مەملەكەتتىك دامۋ - رەفورما كوميتەتى: 9 - ايدىڭ 6 - كۇنى ەل ىشىندەگى وڭدەلگەن ماي باعاسىنا رەتتەۋ جۇرگىزىلمەدى
2023.09.07 16:59 كەلۋ قاينارى : حالىق تورابى
جۇڭگو اقپارات تورابىنىڭ 9 - ايدىڭ 6 - كۇنى بەرگەن حابارى. مەملەكەتتىك دامۋ - رەفورما كوميتەتى تورابىنىڭ حابارلاۋىنشا، 2023 - جىلى 8 - ايدىڭ 23 - كۇنى ەل ىشىندەگى وڭدەلگەن مۇناي باعاسىنا رەتتەۋ جۇرگىزىلگەننەن بەرى، حالىقارالىق بازارداعى مۇناي باعاسى تولقۋلى كۇيدە بولدى، قازىر اتقارىلىپ وتىرعان ەل ىشىندەگى وڭدەلگەن مۇناي باعاسىن بەلگىلەۋ مەحانيزمى بويىنشا ەسەپتەگەندە، 9 - ايدىڭ 6 - كۇنىنەن بۇرىنعى 10 قىزمەت كۇنىندەگى ورتاشا باعانى 8 - ايدىڭ 23 - كۇنىنىڭ الدىنداعى 10 قىزمەت كۇنىندەگى ورتاشا باعامەن سالىستىرعاندا، باعانى رەتتەۋ سوماسى ءار تونناسىنا 50 يۋانعا جەتپەگەن. «مۇناي باعاسىن باسقارۋ ءادىسىنىڭ» 7 - تارماعىنداعى بەلگىلەمەگە ساي، وسى رەت بەنزين مەن ديزەل مايىنىڭ باعاسىنا رەتتەۋ جۇرگىزىلمەيدى، رەتتەلمەگەن باعا سوماسى كەلەسى رەت باعانى رەتتەگەن كەزدە ۇستەمەلەنەدى نەمەسە دولايلاستىرىلادى.
مەملەكەتتىك دامۋ - رەفورما كوميتەتى مىنانى تالاپ ەتتى: جۇڭگو مۇناي سەرىكتەستىگى، جۇڭگو مۇناي - حيميا سەرىكتەستىگى، جۇڭگو تەڭىز مۇنايى سەرىكتەستىگى سىندى ءۇش ءىرى سەرىكتەستىك پەن شيكىزاتتىق مۇنايدى مانەرلەۋمەن شۇعىلداناتىن باسقا سەرىكتەستىكتەر وڭدەلگەن مۇنايدى ءوندىرۋ جانە تاسىمالداۋدى ويداعىداي ۇيىمداستىرۋى، بازاردى ورنىقتى قامداۋعا كەپىلدىك ەتۋى، مەملەكەتتىڭ باعا جونىندەگى ساياساتىن قاتاڭ اتقارۋى كەرەك. جەر - جەردەگى قاتىستى تاراۋلار بازاردى باقىلاۋ - باسقارۋ تەبىنىن كۇشەيتىپ، مەملەكەتتىڭ باعاعا قاتىستى ساياساتتارىن اتقارماۋ ارەكەتىن قاتاڭ تەكسەرىپ ءبىر جاقتى ەتۋى، بازاردىڭ قالىپتى ءتارتىبىن قورعاۋى كەرەك. تۇتىنۋشىلاردىڭ باعاعا قاتىستى زاڭعا قايشى ارەكەتتەردى 12315 تەكشەسى ارقىلى اشكەرەلەۋىنە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
