كوكتەم مەرەكەسى كەزىندە شينجياڭدا اقى الىناتىن تاس جولداردا 9 كۇن اقىسىز قاتىنايدى
2024.01.25 16:19 كەلۋ قاينارى : حالىق تورابى
ءتىلشىنىڭ شينجياڭ ۇيعۇر اۆتونوميالى رايوندىق قاتىناس - تاسىمال مەڭگەرمەسى جول تورابىن باقىلاۋ - ولشەۋ جانە شۇعىل جاعدايعا توتەپ بەرۋ، ءبىر جاقتى ەتۋ ورتالىعىنان ۇعىسۋىنشا، 2 - ايدىڭ 9 - كۇنى ساعات نولدەن 2 - ايدىڭ 17 - كۇنى ساعات 24 كە دەيىن شينجياڭ اقى الىناتىن تاس جولداردا شاعىن تۇرپاتتى جولاۋشىلار اۆتوكولىگىنە قاراتا 9 كۇن قاتىناۋ اقىسىن كەشىرىم ەتۋ ساياساتىن اتقارادى.
40 كۇنگە جالعاسقان كوكتەم مەرەكەسى كەزىندەگى تاسىمال 1 – ايدىڭ 26 – كۇنى باستالادى، كوكتەم مەرەكەسى كەزىندە بۇقارانىڭ ءجۇرىس ـ تۇرىس قاجەتى جوعارى، تاس جولدارداعى جولاۋشى، زات مولشەرى شوعىرلى، ادامداردىڭ اعىلۋى ءجيى بولىپ، ەرەكشە ۇلكەن اعىن مولشەرىن قالىپتاستىرادى. ونىڭ ۇستىنە كوكتەم مەرەكەسىنىڭ 8 كۇندىك دەمالىسى كەزىندە اۋىلعا قايتىپ تۋىسشىلاي بارۋ، سىرتقا شىعىپ ساياحاتتاۋ، وقۋشىلار، جۇمىسكەرلەر ءوزارا قاباتتاسىپ، الىس ارالىقتان ولكە اتتاپ، شينجياڭ ىشىندە ءوڭىر اتتاپ جولاۋشىلاۋ ادەتتەگى كۇندەردەن كورنەكتى ارتىپ، كوكتەم مەرەكەسى كەزىندەگى 40 كۇندە شينجياڭ تاس جول تورى ۇزدىكسىز جوعارى دەڭگەيدە ىسكە قوسىلادى. كوكتەم مەرەكەسى دەمالىسىنىڭ 9 كۇنىندە شاعىن تۇرپاتتى اۆتوكولىكتەردەن قاتىناۋ اقىسىن الماۋ ساياساتىنىڭ قاباتتاسۋىنا بايلانىستى ايداعان شاعىن تۇرپاتتى جولاۋشىلار اۆتوكولىگىنىڭ سالىستىرماسى ارتىپ، ءجۇرىس - تۇرىس ۋاقىتى ءبىرشاما شوعىرلى بولىپ، قاۋىرت مەزگىلدە جول قاتىناس قىسىمى دا ارتا تۇسەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
