بەنزين مەن ديزەل مايىنىڭ باعاسى جوعارىلاتىلادى
2023.08.24 16:44 كەلۋ قاينارى : حالىق تورابى
شينحۋا اگەنتتىگىنىڭ 8 - ايدىڭ 23 - كۇنى بەيجيڭنەن بەرگەن حابارى. (يان بينجيڭ، چىن شۋ - ي) مەملەكەتتىك دامۋ - رەفورما كوميتەتىنىڭ 8 - ايدىڭ 23 - كۇنى حابارلاۋىنشا، جۋىردان بەرگى حالىقارالىق بازارداعى ماي باعاسىنداعى وزگەرىستەرگە نەگىزدەلىپ، قازىر اتقارىلىپ وتىرعان وڭدەلگەن ماي باعاسىن قالىپتاستىرۋ مەحانيزمىنە ساي، 2023 - جىلى 8 - ايدىڭ 23 - كۇنى ساعات 24 تەن باستاپ، ەل ىشىندەگى بەنزين مەن ديزەل مايىنىڭ باعاسى ءار تونناسىنا 55 يۋان جوعارىلاتىلادى.
مەملەكەتتىك دامۋ - رەفورما كوميتەتىنىڭ قاتىستى جاۋاپتىسىنىڭ ايتۋىنشا، جۇڭگو مۇناي سەرىكتەستىگى، جۇڭگو مۇناي - حيميا سەرىكتەستىگى، جۇڭگو تەڭىز مۇنايى سەرىكتەستىگى سىندى ءۇش ءىرى سەرىكتەستىك پەن شيكىزاتتىق مۇنايدى مانەرلەۋمەن شۇعىلداناتىن باسقا سەرىكتەستىكتەر وڭدەلگەن مۇنايدى ءوندىرۋ جانە تاسىمالداۋدى ويداعىداي ۇيىمداستىرۋى، بازاردى ورنىقتى قامداۋعا كەپىلدىك ەتۋى، مەملەكەتتىڭ باعا جونىندەگى ساياساتىن قاتاڭ اتقارۋى كەرەك. جەر - جەردەگى قاتىستى تاراۋلار بازاردى باقىلاۋ - باسقارۋ تەبىنىن كۇشەيتىپ، مەملەكەتتىڭ باعاعا قاتىستى ساياساتتارىن اتقارماۋ ارەكەتىن قاتاڭ تەكسەرىپ ءبىر جاقتى ەتۋى، بازاردىڭ قالىپتى ءتارتىبىن قورعاۋى كەرەك. تۇتىنۋشىلاردىڭ 12315 تەكشەسى ارقىلى باعاعا قاتىستى زاڭعا قايشى ارەكەتتەردى اشكەرەلەۋىنە بولادى.
وڭدەلگەن مۇناي باعاسىنا رەتتەۋ جۇرگىزۋدىڭ وسى اينالىمىندا حالىقارادا مۇناي باعاسى تولقۋلى بولدى. مەملەكەتتىك دامۋ - رەفورما كوميتەتىنىڭ باعانى باقىلاۋ ورتالىعىنىڭ جان - جاقتى تۇجىرىمداۋ نەگىزىندە مەجەلەۋىنشە، قامداۋدىڭ ءبىرشاما تاپشى بولۋى مەن قاجەتسىنۋدىڭ شامالى بولۋىنىڭ بىرگە رول اتقارۋىندا، قىسقا مەرزىم ىشىندە جانار ماي باعاسى نەگىزىنەن تولقۋلى كۇيدە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
