التى تاراۋ ۇقتىرۋ شىعاردى
قارتتاردىڭ ءجۇرىس – تۇرىسىنا لايىقتى كەدەرگىسىز ورتانىڭ بولۋى جاعىندا قىزمەت وتەۋدى كۇشەيتەدى
2024.01.17 15:43 كەلۋ قاينارى : حالىق تورابى
حالىق تورابىنىڭ 1 - ايدىڭ 16 - كۇنى بەيجيڭنەن بەرگەن حابارى (جوۋ جيڭيۋان) قارتتاردىڭ ءجۇرىس - تۇرىسىنا لايىقتى كەدەرگىسىز ورتانىڭ بولۋى جاعىندا قىزمەت وتەۋدى اناعۇرلىم كۇشەيتۋ ءۇشىن، جۋىردا قاتىناس - تاسىمال مينيسترلىگى، مەملەكەتتىك تەمىر جول مەڭگەرمەسى، جۇڭگو حالىقتىق اۆياتسيا مەڭگەرمەسى، مەملەكەتتىك پوچتا مەڭگەرمەسى، جۇڭگو مۇگەدەكتەر بىرلەستىگى، مەملەكەتتىك قارتتار قىزمەتى كوميتەتى كەڭسەسى قاتارلى التى تاراۋ «قارتتاردىڭ ءجۇرىس - تۇرىسىنا لايىقتى كەدەرگىسىز ورتانىڭ بولۋى جاعىندا قىزمەت وتەۋ جونىندەگى ۇقتىرۋدى» (تومەندە قىسقارتىلىپ «ۇقتىرۋ» دەپ اتالادى) جاريالادى.
«ۇقتىرۋدا» قارتتارعا لايىقتى كەدەرگىسىز قاتىناس قۇرىلعىلارىن جوسپارلاۋدى جانە سالۋدى كۇشەيتۋ تالاپ ەتىلگەن. جەر - جەر قارتتاردىڭ ءجۇرىس – تۇرىسىنا لايىقتى كەدەرگىسىز ورتا قۇرىلىسىن جالپىلىق قاتىناس - تاسىمال جۇيەسىن جوسپارلاۋ، قالاداعى الەۋمەتتىك قاتىناستى جوسپارلاۋ قاتارلىلاردىڭ كولەمىنە ەنگىزىپ، قارتتاردىڭ ءجۇرىس – تۇرىسىنا لايىقتى كەدەرگىسىز ورتا قۇرىلىسىن وزگەرتىپ سالۋ نىسانالىق مىندەتىن ايقىندايدى، شارت - جاعدايى بار جەرلەردىڭ سول جەردىڭ جاعدايىنا ۇشتاستىرا وتىرىپ، قارتتاردىڭ ءجۇرىس - تۇرىسىنا لايىقتى كەدەرگىسىز ورتا قۇرىلىسىن دامىتۋ جوسپارىن جاساۋىنا بولادى؛ ءتۇرلى قاتىناس نەگىزدىك قۇرىلعىلارىن جاڭادان سالۋدا، وزگەرتىپ سالۋدا، كەڭەيتىپ سالۋدا قاتىستى كەدەرگىسىزدىك ولشەمىندەگى جۇيەلى تالاپتاردى تياناقتاندىرۋ، كەدەرگىسىز قۇرىلعىلاردى نەگىزگى تۇلعالىق ينجەنەريامەن قاتار جوسپارلاۋعا، قاتار جوبالاۋعا، قاتار سالۋعا، قاتار تەكسەرىپ وتكىزىپ الۋعا، قاتار پايدالانۋعا بەرۋگە ءارى ماڭايداعى كەدەرگىسىز قۇرىلعىلارمەن ءونىمدى ۇشتاستىرۋعا، تۇتاستىرۋدى ورىنداۋعا كەپىلدىك ەتەدى.
«ۇقتىرۋدا» قالالاردا قارتتارعا لايىقتاندىرىلعان كەدەرگىسىز قاتىناسپەن ساپارلاۋ اسەرىن جاقسارتۋ تالاپ ەتىلگەن. جەر - جەر قالادا الاسا تاعاندى نەمەسە ەسىگىنىڭ تاعانى الاسا اۆتوموبيلدەردى جالپىلاستىرۋدى جەدەلدەتۋى، 95128 اۆتوموبيل شاقىرۋعا قىزمەت وتەۋ جۇيەسىمەن قامتۋ كولەمىن كەڭەيتۋى، جەرگىلىكتى جاعدايعا قاراي ”ءبىر كنوپكامەن اۆتوموبيل شاقىرۋ“ بەكەتتەرىن ورنالاستىرۋى، تاكسي سەرىكتەستىكتەرىندە ”مەيىربان اۆتوموبيل اترەتى“، ”قارتتاردى قۇرمەتتەۋ اۆتوموبيل اترەتى“ قاتارلىلاردى قۇرى كەرەك.
مۇنان سىرت، «ۇقتىرۋدا» مىنالار ايقىن تالاپ ەتىلگەن: جەر - جەر ناق اقشا، كارتوچكا، قاعاز بەلەت قاتارلىلاردى قولدانۋ تاسىلدەرىن ساقتاۋى، ارناۋلى قىزمەتكەر قىزمەت وتەيتىن، ەرىكتىلەر قىزمەت وتەيتىن ءتاسىلدى جاقسارتۋى؛ پويەز بەلەتىن ساتۋ يقۋاتىن جاقسارتۋى، استىڭعى توسەكتەرگە الدىمەن قارتتاردى ورنالاستىرۋى؛ ءىس جۇزىندىك جاعدايعا ساي قامقورلىق ءدالىزى مەن كەدەرگىسىز قىزمەت وتەۋ تەرەزەسىن ورنالاستىرۋى، مۇگەدەكتەرگە، قارتتارعا ءتيىمدى قىزمەت وتەۋى؛ ءتۇرلى قاتىناس بەكەتتەرى قاتارلى ءجۇرىس - تۇرىسقا قىزمەت وتەۋ ورىندارىندا قاجەتتى كەدەرگىسىز قۇرىلعىلار مەن قوسىمشا اسپاپتاردى ورنالاستىرۋى؛ اۋەجايدا ادام كۇشىمەن قىزمەت وتەۋ تەكشەسىن ساقتاۋى، اۆياتسيا سەرىكتەستىكتەرىندە قارت جولاۋشىلارعا ارنالعان ەرەكشەلىككە يە قىزمەت وتەۋ ماركالارىن جاراتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
