مەملەكەتتىك كەڭەس اكىمشىلىك قىزمەت وتەۋدى اناعۇرلىم ساپالىلاندىرىپ، اكىمشىلىك ونىمدىلىكتى جوعارىلاتىپ، ”ءبىر ءىستى جوعارى ونىمدىلىكپەن تىندىرۋدى“ ىلگەرىلەتۋ جونىندەگى جەتەكشى پىكىردى باسىپ تاراتتى
2024.01.17 15:52 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 16 - كۇنى، بەيجيڭ. بىرنەشە كۇننىڭ الدىندا مەملەكەتتىك كەڭەس «اكىمشىلىك قىزمەت وتەۋدى اناعۇرلىم ساپالىلاندىرىپ، اكىمشىلىك ونىمدىلىكتى جوعارىلاتىپ، ”ءبىر ءىستى جوعارى ونىمدىلىكپەن تىندىرۋدى“ ىلگەرىلەتۋ جونىندەگى جەتەكشى پىكىردى» باسىپ تاراتىپ، اكىمشىلىك قىزمەت وتەۋدىڭ ساپاسىن جوعارىلاتىپ، ونىمدىلىگىن ارتتىرۋدى ىشكەرىلەي ىلگەرىلەتىپ، ءتىپتى دە كوپ سالادا، ءتىپتى دە كەڭ كولەمدە ”ءبىر ءىستى جوعارى ونىمدىلىكپەن تىندىرۋدى“ جۇزەگە اسىرۋ جونىنەن ورنالاستىرۋ جاسادى.
«جەتەكشى پىكىردە» مىنالار اتاپ كورسەتىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، ”ءبىر ءىستى جوعارى ونىمدىلىكپەن تىندىرۋدى“ اكىمشىلىك قىزمەت وتەۋدى ساپالىلاندىرۋدىڭ، اكىمشىلىك ونىمدىلىكتى جوعارىلاتۋدىڭ ماڭىزدى تۇتقاسى ەتىپ، جالپى تۇلعالىق جوبالاۋدى كۇشەيتىپ، ۇلگىدە جاڭالىق اشۋدى ىلگەرىلەتىپ، رەفورما ارقىلى جەتەكشىلىك ەتۋ مەن سيفرلى قۋات ارقىلى دەم بەرۋگە ءمان بەرىپ، دامۋ مەن حاۋىپسىزدىكتى ءبىر تۇتاس جوسپارلاپ، جەلى ءىشى - سىرتىنىڭ توعىسپالى دامۋىن ىلگەرىلەتىپ، ءىس ءبىتىرۋ ءتاسىلىنىڭ كوپ نەگىزدەنۋىن، ءىس ءبىتىرۋ ءتارتىبىنىڭ ەڭ ساپالى بولۋىن، ءىس ءبىتىرۋ ماتەريالدارىنىڭ ەڭ قاراپايىم بولۋىن، ءىس ءبىتىرۋ وزىندىك قۇنىنىڭ ەڭ تومەن بولۋىن جۇزەگە اسىرىپ، كاسىپورىندارعا مۇمكىندىكتىڭ بارىنشا تيىمدىلىك جاساپ، حالىققا قولايلىلىق جاساپ، ەكونوميكالىق، قوعامدىق دامۋدىڭ ىشكى قوزعاۋشى كۇشىن تاسقىنداتۋ كەرەك.
«جەتەكشى پىكىردە» 2 كەزەڭدىك قىزمەت نىساناسى ورتاعا قويىلدى، 2024 - جىلى ”ءبىر ءىستى جوعارى ونىمدىلىكپەن تىندىرۋداعى“ ءتۇيىندى ىستەر ءتىزىمىن باسقارۋ مەحانيزمى مەن ۇدايىلاندىرىپ ىلگەرىلەتۋ مەحانيزمىن اقاۋسىزداندىرىپ، ءبىرىنشى توپتاعى جوعارى جيىلىكتەگى، كولەمى كەڭ، ماسەلە كوپ بايقالاتىن ”ءبىر ءىستى“ جوعارى ونىمدىلىكپەن ءبىر جاقتى ەتۋدى جۇزەگە اسىرۋ كەرەك. 2027 - جىلعا بارعاندا، جاپپاي قامتيتىن، زەردەلى، قولايلى، ءادىل، جالپىعا ءتيىمدى جوعارى ءونىمدى اكىمشىلىك قىزمەت وتەۋ جۇيەسىن نەگىزىنەن قالىپتاستىرىپ، كاسىپورىن مەن جەكە سىندى ەكى تۇتاس تىرشىلىك پەريودىنىڭ ماڭىزدى ساتىسىندا ”ءبىر ءىستى جوعارى ونىمدىلىكپەن تىندىرۋداعى“ ءتۇيىندى ىستەردىڭ تياناقتانىپ، ءونىم بەرۋىن جۇزەگە اسىرىپ، كاسىپورىن مەن بۇقارانىڭ ءىس بىتىرۋدەگى رازىلىعىن، تابىس سەزىمىن بارىنشا جوعارىلاتۋ كەرەك.
«جەتەكشى پىكىردە» 5 جاقتاعى ءتۇيىندى مىندەت ورتاعا قويىلدى. ءبىرىنشى، ارنا قۇرىلىسىن كۇشەيتىپ، جەلىدەن تىس ءىس بىتىرۋدە ”تەك ءبىر ەسىكتەن كىرۋدى“، جەلىدە ءىس بىتىرۋدە ”ءبىر جەلىدە ءبىر تۇتاس ءبىتىرۋدى“، كاسىپورىندار مەن بۇقارانىڭ تالاپ - تىلەكتەرىنە ”ءبىرىنشى شەپتە جاۋاپ قايتارۋدى“ ىلگەرىلەتۋ كەرەك. ەكىنشى، ۇلگىدە جاڭالىق اشۋدى تەرەڭدەتىپ، قاتىستى ىستەردى شوعىرلى ءبىتىرۋدى، كەم - كەتىك ىستەردى ۋادە بويىنشا ءبىتىرۋدى، ىستەردى باسقا جەردە ءوڭىر اتتاپ ءبىتىرۋدى، ساياساتتىق قىزمەت وتەۋدى ءوتىنىش بەرمەي ءبىتىرۋدى ىلگەرىلەتۋ كەرەك. ءۇشىنشى، سيفردىڭ قۋات بەرۋىن كۇشەيتىپ، بۇكىل ەل بويىنشا ءبىر تۇلعالانعان اكىمشىلىك قىزمەت وتەۋ تۇعىرىنا سۇيەنىپ، اكىمشىلىك قىزمەت وتەۋ جەلىسىندەگى جالپى توراپتى قۇرىپ، اكىمشىلىك ىستەر ساندى مالىمەتىنەن ورتاق يگىلىكتەنۋدىڭ ناقتى ونىمدىلىگىن كۇش سالا جوعارىلاتىپ، جاڭا تەحنيكانىڭ جالپى بارىستا قولدانىلۋىن ۇزدىكسىز كۇشەيتۋ كەرەك. ءتورتىنشى، كولەمىن كەڭەيتىپ، ونىمدىلىگىن ارتتىرۋدى ىلگەرىلەتىپ، كومەكتەسۋ، ءبىتىرۋ، ۋاكىلدىك رەتىندە ءبىتىرۋ قابىلەتىن كۇشەيتىپ، الەۋمەتتىك قىزمەت وتەۋمەن قامداۋدى بايىتىپ، ارتقان قۇن قىزمەت وتەۋ مازمۇنىن كەڭەيتۋ كەرەك. بەسىنشى، قىزمەت نەگىزىن بەكەمدەپ، اكىمشىلىك قىزمەت وتەۋدىڭ ولشەم جۇيەسى مەن قىزمەت جۇيەسىن اقاۋسىزداندىرىپ، اكىمشىلىك قىزمەت وتەۋ تۇزىمىمەن قامداۋدى كۇشەيتۋ كەرەك.
«جەتەكشى پىكىردە» ”ءبىر ءىستى جوعارى ونىمدىلىكپەن تىندىرۋدىڭ“ ءبىرىنشى توپتاعى 13 ءتۇيىندى جۇمىس ءتىزىمى ايقىندالدى. مۇنىڭ ىشىندە تيجارات تۇلعالارىنىڭ جۇمىس بىتىرۋىنە جاتاتىندارى 8 ءتۇرلى، بۇل تاسىمال كاسىپورىندارىن قۇرۋ، سۋ، ەلەكتر، گاز تورابىن بىرلەسىپ قۇراستىرۋ، سەنىمدىلىكتى قالپىنا كەلتىرۋ، كاسىپورىنداردىڭ بازارعا شىعۋىنىڭ زاڭدى، ەرەجەگە ۇيلەسىمدى بولۋ جاعىنداعى ينفورماتسيانى تەكسەرۋ، كاسىپورىنداردى تىزىمنەن ءوشىرۋ سياقتىلاردى قامتيدى. جەكە ادامنىڭ ءىس بىتىرۋىنە جاتاتىندارى 5 ءتۇرلى، ول وقۋ – اعارتۋ، وقۋعا ءتۇسۋ، قوعامدىق قامتاماسىزداندىرۋ كارتوچكاسىمەن تۇرعىندارعا قىزمەت وتەۋ، مۇگەدەكتەرگە قىزمەت وتەۋ سياقتىلاردى قامتيدى.
«جەتەكشى پىكىردە» مىنالار دارىپتەلدى: ”ءبىر ءىستى جوعارى ونىمدىلىكپەن تىندىرۋدى“ ارقاۋ ەتىپ، كۇش بىرىكتىرە قامال الىپ، ۇيىمداستىرىپ اتقارۋدى جانە ۇگىتتەۋدى، جالپىلاستىرۋدى كۇشەيتىپ، جەرگىلىكتى ءار دارەجەلى ۇكىمەتتەر مەن قاتىستى جاقتاردىڭ بەلسەندىلىگىن تولىق جۇمىلدىرىپ، سايكەسۋدى، سەلبەسۋدى كۇشەيتىپ، قىزمەتتى تياناقتاندىرۋدى مىقتى يگەرۋ كەرەك. ءبىر تۇتاس جوسپارلاپ سايكەستىرۋدى كۇشەيتىپ، سىناق تۇيىندەرىندە ۇلگى كورسەتۋدى ورىستەتىپ، رەفورما جاساۋعا، جاڭالىق اشۋعا، جۇرەكتىلىكپەن ىزدەنىس جاساۋعا شابىتتاندىرىپ، ”ءبىر ءىستى جوعارى ونىمدىلىكپەن تىندىرۋداعى“ءبىر توپ ءتۇيىندى ءىستى جىل سايىن العا قويىپ، ناقتى ونىمدىلىككە قول جەتكىزۋگە شىنايى كەپىلدىك ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
