وكپە قابىنۋى ميكوپلازماسىمەن جۇعىمدالۋ، ءسوزسىز، وكپە قابىنۋىن تۋدىرا ما؟ ماماندار جاۋاپ قايتاردى
2023.11.13 15:54 كەلۋ قاينارى : حالىق تورابى
جۋىردا بۇكىل ەلىمىزدىڭ كوپ جەرىندە ەمحانالار وكپە قابىنۋى ميكوپلازماسىمەن جۇعىمدالعان ناۋقاستاردى قابىلدادى، ناۋقاستاردىڭ كوبى بالالار. بۇل بالالاردىڭ كوبىندە قىزۋى ورلەۋ، قۇرعاق جوتەلۋ قاتارلى اۋرۋ بەلگىلەرى بايقالعان. وكپە قابىنۋى ميكوپلازماسىمەن جۇعىمدالۋعا قاتىستى قولامتالى ماسەلەلەر جونىندە ماماندار جىنتىكتەي جاۋاپ قايتاردى.
وكپە قابىنۋى ميكوپلازماسىمەن جۇعىمدالۋ، ءسوزسىز، وكپە قابىنۋىن تۋدىرا ما؟
ەكىتالاي. وكپە قابىنۋى ميكوپلازماسى — تابيعات دۇنيەسىندە ۇنەمى كەزدەسەتىن ميكوپلازما، باكتەريا دا، ۆيرۋس تا ەمەس. وكپە قابىنۋى ميكوپلازماسىنىڭ اتىندا ”وكپە قابىنۋى“ دەگەن ءسوز بولعانىمەن، وكپە قابىنۋى ميكوپلازماسىمەن جۇعىمدالۋ ميكوپلازمالى وكپە قابىنۋىمەن بىردەي دەپ قاراۋعا بولمايدى.
وكپە قابىنۋى ميكوپلازماسى، باستىسى، تۇكىرىك شاشىراندىسى ارقىلى تارالادى، جوعارعى تىنىس جولى ارقىلى بىرتىندەپ تومەنگى تىنىس جولىنا قاراي تارالادى، جۇتقىنشاقتىڭ قابىنۋى، قاڭساردىڭ قابىنۋى، كەڭىردەكتىڭ قابىنۋى، كەڭىردەك تارامىنىڭ قابىنۋى جانە وكپەنىڭ قابىنۋى اۋرۋلارىن تۋىنداتۋى ىقتيمال، كەيبىر جۇعىمدالۋشىلاردا ەشقانداي اۋرۋ بەلگىسى بايقالماۋى دا مۇمكىن. تەك وكپە قابىنۋى ميكوپلازماسى تومەنگى تىنىس جولىنا شابۋىلداعان جاعدايدا عانا، ميكوپلازمالى وكپە قابىنۋى تۋىلۋى مۇمكىن.
وكپە قابىنۋى ميكوپلازماسىنىڭ انتيدەنەسى بولىمدى بولسا، ءسوزسىز، ميكوپلازمامەن جۇعىمدالعان سانالا ما؟
ەكىتالاي. وكپە قابىنۋى ميكوپلازماسىمەن جۇعىمدالعان سوڭ، ميكوپلازما انتيدەنەسىنىڭ قويۋلىعى جۇعىمدالعاننان كەيىن 7 دە 9 كۇن وتكەن سوڭ جوعارىلاي باستايدى، 3 تە 6 اپتادان سوڭ ەڭ جوعارى شەككە جەتەدى، جالعاستى بىرنەشە ايعا دەيىن ساقتالادى. سوندىقتان، ميكوپلازما انتيدەنەسىنىڭ بولىمسىز بولعانىنا قاراپ وكپە قابىنۋى ميكوپلازماسىمەن جۇعىمدالماعان دەپ بۇكىلدەي كەسەتىپ ايتۋعا كەلمەيدى؛ ميكوپلازما انتيدەنەسىنىڭ بولىمدى بولعانى تەك قانا ميكوپلازمامەن جۇعىمدالعانىن كورسەتەدى، بۇعان قاراپ جۇعىمدالۋدىڭ جۋىردا بولعان - بولماعانىن تۇراقتاندىرۋعا بولمايدى.
ەگەر اۋرۋدىڭ باستاپقى مەزگىلىندە تەكسەرگەندە بولىمسىز بولىپ، بىرنەشە كۇننەن كەيىن تەكسەرگەندە بولىمدى بولسا، وسى جولى ميكوپلازمامەن جۇعىمدالعانىن كورسەتەدى. ميكوپلازما انتيدەنەسىنەن سىرت، جۇتقىنشاق ءسۇرتىندىسى، كەڭسىرىك ءسۇرتىندىسى ارقىلى ميكوپلازمانىڭ حىسۋانىن تەكسەرۋ تاسىلدەرىن قولدانىپ، جۋىردان بەرگى ميكوپلازمامەن جۇعىمدالۋ جاعدايىن بايقاۋعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
