لي چياڭ جۇڭگو - شىعىس وڭتۇستىك ازيا ەلدەرى وداعى باسشىلارىنىڭ 26 - رەتكى ماجىلىسىنە قاتىناستى
2023.09.07 17:07 كەلۋ قاينارى : حالىق تورابى
سول جەر ۋاقىتتى 9 - ايدىڭ 6 - كۇنى تۇستەن بۇرىن مەملەكەتتىك كەڭەستىڭ زۇڭليى لي چياڭ يندونەزيا جاكارتادا جۇڭگو - شىعىس وڭتۇستىك ازيا ەلدەرى وداعى (1 + 10) باسشىلارىنىڭ 26 - رەتكى ماجىلىسىنە قاتىناستى. سۋرەتتە: ءماجىلىس اشىلاردان بۇرىن توپتىق سۋرەتكە ءتۇسۋ. سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن
«حالىق گازەتى»، 9 - ايدىڭ 6 - كۇنى جاكارتا (تىلشىلەر جاڭ نيانشىڭ، چىن شاڭۋىن). سول جەر ۋاقىتى 9 - ايدىڭ 6 - كۇنى تۇستەن بۇرىن مەملەكەتتىك كەڭەستىڭ زۇڭليى لي چياڭ يندونەزيا جاكارتادا جۇڭگو - شىعىس وڭتۇستىك ازيا ەلدەرى وداعى (1 + 10) باسشىلارىنىڭ 26 - رەتكى ماجىلىسىنە قاتىناستى. شىعىس وڭتۇستىك ازيا ەلدەرى وداعىنىڭ كەزەكتىءتوراعا ەلى يندونەزيانىڭ زۇڭتۇڭى جوكو، لاوستىڭ زۇڭليى سۇڭساي، برۋنەيدىڭ سۇلتانى حاساننال، كامبودجانىڭ باس ءۋازىرى حۇڭماناي، مالايزيانىڭ زۇڭليى ءانۋار، فيليپپيننىڭ زۇڭتۇڭى ماكوس، سينگاپۋردىڭ زۇڭليى لي شيانلۇڭ، ۆيەتنامنىڭ زۇڭليى فان ميڭجىڭ، تايلاند سىرتقى ىستەر مينيسترىنىڭ ورىنباسارى سالان، شىعىس وڭتۇستىك ازيا ەلدەرى وداعىنىڭ باقىلاۋشىسى شىعىس تيموردىڭ زۇڭليى شيانانا ماجىلىسكە قاتىناستى. شىعىس وڭتۇستىك ازيا ەلدەرى وداعىنىڭ باس حاتشىسى گاۋ جينحۇڭ ماجىلىسكە قاتىناستى.
لي چياڭ مىنانى ءبىلدىردى: 2013 - جىلى ءتوراعا شي جينپيڭ يندونەزيادا اناعۇرلىم تىعىز جۇڭگو - شىعىس وڭتۇستىك ازيا ەلدەرى وداعى تاعدىرلاس ورتاق تۇلعاسىن قۇرۋدى العا قويدى. 10 جىلدان بەرى جۇڭگو مەن شىعىس وڭتۇستىك ازيا ەلدەرى وداعى شىنايى مامىلە جاساۋدا، ءبىر - بىرىنە قارايلاسۋدا، ءوزارا پايدا جەتكىزۋدە، سايكەسۋدە، سيىسىمدى بولۋدا تاباندى بولىپ، قول ۇستاسا العا باسىپ، ءوزارا تابىسقا جەتىپ، دۇنيە جۇزىندەگى 100 جىلدىق وزگەرىس بارىسىندا ۇزاق ۋاقىت تاتۋ كورشىلىك، دوستىق، بىرگە دامۋ، گۇلدەنۋ دۇرىس جولىمەن ءساتتى ءجۇردى.
لي چياڭ اناعۇرلىم تىعىز جۇڭگو - شىعىس وڭتۇستىك ازيا ەلدەرى وداعىنىڭ تاعدىرلاس ورتاق تۇلعاسىن قۇرۋ جونىندە مىناداي ۇسىنىس قويدى: ءبىرىنشى، قول ۇستاسا وتىرىپ ەكونوميكالىق ارتۋ ورتالىعىن قۇرىپ، ءوزارا بايلانىس جاساۋدى كۇشەيتىپ، كاسىپ تىزبەگى مەن قامداۋ تىزبەگىندەگى سەلبەستىكتى تەرەڭدەتۋ. ەكىنشى، جاڭادان گۇلدەنگەن كاسىپ سالاسى سەلبەستىگىن قول ۇستاسا ىلگەرىلەتىپ، جاڭا ەنەرگيالى اۆتوموبيل، فوتوۆولت، جاساندى زەردە سياقتى سالالارداعى سەلبەستىكتى كۇشەيتۋ. ءۇشىنشى، ءوڭىردىڭ بەيبىتشىلىگى مەن تىنىشتىعىن قول ۇستاسا قورعاپ، ”نانحاي تەڭىزى ارەكەت ولشەمىنىڭ“ تەكستى جونىندە كەڭەسۋدى بەلسەنە ىلگەرىلەتىپ، تەلەگراف، توراپ الدامكوستىگىنە سوققى بەرۋ سياقتى سەلبەستىكتى ورىستەتۋ. ءتورتىنشى، قول ۇستاسا وتىرىپ گۋمانيتارلىق اۋىس - كۇيىستى كەڭەيتىپ، مادەنيەت، ساياحات، تاربيەلەۋ، جاستار قاتارلى سالالارداعى سەلبەستىكتى ىشكەرىلەي كۇشەيتۋ.
لي چياڭ مىنالاردى دارىپتەدى: جۇڭگو مەن شىعىس وڭتۇستىك ازيا ەلدەرى وداعى اجىرامايتىن، ايرىلا المايتىن جاقسى كورشىلەر، جاقسى باۋىرلاستار، جاقسى سەرىكتەر. جۇڭگو شىعىس وڭتۇستىك ازيا ەلدەرى وداعىنداعى ەلدەرمەن ىنتىماقتاسىپ، ءوزىن الۋەتتەندىرۋ اۋەلگى ماقساتىنان جازباي، سەلبەسىپ تەڭ يگىلىككە كەنەلۋ رۋحىن ۇستانىپ، بەيبىت، تىنىش، گۇلدەنگەن، كوركەم، دوسجار ورتاق مەكەنىمىزدى ويداعىداي قۇرۋدى قالايدى.
ماجىلىسكە قاتىناسقان شىعىس وڭتۇستىك ازيا ەلدەرى وداعىنداعى ەلدەردىڭ باسشىلارى لي چياڭ زۇڭليدى قىزۋ قارسى الىپ، شىعىس وڭتۇستىك ازيا ەلدەرى وداعى مەن جۇڭگو سەلبەستىگىنىڭ قول جەتكىزگەن تابىستارىن جوعارى باعالاپ، مىنانى ءبىلدىردى: شىعىس وڭتۇستىك ازيا ەلدەرى وداعى مەن جۇڭگونىڭ جان - جاقتى ستراتەگيالىق سەرىكتەستىك قاتىناسى وڭىردەگى حالىقتارعا وراسان زور باقىت جاراتىپ، ءوڭىردىڭ بەيبىتشىلىگى مەن دامۋىن، ورنىقتىلىعىن جەبەدى. شىعىس وڭتۇستىك ازيا ەلدەرى وداعىنداعى ەلدەر جۇڭگومەن ءوزارا سەنىمدىلىكتى ونان ارى كۇشەيتىپ، ”ءبىر بەلدەۋ، ءبىر جول“ باستاماسىمەن ءتۇيىلىسۋدى كۇشەيتىپ، اۋىل شارۋاشىلىعى، ساۋدا، قارجى قوسۋ، سيفرلى ەكونوميكا، عىلىم - تەحنيكا، وقۋ - اعارتۋ، مادەنيەت سياقتى سالالارداعى سەلبەستىكتى تەرەڭدەتىپ، كليمات وزگەرىسى سياقتى دۇنيە جۇزىلىك سىن - سايىسقا قول ۇستاسا توتەپ بەرۋدى قالايدى. شىعىس وڭتۇستىك ازيا ەلدەرى وداعىنا مۇشە ەلدەر ”نانحاي تەڭىزى ارەكەت ولشەمىن“ جاساۋ جاعىندا ىلگەرىلەۋشىلىككە قول جەتكىزۋدى قارسى الادى، شىعىس وڭتۇستىك ازيا ەلدەرى وداعى جۇڭگو ەركىن ساۋدا رايونىنىڭ دەڭگەيىن جوعارىلاتۋ جونىندەگى كەلىسسوزدى ەرتەرەك ورىنداپ، 20 - كەزەكتى جۇڭگو - شىعىس وڭتۇستىك ازيا ەلدەرى وداعى كورمەسىن بىرگە وتكىزۋدى ءۇمىت ەتەدى، جۇڭگو جاقپەن بىرگە ورايدى يگەرىپ، سىن - سايىسقا توتەپ بەرىپ، شىعىس وڭتۇستىك ازيا ەلدەرى وداعى - جۇڭگو تاعدىرلاس ورتاق تۇلعاسىن قالىپتاستىرۋدى قالايدى.
ءماجىلىس ”ءبىر بەلدەۋ، ءبىر جول“ باستاماسىن شىعىس وڭتۇستىك ازيا ەلدەرى وداعى مەن ءۇندى مۇحيتى، تىنىق مۇحيت ءوڭىرىنىڭ ءوزارا تيىمدىلىك جەتكىزۋ سەلبەستىگى جونىندە مالىمدەمە جاريالادى، «جۇڭگو مەن شىعىس وڭتۇستىك ازيا ەلدەرى وداعىنىڭ اۋىل شارۋاشىلىعى سەلبەستىگىن تەرەڭدەتۋ جونىندەگى بىرلەسكەن مالىمدەمەسى»، «جۇڭگو مەن شىعىس وڭتۇستىك ازيا ەلدەرى وداعىنىڭ اۋىل شارۋاشىلىعىن جاسىل دامىتۋ ارەكەت جوسپارى (2023 − 2027)»، «جۇڭگو مەن شىعىس ازيا ەلدەرى وداعىنىڭ ەلەكتروندىق ساۋدا سەلبەستىگىن كۇشەيتۋ جونىندەگى باستاماسى»، «جۇڭگو مەن شىعىس وڭتۇستىك ازيا ەلدەرى وداعىنىڭ عىلىم - تەحنيكادا جاڭالىق اشۋ، دەڭگەيىن جوعارىلاتۋ جوسپارىن اتقارۋدى بىرگە ىلگەرىلەتۋ جونىندەگى بىرلەسكەن باستاماسى» سياقتى جەتىستىك قۇجاتتارىن ماقۇلدادى، «جۇڭگو - شىعىس وڭتۇستىك ازيا ەلدەرى وداعى تەحنيكالىق سەلبەستىك كەلىسىمىنە» قول قويۋدى قارسى الاتىنىن ءبىلدىردى، 2024 - جىلدى ”جۇڭگو - شىعىس وڭتۇستىك ازيا ەلدەرى وداعى گۋمانيتارلىق اۋىس - كۇيىس جىلى“ دەپ جاريالادى.
ۋ جىڭلۇڭ قاتارلىلار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
