ەڭ سەنىمدى تىرەك، ەڭ سۇيىكتى حالىق
شينحۋا اگەنتتىگىنىڭ تىلشىلەرى جۋ جيچاي، حۋاڭ يۋە
2023.11.13 16:43 كەلۋ قاينارى : حالىق تورابى
ءبىر كۇن ىشىندە ەكى ولكە، قالانى ەندەي ءوتىپ، 7 ءتۇيىندى تەكسەردى.
قاتتى سۋىقتى ەلەمەدى، ەرتە شىعىپ، كەش قايتىپ تۇردى، ايالسىز ءجۇردى.
اۋىل - قىستاقتان، الەۋمەتتىك اۋماقتاردان تارتىپ مەكتەپ اۋلاسىنا، ساۋدا دۇكەندەرىنە دەيىن، اتىز باسىنان وزەننىڭ ۇلكەن توسپاسىنا دەيىن، تۇستە اۆتوكولىكتە قىسقا ۋاقىت دەمالدى... مۇنىڭ ءبارى اپاتتان كەيىنگى قالپىنا كەلتىرۋ، قايتا قۇرۋ جاعدايىن كوبىرەك ءبىلۋ، اپاتقا ۇشىراعان بۇقارامەن بەتپە - بەت پىكىر الماستىرۋ ءۇشىن ەدى.
”سول كەزدەردە مەن ءار كۇنى اپات جاعدايىنا نازار اۋدارىپ، اپاتتان قۇتقارۋ قىزمەتىنە جەتەكشىلىك ەتىپ، اپاتقا ۇشىراعان وڭىرلەر مەن اپاتقا ۇشىراعان بۇقارانى ءبىر ءسات تە ەستەن شىعارمادىم. مەن سول كەزدە اپاتتان كەيىن قالپىنا كەلتىرۋ جۇمىستارى بەلگىلى ءبىر كەزەڭگە جەتكەن كەزدە ءسوز جوق بارىپ كورەمىن دەگەن بولاتىنمىن“.
”اسىرەسە، قىس كەلىسىمەن بۇقارا قىستان حاۋىپسىز، جىلى وتە الا ما؟ تۇرمىسىندا تاعى قانداي قيىنشىلىقتار بار؟“
11 - ايدىڭ 10 – كۇنى، قىس كىرىسىنەن كەيىنگى ەكىنشى كۇن. باس شۋجي شي جينپيڭ بەيجيڭ، حىبەيدەگى اپات ءبىرشاما اۋىر بولعان مىنتوۋگوۋ رايونىنا، باۋديڭ جوجوۋ قالاسىنا بارىپ، اپاتقا ۇشىراعان بۇقارادان حال سۇراپ، اپاتتان كەيىنگى قالپىنا كەلتىرۋ، قايتا قۇرۋ قىزمەتىن تەكسەردى جانە وعان جەتەكشىلىك ەتتى.
ۋادە ەتكەندەي تاعى كەلدى، ءاردايىم قام جەپ تۇراتىن سۇيىسپەنشىلىك.
2014 - جىلعى يۇننان ولكەسىنىڭ لۋديان اۋدانىنداعى جەر سىلكىنىسى ءالى ەسىمىزدە. 5 ايدان كەيىن، اياز امالىنان ءبىر كۇن بۇرىن، باس شۋجي ءورلى – قىرلى تاۋ جولىن باسىپ سىلكىنىس ورتالىعى سانالاتىن شاتقالعا كەلدى.
ءالى ەسىمىزدە، 2020 - جىلى انحۇيدە اۋىر تاسقىن اپاتى تۋىلدى. ءبىر ايدان كەيىن، شىلىڭگىر ىستىققا قاراماي، 800 شاقىرىمدىق چاۋحۋ كولىنىڭ ۇلكەن توسپاسىنا كەلدى.
ءالى ەسىمىزدە، 2021 - جىلى سانشيدە سيرەك كەزدەسەتىن نوسەر اپاتى تۋىلدى. 3 ايدان كەيىن، ەسكىشە كالەندار بويىنشا وشاق ءتاڭىرى كۇنى جاڭا عانا وتكەن، يرەلەڭدەگەن تاۋ جولىن بويلاپ، قارلى بورانعا قاراماي فىنحى وزەنىنىڭ ەكى جاعالاۋىنا كەلدى.
بوران - شاشىنعا تاپ بولعاندا، كىم ەڭ سەنىمدى تىرەك بولادى؟ ناعىز قاھارمان كىم؟
وسى رەتكى تەكسەرۋ كەزىندە، مياۋفىڭشان ۇلتتىق مەكتەبىندە باس شۋجي شي جينپيڭ بالالاردىڭ تاقىرىپتىق كلاس جيىنىنا قاتىناستى. بالالار وزدەرىنىڭ كوڭىلىندەگى ”ەڭ سۇيىكتى ادامدارىن“ ساعىز توپىراقپەن سومداپ شىقتى: لاي - باتپاق باسقان ازاتتىق ارميا اعايى، ەرتە شىعىپ، كەش قايتقان قۇتقارۋ - كومەكتەسۋ اعايى، قاربالاستىققا تۇسكەن قىستاق كادرلارى، اق حالات كيگەن ەمدەۋ قىزمەتكەرلەرى...
لاۋلاعان وتتا ناعىز التىن سومدالادى، قيىن - قىستاۋ كۇندەردە شىنايى سۇيىسپەنشىلىكتى كورۋگە بولادى. تاسقىنعا قارسى اتتانىپ، اپاتتان قۇتقارۋدىڭ ناقتى جاعدايى ەڭ اسەرلى ”ۇلكەن يدەيا - ساياسي ساباعىنان“ بەينەلەندى.
”جۇڭگو كوممۋنيستىك پارتياسى _ باستان - اياق حالىقتىڭ پارتياسى. قيىن - قىستاۋ ساتتە، پارتيامىزدىڭ ءار دارەجەلى ۇيىمدارى مەن پارتيالى كادرلارى حالىق ءۇشىن ءبىرىنشى شەپتە اتويلاپ الدا جۇرەدى“.
”اسىرەسە، اپات تۋىلا قالسا، اتويلاپ شىعاتىن ەكى ۇلكەن كۇش بار: ءبىرى، حالىقتىڭ پەرزەنت اسكەرلەرى، ەندى ءبىرى، قىزىل تۋ استىنداعى ءار دارەجەلى پارتيا ۇيىمدارىمىز بەن قالىڭ پارتيالى كادرلارىمىز“.
ءاربىر اۋىز ءسوز، ءاربىر ءىس – ارەكەت پارمەندى بولدى، ۋادە امالياتتا ايگىلەندى.
بۇل بۇقارانىڭ جۇرەك تۇكپىرىنەن شىققان ءسوز _
شۇييۇيزۇي قىستاعىنىڭ تۇرعىنى لي مىڭنىڭ ءۇيى قايتادان اشەكەيلەنىپ، شىت جاڭا بەينەگە ەندى، ول باس شۋجيگە: ”كۇيەۋىم ەگەر ەرتەرەكتە وسىنداي اپاتقا ۇشىراساق، تەنتىرەپ كەتەر ەدىك دەپ وتىر. پارتيا مەن ۇكىمەتكە راقىمەت!“ دەدى.
يۇڭجي شيۋيۋان شاعىن اۋماعىنىڭ تۇرعىنى دۇڭ ساييىڭنىڭ ءۇيىنىڭ تەمپەراتۋراسى بىرتىندەپ ولشەمگە جەتتى، ول باس شۋجيگە: ”قىسقاسىن ايتقاندا، پارتيا جاقسى!“ دەدى.
ۋانچۋانجۋاڭ قىستاعىنىڭ تۇرعىنى فۋ جۇن قايتا ءۇي سالىپ جاتىر، باس شۋجيدى كورگەندە جۇزىنەن كۇلكى ەسكەن ول: ”پارتيانىڭ ساياساتى جاقسى، وسى تاماشا داۋىرگە كەز بولدىق، ويتپەگەندە ءۇي سالىنباس ەدى“ دەدى.
باس شۋجيدىڭ كوڭىلىندە حالىق ناعىز قاھارمان سانالادى.
تاڭشانعا بارعاندا، ”قاھارمان قالا“، ”قاھارمان حالىق“ دەپ القادى؛ ۋحانعا بارعاندا، تەرەڭ سۇيىسپەنشىلىكپەن ”ۋحان، ءسوز جوق، تاعى ءبىر رەت قاھارماندار تاريحىنا جازىلادى“ دەدى. باس شۋجي حالىقتى وسىلايشا شىن جۇرەكتەن القادى.
2023 - جىلعى جاڭا جىلدى قۇتتىقتاۋ ءسوزىندە باس شۋجي ەرەكشە تەبىرەنىپ: ”ءار رەت كونە جىلدى اتتاندىرىپ، جاڭا جىلدى قارسى العانىمىزدا، ءبىز ىلعي دا جۇڭحۋا ۇلتىنىڭ مىڭ جىلدان جالعاسقان اسقاق جىگەرىن ەسكە الىپ، العا باسۋ سەنىمىمىز ەسەلەپ ارتادى“ دەدى.
جەر سىلكىنىسى، تاسقىن، قۋاڭشىلىق... جۇڭحۋا ۇلتى جاراتىلىستىق اپاتتارمەن نەشە مىڭ جىلدان بەرى كۇرەس جاساپ كەلەدى، جاپا - ماشاقاتتى باستان كەشىرگەن، ەجەلدەن مويىعان ەمەس، قايتا اپات بارىسىندا ەڭسەسىن تىك ۇستاپ، ۇلتىمىزدىڭ قايسار رۋحىن سومدادى.
دۇڭ ساييىڭ باس شۋجيگە بىلاي دەدى: سول كەزدە ۇيگە سۋ كىرىپ كەتتى، ۇيدە جالعىز قالسام دا، قاتتى قورقاتىنمىن. عيماراتتاعى كورشىلەر اۋىق - اۋىق ەسىك قاعىپ، اماندىق سۇراپ تۇردى، كەيىن نارسە – كەرەكتى تاسىپ شىعۋىما كومەكتەستى ءارى مەنى ۇيلەرىنە قوندىردى.
باس شۋجي شي جينپيڭ تەرەڭ اسەرمەن: ”اپات الدىندا ءبىزدىڭ حالىق بۇقارامىز شەكسىز قايسار. ونىڭ ۇستىنە اپاتقا قارسى اتتانىپ، اپاتتان قۇتقارۋ بارىسىندا كوپشىلىك جاپا - ماشاقاتتا بىرگە بولىپ، ءبىر - بىرىنە كومەك بەرۋدە“ دەدى.
مياۋفىڭشان ۇلتتىق مەكتەبىندە، بايگوۋ وزەنى جاعاسىنداعى ۇلكەن توسپادا باس شۋجي شي جينپيڭ تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋعا ات سالىسقان ءار جاقتىڭ ۋاكىلدەرىمەن شىن ىقىلاسپەن امانداسىپ، ولاردان حال سۇرادى.
”الا كيىمدىلەر“، ”كوك كيىمدىلەر“، ”قىزىل كيىمدىلەر“... قاي جەردە قاجەت بولسا، سول جەرگە كومەك بەردى، قاي جەر ەڭ قاتەرلى بولسا، سول جەردە شايقاس جاسادى.
”اساۋ تولقىن جوڭكىلىپ، قاھارماندىق قاسيەت ايگىلەندى. ءبىر جاقتا قيىنشىلىق بولسا، جان - جاقتان كومەكتەستى. كومەك بەرەتىن قوسىن ساناپ تاۋىسقىسىز، قايسى ۇيىمدىكى، قايسى جاقتىكى ەكەنىن، قايدان كەلگەنىن ايىرا المايمىز“ دەدى باس شۋجي.
”قيىنشىلىقتان جاسقانبايمىز، بەكىمىمىز بولاتتان دا بەرىك“. مىنە، بۇل مىنتوۋگوۋدا تىلشىلىك ىستەگەن كەزدە كادرلار مەن بۇقارانىڭ ايتقان ءسوزى ەدى.
”مەن حىبەيدىڭ پەرزەنتىمىن، حىبەيگە داڭق اپەرۋىم كەرەك“. بۇل جوجوۋ قالا رايونى مالىسىندەگى كورنەكتى ۇران ءسوزى ەدى.
ۇيلەرگە سۋ كىرسە، قايتادان اشەكەيلەنەدى، قۇلاسا، بۇرىنعى ورنىنان قايتا سالىنادى؛ دۇكەندەردى سۋ باسىپ كەتسە، تيجاراتى تەز قالپىنا كەلەدى؛ ەگىس داقىلدارىن سۋ باسىپ كەتسە، ەگىس ۋاقىتىن مىقتى ۇستاپ تولىقتاپ ەگىلەدى...
يۇڭجي شيۋيۋان شاعىن اۋماعىنىڭ الدىنداعى ءدارى دۇكەندەرىندە، ەرەن بازارلاردا باس شۋجي دۇكەن قوجايىندارىنان ”تاعى قانداي قيىنشىلىقتارىڭ بار“ دەپ سۇراعاندا، ”بىزدە سەنىم بار، بولاشاقتا، ءسوز جوق، بارعان سايىن جاقسارامىز“ دەگەن جاۋاپ الدى.
ۋانچۋانجۋاڭ قىستاعىنان اتتاناردا ىستىق ىقىلاستى اۋىلداستار جولدىڭ ەكى جاعىنا جينالىپ، باس شۋجيدى قاۋمالاپ، باس شۋجيگە امانداستى. جۇرتشىلىقتىڭ اراسىندا شاشى اعارعان قارتتار، بالعىن وسپىرىمدەر، قۇشاقتاعى بالالار دا بار ەدى.
اۋىلداستار الدىندا باس شۋجي ءوزىنىڭ وسى كۇنگى اسەرىن بىلاي بەينەلەدى:
”مەن كوپشىلىكتىڭ بەينەسىنەن ءۇمىت ۇشقىنىن كوردىم. ءبىزدىڭ اپاتتان كەيىنگى تۇرمىسىمىز بۇرىنعىدان دا جاقسى بولادى. اۋىلداستاردىڭ ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزىپ، وزدەرىنىڭ ەڭبەكشىل قوس قولدارىمەن قالپىنا كەلتىرۋدى، قايتا قۇرۋدى جەدەلدەتىپ، اۋىل - قىستاقتى گۇلدەندىرۋدى ىلگەرىلەتۋىن ءۇمىت ەتەمىن“.
تاسقىن قايتتى، قاھارماندىق جىگەر وسى القاپتا تاسقىندادى.
(شينحۋا اگەنتتىگى، 11 - ايدىڭ 12 – كۇنى، بەيجيڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
