شي جينپيڭ وزبەكستاننىڭ زۇڭتۇڭىمەن كەڭەس وتكىزدى

2024.01.25 16:53 كەلۋ قاينارى : حالىق تورابى

　　1 - ايدىڭ 24 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن وزبەكستاننىڭ زۇڭتۇڭى ميرزيويەۆپەن كەڭەس وتكىزدى. سۋرەتتە: كەڭەستەن بۇرىن شي جينپيڭ مەن حانىمى پىڭ لييۋان حالىق سارايىنىڭ سولتۇستىك زالىندا ميرزيويەۆ پەن حانىمى ميرزيويەۆاعا ارناپ قارسى الۋ سالتىن وتكىزۋدە.

　　سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

　　شينحۋا اگەنتتىگى، 1 – ايدىڭ 24 – كۇنى، بەيجيڭ (ءتىلشى ياڭ ي – جۇن). 1 - ايدىڭ 24 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن وزبەكستاننىڭ زۇڭتۇڭى ميرزيويەۆپەن كەڭەس وتكىزدى. ەكى ەلدىڭ مەملەكەت باسشىلارى جۇڭگو مەن وزبەكستاننىڭ جاڭا داۋىردەگى بارلىق جاعدايدا بىردەي جالپى بەتتىك ستراتەگيالىق سەرىكتەستىك قارىم - قاتىناسىن دامىتىپ، جۇڭگو مەن وزبەكستاننىڭ تاعدىرلاس ورتاق تۇلعاسىن قۇرۋدى اناعۇرلىم جوعارى باستامادا ىلگەرىلەتۋدى ۇيعارعانىن جاريالادى.

　　شي جينپيڭ بىلاي دەپ اتاپ كورسەتتى: 32 جىلدىڭ الدىندا وزبەكستان ورتا ازيا ەلدەرىندە الدىمەن جۇڭگومەن ديپلوماتيالىق قارىم - قاتىناس ورناتتى، ەكى ەل حالىقتارى جىبەك جولى رۋحىنا مۇراگەرلىك ەتىپ، جۇڭگو مەن وزبەكستاننىڭ دوستىق بايتەرەگى تەرەڭ تامىر تارتىپ، ماۋەلەي ءوسىپ، ومىرشەڭدىك كۇشكە يە بولدى. اسىرەسە، وتكەن 7 جىلدان استام ۋاقىتتان بەرى ءبىز ەكى ەلدىڭ ءار سالاداعى سەلبەستىگىندە كۇن سايىن جاقسارۋ تاماشا جاعدايىنىڭ جارىققا شىعۋىنا بىرگە جەتەكشىلىك ەتتىك. اناعۇرلىم باي مازمۇندى جانە ومىرشەڭدىك كۇشكە يە جۇڭگو – وزبەكستان قارىم - قاتىناسىن ورناتۋ − ەكى ەل حالىقتارىنىڭ ورتاق تىلەگى. ەكى جاق جاڭا داۋىردەگى بارلىق جاعدايدا بىردەي جالپى بەتتىك ستراتەگيالىق سەرىكتەستىك قارىم - قاتىناستى دامىتۋدى وراي ەتىپ، جوعارى دەڭگەيدەگى ساياسي ءوزارا سەنىم ارقىلى جۇڭگو - وزبەكستان تاعدىرلاس ورتاق تۇلعاسىنىڭ نەگىزىن بەكەمدەپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ ارقىلى جۇڭگو مەن وزبەكستاننىڭ ءوز ەلدەرىنىڭ وسىزاماندانۋ ىستەرىن ىلگەرىلەتۋىنە دەم بەرۋى كەرەك.

　　شي جينپيڭ بىلاي دەپ دارىپتەدى: جۇڭگو مەن وزبەكستاننىڭ قارىم - قاتىناسى جاقسى بولۋدا، ەكى جاق باستان - اياق ءبىر - بىرىنە شىنايى مامىلە جاساپ، ءوزارا سەنىم ارتىپ كەلەدى، قازىرگى كۇردەلى حالىقارالىق جاعدايدا ەكى جاق ءبىرىن - ءبىرى اناعۇرلىم باتىل قولداۋى كەرەك. جۇڭگو جاق وزبەكستاننىڭ مەملەكەتتىڭ يەلىك ۇقىعىن، تاۋەلسىزدىگىن، تەرريتوريا تۇتاستىعىن قورعاۋىن باتىل قولدايدى، وزبەكستاننىڭ دامۋ جولىن دەربەس تاڭداۋىن باتىل قولدايدى. ەكى جاق ۇكىمەتتەر ارا سەلبەستىك كوميتەتى سياقتى تۇعىرلاردان ويداعىداي پايدالانىپ، ستراتەگيالىق تۇسىنىستىكتى تەرەڭدەتىپ، ستراتەگيالىق ءوزارا سەنىمدىلىكتى جاپپاي كۇشەيتۋى كەرەك. جۇڭگو مەن وزبەكستاننىڭ دامۋ نىساناسى ۇقساس، تانىمى قابىسادى، ەكى جاقتىڭ جۇڭگونىڭ ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى قولداۋداعى 8 ءتۇرلى ارەكەتىمەن بەلسەنە ۇشتاستىرىپ، ءداستۇرلى سەلبەستىكتىڭ كومەسكى كۇشتەرىن ىشكەرىلەي اشىپ، ەكونوميكا - ساۋدا جانە قارجى قوسۋدىڭ ورتا، ۇزاق مەرزىمدىك سەلبەستىك جوباسىن ويداعىداي تياناقتاندىرىپ، اناعۇرلىم كوپ قارجى قوسۋ جانە ساۋدانى قولايلىلاندىرۋ شارالارىن شىعارىپ، نەگىزدىك قۇرىلعلار، اۋىل شارۋاشىلىق جوعارى عىلىم - تەحنيكا باقشا رايونى قۇرىلىسى سياقتى سەلبەستىكتەردى كەڭەيتۋىنە بولادى، جۇڭگو جاق وزبەكستان جاقتىڭ اناعۇرلىم كوپ ساپالى ونىمدەرىن يمپورت ەتۋدى قالايدى. ەكى جاق جۇڭگو - قىرعىزستان - وزبەكستان تەمىر جول نىسانى قۇرىلىسىن ەرتەرەك باستاپ، ”قاتتى تۇتاسۋ“ مەن ”جۇمساق ۇشتاسۋدى“ قاتار ىلگەرىلەتىپ، ستەرەولدى ۇلاستىرۋ - تۇتاستىرۋ تورىن قۇرىپ، وزبەكستاننىڭ ”قۇرلىقتىق تۇيىق ەلدەن“ ”قۇرلىقتىق تۇتاسقان ەلگە“ قاراي بۇرىلىس جاساۋىنا دەم بەرۋى كەرەك. جۇڭگو جاق وزبەكستان جاقپەن جاڭا ەنەرگيالى اۆتوموبيل تۇتاس كاسىپ تىزبەگى سەلبەستىگىن كەڭەيتۋدى، فوتوۆولت، جەل ەلەكتر، سۋ ەلەكتر سياقتى كەلەلى نىساندار سەلبەستىگىن ورىستەتۋدى، وزبەكستان جاقتىڭ جاسىل ەكونوميكانى دامىتۋ ستراتەگياسىنا دەم بەرىپ، باياندى دامۋىن جەبەۋدى قالايدى. ەكى جاق تاعى كەدەيلىكتى ازايتۋ سەلبەستىگىن بەلسەنە ورىستەتىپ، جەرگىلىكتى ورىندار سەلبەستىگىن كەڭەيتىپ جانە تەرەڭدەتىپ، حالىققا ءتيىمدى اناعۇرلىم كوپ ينجەنەريالاردى قۇرۋى كەرەك. گۋمانيتارلىق اۋىس - كۇيىستى تەرەڭدەتىپ، ۇزدىكسىز مادەنيەت كۇنىن، كوركەمونەر فەستيۆالىن ءوزارا وتكىزىپ، ءوزارا مادەنيەت ورتالىعىن قۇرۋدى جەدەلدەتىپ، حانزۋ ءتىلى وقىتۋ سەلبەستىگىن كەڭەيتىپ، جاستاردىڭ اۋىس - كۇيىسىن كۇشەيتۋگە قولداۋ كورسەتۋ كەرەك، جۇڭگو جاق وزبەكستان جاستارىنىڭ جۇڭگوعا كەلىپ ۇيرەنۋىنە ءتىپتى دە كوپتەپ ۇكىمەتتىك وقۋ سيلىق قاراجاتى سانىن بەرۋدى قالايدى. جۇڭگو جاق وزبەكستان جاقپەن سايكەسۋدى، سەلبەسۋدى كۇشەيتىپ، ءار جاقتىڭ ىنتىماعىن، سەلبەستىگىن ىلگەرىلەتىپ، شاڭحاي سەلبەستىك ۇيىمىنىڭ دۇرىس دامۋ بەتالىسىن بىرگە قورعاپ، جۇڭگو - ورتا ازيا شي - ان باسشىلار باس قوسۋىنىڭ جەتىستىكتەرىن مۇقيات تياناقتاندىرىپ، جۇڭگو - ورتا ازيا مەحانيزمىن ساپالىلاندىرىپ، كۇشەيتىپ، دۇنيە جۇزىلىك جانە وڭىرلىك باسقارۋدى جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.

　　ميرزيويەۆ مىنالاردى ءبىلدىردى: مەنىڭ بيىل العاشقى ساپاردا جۇڭگونى تاڭداۋىم ماڭىزدى سيمۆولدىق مانگە يە. وزبەكستان، جۇڭگو حالىقتارىنىڭ مىڭ جىلدىق ءداستۇرلى دوستىعى بار، ەكى ەل قارىم - قاتىناسى جوعارى دەڭگەيدە دامىپ كەلەدى. مەن ءار جولى جۇڭگوعا ساپارلاي كەلگەنىمدە، جۇڭگونىڭ رەفورما، دامۋ ىستەرىندە قول جەتكىزگەن شۇعىلالى تابىستارىنا تامسانامىن. ءتوراعا شي جينپيڭنىڭ ءدانىشپان باسشىلىعىنىڭ ارقاسىندا، جۇڭگو ەكونوميكالىق دامۋ، جاڭالىق جاراتۋ قابىلەتى سياقتى كوپتەگەن جاقتاردا دۇنيە جۇزىندەگى قۋاتتى ەلگە اينالدى، جۇڭگونىڭ، ءسوز جوق، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ساپارىندا تىڭ دا اناعۇرلىم زور تابىستارعا قول جەتكىزەتىنىنە سەنەمىن. وزبەكستان جۇڭگونىڭ تابىستى دامۋ تاجىريبەلەرىن ۇيرەنىپ جانە ودان ۇلگى الىپ، وسىزامانداندىرۋ جولىنداعى ساپارلاسقا اينالىپ، ەكى ەل حالىقتارىنا باقىت جاراتۋدى قالايدى. وزبەكستان مەن جۇڭگونىڭ قارىم - قاتىناسى وسكەلەڭ ساياسي سەنىمدىلىك، ءوزارا قۇرمەت ەتۋ جانە ءوزارا كومەكتەسۋ نەگىزىندە قۇرىلعان. مەن ءتوراعا شي جينپيڭنىڭ ەكى ەل قارىم - قاتىناسىن ونان ارى دامىتۋ جونىندەگى پىكىرىن بۇكىلدەي قۇپتايمىن، ءتوراعا شي جينپيڭمەن بىرگە وزبەكستان - جۇڭگو قارىم - قاتىناسىنىڭ جاڭا داۋىردەگى بارلىق جاعدايدا بىردەي جالپى بەتتىك ستراتەگيالىق سەرىكتەستىك قارىم - قاتىناس دەڭگەيىنە كوتەرىلگەنىن جاريالاعانىما توتەنشە قۋانىشتامىن، وسى رەتكى ساپاردى ماڭىزدى وراي ەتىپ، ءوزارا سەنىمدىلىكتى اناعۇرلىم بەكەمدەپ، تەرەڭدەتىپ، جالپى بەتتىك سەلبەستىكتى كەڭەيتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرىپ، ەكونوميكا - ساۋدا، اۋىل شارۋاشىلىعى، جاسىل ەنەرگيا، جەرگىلىكتى ورىن، ساياحات سياقتى سالالارداعى ناقتى سەلبەستىكتە اناعۇرلىم كوپ تابىستارعا قول جەتكىزۋدى ىلگەرىلەتىپ، گۋمانيتارلىق اۋىس - كۇيىستى جيىلەتۋدى كۇتەمىن. وزبەكستان جاق ءبىر جۇڭگو پرينسيبىنەن بۇلجىمايدى، سىرتقى كۇشتەردىڭ جۇڭگونىڭ ىشكى ىسىنە كيلىگۋىنە باتىل قارسى تۇرادى، تايۋانعا، شينجياڭعا، ادامدىق ۇقىققا ساياتىن جۇڭگونىڭ وزەكتى مۇددەسىنە بايلانىستى ماسەلەلەردە جۇڭگونى باتىل قولداپ، جۇڭگو جاقپەن بىرگە ”ءۇش ءتۇرلى كۇشكە“ سوققى بەرىپ، ءوز ەلىنىڭ جانە ءوڭىردىڭ حاۋىپسىزدىگى مەن ورنىقتىلىعىن قورعاۋدى قالايدى. تاياۋدا وزبەكستان مەن جۇڭگو جەرگىلىكتى ورىندار سەلبەستىك تالقىسى، 100 مەكتەپ سەلبەستىك تالقىسى، ساياحاتتى تانىستىرۋ جانە وزبەكستان مادەنيەت كۇنى، كەدەيلىكتى ازايتۋ تالقىسى سياقتى باي مازمۇندى قيمىلدار وتكىزدى، مۇنىڭ كوبى وزبەكستان تاريحىندا تۇڭعىش رەت وتكىزىلىپ، ەكى ەل حالىقتارىنىڭ دوستىق سۇيىسپەنشىلىگىن، سونداي - اق وزبەكستان - جۇڭگو قارىم - قاتىناسىندا قول جەتكەن سۇبەلى تابىستار مەن وراسان زور كومەسكى كۇشتەردى تولىق دالەلدەدى. وزبەكستان جاق ءتوراعا شي جينپيڭ العا قويعان دۇنيە جۇزىلىك سەلبەستىك باستاماسىن باتىل قولدايدى، جۇڭگومەن بىرگە بەلسەنە تياناقتاندىرۋدى، ىلگەرىلەتۋدى قالايدى. بىلتىر 5 - ايدا وتكىزىلگەن شي - ان جۇڭگو - ورتا ازيا باسشىلار باس قوسۋى ءوڭىردىڭ ۇلاستىرۋ - تۇتاستىرۋىن جانە دامىپ، گۇلدەنۋىن كۇشەيتۋدە تاريحي مانگە يە، وزبەكستان جاق جۇڭگو جاقپەن تىعىز سەلبەسىپ، جۇڭگو - ورتا ازيا مەحانيزمىنىڭ حاتشىلار باسقارماسىن تەز ارادا قۇرىپ، جۇڭگو - ورتا ازيا مەحانيزمىنىڭ دامۋىن، زورايۋىن ىلگەرىلەتۋدى، سونىمەن بىرگە، شاڭحاي سەلبەستىك ۇيىمى سياقتى كوپ جاقتى جۇلگەدەگى قارىم - قاتىناستى، سايكەسۋدى ۇزدىكسىز كۇشەيتۋدى قالايدى. مەن وزبەكستان – جۇڭگو قارىم - قاتىناسىنىڭ بولاشاعىنا كامىل سەنەمىن.

　　كەڭەستەن كەيىن ەكى ەلدىڭ مەملەكەت باسشىلارى «جۇڭحۋا حالىق رەسپۋبليكاسى مەن وزبەكستان رەسپۋبليكاسىنىڭ جاڭا عاسىرداعى بارلىق جاعدايدا بىردەي جالپى بەتتىك ستىراتەگيالىق سەرىكتەستىك قارىم - قاتىناس ورناتۋ جونىندەگى بىرلەسكەن مالىمدەمەسىنە» قول قويدى جانە ونى جاريالادى ءارى ”ءبىر بەلدەۋ، ءبىر جولدى“ بىرگە قۇرۋ، دۇنيە جۇزىلىك دامۋ باستاماسى، ەكونوميكالىق - تەحنيكالىق سەلبەستىك، ۇلاستىرۋ - تۇتاستىرۋ، ەكولوگيالىق ورتا قورعاۋ، جاڭا ەنەرگيا، عىلىم - تەحنيكا، گۋمانيتارلىق، اۋىل شارۋاشىلىق ونىمدەرىنىڭ بازارعا كىرۋىنە رۇقسات ەتۋ، جەرگىلىكتى ورىندار سياقتى سالالارداعى ءبىرقىدىرۋ سەلبەستىك قۇجاتىنا قول قويۋعا بىرگە كۋا بولدى.

　　كەڭەستەن بۇرىن شي جينپيڭ مەن حانىمى پىڭ لييۋان حالىق سارايىنىڭ سولتۇستىك زالىندا ميرزيويەۆ پەن حانىمى ميرزيويەۆاعا ارناپ قارسى الۋ سالتىن وتكىزدى.

　　تيان - انمىن الاڭىندا 21 رەت ساليۋت اتىلىپ، قۇرمەت قاراۋىلى ساپ تۇزەپ قۇرمەت ءبىلدىردى. ەكى ەلدىڭ مەملەكەت باسشىلارى كوزدەن كەشىرۋ مىنبەسىنە شىقتى، اسكەري وركەستر جۇڭگو مەن وزبەكستاننىڭ مەملەكەت اندەرىن ورىندادى. ميرزيويەۆ شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.

　　سول كۇنى كەشتە شي جينپيڭ مەن پىڭ لييۋان حالىق سارايىنىڭ التىن ءتۇستى زالىندا ميرزيويەۆ پەن ونىڭ حانىمىنا ارناپ قارسى الۋ قوناعاسىن بەردى.

　　ۋاڭ ي جوعارىداعى قيمىلدارعا قاتىناستى.

　　كەلۋ قاينارى: حالىق تورابى

　　1 - ايدىڭ 24 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن وزبەكستاننىڭ زۇڭتۇڭى ميرزيويەۆپەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ سولتۇستىك زالىندا ميرزيويەۆكە ارناپ قارسى الۋ سالتىن وتكىزۋدە.

　　سۋرەتتى شينحۋا اگەنتتىگىنىڭ ءتىلشىسى يۋە يۋەۋەي تۇسىرگەن

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved