وقۋ - اعارتۋ مينيسترلىگى ەلىمىز بويىنشا شۇعىل قۇتقارۋ ءتالىم - تاربيەسىن تۇيىندە سىناق ەتەتىن ەكىنشى توپتاعى 1000 مەكتەپتىڭ تىزىمدىگىن جاريالادى
2023.11.15 15:27 كەلۋ قاينارى : حالىق تورابى
ءتىلشىنىڭ 11 - ايدىڭ 14 - كۇنى وقۋ - اعارتۋ مينيسترلىگىنەن ۇعىسۋىنشا، وقۋ - اعارتۋ مينيسترلىگى جۋىردا ۇقتىرۋ جاريالاپ، مەملەكەت بويىنشا شۇعىل قۇتقارۋ ءتالىم - تاربيەسىن تۇيىندە سىناق ەتەتىن ەكىنشى توپتاعى 1000 مەكتەپتىڭ تىزىمدىگىن جاريالاعان، تۇيىندە سىناق ەتۋ مەرزىمى ەكى جىل.
تانىستىرۋعا قاراعاندا، مەكتەپتەردە تۇيىندە سىناق ەتۋ مەرزىمى اياقتاعان سوڭ، ساراپتاۋدا تولىمدى بولعان مەكتەپتەرگە ”مەملەكەت بويىنشا شۇعىل قۇتقارۋ ءتالىم - تاربيەسى مەكتەبى“ دەگەن اتاق بەرىلەدى.
ۇقتىرۋدا «مەملەكەت بويىنشا شۇعىل قۇتقارۋ ءتالىم - تاربيەسىن ەكىنشى توپتا تۇيىندە سىناق ەتۋ قىزمەتى جونىندەگى باعدارناما» بىرگە تاراتىلعان، جالپى تۇلعالىق تالاپتار، تۇيىندى مىندەتتەر سىندى ەكى جاقتان تۇيىندە سىناق ەتۋ قىزمەتىن ىلگەرىلەتۋ جونىندە ورنالاستىرۋ جاساعان.
باعدارنامادا مىنالار ورتاعا قويىلعان: تۇيىندە سىناق ەتەتىن ءارقايسى مەكتەپتەر مەكتەپتەگى شيپاگەرلەر، دەنە تاربيە جانە سالاماتتىق ساباعىنىڭ وقىتۋشىسى، كلاس جەتەكشىسى قاتارلى وقىتۋشى - قىزمەتكەرلەردى شۇعىل قۇتقارۋ ءتالىم - تاربيەسى وقىتۋشىلىق تولىمدىلىق كۋرسىنا قاتىناسۋعا ۇيىمداستىرىپ، سايكەستى تولىمدىلىققا يە بولعان وقىتۋشى - قىزمەتكەرلەر مەكتەپ اۋلاسىندا شۇعىل قۇتقارۋ ءتالىم - تاربيەسى جونىندە كۋرس ۇيىمداستىرادى. تۇيىندە سىناق ەتەتىن ءارقايسى مەكتەپتەر وقىتۋشىلار كۋرسى، وقۋشىلاردىڭ اسكەري جاتتىعۋى، دەنە تاربيە جانە سالاماتتىق ساباعى قاتارلى ارنالاردى بەلسەندى پايدالانىپ، شۇعىل قۇتقارۋ جاعىنداعى بىلىمدەردى جالپىلاستىرۋ مەن ونەرگە تاربيەلەۋ كۋرسىن ۇيىمداستىرۋدى ورىستەتۋى كەرەك. وقۋعا ءتۇسۋ الدىنداعى سابيلەردى شۇعىل قۇتقارۋعا قاتىستى قاراپايىم بىلىمدەردى بىلۋگە، حاۋىپسىزدىك، سالاماتتىق تانىمن ورناتۋعا جەتەلەۋ قاجەت؛ مىندەتتى وقۋ - اعارتۋ كەزەڭىندە، وقۋشىلاردىڭ نەگىزدىك شۇعىل قۇتقارۋ بىلىمدەرىنە قانىق بولۋىنا، ءومىر حاۋىپسىزدىگى مەن شۇعىل جاعدايدا قۇتقارۋ تانىمىن جوعارىلاتۋىنا شارت - جاعداي ازىرلەۋ قاجەت؛ ورتا مەكتەپتەگى وقۋ - اعارتۋ كەزەڭىندە وقۋشىلاردىڭ شۇعىل قۇتقارۋ بىلىمدەرى مەن ونەرلەرىن يگەرۋىنە، ءوزىن قورعاۋ تانىمى مەن ءوزىن قۇتقارۋ، ءوزارا قۇتقارۋ قابىلەتىن جوعارىلاتۋىنا شارت - جاعداي ازىرلەۋ قاجەت؛ جوعارى دارەجەلى وقۋ - اعارتۋ كەزەڭىندە وقىتۋشى - وقۋشىلارعا باعىتتاي وتىرىپ، شۇعىل جاعدايدا قۇتقارۋ، اپاتتان ساقتانىپ، حاۋىپتەن قورعانۋ بىلىمدەرى مەن ونەرلەرىن جالپىلاستىرۋ قاجەت. (ءتىلشى شۇي جۋاڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
