وقۋ - اعارتۋ مينيسترلىگى مىنانى ەسكەرتتى: بالانىڭ دەنەسىنىڭ يكەمدى يىلگىشتىگىن وتە ەرتە، شەكتەن تىس جاتتىقتىرماعان ءجون
2023.11.13 14:35 كەلۋ قاينارى : شينجياڭ گازەتى
ءتىلشىنىڭ 11 - ايدىڭ 11 - كۇنى وقۋ - اعارتۋ مينيسترلىگىنەن ۇعىسۋىنشا، جۋىردا وقۋ - اعارتۋ مينيسترلىگى قوعام حاۋىپسىزدىگى مينيسترلىگىمەن، مەملەكەتتىك ورتتەن ساقتانۋ جانە قۇتقارۋ - كومەكتەسۋ مەكەمەسىمەن بىرگە مەكتەپ سىرتىنداعى كۋرستارعا قاتىناسقان ورتا - باستاۋىش مەكتەپ وقۋشىلارىنىڭ ”حاۋىپسىزدىگىن قورعاۋ“ ارناۋلى ارەكەتىن ورىستەتكەن. ءبي، دەنە تاربيە قاتارلى دەنەنى جاتتىقتىرۋدى نەگىز ەتەتىن، جارالانۋ حاۋپى وڭاي تۋىلاتىن كۋرس قيمىلدارىنا باعىتتاي وتىرىپ، بالانىڭ دەنەسىنىڭ يكەمدى يىلگىشتىلىگىن وتە ەرتە، شەكتەن تىس جاتتىقتىرماۋ جونىندە ەسكەرتۋ بەردى.
ەسكەرتۋدە بىلاي دەپ اتاپ كورسەتىلگەن: بالانىڭ دەنەسىنىڭ جەتىلۋى ءتۇرلى باسقىشتاردى باستان كەشىرەدى، عىلىمي جاتتىقتىرعان ءجون، بالانىڭ دەنەسىنىڭ يكەمدى يىلگىشتىگىن ەرتە باستان، شەكتەن تىس جاتتىقتىرۋدىڭ سالدارىنان بالانىڭ دەنە مۇشەلەرىنىڭ ويداعىداي جەتىلمەۋى، بۇلشىق ەتىنىڭ جەتىلۋىندە كەمىستىك بايقالۋ سىندى ماسەلەلەر تۋىنداۋى مۇمكىن. سول سەبەپتى، بالانى كۋرسقا قاتىناستىرعاندا سايكەستى كاسىپتىك ساقتىق شارالارىن اتقارۋ كەرەك، جالتىر شىنى كەرپىشتى نەمەسە سەمەنتتى الاڭ قاتارلى ورىنداردا جاتتىقتىرۋ، دەنەسىن تولىق قىزدىرماي تۇرىپ جاتتىقتىرۋ، قورعاۋسىز تۇردە حاۋىپتى جاتتىعۋلاردى ىستەتۋ، شارشاعان كۇيدە جاتتىقتىرۋ قاتارلىلار بالانىڭ جارالانۋ حاۋپىن ارتتىرادى، مۇندايدان ساق بولعان ءجون.
ەسكەرتۋدە مىنالار ورتاعا قويىلعان: ءاربىر بالانىڭ ءوسىپ - جەتىلۋىندە پارىق بولادى، سىرتقى كۇشتى اسىرا قولدانۋ، مىجعىلاۋ، كەرگىلەۋ قاتارلى بۋىندى، ومىرتقانى، ءسىڭىردى جاتتىقتىراتىن ارەكەتتەر سۇيەكتىڭ ورنىنان تايۋى، ءپىشىنىن وزگەرتۋى، بۋىننىڭ اۋرۋى قاتارلىلاردى كەلتىرىپ شىعارۋى مۇمكىن، اۋىر بولعاندا سۇيەكتىڭ وسۋىنە جانە ءوسىپ - جەتىلۋگە ىقپال جاسايدى. توڭقالاڭ اسۋ، شالقالاۋ، ءسىڭىردى سوزۋ، اياقتى كەرۋ قاتارلى ارەكەتتەر جۇيەلىلەندىرىلگەن كاسىپتىك جاتتىقتىرۋ نەگىزىندە ىستەلۋى قاجەت ءارى بۇل ارەكەتتەردى العاش باستاپ ۇيرەنگەندەر مەن كاسىپتەن سىرتقى اۋەسكەرلەردىڭ جاتتىقتىرۋى بويىنشا ىستەۋ ۇيلەسپەيدى، كاسىپتىك جەتەكشىلەر مەن ەرەسەكتەردىڭ قورعاۋىندا ىستەگەنى ءجون. ماماندار 10 جاسقا تولماعان بالالاردىڭ ”شالقالاۋ“ قاتارلى ومىرتقانى، بەلدى جاتتىقتىراتىن ارەكەتتەردى ىستەگەندە اباي بولۋىن، جارالانىپ قالۋدان ساقتانۋىن ەسكەرتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
