شي جينپيڭ انتيگۋا جانە باربۋدانىڭ زۇڭليىمەن كەزدەستى
2024.01.25 16:59 كەلۋ قاينارى : حالىق تورابى
 |
1 - ايدىڭ 24 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا رەسمي ساپارمەن كەلگەن انتيگۋا جانە باربۋدانىڭ زۇڭليى بروۋنمەن كەزدەستى.
سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن
|
شينحۋا اگەنتتىگى، 1 – ايدىڭ 24 – كۇنى، بەيجيڭ (ءتىلشى ياڭ ي – جۇن). 1 - ايدىڭ 24 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا رەسمي ساپارمەن كەلگەن انتيگۋا جانە باربۋدانىڭ زۇڭليى بروۋنمەن كەزدەستى.
شي جينپيڭ بىلاي دەپ اتاپ كورسەتتى: انتيگۋا جانە باربۋدا − شىعىس كارايب وڭىرىندەگى جاڭا جۇڭگومەن ەڭ ەرتە ديپلوماتيالىق قارىم - قاتىناس ورناتقان ەلدەردىڭ ءبىرى. ديپلوماتيالىق قارىم - قاتىناس ورناتقان 41 جىلدان بەرى جۇڭگو مەن انتيگۋا جانە باربۋدا باستان - اياق ءوزارا قۇرمەت ەتىپ، ءبىرىن - ءبىرى قولداپ، ۇلكەن - كىشى ەلدەردىڭ تەڭ تۇرعىدا مامىلە جاساۋىنىڭ، سەلبەسىپ تەڭ يگىلىككە كەنەلۋىنىڭ ۇلگىسىنە اينالدى، ەكى ەل قارىم - قاتىناسى اقاۋسىز، ورنىقتى دامىپ، ناقتى سەلبەستىكتە سۇبەلى تابىستارعا قول جەتكىزىپ، حالىقتاردىڭ دوستىعى كۇن سايىن تەرەڭدەدى. جاڭا جاعدايدا جۇڭگو جاق انتيگۋا جانە باربۋدا جاقپەن ءار جىكتەگىلەردىڭ بارىس - كەلىسىن جانە ەل باسقارۋ تاجىريبەلەرىن اۋىستىرۋدى جيىلەتىپ، دامۋ ستراتەگياسىن ۇشتاستىرۋدى كۇشەيتىپ، ناقتى سەلبەستىكتى تەرەڭدەتىپ، جۇڭگو - انتيگۋا جانە باربۋدا قارىم - قاتىناسىنىڭ اناعۇرلىم كوپ جەتىستىكتەرگە قول جەتكىزۋىن جەبەپ، ەكى ەل حالىقتارىن اناعۇرلىم ويداعىداي يگىلىككە كەنەلتۋدى قالايدى.
شي جينپيڭ بىلاي دەپ دارىپتەدى: جۇڭگو مەن انتيگۋا جانە باربۋدا ءداستۇرلى دوستىقتى جالعاستىرىپ، ساياسي سەنىمدىلىكتى بەكەمدەپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ۇزدىكسىز ءبىرىن - ءبىرى ءتۇسىنۋى جانە قولداۋى كەرەك. جۇڭگو انتيگۋا جانە باربۋدانىڭ باستان - اياق ءبىر جۇڭگو پرينسيبىندە تاباندى بولعانىن ايرىقشا القايدى، انتيگۋا جانە باربۋدانىڭ مەملەكەتتىڭ يەلىك ۇقىعى مەن تاۋەلسىزدىگىن قورعاۋىن، ءوز ەلىنىڭ مەملەكەت جاعدايىنا ۇيلەسەتىن دامۋ جولىن دەربەس تاڭداۋىن بۇرىنعىداي قولدايدى. انتيگۋا جانە باربۋدا − شىعىس كارايب وڭىرىندەگى جۇڭگومەن ”ءبىر بەلدەۋ، ءبىر جولدى“ بىرگە قۇرۋ سەلبەستىگى جونىندەگى تۇسىنىستىك ەسكەرتپە حاتىنا قول قويعان تۇڭعىش مەملەكەت، ەكى جاقتىڭ سەلبەستىگى ەكى ەل حالىقتارىنا ناقتى پايدا جەتكىزدى. جۇڭگو ساپالى دامۋ ارقىلى جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋدە، بۇل انتيگۋا جانە باربۋدانىڭ دامۋىنا، ەكى ەل سەلبەستىگىنە جاڭا وراي اكەلەدى. جۇڭگو جاق ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدىڭ 8 ءتۇرلى ارەكەت جۇلگەسىندە انتيگۋا جانە باربۋدامەن ساۋدا، نەگىزدىك قۇرىلعى قۇرىلىسى، كليمات وزگەرىسى، جاڭا ەنەرگيا، ەمدەۋ، دەنساۋلىق ساقتاۋ سياقتى سالالارداعى سەلبەستىكتى كەڭەيتۋدى قالايدى. ەكى جاق گۋمانيتارلىق اۋىس - كۇيىستى جيىلەۋى كەرەك، انتيگۋا جانە باربۋدانىڭ ءتىپتى دە كوپ جاستارىنىڭ جۇڭگوعا كەلىپ ۇيرەنۋىن، ءبىلىم الۋىن قارسى الامىز. جۇڭگو جاق انتيگۋا جانە باربۋدامەن كوپ جاقتى سەلبەستىكتى كۇشەيتىپ، دۇنيە ءجۇزىنىڭ تەڭ، ءتارتىپتى كوپ ۇيەكتەنۋى مەن جالپىعا ءتيىمدى، سيىسىمدى ەكونوميكانىڭ جاھاندانۋىن دارىپتەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى. جۇڭگو جاق انتيگۋا جانە باربۋدا سياقتى شاعىن ارالداعى دامۋ جولىنداعى ەلدەردىڭ كليمات وزگەرىسى سالاسىنداعى كوڭىل ءبولىپ وتىرعان ماسەلەلەرى مەن تالابىنا ءمان بەرەدى، انتيگۋا جانە باربۋدانىڭ 4 - كەزەكتى شاعىن ارالداعى دامۋ جولىنداعى ەلدەردىڭ حالىقارالىق ءماجىلىسىن وتكىزۋىنە قولداۋ كورسەتىپ، وڭىردەگى ەلدەردىڭ ەكونوميكالىق، قوعامدىق دامۋىنا شاماسىنىڭ كەلىسىنشە ۇزدىكسىز كومەكتەسىپ، جۇڭگونىڭ كارايب ەلدەرىمەن قارىم - قاتىناسىنىڭ ۇزدىكسىز دامۋىن ىلگەرىلەتۋدى قالايدى.
بروۋن مىنالاردى ءبىلدىردى: انتيگۋا جانە باربۋدا ۇكىمەتى مەن حالقى اتىنان جۇڭگو ۇكىمەتىنىڭ قاستەرلى قولداۋىنا شىن جۇرەكتەن العىس ايتامىن، جۇڭگونىڭ كومەگى مەن سەلبەستىگى انتيگۋا جانە باربۋدانىڭ دامۋىن بارىنشا جەبەپ، كەدەيلىكتەن ارىلۋىنا كومەكتەستى. جۇڭگو ۇلكەن - كىشى ەلدەردىڭ تەرەزەسى تەڭ بولۋدا تاباندى بولىپ، ادامزاتتىڭ تاعدىرلاس ورتاق تۇلعاسىن قۇرۋ سىندى وسكەلەڭ بولاشاق جوسپاردى بەلسەنە ىلگەرىلەتىپ، ”ءبىر بەلدەۋ، ءبىر جولدى“ بىرگە قۇرۋ باستاماسىن، دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن جانە دۇنيە جۇزىلىك وركەنيەت باستاماسىن العا قويۋ ارقىلى ءوزىنىڭ ءىس جۇزىندىك ارەكەتىمەن دۇنيە ءجۇزىنىڭ بىرگە دامۋىن، گۇلدەنۋىن ىلگەرىلەتىپ، حالىققا باقىت جاراتىپ، دۇنيە جۇزىندە وسكەلەڭ باسشىلىق قۋاتىن، باۋراۋ قۋاتىن ايگىلەدى، ءسوز جوق، دۇنيە جۇزىنىڭ وڭتۇستىگىندەگى اناعۇرلىم كوپ ەلدى ىنتىماقتى، سەلبەستىكتى كۇشەيتۋگە جەتەكتەيدى. انتيگۋا جانە باربۋدا جۇڭگو ۇلگىسىندەگى وسىزامانداندىرۋدى ايرىقشا القايدى، جۇڭگونىڭ قول جەتكىزگەن وراسان زور تابىستارى جۇڭگونىڭ جولى مەن ءتۇزىمىنىڭ تابىستى بولىپ وتىرعانىن، ءار جاقتىڭ ۇيرەنۋىنە، ۇلگى الۋىنا تاتيتىنىن تولىق دالەلدەدى. انتيگۋا جانە باربۋدا مەن جۇڭگونىڭ قارىم - قاتىناسى تەرەڭ دوستىقتى، ءوزارا سەنىمدىلىكتى، ءوزارا قۇرمەت ەتۋدى جانە ءوزارا پايدا جەتكىزىپ سەلبەسۋدى نەگىز ەتەدى. انتيگۋا جانە باربۋدا تايۋاننىڭ بۇرىن دا، قازىر دە، جۇڭگونىڭ ءبىر ولكەسى بولعانىنا، بولاشاقتا دا بولا بەرەتىنىنە باتىل سەنەدى، انتيگۋا جانە باربۋدا جاق ءبىر جۇڭگو پرينسيبىندە ۇزدىكسىز تاباندى بولىپ، جۇڭگونىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋىن باتىل قولدايدى. انتيگۋا جانە باربۋدا جۇڭگونىڭ ەڭ سەنىمدى سەرىگى بولىپ، بۇكىل ادامزاتتىڭ باقىتىنا ساياتىن ماسەلەلەردە جۇڭگومەن باتىل بىرگە بولىپ، دامۋ جولىنداعى ەلدەردىڭ ورتاق مۇددەسىن قورعاۋدى قالايدى. وسى رەتكى جۇڭگوداعى ساپارىم ارقىلى ەكى ەل قارىم - قاتىناسىنىڭ تاعى ءبىر تىڭ ساتىعا كوتەرىلۋىن ىلگەرىلەتىپ، اناعۇرلىم كوپ سەلبەستىك جەتىستىكتەرىنە قول جەتكىزىپ، ەكى ەل حالىقتارىن اناعۇرلىم ويداعىداي باقىتقا كەنەلتۋدى ءۇمىت ەتەمىن. انتيگۋا جانە باربۋدا كارايىپ ورتاق تۇلعاسىنىڭ جۇڭگومەن قارىم – قاتىناستى دامىتۋىن ۇزدىكسىز بەلسەنە جەبەيدى.
ۋاڭ ي جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
