89 مىڭنان استام ادام جۇعىمدالدى، 152 اداام ءولدى! كەدەن باس مەكەمەسى جاريالادى
2023.08.22 18:25 كەلۋ قاينارى : حالىق تورابى
8 – ايدىڭ 21 – كۇنى، كەدەن باس مەكەمەسىنىڭ تورابى مايمىل شەشەك اۋرۋىنىڭ ەلىمىزگە كىرۋىنەن ساقتانۋ جونىندەگى حابارلاندىرۋدى جاريالادى، ونىڭ ناقتى مازمۇنى مىناداي:كەدەن باس مەكەمەسىنىڭ قۇلاقتاندىرۋى 2023 – جىلعى 100 – ءنومىر
(مايمىل شەشەگى اۋرۋىنىڭ ەلىمىزگە تارالۋىنان ساقتانۋ جونىندەگى حابارلاندىرۋ)
2022 – جىلى 5 - ايدان بەرى مايمىل شەشەگى دۇنيە ءجۇزىنىڭ كوپتەگەن وڭىرىندە كەڭىنەن تارالدى، قازىرگە دەيىن 113 مەملەكەت (رايون) 89 مىڭنان استام ادامنىڭ مايمىل شەشەگىمەن جۇعىمدالعاندىعىن مالىمدەدى، بۇل اتالعان اۋرۋدان ولگەن 152 ادامدى قامتيدى. تاياۋدا ەۆروپا، ا ق ش جانە باتىس تىنىق مۇحيت وڭىرىندە مايمىل شەشەگى ىندەتى ۇدەي ءتۇستى. مايمىل شەشەگى ىندەتىنىڭ ەلىمىزگە كىرۋىنەن ساقتانۋ، شەكارادان كىرىپ - شىعۋشىلاردىڭ دەنساۋلىق حاۋىپسىزدىگىن قورعاۋ ءۇشىن، «جۇڭحۋا حالىق رەسپۋبليكاسىنىڭ تازالىق ساقتاۋ كارانتين زاڭى» جانە ونى اتقارۋدىڭ ەگجەي - تەگجەيلى ەرەجەسى سياقتى زاڭدارداعى، زاڭدىق ەرەجەلەردەگى بەلگىلەمەلەرگە ساي، تومەندەگىدەي حابارلاندىرۋ شىعاردىق:
1.مايمىل شەشەگى ىندەتى بايقالعان مەملەكەتتەن (رايوننان) كەلگەندەر، ەگەر مايمىل شەشەگى ىندەتىنە شالدىققاندارمەن جاناسقاننان كەيىن قىزۋى ورلەۋ، قالتىراۋ، باس اۋرۋ، ۇيقى باسۋ، دارمەنسىزدەنۋ، جونى اۋرۋ، بۇلشىق ەتتەرى اۋرۋ، ليمفا بەزى ءىسۋ، بەتى جانە دەنەسىنىڭ كوپ جەرىندە تەرى بورتپەسى شىعۋ قاتارلى اۋرۋ بەلگىلەرى كورىلسە، شەكارادان كىرگەن كەزدە وزدىگىنەن كەدەنگە مالىمدەۋ كەرەك، كەدەننىڭ كارەنتين قىزمەتشىلەرى بەلگىلەنگەن ءتارتىپ بويىنشا مەديتسينالىق شارالار قولدانادى جانە ۇلگى الىپ تەكسەرەدى.
2.ەكىنشى، مايمىل شەشەگى اۋرۋى تارالعان مەملەكەتتەن (رايوننان) كەلگەن، ونىڭ ۇستىنە لاستانۋ نەمەسە لاستانۋ مۇمكىندىگى بار اۋە قاتىناس قۇرالدارى، كەمەلەر، تيەۋىش قوراپتار، زاتتار بەلگىلەنگەن ءتارتىپ بويىنشا تازالاۋ شاراسىن قابىلداۋى كەرەك.بۇل قۇلاقتاندىرۋ جاريالانعان كۇننەن باستاپ كۇشكە يە بولادى، كۇشكە يە ۋاقىتى 6 اي بولادى. ەرەكشە حابارلاندىرامىز.
كەدەن باس مەكەمەسى 2023 - جىلى 8 - ايدىڭ 21 - كۇنى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
