2018 – جىلدان 2023 – جىلعا دەيىن
ورتالىق قازىنا جيىنى 85 ميلليارد 500 ميلليون يۋان قارجى ورنالاستىرىپ، وقىتۋشىلاردى اۋىل - قىستاققا تامىر تارتۋعا، نەگىزگى ساتىعا قىزمەت وتەۋگە جەتەكتەدى (جاڭا ساندى مالىمەت، جاڭا ءتۇيىن)
2023.11.13 16:46 كەلۋ قاينارى : حالىق تورابى
«حالىق گازەتى»، 11 - ايدىڭ 12 - كۇنى، بەيجيڭ (تىلشىلەر ۋ دان، ۋ يۋە). ءتىلشىنىڭ وقۋ – اعارتۋ مينيسترلىگىنىڭ اقپار جاريالاۋ ماجىلىسىنەن ۇعىسۋىنشا، اۋىل – قىستاق وقىتۋشىلار قوسىنى قۇرىلىمىنىڭ ۇزدىكسىز ساپالىلانۋىن قولداۋ ءۇشىن، 2018 – جىلدان 2023 – جىلعا دەيىن ورتالىق قازىنا جيىنى 85 ميلليارد 500 ميلليون يۋان ورنالاستىرىپ، قاتىستى جوسپارلار مەن ساياساتتاردى اتقارۋدى ۇزدىكسىز قولداپ، وقىتۋشىلاردى اۋىل – قىستاققا تامىر تارتۋعا، نەگىزگى ساتىعا قىزمەت وتەۋگە جەتەكتەگەن.
قازىنا مينيسترلىگى عىلىم - تەحنيكا، وقۋ - اعارتۋ جانە مادەنيەت تارماق مەكەمەسى باستىعىنىڭ ورىنباسارى ما حۇڭبيڭ بىلاي دەپ تانىستىردى: پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىنا ساي، قازىنا مينيسترلىگى وقۋ - اعارتۋ مينيسترلىگىنىڭ سوڭعى جىلداردان بەرى قاتىستى جوسپارلار مەن ساياساتتاردى ۇزدىكسىز اتقارۋىنا سايكەسىپ، وقىتۋشىلاردى دامىماعان رايوندارعا، اۋىل - قىستاق مەكتەپتەرىنە بارىپ وقىتۋشى بولۋعا، نەگىزگى ساتىعا تامىر تارتىپ قىزمەت وتەۋگە جەتەكتەدى.
ەرەكشە قىزمەت ورنى جوسپارىن اتقارۋعا قولداۋ كورسەتىلدى. 2018 - جىلدان 2023 - جىلعا دەيىن ورتالىق قازىنا جيىنى 53 ميلليارد 300 ميلليون يۋان ورنالاستىرىپ، ەرەكشە قىزمەت ورنىنداعى وقىتۋشىلارعا ەڭبەكاقى سيپاتتى كومەك قاراجات بەرىپ، جوعارى مەكتەپ بىتىرگەن وقۋشىلاردىڭ ورتا، باتىس بولەكتەگى اۋىل - قىستاق مەكتەپتەرىنە بارىپ وقىتۋشى بولۋىنا قولداۋ كورسەتىپ، دامىماعان رايوندارعا قىرۋار تاڭداۋلى وقىتۋشىلاردى تولىقتادى.
”ءۇش ءوڭىر“ دارىندىلار جوسپارى وقىتۋشىلار ارناۋلى نىسانى مەن قارت وقىتۋشىلاردىڭ ساباق ءوتۋ جوسپارىن اتقارۋعا قولداۋ كورسەتىلدى. 2018 - جىلدان 2023 - جىلعا دەيىن ورتالىق قازىنا جيىنى 2 ميلليارد 100 ميلليون يۋان قارجى ورنالاستىرىپ، مىندەتتى وقۋ - اعارتۋداعى تاڭداۋلى وقىتۋشىلار مەن زەينەتكە شىققان وقىتۋشىلاردى كەدەيلىكتەن ارىلعان رايوندارعا، ۇلتتىق رايوندارعا، توڭكەرىستىك بايىرعى رايوندارعا، شەكارا رايوندارعا بارىپ وقۋ - اعارتۋعا كومەكتەسىپ ساباق وتۋگە شابىتتاندىردى. 2020 - جىلدان باستاپ تاعى 100 ميلليون يۋانعا جۋىق قارجى ورنالاستىرىپ، وقۋ - اعارتۋ مينيسترلىگىنىڭ جوعارى مەكتەپتەردىڭ قارت وقىتۋشىلارىن باتىس بولەككە كومەكتەسۋ جوسپارىن اتقارۋعا ۇيىمداستىرۋىنا قولداۋ كورسەتىپ، جوعارى مەكتەپتەردىڭ ءبىر توپ تاڭداۋلى زەينەتكە شىققان وقىتۋشىلارىن وقۋ - اعارتۋعا كومەكتەسۋگە، زەرتتەۋگە تاڭداپ جىبەرىپ، باتىس بولەكتىڭ جوعارى دارەجەلى وقۋ - اعارتۋىنىڭ دامۋ دەڭگەيىن جوعارىلاتتى.
اۋىل - قىستاق وقىتۋشىلارىنىڭ تۇرمىستىق قوسىمشا قاراجات ساياساتىن اتقارۋعا قولداۋ كورسەتىلدى. 2018 - جىلدان 2023 - جىلعا دەيىن جيىنى 30 ميلليارد يۋان قارجى ورنالاستىرىپ، ورتا، باتىس بولىكتەگى رايونداردا پارىقتى كومەك قاراجات بەرۋ ساياساتى ارقىلى ءتىپتى دە كوپ تاڭداۋلى وقىتۋشىلاردى اۋىل - قىستاق مەكتەپتەرىنە بارىپ وقىتۋشى بولۋعا باۋراپ، ءار جىلى ءبىر ميلليون 300 مىڭ وقىتۋشىنى يگىلىككە كەنەلتتى.
”كەلەسى قادامدا ءبىز وقۋ - اعارتۋ مينيسترلىگىمەن بىرگە ساياسات - شارالاردى دەر كەزىندە ساپالىلاندىرىپ، كەمەلدەندىرىپ، ۇسىنىلىم سەرپىنىن ارتتىرىپ، شىعىس قۇرىلىمىن ساپالىلاندىرىپ، جەرگىلىكتى ورىنداردىڭ اۋىل - قىستاق وقىتۋشىلار قوسىنى قۇرىلىسىن ۇزدىكسىز كۇشەيتۋىنە قولداۋ كورسەتىپ جانە جەتەكشىلىك ەتىپ، وقۋ - اعارتۋ ساپاسىن جوعارىلاتىپ، قالا مەن اۋىلدىڭ پارقىن بىرتىندەپ ازايتىپ، مىندەتتى وقۋ - اعارتۋدىڭ ساپالى، بىركەلكى دامۋىن جانە قالا مەن اۋىلدىڭ ءبىر تۇلعالانۋىن جەدەل ىلگەرىلەتەمىز“ دەدى ما حۇڭبيڭ.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
