بازاردى باقىلاۋ - باسقارۋ باس مەكەمەسى: ءۇشىنشى توقساندا بوبەكتەر مەن سابيلەرگە ارنالعان ءسۇت تالقانىنا مەملەكەت بويىنشا باقىلاۋ جۇرگىزۋ بارىسىندا ۇلگى الىپ تەكسەرۋدە تولىمدى بولۋ مولشەرى %99.85 بولعان
2023.11.15 15:27 كەلۋ قاينارى : حالىق تورابى
ءتىلشىنىڭ بازاردى باقىلاۋ - باسقارۋ باس مەكەمەسىنەن ۇعىسۋىنشا، 11 - ايدىڭ 14 - كۇنى جاڭادان باسىلعان «بوبەكتەر مەن سابيلەرگە ارنالعان ءسۇت تالقانىن وندىرۋگە رۇقسات بەرۋ جانە تەكسەرۋ ناقتى ەرەجەسى» اتقارىلعانىنا ءبىر جىل تولدى. ءبىر جىلدان بەرى، بازاردى باقىلاۋ - باسقارۋ تاراۋلارى وندىرۋگە رۇقسات بەرۋ شارتىن اناعۇرلىم قاتاڭداستىرىپ، تەكسەرۋ ولشەمىن بىرلىككە كەلتىرىپ، بوبەكتەر مەن سابيلەرگە ارنالعان ءسۇت تالقانىن وندىرەتىن كاسىپورىندار نەگىزگى تۇلعالىق جاۋاپكەرشىلىگىن جاپپاي تياناقتاندىردى، بيىل ءۇشىنشى توقساندا بوبەكتەر مەن سابيلەرگە ارنالعان ءسۇت تالقانىنا مەملەكەت بويىنشا باقىلاۋ جۇرگىزۋ بارىسىندا تولىمدىلىق مولشەرى %99.85 كە جەتكەن، ساپا حاۋىپسىزدىگى ورنىقتى تۇردە جاقسارۋ بەتالىسىن ساقتاعان.
جاڭا نۇسقاداعى ناقتى شارانىڭ اتقارىلۋى كاسىپورىنداردى ازىق - تۇلىك حاۋىپسىزدىگى جاۋاپكەرشىلىك جۇيەسىن كەمەلدەندىرۋگە ىشكەرىلەي قۋزادى، بوبەكتەر مەن سابيلەرگە ارنالعان ءسۇت تالقانىن وندىرەتىن كاسىپورىنداردىڭ بارلىعى ازىق - تۇلىك حاۋىپسىزدىگىنە جاۋاپتى كەمىندە ءبىر ارناۋلى باس باقىلاۋشى، ءبىر ارناۋلى حاۋىپسىزدىك قىزمەتكەرىن ورنالاستىردى. سونىمەن بىرگە، كاسىپورىنداردى ازىق - تۇلىك حاۋىپسىزدىگى جاعىنداعى حاۋىپ - قاتەردەن ساقتانۋدى نەگىز ەتكەن كۇندەلىكتى باسقارۋ، اپتا سايىن ءبىر - بىرلەپ تەكسەرۋ، اي سايىن رەتتەۋ قاتارلى ءۇزىلىسسىز باسقارۋ مەحانيزمىن اناعۇرلىم كەمەلدەندىرۋگە قۋزادى، حاۋىپ - قاتەردەن ساقتانۋعا سايكەستى شارالار قولدانۋدى تالاپ ەتتى؛ كاسىپورىندار شيكزاتتى باسقارۋدى قاتاڭداستىرىپ، شيكى ءسۇتتىڭ كەلۋ قاينارى، ساقتاۋ جانە تاسىمالداۋ بارىسىنداعى تەمپەراتۋرا مەن ۋاقىت، باكتەريا تۇبىرشىگىنىڭ تۇرلەرىن ساراپتاۋ مەن قاينارىن تابۋ جاقتارىنا ايقىن تالاپ قويدى؛ شالا مانەرلەنگەن تالقاندى پايدالانعاندارعا ۇيلەسىمدى پايدالانۋ شەكتى مەرزىمىن بەلگىلەدى؛ ونىمدەردى قورعاۋ تالابىن بەلگىلەپ،ساپاسىز زاتتاردى ارالاستىرىپ جىبەرۋى ىقتيمال بولعان جاعدايلارعا قاجەتتى تەكسەرۋ جۇرگىزىپ، اسپاپتار مەن قۇرىلعىلاردى تازالاۋ مەن ديزەنفەكسيالاۋ جاعىنداعى تالاپتاردى كۇشەيتتى. (باس ستانسيا ورتالىق تەلەۆيزيا ءتىلشىسى لي جيڭجيڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
