مىندەت اتقارىپ، جاۋاپكەرلىكتى ادا ەتىپ، كۇش سالا سەلبەسىپ، تياناقتاندىرۋدى مىقتى يگەردى
− تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ قىزمەتتەرى باستان - اياق بايىپتىلىقپەن جاقسى ىستەلدى
«حالىق گازەتىنىڭ» تىلشىلەرى
2023.08.21 16:58 كەلۋ قاينارى : حالىق تورابى
ج ك پ ورتالىق كوميتەتى ساياسي بيۋروسىنىڭ تۇراقتى كوميتەتى 8 - ايدىڭ 17- كۇنى ءماجىلىس اشىپ، تاسقىننان ساقتانىپ، اپاتتان قۇتقارۋ جانە اپاتتان كەيىنگى قالپىنا كەلتىرۋ، قايتا قۇرۋ قىزمەتىن اقىلداستى جانە ورنالاستىردى. ءماجىلىس مىنالاردى اتاپ كورسەتتى: ”7 - ايدىڭ سوڭى، 8 - ايدىڭ باسى − تاسقىننان ساقتاناتىن شەشۋشى مەزگىل، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءار دارەجەلى پارتكومدار مەن ۇكىمەتتەر ۇيىمدىق باسشىلىقتى كۇشەيتىپ، جاۋاپكەرلىكتى قاتاڭ تياناقتاندىردى، مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابى، قاتىستى تاراۋلار مەن ورىندار مىندەتىن وتەپ، جاۋاپكەرلىگىن ادا ەتىپ، تىزە قوسا سەلبەسىپ، مەملەكەتتىك امبەباپ ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ قوسىنى اتويلاپ الدا ءجۇرىپ، ازاتتىق ارميا، قارۋلى ساقشى بولىمدەرى شۇعىل كومەككە اتتانىپ، ورتالىق كاسىپورىندارى مەن قوعامدىق كۇشتەر ماڭىزدى مىندەتتى باتىل ارقالاپ، قالىڭ حالىق بۇقاراسى قيىن - قىستاۋ شاقتاردى بىرگە وتكىزىپ، تاسقىننان ساقتانۋدىڭ، اپاتتان قۇتقارۋدىڭ، مەكەندى قورعاۋدىڭ بەرىك قورعانىس شەبىن بىرگە قۇرىپ، تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ كۇرەسىندە كەلەلى كەزەڭدىك جەتىستىككە قول جەتكىزدى“.
قازىر ەلىمىز ءالى دە باستى تاسقىن مەزگىلىندە تۇر، بۇكىل ەلدىڭ كوپتەگەن جەرىندە نوسەر، تاسقىن، تايفىڭ داۋىلى سياقتى اپاتتار ءالى دە ءجيى تۋىلۋدا، ءىشىنارا الاپتاردا تاسقىن اپاتىنىڭ حاۋىپ - قاتەرى ءالى دە ورىن تەۋىپ وتىر. ءماجىلىس مىنانى دارىپتەدى: قاتىستى وڭىرلەر، تاراۋلار جانە ورىندار تاسقىننان ساقتانۋ، اپاتتان قۇتقارۋ سىندى وسى ارقاۋدى قاي - قاشان دا مىقتاپ شيراتىپ، حالىقتىڭ ءومىرى مەن مال - مۇلكىنىڭ حاۋىپسىزدىگىن باستان - اياق ءبىرىنشى ورىنعا قويىپ، ”قاي - قاشان دا قام جەپ تۇراتىن“ جاۋاپكەرلىك سەزىممەن تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ قىزمەتتەرىن باستان - اياق تىڭعىلىقتى، ويداعىداي ىستەۋى كەرەك.
باستاما جىلدى تياناق ەتىپ، تاسقىن اپاتىنان ساقتانىپ، اۋىر اپاتقا قارسى اتتانۋدىڭ ماڭىزى ءتىپتى دە زور. مەملەكەتتىك تاسقىننان ساقتانۋ باس قولباسشىلىق شتابى، قاتىستى تاراۋلار جانە ورىندار ج ك پ ورتالىق كوميتەتى ساياسي بيۋروسى تۇراقتى كوميتەتى ءماجىلىسىنىڭ رۋحىن باتىل دايەكتىلەندىرىپ، تياناقتاندىرىپ، قىزمەت جاۋاپكەرلىگىن ادا ەتىپ، تىزە قوسا سەلبەسىپ، تياناقتاندىرۋدى مىقتى يگەرىپ، تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ جانە اپاتتان كەيىنگى قالپىنا كەلتىرۋ، قايتا قۇرۋ قىزمەتتەرىن شىنايى جاقسى ىستەپ، جوعارى دەڭگەيلى حاۋىپسىزدىك ارقىلى ساپالى دامۋدى قامتاماسىز ەتتى.
اپاتتان كەيىنگى قالپىنا كەلتىرۋ، قايتا قۇرۋدى بار كۇشپەن جەدەلدەتىپ، حالىقتىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىز ەتتى
ولشەۋ، سۋرەتكە الۋ، سالىستىرۋ... تاڭەرتەڭ ەرتە حىبەي ولكەسى لاڭفاڭ قالاسى دۇڭياڭجۋاڭ اۋىلى چيۋجۋاڭزى قىستاعىندا ءبىر - بىرلەپ تەكسەرىپ - ساراپشى جاۋ كى تەكسەرىپ تىزىمگە الۋمەن قاربالاس بولدى. لاڭفاڭ قالاسى اپاتتان كەيىنگى قايتا قۇرۋ قىزمەتىن باستاپ، ۇيلەردىڭ حاۋىپسىزدىك جاعدايىن جاپپاي ۇعىستى.
حىبەي ولكەسى حاندان قالاسى يۇڭنيان رايونىنداعى استىق ەگەتىن ءىرى وتباسىنىڭ مۇشەسى جاۋ شياۋبو بىلاي دەدى: ”بىرنەشە كۇننەن بەرى ءونىم بەرۋدەن قالعان جەرلەرگە تەز وسەتىن كوكونىس ەكتىك، اپاتقا ۇشىراۋى جەڭىل جەرلەر ’ءبىردى بۇركىپ، ۇشتەن ساقتانۋدى‘ مىقتى يگەردى. يۇڭنيان رايوندىق اۋىل شارۋاشىلىعى، اۋىل - قىستاق مەكەمەسى اپاتقا ۇشىراعان بۇقارانىڭ ىركىلگەن سۋدى تەز ارادا ىعىستىرىپ، زياندى مۇمكىندىكتىڭ بارىنشا ازايتۋىنا جەتەكشىلىك ەتتى“.
تاسقىن قايتتى، جولدار بار كۇشپەن ىركىلىسسىزدەندىرىلدى، قىستاقتار حابارلاسۋدى قالپىنا كەلتىردى، ەگىس اتىزدارى جەدەل جوندەلدى، اپاتقا ۇشىراعان وڭىرلەردىڭ ءوندىرىس، تۇرمىس ءتارتىبى جەدەل قالپىنا كەلدى.
قاتىستى تاراۋلار مەن ورىندار ج ك پ ورتالىق كوميتەتى ساياسي بيۋروسى تۇراقتى كوميتەتى ءماجىلىسىنىڭ رۋحىن دايەكتىلەندىرىپ، تياناقتاندىرىپ، باستان - اياق ارقاۋدى مىقتاپ شيراتىپ، بوساڭسىماي، جاپپاي تەكسەرىپ، ءتۇيىندى كورنەكتىلەندىرىپ، ءبىر تۇتاس جوسپارلاپ، تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ قىزمەتتەرىن ۇزدىكسىز ويداعىداي ىستەپ، اپاتتان كەيىنگى قالپىنا كەلتىرۋ، قايتا قۇرۋدى بار كۇشپەن جەدەلدەتتى.
− اپاتتان كەيىنگى قايتا قۇرۋ تارتىپپەن ىلگەرىلەتىلدى.
تاياۋدا مەملەكەتتىك دامۋ جانە رەفورما كوميتەتى اپاتتان كەيىنگى قالپىنا كەلتىرۋ، قايتا قۇرۋدىڭ ساپالى جالپى جوباسىن جاساۋدى مىقتى يگەرىپ، ءبىرىڭعاي، ءبىر تۇتاس جوسپارلاۋدى قايتا قۇرۋ قىزمەتىنە باستان - اياق ءسىڭىرىپ، قالا - اۋىل تۇرعىندارىنىڭ تۇرعىن ءۇي، الەۋمەتتىك قىزمەت وتەۋ قۇرىلعىلارى، كەلەلى نەگىزدىك قۇرىلعىلار سياقتى سالالارداعى اپاتتان كەيىنگى قالپىنا كەلتىرۋ، قايتا قۇرۋ مىندەتىن تىڭعىلىقتى ورىنداۋدى العا قويدى.
مەملەكەتتىك كەڭەستىڭ مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى ورتالىق كاسىپورىنداردى اپات اۋىر بولعان رايونداردا قاتەردەن اراشالاپ، اپاتتان قۇتقارۋعا قاتىناسۋعا ۇيىمداستىرىپ، جيىنى 420 مىڭ ادام – رەت جۇمىلدىرىپ، 140 مىڭ رەت اۆتوموبيل، جابدىقتى ىسكە قوستى. كەلەسى قادامدا مەملەكەتتىك كەڭەستىڭ مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى ورتالىق كاسىپورىندارىنىڭ كۇشىن اناعۇرلىم تولىق جۇمىلدىرىپ، تاسقىننان ساقتانۋ، تاسقىنعا قارسى اتتانۋ، قاتەردەن اراشالاۋ، اپاتتان قۇتقارۋ، قالپىنا كەلتىرۋ، قايتا قۇرۋ سياقتى قىزمەتتەردى ويداعىداي ىستەيدى.
− اپاتتان قۇتقارۋ قارجىسى شۇعىل بوساتىلدى.
اۋىل شارۋاشىلىعىنىڭ اپاتتان ساقتانۋ، اپات زيانىن ازايتۋ جانە سۋ يگىلىگى، اپاتتان قۇتقارۋ قارجىسى 3 ميلليارد 830 ميلليون يۋان، تاسقىن ىركۋ وڭىرلەرىنىڭ تولەم قارجىسى ءبىر ميلليارد يۋان، تاس جولداردىڭ شۇعىل جوندەۋ قارجىسى 240 ميلليون يۋان... تاسقىننان ساقتانۋدىڭ شەشۋشى كەزەڭىنە وتكەننەن بەرى قازىنا مينيسترلىگى شۇعىل جاعدايعا توتەپ بەرۋدى باسقارۋ مينيسترلىگى، سۋ يگىلىگى مينيسترلىگى، اۋىل شارۋاشىلىعى، اۋىل - قىستاق مينيسترلىگى، قاتىناس - تاسىمال مينيسترلىگى قاتارلى تاراۋلارمەن بىرگە جەرگىلىكتى ورىنداردىڭ قاتەردەن اراشالاۋ، قۇتقارۋ جانە اپاتتان كەيىنگى قالپىنا كەلتىرۋ، قايتا قۇرۋ قىزمەتىن جاقسى ىستەۋىنە كومەكتەستى.
تاسقىن مەزگىلىنەن بەرى ورتالىق قازىنا تاسقىننان ساقتانىپ، اپاتتان قۇتقارۋعا جيىنى 9 ميلليارد 684 ميلليون يۋان قارجى ءبولىپ، اپات تۋىلعان ءوڭىردىڭ شۇعىل جاعدايعا توتەپ بەرۋ، قاتەردەن اراشالاۋ، قۇتقارۋ - كومەكتەسۋ، اپاتقا ۇشىراعان بۇقارانى قۇتقارۋ - كومەكتەسۋ، اۋىل شارۋاشىلىعى ءوندىرىسىن قالپىنا كەلتىرۋ، تاسقىننان بۇلىنگەن سۋ يگىلىگى قۇرىلعىلارىن جوندەۋ سياقتى قىزمەتتەرىنە پارمەندى قولداۋ كورسەتتى.
− تولەم بەرۋ ءتارتىبى ساپالىلاندىرىلىپ، ىقشامدالدى.
بەيجيڭ قالاسى فاڭشان رايونى، مىنتوۋگوۋ رايونى سياقتى اپات ءبىرشاما اۋىر جەرلەردە قامسىزداندىرۋ قۇرىلىمدارى ”ەسىك الدىنداعى تولەم بەرۋ قىزمەت وتەۋ پۋنكتىن“ قۇرىپ، كولىك يەلەرىن كۇدىك – كۇماننان ارىلتتى. حيلۇڭجياڭ ولكەسىنىڭ شاڭجى قالاسىندا، ۋچاڭ قالاسىندا قامسىزداندىرۋ قۇرىلىمدارى ۇشقىشسىز ۇشاقپەن تەكسەرۋ، جەر بەتىندە بارلاۋ جۇرگىزۋ ارقىلى اپاتقا ۇشىراعان ەگىنشىلەرگە تولەم بەرۋدىڭ جاسىل، تەز ارناسىن اشتى.
ءۇي، اۆتوموبيل، ەگىس داقىلدارى سياقتى ءتۇرلى مال - مۇلىك زيانىنا قاراتا قالاي تولەم بەرۋ جۇرت نازارىن اۋداردى. مەملەكەتتىك فينانستى باقىلاۋ - باسقارۋ باس مەكەمەسى تاياۋدا «قامسىزداندىرۋ، الدىن الا تولەم بەرۋ تەبىنىن ارتتىرىپ، تاسقىننان ساقتانۋ، اپاتتان قۇتقارۋ، قامسىزداندىرۋ، تولەم بەرۋ قىزمەتىن كۇش سالا ويداعىداي ىستەۋ جونىندەگى ۇقتىرۋدى» تاراتىپ، اۋىل شارۋاشىلىق قامسىزداندىرۋىندا ۇشقىشسىز ۇشاق سياقتى عىلىم - تەحنيكالىق بارلاۋ تاسىلدەرىنەن پايدالاۋ، اۆتوكولىك حاۋىپ - قاتەرىندە بارلاۋ، زياندى ءوزارا مويىنداۋ مەحانيزمىن اتقارىپ، كاسىپورىن مال - مۇلكى حاۋىپ - قاتەرىندە ”ءبىر كاسىپورىن، ءبىر شارا“ سىندى قىزمەت وتەۋ شاراسىن اتقارۋدى ورتاعا قويدى. مەملەكەتتىك فينانس باقىلاۋ - باسقارۋ باس مەكەمەسى تيانجين باقىلاۋ - باسقارۋ مەكەمەسىنىڭ ساندى مالىمەتىندە كورسەتىلۋىنشە، 8 - ايدىڭ 18- كۇنىنە دەيىن تيانجين قاراستىلىعىنداعى قازىنا قامسىزداندىرۋ سەرىكتەستىگى 9 مىڭ 110 قامسىزداندىرۋ مالىمەتىن تاپسىرىپ العان، مەجەمەن زيان سوماسى 279 ميلليون يۋان بولعان.
تومەنگى شەكتە ويلاۋدا تاباندى بولىپ، بارلىق ءادىس - امالدى قولدانا وتىرىپ، زياندى ەڭ تومەنگى شەككە ءتۇسىردى
يدەيا مەن ارەكەتتى باس شۋجي شي جينپيڭنىڭ ماڭىزدى نۇسقاۋىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، اپاتقا ۇشىراعان بۇقارانىڭ اتا مەكەنىن قايتا قۇرۋىنا كەپىلدىك ەتۋ ءۇشىن، ءارى حالىقتى، ءومىردى بارىنەن جوعارى قويۋدا تاباندى بولۋ، ءارى تومەنگى شەكتە ويلاۋدا تاباندى بولۋ كەرەك.
استىق ءوندىرىسىن قالاي قامتاماسىز ەتۋ كەرەك؟
”سۋ باسقان جۇگەرىگە ەرتەرەك تىڭايتقىش بەرۋ كەرەك“. بىرنەشە كۇننەن بەرى حىبەي ولكەسى يۇڭچيڭ اۋداندىق اۋىل شارۋاشىلىعى، اۋىل - قىستاق مەكەمەسىنىڭ اۋىل شارۋاشىلىق تەحنيگى چىن ۋىنساي اتىز باسىنا بارىپ، قىستاق تۇرعىندارىنا جەتەكشىلىك ەتتى.
اۋىل شارۋاشىلىعى، اۋىل - قىستاق مينيسترلىگى تاياۋدا «تاسقىن اپاتىنان كەيىنگى ءوندىرىستى قالپىنا كەلتىرۋدى مىقتى يگەرىپ، تۇتاس جىلداعى استىق پەن اۋىل شارۋاشىلىعىنان مول ءونىم الۋ جونىندەگى ۇقتىرۋدى» باسىپ تاراتىپ، جەر - جەردەن ەرەكشە شارالار قولدانىپ، اۋىل شارۋاشىلىعىندا اپاتتان كەيىنگى ءوندىرىستى قالپىنا كەلتىرۋ، استىق پەن ماڭىزدى اۋىل شارۋاشىلىق ونىمدەرىن ءوندىرۋدى ورنىقتىرۋ جونىندەگى 10 ءتۇرلى شارانى مۇقيات تياناقتاندىرىپ، اپاتقا قارسى اتتانىپ، استىق پەن اۋىل شارۋاشىلىعىنان مول ءونىم الۋ سىندى وسى ءبىر قيان - كەسكى شايقاستىڭ جەڭىسىنە باتىل قول جەتكىزۋدى تالاپ ەتتى.
اۋىل شارۋاشىلىعى، اۋىل – قىستاق مينيسترلىگى ەگىمشىلىكتى باسقارۋ تارماق مەكەمەسق باستىعىنىڭ ورىنباسارى ليۋ ليحۋا مىنانى ءبىلدىردى: اۋىل شارۋاشىلىعىندا اپاتتان قۇتقارۋ مەن ءوندىرىستى قالپىنا كەلتىرۋدى مىقتى يگەرۋ − قازىرگى اۋىل شارۋاشىلىعى، اۋىل – قىستاق، شارۋالار قىزمەتىندەگى ءىرى ءىس، ءار دارەجەلى اۋىل شارۋاشىلىق، اۋىل – قىستاق تاراۋلارى اتىز باسقارۋدى تىنباي مىقتى يگەرۋى كەرەك. قازىرگە دەيىن اپاتقا ۇشىراعان رايونداعى ءار دارەجەلى قازىنا 540 ميلليون يۋان قارجى قوسىپ، جاپىراقتان تىڭايتقىش شاشۋ، دەرت - دەربەزدەن ساقتانۋ سياقتى اپاتتان كەيىنگى اتىز باسقارۋ شارالارىن 26 ميلليون 380 مىڭ مۋ جەردە (رەت) تياناقتاندىردى. اۋىل شارۋاشىلىعى، اۋىل - قىستاق مينيسترلىگىنىڭ 8 - ايدىڭ 18- كۇنى اۋىل شارۋاشىلىق جاعدايىن رەتتەۋىندە كورسەتىلۋىنشە، قازىر سولتۇستىك جۇڭگوداعى، شىعىس سولتۇستىكتەگى ءىشىنارا تاسقىن اپاتى تۋىلعان رايونداردان سىرت، بۇكىل ەلدەگى باسىم كوپ ساندى رايونداردا كۇزگى استىقتىڭ ءوسۋ جاعدايى جالپى جاقتان قالىپتى ەكەن.
اپاتقا ۇشىراعان كەدەيلىكتەن ارىلعان رايوندارداعى حالىقتىڭ قايتا كەدەيلەنۋىنەن قالاي ساقتانۋعا بولادى؟
قايتا كەدەيلەنۋدەن ساقتانۋدى قاداعالاۋ، كومەكتەسۋ - سۇيەمەلدەۋ مەحانيزمىن شىن مانىندە ويداعىداي جۇرگىزۋ، اپاتقا ۇشىراعان بۇقارانىڭ كىرىسىن ءتۇرلى ءادىس - امالدارمەن ارتتىرۋ، قازىنانىڭ اۋىل - قىستاقتى گۇلدەندىرۋ بويىنشا جاردەماقى بەرۋدى ۇشتاستىرۋىن ىلگەرىلەتۋ قارجىسىن دالمە - ءدال ورنالاستىرۋ جانە پايدالانۋ... اۋىل شارۋاشىلىعى، اۋىل - قىستاق مينيسترلىگى (مەملەكەتتىك اۋىل - قىستاقتى گۇلدەندىرۋ مەكەمەسى) 2024 - جىلعى ورتالىق قازىنا اۋىل - قىستاقتى گۇلدەندىرۋ قوسىمشا قاراجاتىن ءبولۋدى ۇشتاستىرۋ، ىلگەرىلەتۋ جاعىندا بەيىمدەلىپ، كولەمدى قايتا كەدەيلەنۋدىڭ تۋىلماۋىنىڭ تومەنگى شەگىن باتىل ساقتايدى.
اپاتقا ۇشىراعان بۇقارا مەن تيجارات تۇلعالارىن قيىنشىلىق قىسپاعىنان قالاي وتكىزۋ كەرەك؟
جۇڭگو حالىق بانكەسى بەيجيڭ، حىبەي، جيلين، حيلۇڭجياڭ، فۋجيان، چۇڭچيڭ قاتارلى 6 ولكەنىڭ اۋىل شارۋاشىلىعىنا، شاعىن كاسىپورىندارعا كومەكتەسۋ قايتالاي قارىز اقشاسىنىڭ مولشەرىن 35 ميلليارد يۋان ارتتىرىپ، اپاتقا ۇشىراعان وسى اۋىر رايونداردىڭ اپاتقا قارسى اتتانۋ، اپاتتان قۇتقارۋ جانە اپاتتان كەيىنگى قايتا قۇرۋعا فينانستىق قىزمەت وتەۋ قىزمەتىن ۇزدىكسىز قولدادى.
مەملەكەتتىك تاسقىننان ساقتانۋ باس قولباسشىلىق شتابى كەڭسەسى، شۇعىل جاعدايعا توتەپ بەرۋدى باسقارۋ مينيسترلىگى مەملەكەتتىك استىق جانە زات زاپاسى مەكەمەسىمەن بىرگە جالپى قۇنى 87 ميلليون 640 مىڭ يۋاندىق توقىما قالتا سياقتى ورتالىقتىڭ شۇعىل جاعدايعا توتەپ بەرۋ، اپاتتان قۇتقارۋ بۇيىمدارىن جەرگىلىكتى ورىندارعا كومەككە بەردى. ەندىگى جەردە جەرگىلىكتى ورىنداردىڭ قىزمەت جوباسىن اشالاپ، ءۇي حاۋىپسىزدىگىن ساراپتاۋدى جانە اۋرۋدان ساقتانۋدى، زارارسىزداندىرۋدى كۇشەيتىپ، بۇقارانى كوشىرۋگە ءتارتىپتى ۇيىمداستىرۋىنا جەتەكشىلىك ەتەدى. قۇلاعان ۇيلەردى جوندەۋ جانە قايتا قۇرۋدى قولداۋ تەبىنىن ارتتىرىپ، قىس پەن كوكتەمدە قۇتقارۋ قىزمەتىن دەر كەزىندە ويداعىداي ىستەپ، قىستان جىلى وتۋگە كەپىلدىك ەتەدى.
ۇزاق بولاشاقتى تياناق ەتىپ، ەلىمىزدىڭ اپاتتان ساقتانۋ، اپات زيانىن ازايتۋ، اپاتتان قۇتقارۋ قۋاتىن اناعۇرلىم جوعارىلاتۋ كەرەك
8 - ايدىڭ 17 - كۇنى اشىلعان ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندە مىنالار دارىپتەلدى: مۇقيات ءبىر - بىرلەپ تەكسەرىپ، قورىتىندىلاپ، ولقىلىقتاردى تولىقتاۋدى، ءالسىز بۋىنداردى كۇشەيتۋدى مىقتى يگەرىپ، ەلىمىزدىڭ اپاتتان ساقتانۋ، اپات زيانىن ازايتۋ، اپاتتان قۇتقارۋ قابىلەتىن اناعۇرلىم جوعارىلاتۋ كەرەك.
تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ شايقاسى − ۇزاققا سوزىلاتىن شايقاس. قاتىستى تاراۋلار مەن ورىندار پارتيا ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات دايەكتىلەندىرىپ، تياناقتاندىرىپ، قازىرگى مەن ۇزاق بولاشاقتى ءبىر تۇتاس جوسپارلاپ، جۇيەلى جوسپارلاپ، عىلمي شارا قولدانۋى كەرەك.
اۋا رايىنان الدىن الا مالىمەت بەرۋ مەن اپاتتان الدىن الا مالىمەت بەرۋدىڭ ىقپالداستىعىن ونان ارى كۇشەيتۋ كەرەك. جۇڭگو اۋا رايى مەكەمەسى 8 - ايدىڭ 18 - كۇنى پارتيا باسشىلىق گرۋپپاسىنىڭ ءماجىلىسىن اشىپ، تۇيىندەر بويىنشا دالمە - ءدال الدىن الا مالىمەت بەرۋدى جانە ۇزدىكسىز جاڭالاۋدى ورتاعا قويىپ، ەسكەرتۋدىڭ ساقتىق سيپاتىن، باعىتتامالىلىعىن كۇشەيتىپ، ەسكەرتۋدىڭ ناقتى قۋاتىن جوعارىلاتۋعا كۇش سالدى.
ءار دارەجەلى شۇعىل جاعدايعا توتەپ بەرۋ قولباسشىلىق شتابى جۇيەسىن ونان ارى كۇشەيتۋ كەرەك. مەملەكەتتىك تاسقىننان ساقتانۋ باس قولباسشىلىق شتابى، شۇعىل جاعدايعا توتەپ بەرۋدى باسقارۋ مينيسترلىگى الىس پەن جاقىندى ۇشتاستىرىپ، نەگىز قالايتىن، ۇزاق بولاشاققا پايدالى ءبىر توپ نىساننىڭ ولقىلىقتارىن تولىقتاۋ، ءالسىز بۋىنداردى كۇشەيتۋ، ساڭلاۋلاردى بىتەۋ، تاسقىن، قۋاڭشىلىق اپاتىنان ساقتانۋ - توتەپ بەرۋ ينجەنەرياسىنىڭ نەگىزىن بەلسەنە جوسپارلاپ، ىلگەرىلەتىپ، ورنالاستىرۋ، قولباسشىلىق ەتۋ، كەڭەسۋ، تۇجىرىم جاساۋ، كاسىپتىك قامتاماسىزداندىرۋ سياقتى قۇرىلعى - جابدىقتار مەن جۇيەلەردى كەمەلدەندىرۋى كەرەك.
اعارلاردىڭ تاسقىننان ساقتانۋ ينجەنەريالىق جۇيەسىن ونان ارى كەمەلدەندىرۋ كەرەك. سۋ يگىلىگى مينيسترلىگى سۋ اپاتىنان، قۋاڭشىلىق اپاتىنان ساقتانۋ تارماق مەكەمەسىنىڭ قاتىستى جاۋاپتىسى مىنانى ءبىلدىردى: كەلەسى قادامدا باياندى تىنىشتىققا نازار اۋدارىپ، الدىن الا مالىمەت بەرۋ، الدىن الا ساقتاندىرۋ، الدىن الا دايىندىق جوبا جاساۋ فۋنكتسياسى، اعارداعى تاسقىننان ساقتانۋ ينجەنەريا قۇرىلىسى، سيفرلى قوس اعار قۇرىلىسى، تاسقىننان ساقتانۋ ءتۇزىلىس، مەحانيزمىن زاڭمەن جونگە سالىپ باسقارۋ سياقتى ءتۇيىندى جاقتارعا نازار اۋدارىپ، اعارداعى تاسقىننان ساقتانۋ قابىلەتىن كۇش سالا جوعارىلاتۋ كەرەك.
تاسقىننان ساقتانۋ، اپاتتان قۇتقارۋ جانە قالپىنا كەلتىرۋ، قايتا قۇرۋ جۇمىسىن، ءسوز جوق، ءبىر تۇتاس جوسپارلاپ، سايكەستىرىپ، جۇيە كوزقاراسىندا تاباندى بولۋ كەرەك.
تاسقىننان ساقتانۋ مەن قۋاڭشىلىققا قارسى تۇرۋدى ءبىر تۇتاس جوسپارلاپ ويداعىداي يگەرۋ كەرەك. 6 - ايدان بەرى باتىس وڭتۇستىك، ىشكى موڭعۇلدىڭ شىعىس وڭتۇستىك بولەگى، باتىس سولتۇستىك سياقتى رايونداردا كەزەڭدىك قۋاڭشىلىق بولدى. مەملەكەتتىك تاسقىننان ساقتانۋ باس قولباسشىلىق شتابى، شۇعىل جاعدايعا توتەپ بەرۋدى باسقارۋ مينيسترلىگى قۋاڭشىلىققا قارسى اتتانۋ قارجىسى، تەحنيكاسى، زاتتىق ماتەريالدارى جاقتارىنان قولداۋدى كۇشەيتىپ، قۋاڭشىلىققا قارسى اتتانۋ سۋ قاينارىن امالدىڭ بارىنشا ارتتىردى. سۋ يگىلىگى مينيسترلىگى قۋاڭشىلىققا قارسى اتتانۋ سۋ مولشەرىن ءبىر - بىرلەپ ورنالاستىرىپ، ىشكى موڭعۇل، گانسۋ، چيڭحاي، نيڭشيا سىندى 4 ولكەگە قىزمەت گرۋپپاسىن، ماماندار گرۋپپاسىن جىبەرىپ، جەرگىلىكتى ورىنداردىڭ قازىرگى قۋاڭشىلىققا قارسى اتتانۋ، سۋمەن قامداۋ قىزمەتىن ويداعىداي ىستەۋىنە جەتەكشىلىك ەتتى جانە كومەكتەستى.
سەلگە قارسى تۇرۋ، اپاتتان قۇتقارۋ جانە ەكونوميكالىق، قوعامدىق دامۋدى ءبىر تۇتاس جوسپارلاۋ كەرەك. ءبىر جاعىنان، اپاتتان بۇزىلعان ۇيلەردى جوندەۋ، قايتا قۇرۋدى مىقتى يگەرۋ، تاعى ءبىر جاعىنان ءتۇيىندى الەۋمەتتىك جابدىقتاردى قالپىنا كەلتىرۋ، قايتا قۇرۋدى مىقتى يگەرىپ، قاتار ىلگەرىلەتۋ كەرەك. تۇرعىن ءۇي جانە قالا، اۋىل قۇرىلىسى تاراۋلارى جەدەل ارەكەتتەنىپ، اپاتقا ۇشىراعان بۇقارانىڭ قىس تۇسۋدەن بۇرىن ۇيىنە قايتۋىنا نەمەسە جاڭا ۇيگە كوشىپ كىرۋىنە، قىستان حاۋىپسىز، جىلى وتۋىنە كەپىلدىك ەتۋى كەرەك. بەيجيڭ قالالىق پلان - جاراتىلىستىق بايلىق كوميتەتى فاڭشان بولىمشە مەكەمەسى قالا پلان مەكەمەسى سياقتى ورىندارمەن بىرگە وقۋ بىتىرگەن ماماندار مەن تىرەكتى كۇشتەردى شوعىرلاندىرىپ، فاڭشان رايونىنىڭ اپاتتان كەيىنگى ورىن تاڭداۋىن جانە پلاندى باعالاۋىن اقىلداسىپ ورنالاستىردى. ونەركاسىپ جانە ينفورماتسيالاندىرۋ مينيسترلىگى بۇلىنگەن حابارلاسۋ قۇرىلعىلارىن جەدەل قالپىنا كەلتىرۋمەن بىرگە، جاڭا جابدىقتاردى، جاڭا تەحنيكالاردى قولدانۋدى كۇشەيتىپ، ۇشقىشسىز ۇشاق، جەر تالعامايتىن اۆتوموبيل سياقتىلارمەن جابدىقتاۋدى كۇشەيتىپ، شۇعىل جاعدايعا توتەپ بەرۋ، حابارلاسۋدى قامتاماسىزداندىرۋ قابىلەتىن جوعارىلاتتى.
قازىر ەلىمىز ءالى دە نەگىزگى تاسقىن مەزگىلىندە تۇر، تاسقىننان ساقتانىپ، تاسقىنعا قارسى اتتانىپ، اپاتتان قۇتقارۋدى تيتتەي دە بوساڭسىتۋعا بولمايدى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، ءتۇرلى قىزمەتتەردى باستان - اياق تىڭعىلىقتى ىستەگەندە عانا، تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ جانە اپاتتان كەيىنگى قالپىنا كەلتىرۋ، قايتا قۇرۋدىڭ جالپى بەتتىك جەڭىسىنە، ءسوز جوق، قول جەتكىزۋگە بولادى.
(«حالىق گازەتىنىڭ» تىلشىلەرى ۋاڭ حاۋ، چيۋ چاۋ - ي، چاڭ چين، ليۋ ۋىنشين)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
