شي جينپيڭ كۋبانىڭ مەملەكەت ءتوراعاسى دياز - كانەلمەن كەزدەستى
2023.08.24 16:42 كەلۋ قاينارى : حالىق تورابى
سول جەر ۋاقىتى 8 - ايدىڭ 23 - كۇنى تۇستەن كەيىن مەملەكەت ءتوراعاسى شي جينپيڭ يوحاننەسبۋرگتە بريكس ەلدەرى باسشىلارىنىڭ ديدارلاسۋىنا قاتىناسقان كەزىندە كۋبانىڭ مەملەكەت ءتوراعاسى دياز - كانەلمەن كەزدەستى. سۋرەتتى شينحۋا اگەنتتىگىنىڭ ءتىلشىسى ديڭ لين تۇسىرگەن
«حالىق گازەتى»، 8 - ايدىڭ 23 – كۇنى، يوحاننەسبۋرگ (تىلشىلەر يان يۇنميڭ، ياڭ ي). سول جەر ۋاقىتى 8 - ايدىڭ 23 - كۇنى تۇستەن كەيىن مەملەكەت ءتوراعاسى شي جينپيڭ يوحاننەسبۋرگتە بريكس ەلدەرى باسشىلارىنىڭ كەزدەسۋىنە قاتىناسقان كەزىندە كۋبانىڭ مەملەكەت ءتوراعاسى دياز - كانەلمەن كەزدەستى.
شي جينپيڭ بىلاي دەپ اتاپ كورسەتتى: بىلتىر 11 - ايدا ءتوراعا جولداس جۇڭگودا ءساتتى مەملەكەتتىك ساپاردا بولدى، ءبىز جاڭا داۋىردەگى جۇڭگو - كۋبا قارىم - قاتىناسىن ۇزدىكسىز تەرەڭدەتۋ جونىندە كەڭ كولەمدى ورتاق تانىمعا كەلىپ، جۇڭگو - كۋبا تاعدىرلاس ورتاق تۇلعاسىن قول ۇستاسا بىرگە قۇرۋعا ءبىر اۋىزدان ماقۇل بولدىق. ەكى جاقتىڭ بىرگە قۇلشىنۋىندا، وسى ورتاق تانىمدار ويداعىداي تياناقتانۋدا. جۇڭگو كۋبامەن ساياسي سەنىمدىلىكتى ۇزدىكسىز تەرەڭدەتىپ، ناقتى سەلبەستىكتى كەڭەيتىپ، ستراتەگيالىق سەلبەستىكتى جيىلەتىپ، جۇڭگو، كۋبا پارتيالارىنىڭ، ەلدەرىنىڭ ەرەكشە دوستىق قارىم - قاتىناسىنىڭ ۇزدىكسىز تىڭ دامۋعا قول جەتكىزۋىن ىلگەرىلەتۋدى قالايدى. جۇڭگو جاق كۋبا جاقتىڭ جۇڭگونىڭ وزەكتى مۇددەسىنە ساياتىن ماسەلەلەردە جۇڭگو جاقتى باستان - اياق باتىل قولداعانىن ايرىقشا القايدى، كۋبانىڭ مەملەكەتتىڭ يەلىك ۇقىعىن قورعاۋىنا، سىرتتىڭ كيلىگۋى مەن قۇرساۋلاۋىنا قارسى تۇرۋىنا ۇزدىكسىز باتىل قولداۋ كورسەتەدى، سونداي - اق كۋبانىڭ ەكونوميكالىق، قوعامدىق دامۋىنا بار كۇشپەن قولداۋ كورسەتەدى.
شي جينپيڭ بىلاي دەپ دارىپتەدى: ”77 ەل توبى جانە جۇڭگو“ − وركەندەپ كەلە جاتقان ەلدەردىڭ ماڭىزدى سەلبەستىك تۇعىرى. كۋبا بيىلعى ”77 ەل توبى جانە جۇڭگونىڭ“ ءتوراعا ەلى رەتىندە وركەندەپ كەلە جاتقان ەلدەردىڭ ىنتىماعىن كۇشەيتۋگە بەلسەندى ۇلەس قوستى. جۇڭگو جاق كۋبانىڭ كەلەسى ايدا ”77 ەل توبى جانە جۇڭگو“ باسشىلار ءماجىلىسىن ءساتتى وتكىزۋىنە ايرىقشا ءمان بەرەدى ءارى قولداۋ كورسەتەدى، كۋبا جانە باسقا 77 ەل توبى مۇشەلەرىمەن بىرگە وركەندەپ كەلە جاتقان ەلدەردىڭ ورتاق مۇددەسى مەن دامۋ ۇقىعىن اناعۇرلىم ويداعىداي قورعاۋدى قالايدى.
دياز - كانەل مىنالاردى ءبىلدىردى: بىلتىر 11 - ايدا جۇڭگودا ءساتتى مەملەكەتتىك ساپاردا بولدىم، ەكى جاق ءبىزدىڭ كەلىسكەن ماڭىزدى ورتاق تانىمدارىمىزدى مۇقيات تياناقتاندىرۋدا. كۋبا - جۇڭگو قارىم - قاتىناسى قازىر تاريحتاعى ەڭ جوعارى ورەدە تۇر. كۋبا حالقى ءتوراعا شي جينپيڭگە ايرىقشا سۇيىنەدى، جۇڭگونىڭ كۋبانىڭ ادىلەتتى ىستەرىنە دەگەن تۇسىنىگى مەن قاستەرلى قولداۋىنا شىن جۇرەكتەن العىس ايتادى. كۋبا ءتوراعا شي جينپيڭ العا قويعان دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن باتىل قولدايدى، جۇڭگو جاقپەن ”ءبىر بەلدەۋ، ءبىر جولدى“ بىرگە قۇرۋ سەلبەستىگىن تەرەڭدەتىپ، كۋبا - جۇڭگو تاعدىرلاس ورتاق تۇلعاسىن قۇرىپ، ءوز ەرەكشەلىكتەرىنە يە سوتسياليزم قۇرۋ جولىندا قول ۇستاسا العا باسۋدى ءۇمىت ەتەمىز. كۋبا جاق جۇڭگو جاقپەن تىعىز سەلبەسىپ، ”77 ەل توبى جانە جۇڭگو“ باسشىلار باس قوسۋىنىڭ تابىستى بولۋىن ىلگەرىلەتۋدى قالايدى.
ساي چي، ۋاڭ ي قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
