايلانىستى ۇكىمەت ىستەرى، ونەركاسىپ، قاتىناس، ەمدەۋ سياقتى كاسىپتەرگە، سالالارعا قاراي كەڭەيىپ، زات تورابى، ءىرى ساندى مالىمەت، جاساندى زەردە سياقتى ناقتى ەكونوميكامەن ونان ارى توعىسا دامىپ، جاڭا تەحنيكا، جاڭا ۇلگى، جاڭا كاسىپ كۇيىن ۇزدىكسىز تۋىنداتىپ، ءار سالا، ءار كاسىپتىڭ سيفرلانۋدى تەزدەتۋىنە، زەيىندەنۋ نەگىزىندە تيپتە بۇرىلىس جاساۋىنا دەم بەردى.
ونەركاسىپ جانە ينفورماتسيالاندىرۋ مينيسترلىگىنىڭ قاتىستى جاۋاپتىسى مىنانى ءبىلدىردى: كەلەسى قادامدا نەگىزدىك قۇرىلعىلاردىڭ ورنالاسۋىن ساپالىلاندىرىپ، بۇكىل ەل بويىنشا ءبىر تۇلعالانعان ەسەپتەۋ قۋاتى مەملەكەتتىك تورابىن جەدەل قۇرىپ، ساندى مالىمەت ورتالىعىن كۇش سالا قالىپتاستىرىپ، شىعىس، باتىس بولەكتەردىڭ جوعارى ونىمدىلىكپەن ءبىرىن - ءبىرى تولىقتاۋىن، سەلبەسىپ ارەكەتتەنۋىن جەبەيمىز؛ شەشۋشى تەحنيكالاردان قامال الۋدى جەدەلدەتىپ، كاسىپ سالاسىنداعى جەتەكشى كاسىپورىندارىنىڭ جەتەكتەۋ رولىن تولىق ساۋلەلەندىرىپ، ەسەپتەۋ، توراپ، ساقتاۋ سياقتى شەشۋشى بۋىنداردى ارقاۋ ەتىپ، عىلىم - تەحنيكا كۇشتەرىن توپتاپ، زەرتتەۋ - اشۋعا ۇسىنىلىمدى ارتتىرىپ، كاسىپ سالاسى تىزبەگىنىڭ جوعارعى - تومەنگى بۋىنىنداعى كاسىپورىنداردى ءونىمدى ۇشتاسۋعا، توعىسا دامۋعا جەتەكتەيمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
