قازىنا مينيسترلىگى: الدىڭعى 7 ايدا ورتالىق قازىنا جيىنى 6 ميلليارد 184 ميلليون يۋان بوساتىپ، كۇزگى استىقتىڭ ورنىقتى ارتۋىنا قولداۋ كورسەتتى
2023.08.22 18:23 كەلۋ قاينارى : حالىق تورابى
كۇزگى استىق ءوندىرىسىنىڭ ورنىقتى بولۋىن قولداۋ جاعىندا قازىنا مينيسترلىگى 8 – ايدىڭ 21 – كۇنى جاريالاعان ساندى مالىمەتتە كورسەتىلۋىنشە، قازىرگە دەيىن ورتالىق قازىنا 8 توپقا ءبولىپ، جيىنى 6 ميلليارد 184 ميلليون يۋان بوساتقان.
ساندى مالىمەتتە كورسەتىلۋىنشە، قازىرگە دەيىن ورتالىق قازىنادان 8 توپتا جيىنى 6 ميلليارد 184 ميلليون يۋان بوساتقان، مۇنىڭ ىشىندە اۋىل شارۋاشىلىق وندىرىسىندەگى اپاتتان ساقتانۋ، اپاتتان قۇتقارۋ سوماسى 2 ميلليارد 991 ميلليون يۋان، سۋ يگىلىگى اپاتتان قۇتقارۋ سوماسى 3 ميلليارد 193 ميلليون يۋان بولعان. اۋىر دەرت - دەربەزدەن، زياندى جاندىكتەردەن ساقتانۋدى قولداۋ جاعىندا اپاتتان قۇتقارۋعا ءبىر ميلليارد 251 ميلليون يۋان قارجى بوساتىپ، شاندۇڭ، حىنان قاتارلى 30 ولكەنىڭ ەگىس داقىلدارىنىڭ اۋىر دەرت - دەربەزىنەن، زياندى جاندىكتەردەن ساقتانۋ جانە ونى تىزگىندەۋىنە قولداۋ كورسەتىپ، الدىن الۋعا قاجەتتى اۋىل شارۋاشىلىق دارىلەرى، ءدارى - دارمەك، –قۇرال - سايمان سياقتى زاتتىق ماتەريالداردى ساتىپ الۋعا جانە ءبىرتۇتاس ساقتانۋ، ٴبىرتۇتاس تىزگىندەۋگە قىزمەت وتەۋ جۇمىستارىنا لايىقتى كومەك بەردى. قۋاڭشىلىققا قارسى تۇرىپ، اپاتتان قۇتقارۋ قىزمەتىن ويداعىداي ىستەۋگە قولداۋ كورسەتۋ جاعىندا، قۋاڭشىلىققا قارسى تۇرۋعا 544 ميلليون يۋان قوسىمشا قاراجات ورنالاستىرىپ، يۇننان، ىشكى موڭعۇل، گۋاڭشي قاتارلى 7 ولكەنىڭ اۋىل شارۋاشىلىق وندىرىسىنە قولداۋ كورسەتىپ، قۋاڭشىلىققا قارسى تۇرىپ، سۋ جەتكىزۋ، قۋاڭشىلىققا قارسى سۋ قاينارىن اشۋ سياقتى قاتىستى قىزمەتتەردى ورىستەتتى. تاسقىن اپاتىنان قۇتقارۋ قىزمەتىن ويداعىداي ىستەۋگە قولداۋ كورسەتۋ جاعىندا 3 توپقا ءبولىپ اپاتتان قۇتقارۋ قارجىسىنان 2 ميلليارد 687 ميلليون يۋان بوساتىپ، اپاتقا ۇشىراعان وڭىرلەردىڭ ەگىس داقىلدارىن تولىقتاپ ەگۋ، اۋىل شارۋاشىلىق ءوندىرىسىن قالپىنا كەلتىرۋ، سۋ يگىلىگى ينجەنەرياسى قۇرىلعىلارىنىڭ سۋدان ويراندالۋىن قالپىنا كەلتىرۋ سياقتى قاتىستى قىزمەتتەردى ورىستەتۋىنە قولداۋ كورسەتتى.
قازىنا مينيسترلىگىنىڭ قاتىستى جاۋاپتىسى بىلاي دەدى: الدىڭعى 7 ايدا، كۇزگى استىق ءوندىرىسىنىڭ شەشۋشى تەرەزەلىك مەزگىلىندەگى ءتۇرلى اۋىل شارۋاشىلىق ءوندىرىسىنىڭ ءساتتى ورىستەتىلۋىنە كەپىلدىك ەتۋ ءۇشىن، ورتالىق قازىنا ءىس جۇزىندە استىق ەگەتىن ديقاندارعا 10 ميلليارد يۋان قوسىمشا قاراجات تاراتىپ، ديقانداردىڭ استىق ەگۋ بەلسەندىلىگىن ونان ارى جۇمىلدىردى. ءۇش ءىرى استىق داقىلىنىڭ وزىندىك قۇنىن تولىق قامسىزداندىرۋ جانە ەگىمشىلىك كىرىسىن قامسىزداندىرۋ كولەمىن كەڭەيتىپ، بيىل بۇكىل ەلدەگى استىق وندىرەتىن 1105 ءىرى اۋداندى جاپپاي قامتۋدى جۇزەگە اسىرىپ، استق ءوندىرىسىنىڭ حاۋىپ - قاتەرگە توتەپ بەرۋ قۋاتىن ءونىمدى جوعارىلاتۋ كەرەك. قازىرگە دەيىن بۇكىل ەلدەگى نەگىزگى اۋىل شارۋاشىلىق اۋداندارى مەن مەملەكەتتىڭ اۋىل ـ قىستاقتى گۇلدەندىرۋ بويىنشا ءتۇيىندى سۇيەمەلدەنەتىن 160 اۋدان اۋىل شارۋاشىلىق امانات ـ قارىزىنا كەپىلدىك ەتۋ كاسىبىن جاپپاي قامتۋدى جۇزەگە اسىردى، مۇنىڭ ىشىندە استىق وندىرىسىنە تىكەلەي قاتىستى قامسىزداندىرۋ قالدىق سوماسى 90 ميلليارد يۋاننان استى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
