لي چياڭ مەملەكەتتىك كەڭەستىڭ 3 - رەتكى ارناۋلى تاقىرىپتاعى ۇيرەنۋىن باسقاردى
2023.08.22 16:55 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 21 - كۇنى، بەيجيڭ. 8 - ايدىڭ 21 - كۇنى تۇستەن كەيىن مەملەكەتتىك كەڭەس ”سيفرلى ەكونوميكانى جەدەل دامىتىپ، سيفرلى تەحنيكانىڭ ناقتى ەكونوميكامەن تەرەڭدەي توعىسۋىن جەبەۋدى“ نەگىزگى تاقىرىپ ەتىپ، 3 - رەتكى ارناۋلى تاقىرىپتاعى ۇيرەنۋ جۇرگىزدى. مەملەكەتتىك كەڭەستىڭ زۇڭليى لي چياڭ ارناۋلى تاقىرىپتاعى ۇيرەنۋدى باسقاردى. جۇڭگو ينجەنەريا اكادەمياسىنىڭ اكادەميگى چىن چۇن تۇسىنىك جاسادى. مەملەكەتتىك كەڭەس زۇڭليىنىڭ ورىنباسارلارى ديڭ شۋەشياڭ، جاڭ گوچيڭ، ليۋ گوجۇڭ پىكىر اۋىستىرىپ ءسوز سويلەدى.
لي چياڭ لەكسيا مەن پىكىر اۋىستىرۋ ءسوزىن تىڭداعاننان كەيىن بىلاي دەپ اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى سيفرلى ەكونوميكانى دامىتۋعا ايرىقشا ءمان بەردى، باس شۋجي شي جينپيڭ ءبىرقىدىرۋ ماڭىزدى پايىمداۋ جاساپ، ەلىمىزدىڭ سيفرلى ەكونوميكاسىنىڭ دامۋىنا ايقىن باعدار كورسەتىپ، سيفرلى ەكونوميكانىڭ دامۋىنا جەتەكشىلىك ەتىپ، كورنەكتى تابىستارعا قول جەتكىزدى. باس شۋجي شي جينپيڭنىڭ سيفرلى ەكونوميكانى دامىتۋ جونىندەگى ماڭىزدى پايىمداۋلارىن ىشكەرىلەي ۇيرەنىپ، دايەكتىلەندىرىپ، جاڭا كەزەكتى عىلىم - تەحنيكا توڭكەرىسى مەن كاسىپ وزگەرىسى جاڭا ورايىن يگەرىپ، سيفرلى تەحنيكا مەن ناقتى ەكونوميكانىڭ ىشكەرىلەي توعىسۋىن جەبەپ، سيفرلى ەكونوميكانى ۇزدىكسىز كۇشەيتىپ، ساپالىلاندىرىپ، زورايتىپ، ەكونوميكانىڭ جالپى تۇلعالىق قايتا ورلەۋىنە، جاقسارۋىنا، ساپالى دامۋىنا اناعۇرلىم ويداعىداي دەم بەرۋ كەرەك.
لي چياڭ بىلاي دەپ اتاپ كورسەتتى: ەلىمىز ەرەن كولەمدى بازار، مول ساندى مالىمەت بايلىعى، مول قولدانۋ جاعدايى سياقتى كوپ ءتۇرلى ابزالدىققا يە، سيفرلى ەكونوميكانى دامىتۋدا وراسان كەڭ اياسى بار، دامۋ مەن حاۋىپسىزدىكتى ءبىر تۇتاس جوسپارلاپ، ابزالدىقتى ساۋلەلەندىرىپ، اۋقىمعا قاراي العا باسىپ، سيفردىڭ كاسىپ سالالانۋى مەن كاسىپ سالاسىنىڭ سيفرلانۋىن سايكەستى جەبەپ، سيفرلى ەكونوميكانىڭ دامۋىن ىلگەرىلەتۋدە ۇزدىكسىز تىڭ تابىستارعا قول جەتكىزۋ كەرەك. دەربەس جاڭالىق اشۋدى تياناق ەتۋدەن جازباي، بۇكىل ەل بولىپ جۇمىلۋ جاڭاشا ءتۇزىلىسى سياقتى ارتىقشىلىقتاردى ساۋلەلەندىرىپ، نەگىزدىك زەرتتەۋدەن قامال الۋدى كۇشەيتىپ، الدىڭعى لەكتىك تەحنيكالاردى زەرتتەۋ - اشۋدى كۇشەيتىپ، شەشۋشى، وزەكتى تەحنيكالاردان قامال الۋ شايقاسىن ويداعىداي جۇرگىزۋ كەرەك. نازاردى سيفردى كاسىپ سالالاندىرۋ ستراتەگياسىنىڭ الدىڭعى لەگىنە شوعىرلاندىرىپ، سيفرلى ەكونوميكانىڭ وزەكتى كاسىپ سالاسىن كۇش سالا دامىتىپ، سيفرلى كاسىپ سالاسىنىڭ شوعىرلى دامۋىن ىلگەرىلەتىپ، باستاماشى كاسىپورىنداردىڭ باستاماشى بولۋ، جەتەكتەۋ رولىن ساۋلەلەندىرىپ، ءىرى، ورتا، شاعىن كاسىپورىنداردىڭ سەلبەستىگىن جەبەۋ كەرەك. تۇرلىشە كاسىپ ەرەكشەلىكتەرى مەن پارىقتى سۇرانىستاردى تياناق ەتىپ، سيفرلاندىرۋ، تورلاندىرۋ، زەردەلىلەندىرۋ بەتالىسىن يگەرىپ، سيفرلى تەحنيكادان پايدالانىپ ءداستۇرلى كاسىپ سالاسىنا جان - جاقتى، تۇتاس تىزبەكتى وزگەرىس ەنگىزىپ، جاساۋ كاسىبى، قىزمەت وتەۋ كاسىبى، اۋىل شارۋاشىلىعى سياقتى كاسىپ سالالارىنىڭ سيفرلانۋىن ىلگەرىلەتىپ، ورتا، شاعىن كاسىپورىنداردىڭ سيفرلانۋعا قاراي بۇرىلىس جاساۋ وزىندىك قۇنىن تومەندەتۋ كەرەك. سيفرلى نەگىزدىك قۇرىلعى قۇرىلىسىن ۇيلەسىمدى تۇردە ىلگەرىلەتىپ، ساندى مالىمەت فاكتورلارىن اشۋ، پايدالانۋ مەحانيزمىندە جاڭالىق اشىپ، دارىندىلاردى باۋلۋدى، ەنگىزۋدى جانە كادرلاردىڭ كاسىپتىك ساپاسىن جوعارىلاتۋدى كۇشەيتىپ، سيفرلى ەكونوميكانىڭ دامۋىنداعى نەگىزدىك تىرەكتىك قابىلەتتى بەكەمدەۋ كەرەك.
لي چياڭ بىلاي دەپ اتاپ كورسەتتى: سيفرلى ەكونوميكانىڭ دامۋى تاماشا ورتادان ايرىلا المايدى. جۇيە كوزقاراسىن كۇشەيتىپ، تاراۋ اتتاعان سەلبەستىكتى جانە جوعارى مەن تومەن بىرلەسىپ قيمىلداۋدى كۇشەيتىپ، ءار جاقتىڭ بىرىككەن كۇشىن ۇيىستىرىپ، كەلەلى مىندەتتەر مەن كەلەلى ينجەنەريالاردىڭ تياناقتانۋىن جەدەل ىلگەرىلەتۋ كەرەك. دامۋ جەبەۋ مەن باقىلاۋ - باسقارۋدى ارناعا ءتۇسىرۋ سىندى ەكى جاقتان كىرىسۋدە تاباندى بولىپ، سيىسىمدى، بايسالدى باقىلاۋ - باسقارۋ پوزيتسياسىن ۇستانىپ، ۇدايىلانعان باقىلاۋ - باسقارۋ دەڭگەيىن جوعارىلاتىپ، اسىرەسە، باقىلاۋ - باسقارۋدىڭ مەجەلى سيپاتىن كۇشەيتىپ، زاڭ - ەرەجە مەن ساياسات - ءتۇزىمدى اقاۋسىزداندىرىپ، سيفرلى ەكونوميكانى جونگە سالۋ جۇيەسىن ۇزدىكسىز كەمەلدەندىرۋ كەرەك. شەكارا اتتاعان ساندى مالىمەتتەردى باسقارۋدىڭ جاڭا ۇلگىسى جونىندە بەلسەنە ىزدەنىس جاساپ، سيفرلى ەكونوميكانىڭ حالىقارالىق سەلبەستىگىنە ىرىقتىلىقپەن قاتىناسۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
