مەملەكەت حالىقتىق شارۋاشىلىقتىڭ دامۋىن 6 جاقتان جەبەيدى
2024.01.03 21:22 كەلۋ قاينارى : حالىق تورابى
شينحۋا اگەنتتىگىن، 1 - ايدىڭ 2 - كۇنى، فۋجوۋ (تىلشىلەر چىن ۋەيۋەي، پاڭ مىڭشيا). مەملەكەتتىك دامۋ جانە رەفورما كوميتەتىنىڭ مەڭگەرۋشىسى جىڭ شانجيە 1 - ايدىڭ 2 - كۇنى مىنانى ءبىلدىردى: مەملەكەتتىك دامۋ جانە رەفورما كوميتەتى قاتىستى جاقتارمەن بىرگە حالىقتىق شارۋاشىلىقتى جەبەۋ زاڭىن شىعارۋ اياق الىسىن جەدەل ىلگەرىلەتۋ سياقتى 6 جاقتان اناعۇرلىم كوپ ناقتى شارا قولدانىپ، حالىقتىق كاسىپورىنداردىڭ سەزىنۋىنە، پايدا الۋىنا مۇمكىندىك جاساۋعا قۇلشىنادى.
”جينجياڭ تاجىريبەسىن“ جاڭالىق اشا دامىتۋ ارقىلى حالىقتىق شارۋاشىلىقتىڭ ساپالى دامۋىن جەبەۋ جينالىسى 9 - ايدىڭ 2 - كۇنى فۋجياننىڭ جينجياڭ قالاسىندا اشىلدى. وسى رەتكى جينالىستى مەملەكەتتىك دامۋ جانە رەفورما كوميتەتى ۇيىمداستىرىپ اشتى. جىڭ شانجيە ماجىلىستە بىلاي دەپ تانىستىردى: حالىقتىق شارۋاشىلىقتى جەبەۋ زاڭىن شىعارۋ اياق الىسىن جەدەل ىلگەرىلەتىپ، حالىقتىق شارۋاشىلىقتىڭ دامۋىن زاڭمەن جونگە سالۋ جاعىنان قامتاماسىز ەتۋ؛ كوپ ساتىلى ۇدايىلانعان قارىم - قاتىناس، اۋىس - كۇيىس مەحانيزمىن اقاۋسىزداندىرىپ جانە كەمەلدەندىرىپ، حالىقتىق كاسىپورىنداردىڭ شىنايى ۇنىنە قۇلشىنا قۇلاق اسۋ؛ حالىقتىق شارۋاشىلىقتىڭ دامۋ جاعدايىنا جان - جاقتى تالداۋ جاساۋدى كۇشەيتىپ، حالىقتىق شارۋاشىلىق جاعدايىن باقىلاۋ - تەكسەرۋ كورسەتكىش جۇيەسىن ۇزدىكسىز كەمەلدەندىرۋ؛ حالىقتىق كاسىپورىندارعا باعىتتالعان ينفورماتسيا جاريالاۋ تۇعىرىن كەمەلدەندىرىپ، نىسانداردى تانىستىرۋدى كۇشەيتىپ، اناعۇرلىم كوپ حالىقتىق كاپيتالدى مەملەكەتتىڭ كەلەلى ينجەنەريا نىساندارى مەن ولقىلىقتاردى تولىقتاۋ نىساندارى قۇرىلىسىنا ات سالىسۋعا شابىتتاندىرۋ جانە باۋراۋ؛ تيپتىك ادىستەر مەن تاڭداۋلى مىسالداردى كۇش سالا قورىتىندىلاپ، جالپىلاستىرىپ، ءوزارا ۇيرەنۋدى، ءوزارا ۇلگى الۋدى كۇشەيتۋ؛ قىزمەت مەحانيزمىن ورناتىپ جانە كەمەلدەندىرىپ، حالىقتىق شارۋاشىلىقتىڭ دامۋىنا قىزمەت وتەيتىن قۇدىرەتتى بىرىككەن كۇش قالىپتاستىرۋ كەرەك.
2023 - جىلى حالىقتىق شارۋاشىلىقتىڭ دامىپ، زورايۋىن جەبەۋدى ارقاۋ ەتكەن جەلىلەس ساياساتتار ىركەس - تىركەس شىعارىلدى. جىڭ شانجيە بىلاي دەپ تانىستىردى: ءبىرقىدىرۋ ساياساتتىق شارانىڭ تياناقتانىپ اتقارىلۋىنا بايلانىستى، حالىقتىق شارۋاشىلىقتىڭ دامۋىندا جالپى تۇلعالىق جاقتان ورنىقتىلىق بارىسىندا ىلگەرىلەۋ، ورنىقتىلىق بارىسىندا جاقسارۋ سىندى نەگىزگى جاعداي جارىققا شىقتى. 2023 - جىلى 1 - ايدان 11 - ايعا دەيىن حالىقتىق كاسىپورىنداردىڭ يمپورت - ەكسپورتى سايكەس مەزگىلدەگىدەن %6.1 ارتىپ، يمپورت - ەكسپورت جالپى سوماسىنىڭ ارتۋ قارقىنىنان 6.1 پايىز تەز بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
