«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن اشايىق
2023.10.16 17:08
شينحۋا اگەنتتىگى، 10 - ايدىڭ 15 - كۇنى، بەيجيڭ، 10 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 20 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن اشايىق» اتتى ماڭىزدى ماقالاسى جاريالانادى.
ماقالادا مىنالار دارىپتەلدى: پارتيانىڭ 20 - قۇرىلتايىندا ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن اشۋ سىندى كەلەلى مىندەت العا قويىلىپ، مۇنىڭ زامانىمىزداعى جۇڭگو كوممۋنيستەرىنىڭ ايبىندى تاريحي جاۋاپكەرلىگى ەكەنى دارىپتەلدى. ءبىز وسى تاقىرىپتا توپتىق ۇيرەنۋ جۇرگىزدىك، مۇنداعى ماقساتىمىز پارتيانىڭ نازاريادا جاڭالىق اشۋىنىڭ زاڭدىلىعى جونىندەگى تانىمدى تەرەڭدەتىپ، نازاريادا جاڭالىق اشۋدىڭ ورنىن، بەتالىسىن، ءادىسىن اناعۇرلىم ايقىنداپ، جاڭا ءداۋىر، جاڭا جورىقتا اناعۇرلىم مول نازاريالىق جاڭالىق اشۋ جەتىستىكتەرىنە قول جەتكىزۋ ءۇشىن بولىپ تابىلادى.
ماقالادا مىنالار اتاپ كورسەتىلدى: پارتيانىڭ 100 جىلدىق كۇرەس تاريحىنا قايىرىلا قاراساق، پارتيامىزدىڭ توڭكەرىس، قۇرىلىس، رەفورما سىندى تاريحي كەزەڭدەردە كەلەلى تابىستارعا قول جەتكىزە الۋى، حالىققا باسشىلىق ەتىپ، جۇڭگونىڭ باسقا دا ساياسي كۇشتەرى ورىنداي المايتىن جاپالى مىندەتتەردى ورىنداي الۋى، تۇپتەپ كەلگەندە، ماركسيزمنىڭ عىلمي نازارياسىن يگەرگەنىنەن، سونداي - اق جاڭا ءىس جۇزىندىك جاعدايمەن ۇشتاستىرىپ، نازاريادا جاڭالىق اشۋدى ۇزدىكسىز ىلگەرىلەتىپ، پارتيانىڭ قۇدىرەتتى اقيقات كۇشىن يگەرۋىنە مۇمكىندىك جاساعانىنان بولدى. پارتيا 20 - قۇرىلتايىنىڭ بايانداماسىندا تاريحي تاجىريبەلەردى قورىتىندىلاۋ نەگىزىندە، ”ەكىنى ۇشتاستىرۋ“، ”التىدا، ءسوز جوق، تاباندى بولۋ“ سياقتى پارتيانىڭ نازاريادا جاڭالىق اشۋىن ىلگەرىلەتۋدىڭ عىلمي ادىستەرى العا قويىلىپ جانە پايىمدالىپ، پارتيانىڭ نازاريادا جاڭالىق اشۋىن ۇزدىكسىز ىلگەرىلەتۋگە ءتۇبىرلى تياناق ازىرلەندى، ءبىز وندا ويداعىداي تاباندى بولۋىمىز، ونى ويداعىداي قولدانۋىمىز كەرەك.
ماقالادا مىنالار اتاپ كورسەتىلدى: نازاريادا جاڭالىق اشۋدىڭ رۋحى مەن تامىرىندا باستان - اياق تاباندى بولۋ كەرەك. ماركسيزمنىڭ جۇڭگوشالانۋى، زامانالانۋى سىندى كەلەلى ماسەلەنىڭ ءوزى ءبىزدىڭ ماركسيزم سىندى وسى ارقاۋدى تاستاۋىمىزعا، جۇڭحۋانىڭ تاڭداۋلى ءداستۇرلى مادەنيەتى سىندى وسى تامىردان بەزۋىمىزگە بولمايتىنىن بەلگىلەگەن. وسى رۋح پەن تامىردا ويداعىداي تاباندى بولۋ − نازاريادا جاڭالىق اشۋدىڭ نەگىزى جانە العى شارتى، نازاريادا جاڭالىق اشۋ دا وسى رۋح پەن تامىردا اناعۇرلىم ويداعىداي تاباندى بولۋ ءۇشىن بولىپ تابىلادى. ماركسيزم سىندى وسى پارتيا، مەملەكەت قۇرۋدىڭ، پارتيانى، مەملەكەتتى گۇلدەندىرۋدىڭ نەگىزىندە بۇلجىماي تاباندى بولىپ، ءوز ەلىمىزدىڭ، ءوز ۇلتىمىزدىڭ تاريحي مادەنيەتىنىڭ قۇنارلى توپىراعىندا تامىر تارتقىزۋدا تاباندى بولا وتىرىپ ماركسيزمدى ايالسىز دامىتىپ، ماركسيزمنىڭ يدەيالىق جاۋھارىن جۇڭحۋانىڭ تاڭداۋلى ءداستۇرلى مادەنيەتىنىڭ جاۋھارىمەن ءونىمدى تۇردە ۇشتاستىرىپ، جاڭا نازاريالىق ابزالدىققا اينالدىرىپ، جاڭا يدەيالىق بيىك شىڭعا ۇزدىكسىز شىعۋ كەرەك. نازاريالىق كوز ايانى كەڭەيتىپ، ادامزات قوعامىنىڭ بارلىق تاڭداۋلى وركەنيەت جەتىستىكتەرىن دارقان پەيىلمەن ۇيرەنىپ جانە ودان ۇلگى الىپ، ”ادامزات ءبىلىمىنىڭ جيىنتىعىنان“ ۇزدىك يدەيا، مادەنيەت بايلىعىن قابىلداۋ ارقىلى پارتيانىڭ نازارياسىندا جاڭالىق جاراتىپ جانە ونى دامىتىپ، بارلىعىن قامتۋ، كوپتىڭ ارتىقشىلىعىن قابىلداۋ سىندى نازاريالىق زور جاعداي، اۋقىمدى بەينە قالىپتاستىرۋ كەرەك.
ماقالادا مىنالار اتاپ كورسەتىلدى: ءداۋىردىڭ جاڭا تاقىرىپتارىنا دەر كەزىندە عىلمي جاۋاپ بەرۋ كەرەك. ءداۋىر بولگىش نازاريا اتاۋلىنىڭ بارلىعى − ءداۋىردىڭ قاجەتىن قاناعاتتاندىرۋدىڭ تۋىندىسى. نازاريانىڭ شارىقتاۋى ءسوز - سويلەمدەردىڭ جاڭالانۋىنان دا، لوگيكالىق ءوزىن - ءوزى دالەلدەۋ جاعىنان دا بەينەلەنبەيدى، سايىپ كەلگەندە، امالياتتىق ماسەلەلەرگە جاۋاپ بەرۋ، امالياتتىڭ دامۋىنا جەتەكشىلىك ەتۋ جاعىنان بەينەلەنەدى. ماركسيزم − امالياتتىق نازاريا. ءبىزدىڭ نازاريادا جاڭالىق اشۋدى ىلگەرىلەتۋىمىز − اماليات نەگىزىندەگى نازاريالىق جاڭالىق، التىن سارايدا وتىرعانداي قۇر قيال ەمەس، ءسوز جوق، اماليات بارىسىندا اقيقاتتى بايقاۋدا، اقيقاتتى دامىتۋدا تاباندى بولىپ، اماليات ارقىلى اقيقاتتى جۇزەگە اسىرۋ، اقيقاتتى سىننان وتكىزۋ كەرەك. بۇگىنگى تاڭدا ءبىزدىڭ ماركسيزمنىڭ جۇڭگوشالانۋىن، زامانالانۋىن ىلگەرىلەتۋ مىندەتىمىز جەڭىلدەگەن جوق، قايتا اۋىرلاي ءتۇستى. ۇلى تاريحي كوزقاراستى بەرىك ورناتىپ، دۇنيە تاريحىنىڭ دامۋ جەلىسى مەن دۇرىس بەتالىسىن اناعۇرلىم كەڭ كوز ايامەن، اناعۇرلىم ۇزاق بولاشاقتىق كورەگەندىكپەن يگەرىپ، ەلىمىز قوعامى دامۋىنىڭ، ادامزات قوعامى دامۋىنىڭ ۇلكەن لوگيكاسىن، ۇلكەن بەتالىسىن ايقىن تانىپ، جۇڭگو ۇلگىسىندەگى وسىزامانداندىرۋدىڭ تاريحي وزگەرىسى مەن امالياتتىق تالابىن يگەرىپ، رەال ماسەلەلەردى شەشۋدىڭ عىلمي ۇستانىمىن، ءونىمدى شارالارىن جاپپاي، جۇيەلى تۇردە العا قويىپ، زامانىمىزداعى جۇڭگو ماركسيزمىنىڭ، 21 - عاسىرداعى ماركسيزمنىڭ اناعۇرلىم پارمەندى، اناعۇرلىم يلاندىرارلىق اقيقات كۇشىن ايگىلەۋىمىز كەرەك.
ماقالادا مىنالار اتاپ كورسەتىلدى: پارتيانىڭ جاڭالىق اشۋ نازارياسىنىڭ جۇيەلىلەنۋىن، عىلمي پرينسيپكە اينالۋىن كۇش سالا ىلگەرىلەتۋ كەرەك. نازاريانىڭ جۇيەلىلەنۋىن، عىلمي پرينسيپكە اينالۋىن ىلگەرىلەتۋ − نازاريادا جاڭالىق اشۋدىڭ ىشكى تالابى جانە ماڭىزدى جولى. ماركسيزمنىڭ تەرەڭ ىقپالى ونىڭ تەرەڭ عىلمي قاعيدامەن ادامزات قوعامى دامۋىنىڭ اقيقاتتىعىن اشىپ، كەمەلدى جۇيە ارقىلى ءوز نازارياسىنىڭ عىلميلىعىن دالەلدەۋىنەن بولدى. جاڭا داۋىردەگى جۇڭگوشا سوتسياليزم يدەياسىنىڭ دامۋى − ۇزدىكسىز بايىپ، كەڭەيىپ، جۇيەلىلەنىپ، عىلىميلانىپ وتىراتىن بارىس. اماليات بارىسىنىڭ تەرەڭدەۋىنە بايلانىستى، پارتيانىڭ نازاريادا جاڭالىق اشۋ جەتىستىكتەرى بارعان سايىن بايي تۇسەدى. نازاريالىق زەرتتەۋدى، ءتۇسىندىرۋدى ۇزدىكسىز تەرەڭدەتىپ، پارتيامىز العا قويعان جاڭا ۇستانىمدارداعى، جاڭا تۇجىرىمدارداعى قاعيدا سيپاتىنا يە نازاريالىق جەتىستىكتەردى ءتۇيىندى تۇردە زەرتتەپ، ءتۇسىندىرىپ، ءوزارا ىشكى بايلانىستى يگەرىپ، بۇكىل پارتيانى، بۇكىل ەلدى جاڭا ءداۋىر جۇڭگوشا سوتسياليزم يدەياسىنىڭ نازاريالىق جۇيەسىن اناعۇرلىم ويداعىداي ۇيرەنۋگە، يگەرۋگە تاربيەلەۋ، جەتەكتەۋ كەرەك.
ماقالادا مىنالار اتاپ كورسەتىلدى: حالىق بۇقاراسىنىڭ جاسامپازدىعىنان نازاريادا جاڭالىق اشۋ اقىل - پاراساتىن قابىلداۋعا باسا ءمان بەرۋ كەرەك. ماركسيزم − حالىق ءۇشىن سويلەيتىن، حالىقتىڭ تىلەگىن جەتكىزەتىن نازاريا، حالىقتىڭ تاعدىرىن وزگەرتۋ ءۇشىن قۇرىلعان، حالىقتىڭ ازاتتىققا قول جەتكىزۋ امالياتى بارىسىندا بايىعان جانە دامىعان، حالىقتىڭ جاسامپازدىق امالياتى − ماركسيزم نازارياسىندا جاڭالىق اشۋدىڭ سارقىلماس قاينارى. ماركسيزمنىڭ جۇڭگوشالانۋىنىڭ، زامانالانۋىنىڭ تابىسى − پارتيا مەن حالىقتىڭ امالياتتىق تاجىريبەسى مەن كوللەكتيۆ اقىل - پاراساتىنىڭ جاۋھارى. ءبىزدىڭ ءتۇرلى قىزمەت امالياتىمىز بۇقارالىق لۋشيانمەن ويداعىداي ءجۇرۋى، پارتيانىڭ نازاريادا جاڭالىق اشۋىن ىلگەرىلەتۋ دە بۇقارالىق لۋشيانمەن ويداعىداي ءجۇرۋى كەرەك. حالىقتىڭ جاسامپازدىق رۋحىنا قۇرمەت ەتىپ، حالىقتىڭ جاسامپازدىق امالياتىنان جاڭا تاجىريبەلەردى قورىتىندىلاۋعا باسا ءمان بەرىپ، اقىلدىق تانىمعا اينالدىرىپ، جاڭا نازاريالىق جەتىستىكتەردى سۇرىپتاپ، پارتيانىڭ جاڭالىق اشۋ نازارياسىن حالىقتىڭ كوكەيىنە ۇيالاتىپ، جەرگىلىكتى جاعدايعا ۇيلەسەتىن، حالىقتىڭ اقىل - پاراساتىن شوعىرلاندىراتىن، حالىقتىڭ تىلەگىنە ۇيلەسەتىن، حالىقتىڭ قالاۋىنان شىعاتىن نازارياعا اينالدىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
