«حالىقتى سانالىلىقپەن ۇستاز تۇتۋ» (باس شۋجيدىڭ حالىققا ىنتا - ىقىلاسى)
«حالىق گازەتىنىڭ» ءتىلشىسى جاڭ شو
2023.09.07 17:05 كەلۋ قاينارى : حالىق تورابى
”بۇقارانىڭ قۇلاققا جاعىمدى سوزىنە قۇلاق اسۋمەن بىرگە، بۇقارانىڭ قۇلاققا جاعىمسىز سوزىنە دە قۇلاق اسۋ كەرەك، سوندا عانا شىن ءسوزدى تىڭداۋعا، ناقتى جاعدايدى بىلۋگە، ناقتى ونىمدىلىككە قول جەتكىزۋگە بولادى“. باس شۋجي شي جينپيڭ وسىلاي دەپ ىشكەرىلەي اتاپ كورسەتتى.
”حالىقتىڭ ارمان - تىلەگىنە رەفورمامەن جاۋاپ قايتارۋدان“ ”دامۋ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرۋگە“ دەيىن، ”قازىر ەڭبەك ەتىپ، پايداسىن بولاشاقتا كورۋ“ سىندى ەكولوگيالىق وركەنيەت قۇرىلىسىنان ”مىڭداعان ادامدى رەنجىتسەك تە، ءبىر ميلليارد 400 ميلليون ادامنىڭ ءۇمىتىن اقتاۋىمىز كەرەك“ دەيتىن بورىشپەن، جاۋاپكەرلىكپەن اۋرۋدى الاستاپ، بىلىقپالىقتى وڭاۋعا دەيىن... باس شۋجي شي جينپيڭ بۇقارانىڭ پىكىرىن ”ەڭ جاقسى ولشەۋىش“ دەپ قاراپ، حالىقتى بارىنەن جوعارى قويۋدا باستان - اياق تاباندى بولىپ، حالىقپەن تىنىستاس، تاعدىرلاس، جۇرەكتەس بولدى.
وسى ”ولشەۋىشتەن“ يمەنۋدە، ءسوز جوق، پارتيانىڭ بۇقارالىق لۋشيانىندا تاباندى بولۋ، حالىقتى ۇستاز تۇتۋ، حالىقتان ۇيرەنۋ كەرەك.
2007 - جىلى 4 - ايدىڭ 17 - كۇنى، شاڭحاي قالالىق پارتكومنىڭ سول كەزدەگى شۋجيى شي جينپيڭ جولداس قالىڭ جاڭبىرعا قاراماي جيڭ - ان رايونى جياڭنيڭ جولى الەۋمەتتىك اۋماعىنىڭ (ءمالى) پارتيا مۇشەلەرى قىزمەت وتەۋ ورتالىعىنا كەلىپ تەكسەرۋ - زەرتتەۋ جۇرگىزدى.
ءبىر اپاي شي جينپيڭ جولداس قيمىل ءۇيىن ەكسكۋرسيالاعان كەزدە: ”شۋجي، مىنانى سىزگە ەستەلىككە بەرەيىن!“ دەدى: قوڭىر ءتۇستى توقىما سيىر وسى تۇرعىننىڭ قولونەر تۋىندىسى ەدى.
”و! ۇقتىم، ءسىز مەنىڭ حالىققا قىزمەت ەتەتىن وگىز بولۋىمدى تىلەپ وتىرسىز عوي!“ شي جينپيڭ جولداس ونى قولىنا الىپ، كۇلىمسىرەدى. قۇلاققا جاعىمدى سوزدەردىڭ ىشىنەن شي جينپيڭ جولداس حالىقتىڭ تاپسىرماسىن تىڭدادى.
”حالىقتىڭ مۇڭ - مۇقتاجىن، ءسوزسىز، ەستەن شىعارمايمىن؛ حالىقتىڭ ءۇمىتىن، ءسوزسىز، ىسكە اسىرامىن“.
2021 - جىلى كوكتەم، گۋاڭشيدىڭ گۇيلين قالاسى ماۋجۋشان قىستاعى. باس شۋجي شي جينپيڭ قىستاق تۇرعىنى ۋاڭ دىليدىڭ ۇيىنە كەلىپ قوناق بولدى.
”باس شۋجي، جايشىلىقتا سونشاما قاربالاس بولاسىز، ءبىزدى تاعى كورگەلى كەلىپسىز، سىزگە شىنىمەن راقىمەت“.
”مەن وسى جۇمىستارمەن قاربالاس بولامىن، ’مەملەكەتتىڭ زور ءىسى‘ دەگەنىمىز حالىقتىڭ باقىتتى تۇرمىسى“.
قارلى بوراندى، شىلىڭگىر ىستىقتى ەلەمەي، لاي - باتپاق كەشىپ، تاۋ قويناۋىندا ءجۇردى. فۋجياننىڭ نيڭدى قالاسىندا ەڭ شالعاي، ەڭ قيىن جەرگە بارۋعا باستاماشى بولدى؛ جىجياڭدا ەرەكشە كۇشتى تايفىڭ داۋىلى الدىندا، قايىقپەن قامالىپ قالعان وڭىرلەرگە توتە باردى؛ پارتيانىڭ باس شۋجيى مىندەتىن اتقارىپ، سارى توپىراقتى وڭىردەن قارا توپىراقتى وڭىرگە دەيىن، لۇيلياڭ تاۋلى وڭىرىنەن لوشياۋشان تاۋ سىلەمىنە دەيىن، نولدەن تومەن 10 نەشە سەلتسي گرادۋستان تەڭىز دەڭگەيىنەن 4000 مەتر بيىكتىككە دەيىن، چاڭجياڭنىڭ وڭتۇستىگى مەن سولتۇستىگىنە اياق ءىزى ءتۇستى... توقتاۋسىز باسىلعان مىعىم اياق ىزدەرى شي جينپيڭ جولداستىڭ العان بەتىنەن قايتپايتىن، حالىق ءۇشىن ءوزىن ارنايتىن قالتقىسىز سۇيىسپەنشىلىگىنە كۋا بولدى.
”حالىقتىڭ الدىندا، ءبىز ماڭگى وقۋشى بالامىز، ءسوز جوق، سانالى تۇردە حالىقتى ۇستاز تۇتۋىمىز، ىسكەرلەردەن ءتالىم الۋىمىز، پاراساتتىلاردان اقىل - كەڭەس سۇراۋىمىز كەرەك“. باس شۋجي شي جينپيڭ تەرەڭ ماعىنامەن وسىلاي دەگەن ەدى.
وسى ”ولشەۋىشتى“ تابۋدا، ءسوز جوق، شىندىقتى ءىس جۇزىنەن ىزدەۋدە تاباندى بولىپ، شىن ءسوزدى تىڭداپ، شىنايى سۇيىسپەنشىلىكپەن تەكسەرىپ، احۋالدىڭ انىق - قانىعىنا شىن مانىندە جەتۋ كەرەك.
1984 - جىلى كوكتەم، حىبەي ولكەسىنىڭ جىڭديڭ اۋدانى.
”وتباسىمداعى 6 جان 2 اۋىز ەسكى ۇيدە تۇرادى“. ”جىڭديڭ اۋداندىق 1 - ورتا مەكتەپتە 70 نەشە وقىتۋشى بار، 4 جىل بولدى، پارتياعا بىردە - ءبىر جاڭا مۇشە قابىلدانبادى!“ جيىنعا قاتىناسقانداردىڭ كەيبىرەۋى قاتتى – قاتتى سويلەدى، كەيبىرەۋى ۇستەلدى ۇرىپ جاتتى.
”ولار ايتىپ السىن، ايتسا كوڭىلدەرى جادىراپ قالادى، ءبىزدىڭ دە كوڭىلىمىز جاي تابادى!“ دەدى سول كەزدەگى جىڭديڭ اۋداندىق پارتكومنىڭ شۋجيى شي جينپيڭ جولداس. بۇل شي جينپيڭ جولداس ارنايى اشقان زيالىلاردىڭ ”شاعىم ايتۋ ءماجىلىسى“ ەدى. قۇلاققا تۇرپىدەي تيەتىن سوزدەن شي جينپيڭ جولداس حالىقتىڭ تىلەگىن ەستىدى.
”تەكسەرۋ - زەرتتەۋ __ ءىس ىستەۋدىڭ نەگىزى، ءىس تىندىرۋدىڭ جولى“. باس شۋجي شي جينپيڭ ”كەدەيلەردى ۇناتۋ، بايدى ايالاۋ“ ۇلگىسىندەگى تەكسەرۋ - زەرتتەۋدىڭ كىناراتتارىن تىكە كورسەتىپ، ”قىزمەت جاعدايى جاقسى جانە وزىق جەرلەرگە بارىپ تاجىريبە قورىتىندىلاۋمەن بىرگە، قيىنشىلىعى ءبىرشاما كوپ، جاعدايى كۇردەلى، قايشىلىعى قيان - كەسكى جەرلەرگە بارىپ ماسەلەلەردى زەرتتەۋدى، اسىرەسە، بۇقارانىڭ پىكىرى كوپ جەرلەرگە كوبىرەك بارۋدى، قىزمەتى ناشار جەرلەرگە كوبىرەك بارۋدى“ دارىپتەدى.
بيىل 3 - ايدا ج ك پ ورتالىق كوميتەتى كەڭسەسى «بۇكىل پارتيادا تەكسەرۋ - زەرتتەۋدى قاۋىرت جۇرگىزۋ جونىندەگى قىزمەت جوباسىن» باسىپ تاراتتى، وندا ”ءبىردى ءبىر، ەكىنى ەكى دەۋ كەرەك، جاقسىلىقتى دا، جاماندىقتى دا ايتۋ كەرەك، قاعاز جۇزىمەن شەكتەلمەۋ، جوعارىنىڭ ايتقانىمەن شەكتەلمەۋ، امالياتقا دەن قويۋ كەرەك“ دەپ ايقىن اتاپ كورسەتىلدى.
وسى ”ولشەۋىشتەن“ويداعىداي پايدالانۋدا، ءسوز جوق، حالىقتىڭ قولداۋ - قولداماۋىن، قۇپتاۋ - قۇپتاماۋىن، قۋانۋ - قۋانباۋىن، ماقۇلداۋ - ماقۇلداماۋىن بارلىق قىزمەتتىڭ تابىسىن، جەتەرسىزدىگىن ولشەيتىن ءتۇبىرلى ولشەم ەتۋ كەرەك.
2014 - جىلى 12 - ايدىڭ 13 - كۇنى باس شۋجي شي جينپيڭ جياڭسۋدىڭ جىنجياڭ قالاسى دانتۋ رايونى شى - يە قالاشىعى يۇڭماۋشۇي تابيعي قىستاعىندا قىزمەت تەكسەرگەن كەزدە، 74 جاستاعى قاريا سۇي رۇڭحاي سۋىرىلىپ الدىعا شىعىپ، باس شۋجي شي جينپيڭنىڭ قولىن قىسىپ تۇرىپ: ”باس شۋجي، سالەمەتسىز بە! ءسىز ءىرىپ - شىرىگەن ەلەمەنتتەردىڭ قاس جاۋىسىز، بۇكىل ەل حالقىنىڭ باق جۇلدىزىسىز!“ دەدى.
باس شۋجي شي جينپيڭ كۇلىمسىرەپ: ”بۇكىل ەل حالقىنىڭ ءۇمىتىن اقتايمىن“ دەدى.
”بۇقارا __ اسپان، بۇقارا __ جەر“. باس شۋجي شي جينپيڭ: ”حالىق بۇقاراسى نەلەرگە قارسى تۇرىپ، نەلەرگە كەكتەنسە، ءبىز ودان باتىل ساقتانۋىمىز جانە وعان سوققى بەرۋىمىز كەرەك“ دەپ قايتا - قايتا دارىپتەدى.
”ءداۋىر − ەمتيحان شىعارۋشى، ءبىز − ەمتيحان بەرۋشىمىز، حالىق − ەمتيحان تەكسەرۋشى“.
”جۇڭگو كوممۋنيستىك پارتياسى حالىق ءۇشىن ءىس ىستەۋدى، حالىققا باقىت جاراتۋدى ەڭ ماڭىزدى ساياسي ناتيجە سانايدى، بۇقارا ءۇشىن قانشالىق يگى ءىس، ناقتى ءىس ىستەۋدى ساياسي ناتيجەنى سىننان وتكىزۋدىڭ ماڭىزدى ولشەمى ەتەدى“، ”بۇقارانى رازى ەتۋ − پارتيامىزدىڭ بارلىق قىزمەتتى جاقسى ىستەۋدەگى قۇن بەتالىسى جانە ءتۇبىرلى ولشەمى“... 10 جىلدان بەرگى ۇلى تابىستار، ۇلى وزگەرىستەر ءدال ”حالىقتىڭ قامىن ويلاۋدىڭ“ جاندى امالياتى.
بيلىك − حالىق، حالىق − بيلىك.
”كوممۋنيستىك پارتيا حالىقتىڭ باقىتىن كوزدەيدى، حالىق بۇقاراسى قاي جاقتاردا وزدەرىن باقىتتى، كوڭىلدى سەزىنبەسە، رازى بولماسا، ءبىز سول جاقتارعا كۇش سالىپ، امالدىڭ بارىنشا بۇقارانى ۋايىمنان ارىلتىپ، قيىنشىلىعىن شەشۋىمىز كەرەك“. بۇل − حالىق كوسەمىنىڭ حالىققا دەگەن بۇلجىماس ۋادەسى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
