تاسقىن مەزگىلىندە اپاتقا ۇشىراعان رايوندار نەگىزگى تاقىرىپتىق تاربيەنى اپاتتان كەيىنگى قالپىنا كەلتىرۋ، قايتا قۇرۋمەن تىعىز ۇشتاستىردى −
اپاتقا ۇشىراعان بۇقارانىڭ قىستان امان - ەسەن، جىلى وتۋىنە شىنايى كەپىلدىك ەتۋ كەرەك (يدەيانى ۇيرەنۋ، پارتيالىلىقتى كۇشەيتۋ، امالياتقا ءمان بەرۋ، تىڭ ۇلەس قوسۋ)
«حالىق گازەتىنىڭ» ءتىلشىسى شىن تۇڭرۇي
2023.11.13 16:45 كەلۋ قاينارى : حالىق تورابى
بيىلعى تاسقىن مەزگىلىندە سولتۇستىك جۇڭگو، شىعىس سولتۇستىك، حۋاڭحى، حۋايحى سياقتى جەرلەردە ەرەكشە جاڭبىر جاۋىپ، تاسقىن جانە گەولوگيالىق اپات تۋىلىپ، كوپتەگەن جەردە اۋىر ءولىم - ءجىتىم تۋىلدى. باس شۋجي شي جينپيڭ تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ جانە اپاتتان كەيىنگى قالپىنا كەلتىرۋ، قايتا قۇرۋ قىزمەتىنە وسكەلەڭ ءمان بەرىپ، تالاي رەت ماڭىزدى نۇسقاۋ بەرىپ، بەكىتۋ جازىپ، قاتىستى جەرلەر مەن تاراۋلاردان حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن بار كۇشپەن قامتاماسىز ەتىپ، اپات تۋىلعان رايوننىڭ قالىپتى ءوندىرىس، تۇرمىس ءتارتىبىن تەز ارادا قالپىنا كەلتىرۋدى تالاپ ەتتى. 9 - ايدىڭ باس شەنىندە باس شۋجي شي جينپيڭ حيلۇڭجياڭ ولكەسىنىڭ شاڭجى قالاسىنا بارىپ اپاتقا ۇشىراعان بۇقارادان حال سۇرادى. سولتۇستىكتە قىس ءتۇسۋ قارساڭىندا، باس شۋجي شي جينپيڭ بەيجيڭ، حىبەيدەگى اپات ءبىرشاما اۋىر بولعان قاتىستى وڭىرلەرگە بارىپ، اپاتقا ۇشىراعان بۇقارادان حال سۇراپ، اپاتتان كەيىنگى قالپىنا كەلتىرۋ، قايتا قۇرۋ قىزمەتىن تەكسەردى، وعان جەتەكشىلىك ەتتى.
باس شۋجي شي جينپيڭ بەيجيڭ، حىبەيدە اپاتتان كەيىنگى قالپىنا كەلتىرۋ، قايتا قۇرۋ قىزمەتىن تەكسەرگەندە بىلاي دەپ دارىپتەدى: ”2 - توپتاعى نەگىزگى تاقىرىپتىق تاربيە ىشكەرىلەي ورىستەتىلۋدە، اپات تۋىلعان وڭىرلەردەگى ءار دارەجەلى پارتيا ۇيىمدارى نەگىزگى تاقىرىپتىق تاربيەنى اپاتتان كەيىنگى قالپىنا كەلتىرۋمەن، قايتا قۇرۋمەن تىعىز ۇشتاستىرىپ، تاسقىنعا قارسى اتتانىپ، اپاتتان قۇتقارۋ رۋحىن بار كۇشپەن اسقاقتاتىپ، نەگىزگى ساتى پارتيا ۇيىمدارىنىڭ جاۋىنگەر قورعاندىق رولى مەن پارتيا مۇشەلەرىنىڭ، كادرلاردىڭ اۆانگاردتىق، ۇلگىلىك رولىن تولىق ساۋلەلەندىرىپ، قالپىنا كەلتىرۋدىڭ، قايتا قۇرۋدىڭ جەتىستىكتەرى جانە حالىق بۇقاراسىنىڭ رازى بولۋ دارەجەسى ارقىلى نەگىزگى تاقىرىپتىق تاربيەنىڭ ونىمدىلىگىن سىننان وتكىزۋى كەرەك“.
تاياۋدا ءتىلشى اپاتتان كەيىنگى قالپىنا كەلتىرۋ، قايتا قۇرۋ جاعدايىنا تىلشىلىك ىستەگەندە، قاتىستى تاراۋلاردىڭ 2 - توپتاعى نەگىزگى تاقىرىپتىق تاربيەنى ورىستەتۋدى اپاتتان كەيىنگى قالپىنا كەلتىرۋ، قايتا قۇرۋمەن تىعىز ۇشتاستىرىپ، قارجىنى شەشۋشى ورىنعا جۇمساپ، نىسان قۇرىلىسىن جوعارى ساپامەن ىلگەرىلەتىپ، اپاتقا ۇشىراعان بۇقارانىڭ قىستان امان - ەسەن، جىلى وتۋىنە كەپىلدىك ەتۋگە قۇلشىنىپ جاتقانىن ۇعىستى.
تاربيە مەن امالياتتى قاتار يگەرۋدە، ەكىنى جەبەۋدە تاباندى بولدى
كوپ جەر تاربيە مەن امالياتتى قاتار يگەرۋدە، ەكەۋىن جەبەۋدە تاباندى بولىپ، نەگىزگى تاقىرىپتىق تاربيەنى ورىستەتۋدى اپاتتان كەيىنگى قالپىنا كەلتىرۋ، قايتا قۇرۋ قىزمەتىمەن ىشكەرىلەي ۇشتاستىردى.
بەيجيڭ فاڭشان رايونى اپاتتان كەيىنگى قالپىنا كەلتىرۋ، قايتا قۇرۋ جەتىستىكتەرىن ەكىنشى توپتاعى نەگىزگى تاقىرىپتىق تاربيەنىڭ ونىمدىلىگىن تەكسەرۋدىڭ ماڭىزدى مازمۇنى ەتىپ، ۇيلەردى جوندەۋ، قايتا قۇرۋ جاعىندا بۇقارانىڭ تۇرمىس قاجەتىن شىعار ءتۇيىن ەتۋدە تاباندى بولىپ، جوبا جوباسىن ساپالىلاندىردى، جوعارىلاتتى.
بەيجيڭ مىنتوۋگوۋ رايونى اپاتتان كەيىنگى قالپىنا كەلتىرۋ، قايتا قۇرۋدىڭ ءبىرىنشى شەبىندە تەكسەرىپ زەرتتەۋ جۇرگىزىپ، قىستان جىلى ءوتۋ ”قامال الۋ ايى“ ارەكەتىن جولعا قويىپ، 9 اپاتتان كەيىنگى قايتا قۇرۋدان قامال الۋ اترەتىن، 3 اپاتتان كەيىنگى قايتا قۇرۋ قىزمەت گرۋپپاسىن قۇرىپ، 2 مىڭ 557 قىستاق ۇيلەرىن جوندەۋ، قالپىنا كەلتىرۋ قىزمەتىن باستادى، جانار گاز قۇبىرى لەنياسىنداعى 469 جاسىرىن حاۋىپتى تۇزەتىپ، 10 مىڭ 749 ءۇيدىڭ جىلۋ جابدىقتارىن جوندەپ، 90 قىستاقتىڭ كومىردىڭ ورنىنا ەلەكتر پايدالانۋىن قالپىنا كەلتىرىپ، بۇقارانىڭ قىستان حاۋىپسىز، جىلى وتۋىنە بار كۇشپەن كەپىلدىك ەتتى.
تيانجيندەگى حايحى وزەنى الابىنداعى ەرەكشە اۋىر تاسقىن اپاتىنىڭ ىقپالىنا ۇشىراعان رايوندار نازاردى بۇقارانىڭ مۇڭ - مۇقتاجى ماسەلەسىن شەشۋگە شوعىرلاندىرىپ، پارتيالى كادرلاردىڭ نازاريا ۇيرەنۋدى، تەكسەرۋ - زەرتتەۋدى، دامۋدى ىلگەرىلەتۋدى، رەتتەۋ - تۇزەتۋدى باستى ماقسات تانىمىن كۇشەيتۋمەن، بۇقارانىڭ قاجەتىنە سايكەسۋمەن، ماسەلەنى شەشۋدى ىلگەرىلەتۋمەن ۇشتاستىرۋىن ىلگەرىلەتتى. ۋچيڭ رايونى نەگىزگى تاقىرىپتىق تاربيەگە جۇمىلدىرۋ، ورنالاستىرۋ ءماجىلىسىن اشىپ، نەگىزگى ساتى پارتيا ۇيىمدارىنىڭ جاۋىنگەر قورعاندىق رولىن تولىق ساۋلەلەندىرىپ، پارتيا مۇشەلەرىنىڭ، بۇقارانىڭ اتا مەكەندەرىن قايتا قۇرۋداعى قۇدىرەتتى بىرىككەن كۇشىن شىنايى ۇيىستىردى؛ اپاتتان كەيىنگى قالپىنا كەلتىرۋ، قايتا قۇرۋ اياق الىسىن جەدەل ىلگەرىلەتىپ، قاتەرلى ۇيلەر، جولدار سياقتى نەگىزدىك قۇرىلعىلاردى جوندەۋ، بەكەمدەۋ، قايتا قۇرۋ قىزمەتىن ءتۇيىندى تۇردە ورىستەتىپ، بۇقارانىڭ مۇڭ - مۇقتاجى ماسەلەسىن مۇمكىندىكتىڭ بارىنشا كۇش سالا شەشتى.
ۇيرەنۋ ونىمدىلىگى ارقىلى ءوز قىزمەتىن ويداعىداي ىستەۋدى ىلگەرىلەتتى
تاسقىن كەزىندە كوپتەگەن جىلۋمەن قامداۋ قۇرىلعىلارى ءبۇلىندى. قاتىستى تاراۋلار نەگىزگى تاقىرىپتىق تاربيەنى ورىستەتۋدى وراي ەتىپ، ۇيرەنۋ ونىمدىلىگى ارقىلى ءوز قىزمەتىن ويداعىداي ىستەۋدى ىلگەرىلەتىپ، اپاتقا ۇشىراعان بۇقارانىڭ قىستان حاۋىپسىز، جىلى وتۋىنە تۇساۋ بولاتىن قيىن تۇيىندەردى، قيىن ماسەلەلەردى ءبىر - بىرلەپ شەشتى.
كۇن بارعان سايىن سۋىتتى، ساۋ يۇنفىڭ سىرتقا شىققاندا ءتىپتى دە شوگەل بولدى. ول − حىبەي ولكەسى باۋديڭ قالاسى جوجوۋ قالاسى سۇڭلينديان قالاشىعى بيزى قىستاعى پارتيا ياچەيكاسىنىڭ مۇشەسى، تابيعي گاز سەرىكتىگىمەن بايلانىس جاساۋعا جاۋاپتى بولىپ، قۇبىر سياقتى قۇرىلعىلاردى كۇتىمدەۋگە جانە قورعاۋعا كومەكتەستى. ساۋ يۇنفىڭ ءار كۇنى ەلەكترلى ۆەلەسيپەدپەن قىستاقتى ءبىر اينالىپ شىعىپ، تابيعي گاز نەگىزگى قۇبىرى مەن 17 جانار گاز قىسىم رەتتەۋ ساندىعىن تەكسەرىپ، بارلىعى قالىپتى ەكەنىن تۇراقتاندىرعاننان كەيىن، كەيبىر قىستاق تۇرعىندارىنا امانداسا بارادى. جۋجوۋ قالاسىندا 5 مىڭ 600 دەن استام بۇلىنگەن جانار گاز قابىرعا پەشى، 2 مىڭ 900 دەن استام اۋا قاينارى جىلۋ ناسوسى جوندەلدى نەمەسە اۋىستىرىلدى. بۇقارانىڭ قازىنالىق قىسىمىن جەڭىلدەتۋ ءۇشىن، جوجوۋ قالاسى جانار گاز قاينارىن قامتاماسىزداندىرۋدى ويداعىداي ىستەۋ نەگىزىندە، ءاربىر قابىرعا پەشكە ءبىر مىڭ يۋان، ءاربىر اۋا قاينارى جىلۋ ناسوسىنا 5 مىڭ يۋان قوسىمشا قاراجات بەردى.
حىبي ولكەسى باۋديڭ قالاسى لايشۇي اۋدانىندا تاۋلى، ادىرلى وڭىرگە ورنالاسقان 10 اۋىل - قالاشىق بيىل قىستا تازا كومىرمەن جىلىنادى، مەجەمەن 51 مىڭ توننا اينالاسىندا پايدالانىلادى. لايشۇي اۋدانى قاتىستى كاسىپورىنداردى ەرتە جوسپارلاۋعا، ەرتە ۇشتاستىرۋعا، ەرتە زاپاس ساقتاۋعا قۋزاپ، اۆتوكولىكتەردى جەدەل جەتكىزۋگە ۇيىمداستىرىپ، دەر كەزىندە قامداۋعا كەپىلدىك ەتتى.
بيىل تاسقىن مەزگىلىنەن بەرى لياۋنيڭدا سيرەك كەزدەسەتىن نوسەر، تاسقىن اپاتى تۋىلىپ، داليان، انشان، فۋشۇن قاتارلى 9 رايون اپاتقا ۇشىرادى. اپاتقا ۇشىراعان رايوندارداعى تۇرعىن ءۇي جانە قالا قۇرىلىسى تاراۋلارى جاۋاپكەرلىكتى ناقتىلاندىرىپ، اپات سەبەبىنەن بۇلىنگەن شارۋالاردىڭ ۇيلەرىن قالپىنا كەلتىرۋ، قايتا قۇرۋ قىزمەتىن ناقتى، ەگجەي - تەگجەيلى، ويداعىداي يگەردى. 6 ءتۇرلى ءتۇيىندى وبيەكتى سياقتى تومەن كىرىستى قاۋىمعا جاتاتىن شارۋالاردىڭ اپات سەبەبىنەن بۇلىنگەن ۇيلەرىن تۇگەلدەي قاتەرلى ۇيلەردى جاڭالاۋ جوسپارىنا ەنگىزىپ، الدىن الا جۇمىس باستاپ، جوندەۋ، قايتا قۇرۋ قىزمەتىن ەرتەرەك ورىندادى.
قاتەرلى ۇيلەردى جاڭالاۋ جوسپارىنا ەنگىزىلمەگەن بۇلىنگەن ۇيلەرگە قاراتا، قارجىنى ءبىر تۇتاس جوسپارلاپ، جونگە سالۋ، جاڭالاۋ قىزمەتىن ىلگەرىلەتىپ، شارۋالاردىڭ قىستان حاۋىپسىز، جىلى وتۋىنە كەپىلدىك ەتتى. قازىر اپات سەبەبىنەن بۇلىنگەن 613 وتباسىنىڭ ۇيلەرىن قالپىنا كەلتىرۋ، قايتا قۇرۋ مىندەتى تولىق ورىندالدى.
ارالاپ تەكسەرۋ - زەرتتەۋ جۇرگىزىپ، شۇعىل، قيىن، كوكەي تەستى ماسەلەلەردى دەر كەزىندە شەشتى
جيلين ولكەسى شۋلان قالاسى كاييۋان قالاشىعى شينكاي قىستاعىندا قالاشىق پارتكوم ۇيىمداستىرۋ ءبولىمىنىڭ مۇشەسى تان حۇڭپىڭ ءبىر قاتار جاڭا ۇيلەردىڭ اراسىنا باردى، ”اپاتتان كەيىن شينكاي قىستاعى جالپى بەتتىك كوشىرىلدى، مەن قىستاق تۇرعىندارىنىڭ جاڭا ءۇيىنىڭ جىلى، جىلى ەمەستىگىن تەكسەرمەكپىن“ دەدى ول. قىستاق تۇرعىنى شۇي جۇڭرىننىڭ ۇيىنە بارعاندا، بولمە تەمپەراتۋراسى 23 سەلتسي گرادۋسقا جەتكەنىن بايقادى.
شۋلان قالاسى نەگىزگى تاقىرىپتىق تاربيەنى وراي ەتىپ، اپاتتان كەيىنگى قالپىنا كەلتىرۋ، قايتا قۇرۋداعى حالىق تۇرمىسى ماسەلەسىن تەكسەرۋ - زەرتتەۋ قيمىلىن ورىستەتتى، اۋىل، قىستاق ەكى دارەجەلى كادرلار وتباسىلارىن ارالاۋ، تەلەفون ارقىلى ۇعىسۋ سياقتى تاسىلدەردى قولدانىپ، قاداعالاپ ءتۇيىلىستىرۋدى ويداعىداي ىستەپ، بۇقارانىڭ مۇڭ - مۇقتاجىن ءبىر - بىرلەپ شەشىپ، بۇقارانىڭ قىستان امان - ەسەن، جىلى وتۋىنە كەپىلدىك ەتتى.
حيلۇڭجياڭ ولكەسى حايلين قالاسىنداعى پارتيالى كادرلار قىستاقتاردى، وتباسىلارىن ارالاپ تەكسەرۋ، احۋال ۇعىسۋ قىزمەتىن ورىستەتىپ، ”ءبىر وتباسىنا ءبىر شارا“ جوباسىن جاساپ، قاتىستى ەسەپ داپتەرىن ورناتىپ، ءىس جۇزىندىك ماسەلەلەردى شەشتى. چىن جىشيدىڭ ءۇيى شين - ان چاۋشيان قالاشىعى شانتوۋزى قىستاعىندا تۇرادى، كەزىندە تاسقىن اپاتىنا ۇشىراعان. الدىڭعى ءبىر مەزگىلدە قىزمەت گرۋپپاسى قىستاققا بارىپ احۋال ۇعىسقاندا، ونىڭ ءۇيىنىڭ ارالىق داۋالىنىڭ جارىلۋى، پەش ساكىسىنىڭ ويىلۋى سياقتى ماسەلەلەردى بايقاپ، قىزمەت گرۋپپاسى دەرەۋ كۇش ۇيىمداستىرىپ جوندەدى. قازىر ءۇيدىڭ بۇلىنگەن ورىندارى شىت جاڭا جوندەلدى، تەكسەرىپ وتكىزىپ الۋ ارقىلى چىن جىشي دا دەر كەزىندە ۇيىنە كوشىپ كەلدى. ”مىنا ەسىك، ساكى تۇگەلدەي جاڭالانعان، ەندى قولايلى بولدى“ دەدى چىن جىشي.
ىشكى موڭعۇل ھينگان ايماعى زارەت حوشۇنى نەگىزگى تاقىرىپتىق تاربيە بارىسىندا، پارتيا مۇشەلەرىنىڭ ”وتباسىلارمەن بىرلەسىپ، تىلەكتەس بولۋ“ قىزمەتىن تىڭعىلىقتى ىلگەرىلەتىپ، قىستاقتا تۇراتىن قىزمەت اترەتتەرىنىڭ، گاچا مەن الەۋمەتتىك اۋماق كادرلارىنىڭ وتباسىلارىن ارالاپ جاعداي ۇعىسۋىن كۇشەيتىپ، بۇقارانىڭ ماڭايىنداعى ماسەلەلەردى دەر كەزىندە بايقاۋعا، قىزمەتتى ماڭداي الدى ورىنعا قويۋعا كۇش سالدى. حۇرلى قالاشىعى گىگىن وبا الەۋمەتتىك اۋماعىنداعى ۋاڭ جينشان قاريا مۇگەدەك بولىپ، ءجۇرىس - تۇرىسى قولايسىز ەدى. الەۋمەتتىك اۋماق كادرلارى قارتتىڭ قىستىق كومىردى جەتكىلىكتى ساقتاي الماۋىنان الاڭداپ، وعان تۇراقتى باعاداعى كومىرگە الدىن الا تاپسىرىس بەردى. ”ولار ۇنەمى مەنەن نە كەم دەپ سۇرايدى، ماعان قارايلاسادى، توتەنشە ريزامىن“ دەدى ۋاڭ جينشان.
(تىلشىلەرىمىز جاڭ جىفىڭ، ۋاڭ حاۋنان، پان جۇنچياڭ، جين بو، لي جياديڭ، ليۋ جياحۋا، فاڭ يۋان، جىڭ جىۋىن، جاڭ چىڭ جازۋعا قاتىناستى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
