ج ك پ ورتالىق كوميتەتىنىڭ ساياسي بيۋروسى ءماجىلىس اشتى
«20 - كەزەكتى ورتالىق كوميتەتتىڭ 1 - كەزەكتى شارلاۋ جاعدايى جونىندەگى جالپىلىق باياندامانى» قارادى
ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
2023.09.28 15:56 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 27 - كۇنى، بەيجيڭ. ج ك پ ورتالىق كوميتەتىنىڭ ساياسي بيۋروسى 9 - ايدىڭ 27 - كۇنى ءماجىلىس اشىپ، «20 ـ كەزەكتى ورتالىق كوميتەتتىڭ 1 ـ كەزەكتى ارالاپ تەكسەرۋ احۋالى جونىندەگى جالپىلىق باياندامانى» قارادى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس بىلاي دەپ قارادى: شي جينپيڭ جولداستى ۇيتقى ەتكەن پارتيا ورتالىق كوميتەتى شارلاۋ قىزمەتىنە ايرىقشا ءمان بەرىپ، شارلاۋدى پارتيانىڭ وزىنە توڭكەرىس جاساۋىن، پارتيانى جاپپاي قاتاڭ جونگە سالۋدى ىلگەرىلەتۋدىڭ ستراتەگيالىق تۇزىمدىك ورنالاستىرۋى ەتىپ، ءبىرقىدىرۋ كەلەلى شەشىم، ورنالاستىرۋ جاسادى. 20 ـ كەزەكتى ورتالىق كوميتەتتىڭ 1 ـ كەزەكتى شارلاۋى دۇرىس جولدان تايماي، جاڭالىق اشۋدا تاباندى بولىپ، ساياسي باقىلاۋدىڭ ناقتىلانۋىن، دالمە ـ دالدىگىن، ۇدايىلانۋىن ىلگەرىلەتىپ، پارتيانى جاپپاي قاتاڭ جونگە سالۋ ماڭگى جالعاسادى، پارتيانىڭ وزىندىك توڭكەرىسى ماڭگى جالعاسادى دەيتىن ايقىن سيگنال بەردى. اماليات شارلاۋدىڭ ماسەلەنى بايقاۋدى جانە شەشۋدى ىلگەرىلەتۋدىڭ ءونىمدى ءتاسىلى ەكەنىن، ۇزدىكسىز كۇش سالىپ، ىشكەرىلەي ىلگەرىلەتۋ كەرەكتىگىن دالەلدەدى.
ءماجىلىس مىنالاردى اتاپ كورسەتتى: شارلاپ تەكسەرۋدەن قاراعاندا، مەملەكەت مەنشىگىندەگى كاسىپورىندار، فينانس، دەنە تاربيە سالالارىندا پارتيا قۇرىلىسى، پارتيانى جاپپاي قاتاڭ جونگە سالۋ كۇشەيتىلىپ، ءتۇرلى قىزمەتتەردە جاڭا ناتيجەگە قول جەتتى، الايدا ءىشىنارا ماسەلەلەر دە ورىن تەۋىپ وتىر. قاتاڭ نەگىزگى اۋەندى، قاتاڭ شارانى، قاتاڭ رايدى سوڭىنا دەيىن جەتكىزىپ، سوڭىنا دەيىن جالعاستىرىپ، شارلاۋ جۇرگىزىلگەن پارتيا ۇيىمدارىن، اسىرەسە، نەگىزگى جاۋاپتى جولداستاردى جاۋاپكەرلىكتى شىنايى ارقالاۋعا قۋزاپ، رەتتەۋ - تۇزەتۋدى قاتاڭ، شىنايى، ويداعىداي يگەرىپ، شارلاۋدى، رەتتەۋ - تۇزەتۋدى شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋمەن ۇشتاستىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداۋ كەرەك.
ءماجىلىس مىنالاردى دارىپتەدى: شارلاۋدى، رەتتەۋ - تۇزەتۋدى وراي ەتىپ، پارتيانىڭ جاپپاي باسشىلىعىن ونان ارى كۇشەيتىپ، شارلاۋ جۇرگىزىلەتىن پارتيا ۇيىمىن ساياسي دەڭگەيدى جوعارىلاتىپ، پارتيا ورتالىق كوميتەتى جۇكتەگەن قىزمەت جاۋاپكەرلىگىن، بورىشىن مۇقيات اتقارۋعا قۋزاپ، مەملەكەت مەنشىگىندەگى كاسىپورىنداردىڭ وزەكتى يقۋاتى مەن وزەكتى باسەكەلىك قۋاتىن ۇزدىكسىز كۇشەيتىپ، جۇڭگوشا سوتسياليزمنىڭ ماڭىزدى زاتتىق نەگىزى مەن ساياسي نەگىزىن بەكەمدەپ، فينانس كاسىپورىندارىنىڭ ناقتى ەكونوميكاعا جانە مەملەكەتكە قىزمەت وتەۋ ستراتەگيالىق تەبىنىن ارتتىرىپ، ساپالى دامۋدى ىلگەرىلەتۋ كەرەك. دامۋ مەن حاۋىپسىزدىكتى ءبىر تۇتاس جوسپارلاپ، تومەنگى شەكتە ويلاۋدى، شەگىنە جەتكىزە ويلاۋدى بەرىك ورناتىپ، پارمەندى شارالار قولدانىپ، ەلەۋلى حاۋىپ - قاتەردەن ساقتانىپ جانە ونى جويىپ، حاۋىپسىزدىكتىڭ تومەنگى شەگىن مىقتاپ ساقتاۋ كەرەك. پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتىپ، پارتكوم (پارتيا باسشىلىق گرۋپپاسى) شۋجيلەرىنىڭ ءبىرىنشى جاۋاپتى ادام بولۋ جاۋاپكەرلىگىن، باسشىلىق القا مۇشەلەرىنىڭ ”ءبىر قىزمەت ورنىندا ەكى جاۋاپكەرلىك ارقالاۋىن“، ءتارتىپ تەكسەرۋ، باقىلاۋ ـ تەكسەرۋ قۇرىلىمدارىنىڭ باقىلاۋ جاۋاپكەرلىگىن قاتايتىپ، ناقتىلاندىرىپ، ءار دارەجەلى ”ءبىرىنشى باسشىنى“ باقىلاۋدى كۇشەيتۋدى كورنەكتىلەندىرىپ، مەملەكەت مەنشىگىندەگى كاسىپورىنداردىڭ، فينانس سالاسىنىڭ شىرىكتەسۋگە قارسى تۇرۋ تەبىنىن ارتتىرىپ، ”ءتورت بۇرىس ستيلدى“ ىشكەرىلەي تۇزەتىپ، جونگە سالىپ، دەلو ارقىلى تۇزەتۋدى جەبەۋ، دەلو ارقىلى جونگە سالۋدى جەبەۋ كەرەك. شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ءبىر تۇلعالادا ىلگەرىلەتۋ كەرەك. جاڭا داۋىردەگى پارتيانىڭ ۇيىمدىق لۋشيانىن مۇقيات دايەكتىلەندىرىپ، باسشىلىق القا قۇرىلىسىن، كادر - دارىندىلار قوسىنى قۇرىلىسىن جانە نەگىزگى ساتى پارتيا ۇيىمى قۇرىلىسىن كۇشەيتۋ كەرەك. شارلاۋ جەتىستىكتەرىن جان ـ جاقتى ويداعىداي پايدالانىپ، رەفورمانى تەرەڭدەتىپ، ءتۇزىمدى كەمەلدەندىرىپ، تۋ باستان جونگە سالۋدى ىلگەرىلەتىپ، ۇستىنەن وڭاۋ مەن تۇبىرىنەن وڭاۋدى قاتار جۇرگىزۋدى جەبەۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
