مەملەكەتتىك دەنساۋلىق ساقتاۋ، سالاماتتىق كوميتەتى ەمدەۋ قۇرىلىمدارىنداعى ناۋقاستاردىڭ حاۋىپسىزدىگىن باسقارۋ دەڭگەيىن جوعارىلاتۋدى تالاپ ەتتى
باسقالارعا ناۋقاستىڭ ەمدەلۋ ينفورماتسياسىن ءوز بەتىمەن بەرۋگە قاتاڭ تيىم سالىنادى
2023.10.18 15:22 كەلۋ قاينارى : حالىق تورابى
ناۋقاستىڭ دەنساۋلىق ۇقىق – مۇددەسىن قورعاۋ، ناۋقاستاردىڭ حاۋىپسىزدىگىن قامتاماسىزداندىرۋ، ەمدەۋ قۇرىلىمدارىنداعى ناۋقاستاردىڭ حاۋىپسىزدىگىن باسقارۋ ورەسىن اناعۇرلىم جوعارىلاتۋ ءۇشىن، مەملەكەتتىك دەنساۋلىق ساقتاۋ، سالاماتتىق كوميتەتى تاياۋدا «ناۋقاستاردىڭ حاۋىپسىزدىك ارناۋلى ارەكەت جوباسىن (2023 – جىلدان 2025 – جىلعا دەيىن)» (تومەندە قىسقاشا «ارەكەت جوباسى» دەلىنەدى) جاسادى جانە جاريالادى.
«ارەكەت جوباسىندا» مىنالار العا قويىلدى: 3 جىل ۋاقىتتان پايدالانىپ، ناۋقاستاردىڭ حاۋىپسىزدىگىن باسقارۋ جۇيەسىن ونان ارى اقاۋسىزداندىرىپ، ءتۇزىم قۇرىلىسىن كەمەلدەندىرىپ، قىزمەت مەحانيزمىن ىركىلىسسىزدەندىرىپ، ەمدەۋ بارىسىنداعى جانە شيپاحانا ورتاسىنداعى ءتۇرلى حاۋىپ ـ قاتەرلەردى دەر كەزىندە جويىپ، ناۋقاستاردىڭ حاۋىپسىزدىگىن قامتاماسىز ەتۋ كەرەك.
«ارەكەت جوباسىندا» مىنالار تالاپ ەتىلدى: ەمدەۋ قىزمەتكەرلەرىن باسقارۋدى ارناعا ءتۇسىرىپ، ەمدەۋ قىزمەتكەرلەرىن جۇيەلى باسقارۋدى كۇشەيتىپ، قاتىستى زاڭ - ەرەجەلەر، ەمدەۋ ساپاسى حاۋىپسىزدىگى وزەكتى ءتۇزىمى، مەملەكەتتىڭ جىلدىق ەمدەۋ ساپاسى حاۋىپسىزدىگىن جاقسارتۋ نىساناسى، ساپانى باسقارۋ قۇرالى سياقتى مازمۇنداردى ارقاۋ ەتىپ، ناۋقاستاردىڭ حاۋىپسىزدىك تاربيەسىن جۇرگىزىپ، قىزمەتكەرلەردىڭ حاۋىپسىزدىك تانىمىن جوعارىلاتۋ كەرەك.
ايتا كەتۋگە تاتيتىنى، ەمدەۋ ينفورماتسياسىنىڭ حاۋىپسىزدىگىنە كەپىلدىك ەتۋ ءۇشىن، «ارەكەت جوباسىندا» ينفورماتسيا حاۋىپسىزدىگىنە ءمان بەرۋ دەڭگەيىن جوعارىلاتىپ، تالاپ بويىنشا ەمدەۋ قۇرىلىمدارىنىڭ ىشكى بولەگىندەگى ينفورماتسيا جۇيەسىنە ينفورماتسيا حاۋىپسىزدىگى دارەجەسىن قورعاۋ شاراسىن قولدانىپ، ەسەپ ءنومىرى ينفورماتسياسى مەن ۇقىق شەگىن باسقارۋدى كۇشەيتىپ، قۇجات تەكسەرۋ، ساڭىلاۋدى تەكسەرۋ، ءسىڭىپ كىرۋدى تەكسەرۋ سياقتى الۋان ءتۇرلى فورماداعى حاۋىپسىزدىك ءوزىن – ءوزى تەكسەرۋىن مەرزىم بويىنشا ورىستەتىپ، تەكسەرۋ ساندى مالىمەتتەردىڭ شاشىلۋىنان، بۇلىنۋىنەن، جوعالۋىنان ساقتانۋ كەرەك، ءارقانداي ادامنىڭ ءوز بەتىمەن باسقالارعا نەمەسە باسقا قۇرىلىمدارعا ناۋقاستىڭ دياگنوز قويۋ ينفورماتسياسىن بەرۋىنە قاتاڭ تيىم سالۋ كەرەك. سونىمەن بىرگە، ينفورماتسيا جۇيەسىنىڭ اپاتقا توتەپ بەرۋ جاعىنداعى ساندى مالىمەت كوشىرمەسىن ساقتاۋ دايىندىعىن ويداعىداي ىستەپ، ينفورماتسيا جۇيەسىنىڭ شۇعىل جاعدايعا توتەپ بەرۋ جوباسىن ورناتۋ ءارى شيپاحانانىڭ ينفورماتسيا جۇيەسىنىڭ ءىشىنارا نەمەسە بۇكىلدەي سالدانۋ جاعدايىندا كلينيكالىق اينالىمدى ءبىر جاقتى ەتۋ جوباسىن جاساۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
