«حالىق ىستەرى ارىز - ارمان قىزمەتى ءادىسى» 2 – ايدىڭ 1 – كۇنىنەن باستاپ اتقارىلادى
2024.01.25 15:55 كەلۋ قاينارى : حالىق تورابى
ءتىلشىنىڭ 1 – ايدىڭ 24 – كۇنى حالىق ىستەرى مينيسترلىگىنەن ۇعىسۋىنشا، «حالىق ىستەرى ارىز – ارمان قىزمەتى ءادىسى» تاياۋدا باسىپ تاراتىلعان. ادىستە مىنالار بەلگىلەندى: ءار دارەجەلى حالىق ىستەرى تاراۋلارىنداعى باسشى كادرلار بۇقارادان كەلگەن حاتتار مەن توراپتاعى ارىز - ارمانداردى وقىپ، ءبىر جاقتى ەتىپ، ارىز ايتا كەلگەن بۇقارانى مەرزىم بويىنشا قابىلداپ، مەرزىم بويىنشا تومەنگە ءتۇسىپ جاعداي ۇعىسىپ، بۇقارانىڭ اڭىسى كۇشتى بولعان حالىق ىستەرى سالاسىنداعى كورنەكتى ماسەلەلەردى كوتەرمەگە الىپ شەشىپ، بۇقارانىڭ پىكىرى مەن ۇسىنىسىن تىڭداۋى كەرەك. ءادىس 2 – ايدىڭ 1 – كۇنىنەن باستاپ اتقارىلادى.
ۇعىسۋعا قاراعاندا، ءادىس جيىنى 6 تاراۋ 37 تارماقتان قۇرالعان. ارىز - ارمان قىزمەتى قۇرىلىمى قۇرىلىسى جاعىندا، ادىستە قىزمەتكەرلەردى تاڭداپ ءوسىرۋ، ورنالاستىرۋ، تاربيەلەۋ، كۋرسقا قاتىناستىرۋ جانە اۋىس - كۇيىس جاساپ پايدالانۋ، سونداي - اق ارىز - ارمان قىزمەت قاراجاتىن قامتاماسىزداندىرۋ سياقتى جاقتاردى ارناعا ءتۇسىرىپ، ءار دارەجەلى حالىق ىستەرى تاراۋلارىنىڭ ارىز - ارمان قىزمەتىن ورىستەتۋدەگى دارىندىلار مەن قاراجات قامتاماسىزدىعى اناعۇرلىم كۇشەيتىلدى.
ارىز - ارمان ىستەرىن العا قويۋ جانە قابىلداۋ، ءبىر جاقتى ەتۋ جاعىندا، ادىستە ارىز - ارمان ىستەرىن تىزىمدەۋ جانە ءبىر جاقتى ەتۋ سياقتى مازمۇندار ارناعا ءتۇسىرىلىپ، ارىز - ارمان ىستەرىن ءبىر جاقتى ەتۋ ءتارتىبى اناعۇرلىم ساپالىلاندىرىلدى. ادىستە تاعى ارىز ـ ارمان ىستەرىن ءبىر جاقتى ەتۋ جولدارى مەن ۋاقىت شەگى، سونداي ـ اق بۇقارانىڭ پىكىر ـ ۇسىنىستارىن ءبىر جاقتى ەتۋ سياقتى مازمۇندار جونىندە بەلگىلەمە جاسالىپ، ارىز ـ ارمان ىستەرىن ءبىر جاقتى ەتۋ بۋىندارى اناعۇرلىم ارناعا ءتۇسىرىلىپ، ارىز ـ ارمان ىستەرىن ءبىر جاقتى ەتۋگە ۇقىقتى حالىق ىستەرى تاراۋلارىنىڭ قىزمەت جاۋاپكەرشىلىگى ناقتىلاندىرىلدى.
باقىلاۋ جانە جاۋاپكەرشىلىگىن قۋزاستىرۋ جاعىندا، ادىستە مىنالار ورتاعا قويىلدى: ءار دارەجەلى حالىق ىستەرى تاراۋلارى ارىز - ارمان قىزمەتى جونىندەگى باعالاۋدى كۇشەيتىپ، ارىز - ارمان قىزمەتى جاۋاپكەرشىلىك ءتۇزىمىن اتقارىپ، ارىز - ارمان قىزمەتىندەگى مىندەتىن وتەمەۋ، جاۋاپكەرسىزدىك ىستەۋ ارەكەتتەرى جونىندە قاتىستى جاۋاپتى ادامداردىڭ جاۋاپكەرشىلىگىن زاڭ بويىنشا قۋزاستىرۋ كەرەك؛ ارىز - ارمان قىزمەتىندە كورنەكتى ناتيجە جاراتقان ورىنداردى نەمەسە جەكەلەردى قاتىستى بەلگىلەمەلەر بويىنشا ماداقتاۋعا جانە سيلاۋعا بولادى. ارىز - ارمان قىزمەتىندە ءبىر - بىرىنە يتەرمەلەپ، نەمقۇرايدى قاراپ، كەشەۋىلدەتىپ، كوز بوياۋشىلىق ىستەپ، اۋىر زارداپ تۋدىرعان سول دارەجەلى حالىق ىستەرى تاراۋلارىنىڭ ىشكى قۇرىلىمدارىن، ورىنداردى، تومەن دارەجەلى حالىق ىستەرى تاراۋلارىن جانە ونداعى قىزمەتكەرلەردى باسقارۋ ۇقىق شەگى بار ورگاندارعا، ورىندارعا جاۋاپكەرشىلىگىن قۋزاستىرۋ جونىندە ۇسىنىس بەرۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
