شي جينپيڭ ولكە، مينيسترلىك دارەجەلى نەگىزگى باسشى كادرلاردىڭ فينانستىڭ ساپالى دامۋىن ىلگەرىلەتۋ ارناۋلى تاقىرىپتىق زەرتتەۋ - تالقى كۋرسىنىڭ ساباق باستاۋ سالتىندا ماڭىزدى ءسوز سويلەپ مىنانى دارىپتەدى
فينانستى دامىتۋدىڭ جۇڭگوشا جولىمەن بۇلجىماي ءجۇرىپ، ەلىمىز فينانسىنىڭ ساپالى دامۋىن ىلگەرىلەتۋ كەرەك
جاۋ لىجي، ۋاڭ حۋنيڭ، ديڭ شۋەشياڭ، لي شي، حان جىڭ قاتىناستى، ساي چي باسقاردى
2024.01.17 15:51 كەلۋ قاينارى : حالىق تورابى
1 - ايدىڭ 16 - كۇنى ولكە، مينيسترلىك دارەجەلى نەگىزگى باسشى كادرلاردىڭ فينانستىڭ ساپالى دامۋىن ىلگەرىلەتۋ جونىندەگى ارناۋلى تاقىرىپتىق زەرتتەۋ - تالقىلاۋ كۋرسى ورتالىق پارتيا مەكتەبىندە (مەملەكەتتىك اكىمشىلىك شۋەيۋانى) ساباق باستادى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ساباق باستاۋ سالتىندا ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
«حالىق گازەتى»، 1 - ايدىڭ 16 - كۇنى، بەيجيڭ. ولكە، مينيسترلىك دارەجەلى نەگىزگى باسشى كادرلاردىڭ فينانستىڭ ساپالى دامۋىن ىلگەرىلەتۋ جونىندەگى ارناۋلى تاقىرىپتىق زەرتتەۋ - تالقىلاۋ كۋرسى 1 - ايدىڭ 16 - كۇنى ورتالىق پارتيا مەكتەبىندە (مەملەكەتتىك اكىمشىلىك شۋەيۋانى) ساباق باستادى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ساباق باستاۋ سالتىندا ماڭىزدى ءسوز سويلەپ بىلاي دەپ دارىپتەدى: جۇڭگوشا فينانستى دامىتۋ جولى وسى زامانعى فينانس دامۋىنىڭ وبيەكتيۆ زاڭدىلىعىنا بويسۇنۋمەن بىرگە، ەلىمىزدىڭ مەملەكەت جاعدايىنا ۇيلەسەتىن ايقىن ەرەكشەلىككە يە، باتىستىڭ فينانس ۇلگىسىنەن ماندىك پارقى بار. ءبىز سەنىمدى بەكەمدەپ، اماليات بارىسىندا ۇزدىكسىز ىزدەنىس جاساپ، كەمەلدەندىرىپ، وسى جولدى بارعان سايىن كەڭەيتۋىمىز كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى جاۋ لىجي، ۋاڭ حۋنيڭ، ديڭ شۋەشياڭ، لي شي، مەملەكەت ءتوراعاسىنىڭ ورىنباسارى حان جىڭ ساباق باستاۋ سالتىنا قاتىناستى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى ساي چي ساباق باستاۋ سالتىن باسقاردى.
شي جينپيڭ مىنالاردى اتاپ كورسەتتى: پارتيانىڭ 18 - قۇرىلتايىنان بەرى ءبىز جاڭا داۋىردەگى فينانستىڭ دامۋ زاڭدىلىعى جونىندە بەلسەنە ىزدەنىس جاساپ، جۇڭگوشا سوتسياليستىك فينانستىڭ ءمانى جونىندەگى تانىمدى ۇزدىكسىز تەرەڭدەتىپ، فينانس امالياتىندا جاڭالىق اشۋدى، نازاريادا جاڭالىق اشۋدى، تۇزىمدە جاڭالىق اشۋدى ۇزدىكسىز ىلگەرىلەتىپ، قۇندى تاجىريبەلەر توپتاپ، فينانستى دامىتۋدىڭ جۇڭگوشا جولىمەن بىرتىندەپ جۇردىك، اتاپ ايتقاندا، پارتيا ورتالىق كوميتەتىنىڭ فينانس قىزمەتىنە ورتالىقتانعان ءبىر تۇتاس باسشىلىعىندا تاباندى بولىپ، حالىقتى وزەك ەتكەن قۇن بەتالىسىندا تاباندى بولىپ، فينانستىڭ ناقتى ەكونوميكاعا قىزمەت وتەۋىن ءتۇبىرلى ماقسات ەتۋدە، حاۋىپ - قاتەردەن ساقتانۋدى فينانس قىزمەتىنىڭ ماڭگىلىك تاقىرىبى ەتۋدە، بازارلاندىرۋ، زاڭمەن جونگە سالۋ ارناسىمەن فينانستا جاڭالىق اشا دامۋدى ىلگەرىلەتۋدە، فينانستىڭ قامداۋ جاعىنداعى قۇرىلىمدىق رەفورماسىن تەرەڭدەتۋدە، فينانستى اشىق ۇستاۋ مەن حاۋىپسىزدىكتى ءبىر تۇتاس جوسپارلاۋدا تاباندى بولىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى ارناسىنان جازباۋ كەرەك. وسى بىرنەشە تارماقتا جاڭا ءداۋىردىڭ جاڭا جورىعىندا فينانس قىزمەتىنە قالاي قاراۋ، قالاي ىستەۋ ايقىندالدى، بۇل − جۇڭگوشا فينانستى دامىتۋ جولىنىڭ نەگىزگى مايدانىن، كوزقاراسىن، ءادىسىن ايگىلەيتىن ورگانيكالىق تۇتاس تۇلعا.
شي جينپيڭ مىنالاردى دارىپتەدى: فينانستا قۋاتتى ەل قۋاتتى ەكونوميكالىق نەگىزدى نەگىز ەتۋى كەرەك، دۇنيە ءجۇزى بويىنشا الدىڭعى قاتاردا تۇراتىن ەكونوميكالىق قۋاتقا، عىلىم - تەحنيكالىق قۋاتقا جانە جالپىلىق مەملەكەت قۋاتىنا يە بولۋى، سونىمەن بىرگە، ءبىرقىدىرۋ شەشۋشى، وزەكتى فينانس فاكتورىن ازىرلەۋى كەرەك، ياعني قۋاتتى اقشا، قۋاتتى ورتالىق بانكە، قۋاتتى فينانس قۇرىلىمى، قۋاتتى حالىقارالىق فينانس ورتالىعى، قۋاتتى فينانستى باقىلاپ - باسقارۋ، قۋاتتى فينانس دارىندىلار قوسىنى بولۋى كەرەك. فينانستا قۋاتتى ەل قۇرۋ ۇزاق ۋاقىت قۇلشىنۋدى، ۇزاق ۋاقىت ۇلەس قوسۋدى قاجەت ەتەدى. ءسوز جوق، جۇڭگوشا وسى زامانعى فينانس جۇيەسىن جەدەل ورناتىپ، عىلمي، ورنىقتى فينانستىق تىزگىندەۋ جۇيەسىن، قۇرىلىمى ۇيلەسىمدى فينانس بازارى جۇيەسىن، جۇمىس ءبولىسى بويىنشا سەلبەسەتىن فينانس قۇرىلىمى جۇيەسىن، كەمەلدى، ءونىمدى فينانستىق باقىلاپ - باسقارۋ جۇيەسىن، الۋان ءتۇرلى كاسىپتىك فينانس ونىمدەرى مەن قىزمەت وتەۋ جۇيەسىن، دەربەس، مەڭگەرۋگە بولاتىن، حاۋىپسىز، جوعارى ءونىمدى فينانس نەگىزدىك قۇرىلعىلار جۇيەسىن ورناتۋ جانە كەمەلدەندىرۋ كەرەك.
شي جينپيڭ مىنالاردى اتاپ كورسەتتى: فينانس حاۋىپ - قاتەرىنەن، اسىرەسە، جۇيەلىك حاۋىپ - قاتەردەن كۇش سالا ساقتانۋ جانە ونى جويۋ كەرەك. فينانستى باقىلاپ - باسقارۋدا باياندى ءارى ءونىمدى، جان - جاقتى ءارى قاتاڭ بولۋ كەرەك، مۇنداعى شەشۋشى ءتۇيىن فينانستى باقىلاپ - باسقارۋ تاراۋلارى مەن كاسىپ سالاسىن باسقارۋشى تاراۋلار جاۋاپكەرلىكتى ايقىنداپ، سەلبەسۋدى، سايكەسۋدى كۇشەيتۋى كەرەك. بازارعا كىرۋگە رۇقسات ەتۋ، بايىپتىلىقپەن باقىلاپ - باسقارۋ، ارەكەتتى باقىلاپ - باسقارۋ سياقتى بۋىنداردا زاڭدى قاتاڭ اتقارىپ، فينانستى باقىلاپ – باسقارۋدا ەندىك باعىتتا كولەمدى، بويلىق باعىتتا تۇبەگەيلى بولۋدى جۇزەگە اسىرۋ كەرەك. جەر – جەر ءوز ءوڭىرىن تياناق ەتىپ، جالپى جاعدايدى كوزدەپ، قاراستى جەردىڭ حاۋىپ - قاتەرىن ءبىر جاقتى ەتۋ جانە ورنىقتىلىقتى قورعاۋ جاۋاپكەرلىگىن ويداعىداي تياناقتاندىرۋى كەرەك. حاۋىپ - قاتەردى ءبىر جاقتى ەتۋ بارىسىندا شىرىكتەسۋدى باتىل جازالاپ، ءمورالدىق حاۋىپ - قاتەردەن قاتاڭ ساقتانۋ كەرەك. فينانستى باقىلاپ - باسقارۋ − جۇيەلى ينجەنەريا، فينانس باسقارۋ تاراۋلارى مەن ماكرولىق تىزگىندەۋ تاراۋلارى، كاسىپ سالاسىن باسقارۋشى تاراۋلار، ءادىليا ورگاندارى، ءتارتىپ تەكسەرۋ، باقىلاپ - تەكسەرۋ ورگاندارى سياقتىلاردىڭ بارىندە سايكەستى مىندەت بار، باقىلاپ - باسقارۋدى سايكەستىرۋدى كۇشەيتىپ، ۇقىق پەن جاۋاپكەرلىك ۇشتاسقان حاۋىپ - قاتەردى ءبىر جاقتى ەتۋ جاۋاپكەرلىك مەحانيزمىن اقاۋسىزداندىرۋ كەرەك. فينانس قىلمىستارىنا قاتاڭ سوققى بەرۋ كەرەك.
شي جينپيڭ بىلاي دەپ دارىپتەدى: سىرتقا ەسىك اشۋدى كەڭەيتۋ ارقىلى ەلىمىزدىڭ فينانس بايلىعىن جايعاستىرۋ ونىمدىلىگى مەن قابىلەتىن جوعارىلاتىپ، حالىقارالىق باسەكەلىك قۋات پەن قاعيدانىڭ ىقپال كۇشىن ارتتىرىپ، ريتىم مەن سەرپىندى بايىپتىلىقپەن ويداعىداي يگەرۋ كەرەك. تۇزىمدىك ەسىك اشۋدى ماڭىزدى ءتۇيىن ەتىپ، فينانستىڭ جوعارى دەڭگەيدە سىرتقا ەسىك اشۋىن ىلگەرىلەتىپ، بازارعا كىرۋگە رۇقسات ەتۋدەن بۇرىن ازاماتتىق مامىلەنى شەكتەلگەن سالالار تىزىمدىگى بويىنشا باسقارۋ ءتۇزىمىن تياناقتاندىرىپ، حالىقارالىق جوعارى ولشەمدى ەكونوميكا - ساۋدا كەلىسىمىندەگى فينانس سالاسىنا قاتىستى ەرەجەلەرگە تۋرالانىپ، شەكتەۋ سيپاتتى شارالاردى ىقشامداپ، ەسىك اشۋ ساياساتىنىڭ جاريالىلىعىن، ورنىقتىلىعىن جانە بولجامدىلىعىن كۇشەيتىپ، شەكارا سىرتىنداعى قارجى قوسۋ، قارجى قۇراۋ ارەكەتتەرىن ارناعا ءتۇسىرىپ، ”ءبىر بەلدەۋ، ءبىر جولدى“ بىرگە قۇرۋعا فينانستىق قولداۋ كورسەتۋدى كەمەلدەندىرۋ كەرەك. شەكارا ءىشى - سىرتىنداعى فينانس بازارىنىڭ ۇلاسۋ - تۇتاسۋىن كۇشەيتىپ، شەكارا اتتاعان قارجى قوسۋ، قارجى قۇراۋدىڭ قولايلىلانۋ دەڭگەيىن جوعارىلاتىپ، حالىقارالىق فينانستى باقىلاپ - باسقارۋ رەفورماسىنا بەلسەنە ات سالىسۋ كەرەك. ەسىك اشۋ شارت - جاعدايىنداعى فينانس حاۋىپسىزدىگىنىڭ تومەنگى شەگىن ساقتاۋ كەرەك.
شي جينپيڭ مىنالاردى اتاپ كورسەتتى: فينانستىڭ ساپالى دامۋىن ىلگەرىلەتىپ، فينانستا قۋاتتى ەل قۇرۋدا زاڭمەن جونگە سالۋ مەن مورالمەن جونگە سالۋدى ۇشتاستىرۋدا تاباندى بولىپ، جۇڭگوشا فينانس مادەنيەتىن بەلسەنە جەتىلدىرىپ، ادال، سەنىمدى بولۋ، تومەنگى شەكتەن اتتاماۋ؛ ادىلەتتىلىكپەن پايدا تابۋ، پايدانى عانا كوزدەمەۋ؛ ورنىقتى، بايسالدى بولۋ، وڭاي ولجا تابۋعا اسىقپاۋ؛ تۋراشىلدىقتان جازباۋ، جاڭالىق اشۋ، شىندىقتان قول ۇزبەۋ، جالعاندىققا ۇمتىلماۋ؛ زاڭ - ەرەجەگە ۇيلەسۋ، ويىنا كەلگەنىن ىستەمەۋ كەرەك.
شي جينپيڭ سوڭىندا مىنالاردى دارىپتەدى: ءار دارەجەلى باسشى كادرلار فينانس وي جەلىسى مەن فينانس قىزمەتى قابىلەتىن كۇشەيتىپ، ەكونوميكا مەن فينانستى ءبىر تۇتاس جۇيە دەپ قاراۋ يدەياسىندا تاباندى بولىپ، ورتالىقتىڭ فينانس قىزمەتى ءماجىلىسىنىڭ شەشىمدەرى مەن ورنالاستىرۋلارىن مۇقيات تياناقتاندىرىپ، ەكونوميكا مەن فينانستىڭ ساپالى دامۋىن ءبىر تۇتاس ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە تىڭ دا اناعۇرلىم زور ۇلەس قوسۋ كەرەك.
ساي چي ساباق باستاۋ سالتىن باسقارعاندا بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزىنىڭ يدەياسى تەرەڭ، كوز اياسى كەڭ، پايىمداۋى ەگجەي - تەگجەيلى، مازمۇنى باي، اسا كۇشتى ساياسي، نازاريالىق، باعىتتامالىلىق، جەتەكشىلىك سيپاتقا يە، بۇكىل پارتيانىڭ، اسىرەسە، جوعارى دارەجەلى كادرلاردىڭ ەلىمىزدىڭ فينانس دامۋى ءدوپ كەلگەن جاعداي مەن مىندەتتەردى دۇرىس تانىپ، فينانس قىزمەتىنىڭ ماندىك زاڭدىلىعى مەن دامۋ جولى جونىندەگى تانىمدى تەرەڭدەتىپ، فينانس قىزمەتى قابىلەتى مەن حاۋىپ - قاتەرگە توتەپ بەرۋ قابىلەتىن جاپپاي كۇشەيتىپ، فينانستى دامىتۋدىڭ جۇڭگوشا جولىمەن بۇلجىماي جۇرۋىندە توتەنشە ماڭىزدى مانگە يە. باس شۋجي شي جينپيڭنىڭ ماڭىزدى ءسوزىنىڭ باي مازمۇنىن، مايەكتى ءمانىن جانە امالياتتىق تالابىن تەرەڭ ءتۇسىنىپ، يگەرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ پارتيالى ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ پارتيالى ورىنباسار ءتوراعالارى جانە ورتالىق اسكەري ىستەر كوميتەتىنىڭ مۇشەلەرى ساباق باستاۋ سالتىنا قاتىناستى.
ولكە، اۆتونوميالى رايون، توتە قاراستى قالالارداعى جانە شينجياڭ ءوندىرىس - قۇرىلىس بيڭتۋانىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىق باسقاراتىن فينانس قۇرىلىمدارىنداعى، كاسىپورىندارداعى، جوعارى مەكتەپتەردەگى، ازاتتىق ارميانىڭ ءارقايسى ورنى مەن قارۋلى ساقشى بولىمدەرىندەگى نەگىزگى جاۋاپتى جولداستار زەرتتەۋ - تالقى كۋرسىنا قاتىناستى. دەموكراتيالىق پارتيا - توپتاردىڭ ورتالىق كوميتەتتەرىندەگى، مەملەكەتتىك ساۋدا - ونەركاسىپشىلەر بىرلەستىگىندەگى جانە قاتىستى جاقتارداعى جاۋاپتى جولداستار وقۋ باستاۋ سالتىنا سىرتتاي قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
